عروسات المستقبل تعالوا اقولكم.. جزء 2

[هنودة هنانيدو]

مشكوووووووووووووووووووره

تسلمى يا ام العراق

نودي ازيك ياقمر وحشاني
انتي ايه اخبارك

اهلا يا نور انا كويسة بخير يا جميل انتى كمان وحشتنيى

[هنودة هنانيدو]

بالنسبه بقى لليفه انا ملقيتش صورة زى اللى عندى بس هى بتكون بيج زى الخيش كده بس اتقل..ومحطوطه فى كيس شفاف مرسوم عليه جمل...ايه عرفتيها؟؟؟؟

بالمرز يا بسبوسة تقبل على كيرلى يعنى حيخلى الشعر لزق فى بعضه خليه سبيروم او كريم تصفيف خفيف على الشعر

بالنسبة الليفة انا مش عارفة بصراحة هى ولا وياريت لو حد من البنات عارف اذا كانت هى ليفة مغربية ولا يقولنا عامة ديه صورة لليفة مغربية اللى اقصدها

[/URL]

[/URL]

[هنودة هنانيدو]

السلام عليكم ورحمة الله وبركاته

إزيك يا هنودة

مبارك على الجزء الجديد وربنا يبارك فيكِ وينفع بكِ المسلمات

عايزة أسألك على حاجة أنا شعري خفيف جدا وناعم جدا يعني مجرد ألفه طاقية ساعتين يكون مفرود وحلو بس مشكلته إنه خفيف ومفيش تسريحة بتثبت عليه

يعني أنا يوم كتب كتابي الكوافيره عملته كيرلي لأني رفضت أضيف زوائد لحرمانيتها وطبعا شعري خفيف مش ينفع فيه فورمة المهم يدوب ساعتين ولقيت الكيرلي بدأ يتفرد ومش ثبت خالص

مش عارفة أعمل إيه يوم زفافي أسرحه إزاي ولا أعمل فيه إيه وخايفة من الكوي يعني جربته يوم كتب كتابي أول مرة في حياتي

ربنا ستر ومحصلش حاجة لأني غسلته بعدها بيومين

يعني فرحي إسلامي لأني منتقبة وكده كده مش هظهر على رجال بس ماما بتقولي خليكي محجبة وأنا مش عارفة أعمل إيه

معلشي بزهقك يا هنودة

مبروك يا قمر على الفرح مقدما ربنا يتتم ليكى بكل الخير بالنسبة لشعرك لو كوافيرة شاطرة حتعرف تعملك تسريحة حلوة وتثبتها لان فيه اسبراى الشعر ده بيثبت التسريحة ومادول انتى عاملة فرح اسلامى ليه تلبسى حجاب خليكى بشعرك ما دول بنات فقط .. فعلا كيرلى يبقى افضل حاجة عشان يضخم الشعر

[basbosa.2]

مرسىىىىىى يا احلى هنوده

[هنودة هنانيدو]

وانا كمان بحبك يا هنوده اموووووووووااااااااااااه

ربنا يخليكى يارورو

[هنودة هنانيدو]

ايه رايكم نهاردة نتكلم على مواعيد الاهتمام ببنفسنا ايام الزواج ؟؟

احنا حنقسمه لمرحلتين :::::::::
مرحلة الاولى :: اللى هى حتبقى ان شاء الله اول اسبوعين او شهر فى الزواج " honey moon "

تانى مرحلة :: اللى بتبقى بعد انتهاء اجازة الزوج وروجوعه للشغل

تعالوا بقى نشوف النهاردة اول مرحلة ...

طبعا اول ايام الزواج الامور بتبقى متلخبطة يعنى بتبقى عروسة جديدة كل حاجة حواليكى جديدة وبيبقى الزوج طبعا فى اجازة وبتقضوا معظم الوقت مع بعض عشان كدا مش بيبقى فيه وقت انك تعملى نفس الحاجات من ماسكات وحمام مغربى ولف الشعر زى ما كنتى بتعملى قبل كدا

عشان

اولا مش حيبقى مقبول انك تسيبى زوجك قاعد لوحده بكذا ساعة وتدخلى تعملى ماسك وتعملى سويت وتلفى شعرك
وتانى حاجة احنا اتفقنا انه مفروض زوجك مش يشوفك وانتى بتعملى حاجات ديه خليها بتاعتك انتى

طيب حنعمل ايه فى الايام ديه ؟؟؟

اول حاجة سويت انتى مش حتحتاجى تعملى تانى بعد الفرح باسبوعين لانه اصلا حيكون مظهرش او طلع خفيف يبقى اول ما زوجك يرجع شغله ابقى اعملى قبل كدا لو انتى من النوع الشعر حيطلع عندك سريع ابقى استخدمى بروان فى وقت زوجك بيصلى او نزل يشترى طلبات

بالنسبة سكراب وحمام مغربى طبعا بياخد وقت وجسمك حيكون من قبل الفرح انتى عامله حمام مغربى يعنى خلايا الميتة مش حتظهر بشكل قوى مش حتحتاجى تعملى تانى حمام مغربى اجليه لبعد كدا .ز لو حسيتى ان جسمك محتاج سكراب اعملى ليمون + ملح بيبقى سريع

طيب والماسكات استبدليها بكريمات الترطيب عندك يعنى حطى كريم للوجه واستخدمى غسول عشان الميكب وكريم الايد حتبقى ناعمة

بالنسبة لجسمك بعد ما تاخدى شاور ابقى مرة حطى كريم معطر ومرة بيبى جونسون ومرة زيت اللوز حيبقى جسمك بردو ناعم جدا ومش طبعا كل يوم تعملى كدا يعنى كل كام يوم تعملى كدا

الشعر زى ما قولنا انك حتغسليه كتير فى الاول عشان كدا بلاش كل مرة نستخدم شامبو يعنى مرة اغسليه بشامبو ومرة لا عشان ميضرش الشعر

بالنسبة كريم التصفيف او الزيوت خليها حاجة خفيفة زى السيروم عشان الشعر يمتصه بسرعة

ان شاء الله نكمل باقى الكلام

[م.هبة]

كالعادة يا قمر ... كلامك جميل وتفكيرك فى مناقشة مواضيع معينة بتكون فى بالنا ده أجمل
وفعلا كنت حسألك سؤال فى نفس الموضوع اللى بتشرحيه

[ميويا86]

أزيك ياهنودة؟ماشاء الله موضوعك النهاردة جمييييييييل كالعادة
بس مافهمتش ازاي مش نغسل الشعر كل مرة بشامبو؟يعنى يتغسل بماء بس؟

وياريت تبعتيلي اللينك لوينفع
معلش بنتعبك معانا وبحييكي تاني علي موضوعك.

[ملوكة 12]

أزيك يا هنوودة
انا بجد بقى شئ اساسى عندى أدخل كل يووم على موضوعك وأشوف كلامك
بجد أنتى رأيك وذوقك كمان عااالى جدااا يا قمر
يا رب دايما بالتوفيق والسعادة يا هنوودة
ولو مفيهاش تعب يا ريت اللينك

[mersa]

شكرا على المواضيع المفيده جدا