السلام عليكم
كيفكم يا صبايا شو الاخبار
بما اني اتبعت نظام غذائي معين ومن ضمنه خبز القمح فقلت خليني اخبز خبزاتي بلا ما اجيبهن من السوق هههههههه
عملت خبز قالب
المقادير
2 كاس طحين قمح
1 ملعقه صغيره زبده
1 ملعقه صغيره خميره
1 بيضه
1 ملعقه صغيره سكر
رشة ملح
ماء فاتر للعجن
الطريقه
نبس الطحين بالزبده +البيض
نضيف الملح والسكر والخميره ونحرك ثم نعجن بالماء الدافي
نترك العجينه تتخمر
دهنت قالب الخبز بملعقه صغيره من زيت الزيتون +ملعقه صغيره من الزعتر المطحون للنكهه فقط
عملت العجينه على شكل قالب وضعتها بالقالب وتركتها تتخمر كمان مره جيدا
ودهنت الوش كمان بنفس خليط الزيت والزعتر
خبزتها على وسط الفرن على 180 درجه
الخبزات التانيين كانو
الهامبورغر
كمان بطحين القمح الخالص
المقادير
2 كاس طحين
2 ملعقه كبيره زيت زيتون
1 ملعقه صغيره خميره
1 ملعقه صغيره سكر
رشة ملح
نصف كاس حليب نسبة الدسم 1 بالميه فقط
ماء فاتر اذا لزم الامر
2 ملعقه شوفان
الطريقه
نبس الطحين بالزيت ونضيف الخميره +السكر +الملح
نعجن بالحليب الدافي ثم نضيف الماء اذا لزم
وبعدها انا اضفت الشوفان
تركتها تتخمر
شكلت العجينه على شكل طابات وتركتها تتخمر كمان مره وخبزتها على 180 درجه في وسط الفرن
الف صحه وعافيه يا رب
وهي طلع عندي خبزات انظف من الشراء كتيرررررررررررررررررررررررررر ولا شو رايكم
الروابط المفضلة