مدارس مدارس .......الجزء السابع

[adam_mh]

ام جوري

ام جوري

شكرا علي ردك وسرعته بس معليش هتقل عليكي ممكن باقي math
بالنسبه لموضوع بييرو امهات مثاليات اسالي زقزوقه هيا الي قالت

بيررو
صباح الكاكاو نشوفيك بليل

[ma3lenahhh]

كل الاحترام لقانون المنتدى

مراعاة أن هذا المنتدى يكتب فيه المرأة والرجل، فنرجو الالتزام بالآداب وعدم التساهل بين الإخوة والإخوات واللين في الحديث ((ولا تخضعن بالقول)).

لقانون المنتدى كل الاحترام و شكرا لحضرتك جدا بس انا عاوز اعرف هل انا اخطات فى شىء ام حضرتك مجرد بتورينى قانون المنتدى ؟

[معمارية مصرية]

الاخ ابو مازن لم تقصد الاخت ام جوري الا التذكرة لنا فقط
" وذكر فان الذكرى تنفع المؤمنين"
اما بخصوص مشكلة الانشطه فاعتقد ان اغلب مصروفات المدارس تشمل الرسم والموسيقى ان وجدت والمكتبة وpe واعتقد انها الرياضات الخفيفة التي لاتحتاج ال ملاعب مخصصة لها
اما الانشطة التي تحتاج ملاعب ككرة القدم و ركوب الخيل ان وجد اعتقد انها يكون لها مصروفات خاصه بها
واتمنى ان كان لاحد معلومات اكثر ان يضيفها لفائدة الجميع

[ma3lenahhh]

شكرا لحضرتك

الاخ ابو مازن لم تقصد الاخت ام جوري الا التذكرة لنا فقط
" وذكر فان الذكرى تنفع المؤمنين"
اما بخصوص مشكلة الانشطه فاعتقد ان اغلب مصروفات المدارس تشمل الرسم والموسيقى ان وجدت والمكتبة وpe واعتقد انها الرياضات الخفيفة التي لاتحتاج ال ملاعب مخصصة لها
اما الانشطة التي تحتاج ملاعب ككرة القدم و ركوب الخيل ان وجد اعتقد انها يكون لها مصروفات خاصه بها
واتمنى ان كان لاحد معلومات اكثر ان يضيفها لفائدة الجميع

شكرا لحضرتك جدا اخت معماريه مصريه و انا طبعا مدرك لقانون المنتدى و ان شاء الله تجدونى عند حسن ظنكم بى
و شكر للاخت ام جورى على تذكيرها لى بالقانون الخاص بالمنتدى و ان شاء الله اكون عند حسن ظن جميع الاخوات

انا نسيت اقولكم ان مناره الايمان دى فى مدينه نصر فى الحى العاشر و كان اختيارى ليها بناء على كلام جيد عنها فى المنتدى و بعدين زرتها انا و زوجتى و اتفقنا انها ان شاء الله هتكون كويسه بعد الاستخاره طبعا بس فجاه لقيت الكلام ده فى موضوع فى المنتدى بس قلت يمكن ده متبع فى مدارس تانيه و يمكن انا معرفوش عشان ده اول طفل ليا يدخل مدرسه و مش عارف نظام المدارس ايه
عشان انا اللى انا فاكره ان طالما هندفع مبالغ كبيره مش قليله مفروض ان الحاجات دى تكون من ضمن المصاريف بس الظاهر انا فاكر غلط
فعشان كده حبيت اخد رايكم و تدونى خبرتكم

انا على فكره لفيت على اكتر من مدرسه منهم شيراتون هليوبليس و الرواد و القاهره و المصريه و على فكره انا اتقبل ابنى فى المصريه بس سبحان الله مش عارف ربنا مكنش ليه مشيئه انى ادخله هناك
و رحت النزهه للغات و طيبه المتكامله و لو حد يحب يسال عنهم انا تحت امره
و شكرا

[Walaa mostafa]

egypt dreams is really good it is semi international with a good price
انا كل صحابي اللي موديين فيها ساكنين في الهرم والاولاد بيكونوا في البيت حوالي الساعة 3.30 او 4 علشان المدرسة بتخلص 2.30 او 2.45 ، الملاحظ ان معظم المدارس بتخلص 1.30 اكيد في فرق فكمية الحصص
انا كنت قريت في الاجزاء الاولي انك كنتي بتشتكي من جينيس

[sally 22]

شكرا لحضرتك جدا اخت معماريه مصريه و انا طبعا مدرك لقانون المنتدى و ان شاء الله تجدونى عند حسن ظنكم بى
و شكر للاخت ام جورى على تذكيرها لى بالقانون الخاص بالمنتدى و ان شاء الله اكون عند حسن ظن جميع الاخوات

انا نسيت اقولكم ان مناره الايمان دى فى مدينه نصر فى الحى العاشر و كان اختيارى ليها بناء على كلام جيد عنها فى المنتدى و بعدين زرتها انا و زوجتى و اتفقنا انها ان شاء الله هتكون كويسه بعد الاستخاره طبعا بس فجاه لقيت الكلام ده فى موضوع فى المنتدى بس قلت يمكن ده متبع فى مدارس تانيه و يمكن انا معرفوش عشان ده اول طفل ليا يدخل مدرسه و مش عارف نظام المدارس ايه
عشان انا اللى انا فاكره ان طالما هندفع مبالغ كبيره مش قليله مفروض ان الحاجات دى تكون من ضمن المصاريف بس الظاهر انا فاكر غلط
فعشان كده حبيت اخد رايكم و تدونى خبرتكم

انا على فكره لفيت على اكتر من مدرسه منهم شيراتون هليوبليس و الرواد و القاهره و المصريه و على فكره انا اتقبل ابنى فى المصريه بس سبحان الله مش عارف ربنا مكنش ليه مشيئه انى ادخله هناك
و رحت النزهه للغات و طيبه المتكامله و لو حد يحب يسال عنهم انا تحت امره
و شكرا

ياريت تدينا فكرة عن المدارس اللي زورتها عشان الكل يستفيد

[first one]

السلام عليكم ، انا اول مرة اشارك فى المنتدى ده ولقيتكم بتسألوا عن بلووم – انا ولادى الاثنين فى بلووم من اول ما فتحت من سنتين هما دلوقتى رايحيين kG2 و Prim.2 – انا اللى شجعنى ادخلهم هناك انها قريبة جدا من بيتى ولما دخلتها كانت لسه اول سنة عجبنى اوى شكل المدرسة والمبانى والمساحات الخضراء حسيت ان فيها ذوق راقى كده واللى شجعنى اكتر لما قابلت مدير المدرسة والمدرسين بصراحة لقيتهم ناس محترمين جدا ، الحمد لله بعد سنتين فى بلووم انا مبسوطة جدا من مستوى ولادى الاثنين و لأنى كنت فى اول دفعة تدخل المدرسة اخذت خصم 20 % على المصاريف والحمد لله المصاريف مازادتش خالص فى السنة الثانية والخصم اللى خدته اول سنة حايفضل معايا على طول
انا ممكن اشرحلكوا بالظبط نظام المناهج ايه – هى المدرسة Semi international وده مش معناه انها بتدرس منهج امريكى ولا بريطانى ده معناه – انهم بياخدوا من المناهج الــInternational حاجات تخدم المناهج الناشيونال
يعنى طرق وافكار فى بعض المواد – زى الــ English بيدرسوا Macmillen فى A- Level ومعاه كتاب امريكانى اسمه Moving Into English ده بيركز على تحسين الــ Oral English ، كمان فى مادة اسمها Mental Math ( غير الــ UcMas ) دى مناهج British المدرسة دخلتها من اول سنة بتساعد الولاد يفكروا فى اكثر من طريقة لحل المسائل ، البوكلت بتاعها ظريف اوى ابنى اللى رايح Prim.2 كان بيحب يحله بس المشكلة انها حصة واحدة فى الاسبوع والــ International English كان حصة واحدة السنة الاولى بس زودوه حصتين بعد كده ، فى منهج كمان كندى فى الكمبيوتر اسمه Techno kids الولاد بيدرسوه من الــ KG وده داخل اليوم الدراسى عجبنى فيه اوى انه كله عملى والولاد يتعلموا الــ Office من KG2 وبيعملوا Projects – اما فى الــ KG بيدرسوا كتاب I Can وده كتاب كله بيركز على الـOral والحروف بتدرس بطريقة الــPhonics والطريقة دى انا نفسى ما كنتش متخيلة قد ايه هى كويسة الا لما لقيت ابنى اللى لسه مخلص kG1 بيقرا كلمات من 3 حروف و 4 حروف لوحده من غير ما يكون خدها فى الكراسة – برده الaccent بتاعة المدرسات فى الـKG ممتازة مع انهم مش اجانب بس كلهم خبرة وطالعين اصلا من مدارس لغات أو International الحاجة الوحيدة اللى كانت مضايقانى فى المدرسة اول سنة ان حسيت الاهتمام بالدين مش زى مانا عايزة لدرجة انى فكرت احولهم لمدرسة ازهرى لغات بس الحمد لله لما اشتكينا لادارة المدرسة الناس استجابوا وزودوا حصص تحفيظ القرآن وعملوا منهج زيادة فى التربية الاسلامية بيركز على تقويم السلوك عند الاطفال وخصصوا وقت لصلاة الظهر فى الفسحة ، اما فى الــ KG فكل يوم فى تحفيظ قرآن ربع ساعة الصبح.
على فكرة يا جماعة ما فيش فرق كبير بين الــ American English و الــ British English غير فى الـ accent وطريقة كتابة بعض الكلمات والــ American English هو المنتشر اكثر بين الناس .

[azzanour]

ليدرز

اهلا بيكى اولا....ليدرز كنت سالت فى الأدارة التعليميه وشكرو فيها كتير بس هى بعيدة عنى كتير ......بيونير ومجمع القوميات حتلاقى كلام كتير عليهم فى الجزء الرابع[/QUOTE]

اهلا بيكى ياazzanour انا كمان عضو جديده بس عايزه انصحك بحاجه بلاش كل شوية تنقلى البنت فى مدرسة ده بيسبب لها مشاكل نفسيه لانها كلما تقوم يعمل صداقات تنقل وانت بتقولى المدارس اصبحت قريبه من بعض فى المستوى انا كمان نقلت ابنى الكبير فى اكثر من مدرسة 3 مدارس وبعدين حسيت ان الموضوع اثر معاه فبقيت الآن فى المدرسة اللى هو فيها وفى الآخر كله اهم حاجه اليبت

شكرا يا جماعة على الردود، كلامك صح يأم يوسف بس البنت هيا الى عايزة تنقل و بعد ما شافت ليدرز عمالة تزن على النقل. أحنا رحنا ليدرز و الأنترفيو سهل زيادة عن اللزوم للبنت الصغيرة لدرجة جوزى بيقول شكلهم زى المدارس الى كنا فيها!!

أما بالنسبة للجزء الرابع أو غيره ألولحد بيقعد يدور سنة فى المواضيع القديمة لأن البحث مش شغال كويس فمش عارفة أجيب حاجة عن بيونيرز. بالنسبة لقومية 6 اكتوبر لقيت الموضوع ده فيه معلومات مفيدة عن المدرسة

http://www.6ocity.net/vb/archive/index.php/t-1039.html

[lara mother's]

يارب يارب يا ام جورى ربنا يطمنك يارب يارب

[ma3lenahhh]

ياريت تدينا فكرة عن المدارس اللي زورتها عشان الكل يستفيد

اول زياره ليا كانت لمدرسه الرواد : و لما دخلت حسيت انهم تايهين و مدونيش اى معلومات عشان كان لسه باب التقديم مفتحش عشان انا روحت فى شهر 3 اللى فات و كل ما اسالهم على حاجه يقولوا لما تيجى تقدم هتعرف المهم سبتها و و ليا واحد زميلى اخته شغاله مدرسه هناك و قالتله لا بلاش مش حلوه اوى
وبعدين رحت المدرسه اللى جمبها علطول و اسمها القاهره و دى من و انا على الباب لقيت طالبه فى ثانوى دخله المدرسه بلبس عادى الساعه تقريبا 12 الظهر و جاتلها المشرفه و بتقولها ادخلى بس متتاخريش كده تانى ساعتها بصيت لزوجتى و فهمنا انها سايبه و مفيش حزم
و بعدين روحت مدارس شيراتون هليوبليس دى مصاريفها 6000 من غير الباص و الباص تقريبا 2500 على ما افتكر و كانت صحيح كل من الرواد و القاهره فى حدود ال 4500 جنيه من غير الباص
المهم عملنا مقابله فى شيراتون و قالولنا الولد اتقبل و قلتلهم عاوز اعمل تور فى المدرسه و فلا لفيت فيها و الفصول حلوه و جميله بس الحمامات مش قد كده و لقيت عاملين منطقه الالعاب لل كى جى متحوطه بسور زى بتوع المساجين و الملعب الاصلى كمان ضيق و سالنا على الدين قالوا زى منهج الوزاره و خلاص
المهم سبتهم و قلنالهم فى خلال اسبوعين هنكون قررنا و احنا خارجين لقينا طلبه اولاد فى ثانوى واقفين فى خلال اليوم الدراسى بره المدرسه و بيهرجوا مع مدرس واقف ورا الباب عشان يفتحلهم و يدخلوا - برضه ده معناه تسيب
رحت بعد كده طيبه اللى فى طريق مصر الاسماعيليه الصحراوى و دى فعلا مدرسه شياكه و جميله و قعدنا مع المديره و ملينا الابليكشن و اتحدد ميعاد للمقابله و كنا فرحانين بيها اوى و روحنا و احنا بنحلم ابننا لما يبقى فيها
و ليا جارتنا ولادها كانوا فيها من كى جى لحد ثانوى و كلمناها و قالت مدرسه حلوه بس مختلطه فى الفصل نفسه و الطلبه بياخدوا دروس كتير جدا و ان صاحبها صديق عفيفى بعد ما فتح حاجات تانيه مبقاش فاضيلها و مبقتش زى الاول

[أم جورى]

لقانون المنتدى كل الاحترام و شكرا لحضرتك جدا بس انا عاوز اعرف هل انا اخطات فى شىء ام حضرتك مجرد بتورينى قانون المنتدى ؟

حضرتك انا نقلت الجملة دى من قوانين المنتدى علشان خفت انى اكون اتسرعت فى الرد وسمحت ليك بالمشاركة فحبيت أوضح ان المشاركة متاحة ولكن بالشرط اللى مكتوب ودى زى ما قالت معمارية تذكرة لينا كلنا مش موجهة لحد معين

[ma3lenahhh]

حضرتك انا نقلت الجملة دى من قوانين المنتدى علشان خفت انى اكون اتسرعت فى الرد وسمحت ليك بالمشاركة فحبيت أوضح ان المشاركة متاحة ولكن بالشرط اللى مكتوب ودى زى ما قالت معمارية تذكرة لينا كلنا مش موجهة لحد معين

انا متشكر لحضرتك جدا و ذوق الجميع معى و ان شاء الله اكون عند حسن ظنكم و اكون اخ ليكم و اقدر اساهم فى رساله المنتدى الجميله و نرجوا من الله سبحانه و تعالى انوا يوفقنا لما هو افضل لاطفالنا جميعا

[dodiko]

اناعاوزاها خاصه ومصاريفها متوسطه وقريبه من حدائق الاهرام ولو حد عنده فكره عن معهد ازهري خاص كمان قريب منها

[lemanita]

يا جماعة مفيش حد يعرف اخبار عن مدرسة القاهرة للغات في 6 اكتوبر انا قدمت لأبني فيها انا شايفة الناس محترمين جدا والمكان واسع بس مسعمعتش عنها خالص عندكو علي المنتدي مفيش حد في اكتوبر خالص

هي كثافة فصولها زي ما اتقالي 20 طفل بس؟ وبياخدوا انجليش وفرنش من KG1 + Duetch من Prim 1

[أم جورى]

egypt dreams is really good it is semi international with a good price
انا كل صحابي اللي موديين فيها ساكنين في الهرم والاولاد بيكونوا في البيت حوالي الساعة 3.30 او 4 علشان المدرسة بتخلص 2.30 او 2.45 ، الملاحظ ان معظم المدارس بتخلص 1.30 اكيد في فرق فكمية الحصص
انا كنت قريت في الاجزاء الاولي انك كنتي بتشتكي من جينيس

بما ان اصحابك فيها يبقى لازم استغلك يا لولو 2 اصلى مستغلة

يا ريت تجيبيلنا تفاصيل من صحباتك اللى أولادهم هناك وده كمان هينفعنا فى موضوع فهرسة المدارس

المنهج

المصروفات للكى جى والبرى

الأنشطة

وايه عيوب المدرسة
انا فعلا كنت هنقل بس حسيت ان كله محصل بعضه وان جينيس مش سيئة للدرجة اللى تخلينى أمشى وقلت هديهم ااااااااااااخر فرصة السنة دى واشوف ايه النظام