**موضوع متميز**شوربة لسان العصفور و تبلة سلقينية وسلطة صينية لعيونكم
السلام عليكم ورحمة الله وبركاته
كيفكم يا احلى ستات
رح قدملكم التبلة السلقينية للمرة الثانية طبعا هيك طلب المشرفات وطلباتهن ع االعين والراس صورة جديدة وهاي صورة جديدة تكرم عيونهن
والطريقة على الرابط
لكن لتسهيل التصفح عملت اقتباس لعيونكم
مكوناتها نفس التبولة العادية بس البرغل لازم يكون بقد الخضرة وطريقة تحضريو غير
المكونات
كوبين برغل ناعم
دبس رمان ملعقتين
دبس بندورة اقل من ملعقة
ملعقة دبس فليفلة واذا بتحبي الاكل الحار مو مشكلة ملعقة تانية (ممكن الاستعاضة عنه بفلفل احمر مطحون)
ملح
كوب زيت زيتون
الخضرة
بقدونس
نعناع
حبة صغيرة بندورة انا احيانا ما بحط بندورة لان الدبس بيعوض عنها
خيار
مقادير الخضرة لازم تكون بعد الفرم بحجم البرغل هيك اصولها
الطريقة
بتنقعي البرغل شي ساعتين بما يلي
بشوية ماء شي يتبلل ثم اضافة دبس البندورة ودبس الرمان ودبس الفليفلة والملح وتترك ساعتين حتى يتشرب الطعم
بتكوني بهالاثناء فرمتي الخصرة انا فرمت بقدونس ونعناع وخيار وملفوف وحبة صغيرة بندورة وطبعا بصل
التحضير بتدعكي البرغل المنقوع باليد مع اضافة كوب زيت زيتون والبصل المفروم يفضل البصل اليابس
لحتى يتناسقو وبعدها بتضيفي الخصرة بالتدريج وبتسكبيها وبتقدميها انا بموت فيها جربيها كتير طيبة وخاصة انو معاها دبس رمان وووووووووو
منجي للسلطة الصينية
هي موجودة على الرابط للي بتحب تطلع ع الموضوع الاصلي فيه سلطات صينية شهية كتير
صحن الشرائط الثلاث
بان سان صو
المقادير
حبة جزر
حبة خيار
حزمة معكرونة والارز البيضاء
نصف كوب خل ارز ابيض
سن ثوم او نصف ملعقة صغيرة ثوم بودرة (انا بستخدم التوم البودرة لانه اخف )
ملعقة صغيرة ملح
3 ملاعق زيت ذرة
4 حبات تشيلي (فيلفلة حمرا ياابسة )
بهار الخواجيو 4 حبات صغار (يمكن الاستغناء عنه )
احيانا اذا كان نوع خل الارز ( قليل الحموضة بضيف ملح ليمون بمقدار نصف ملعقة شاي )
الطريقة
تبشر الجزر والخيار على شكل شرايطوتنقع في الثوم والملح وخل الارز وملح الليمون لمدة ساعة
تنقع معكرونة الارز بماء مغلي لمدة عشر دقائق ثم تصفى و تخلط مع الخيار والجزر
وتقلّى السلطة (وليس تقلى انتبهو ع الشدة هههههههه )بزيت الذرة بعد تنكيهه بالفليفلة الخواجو نفس الطريقة الي ذكرتها و ذلك بحرقها بالزيت
وتسكب في صحن التقديم وتزيت بالكزبرة الخضراء
وهذا شكل البان سان صو على فكرة هاي سلطتي المفضلة بعملها بالبيت وكل ما بطلع بتعشى برا لازمتكون اول الاطباق ههههههه
وهلق اجا دور الشوربة الخفيفة كتير والي ما بستغني عنها برمضان
شوربة لسان العصفور بالكرفس
المقادير
ربع علبة معرونة لسان العصفور
ضلعين كرفس
3 اكواب ماء سلق دجاج (ممكن ماء ومكعب ماجي )
رشة ثوم بودرة
ملعقتين زيت او ملعقة زبدة
ملعقة حمض حصرم او عصرة ليمون صغيرة
الطريقة
تحمس المعكرونة بالزيت حتى تشقر
يضاف الماء مع مكعب ماجي او مرقة دجاج وتترك حتى تغلي
يضاف الكرفس بعد غسله وتقطيعه ثم الثوم البودرة (انا زوجي ما بحب الثوم بالشوربات احيانا ما بحط )
تترك على النار لعشر دقايق (كافية لاستواء المعكرونة )
يضاف الحمض وبعدها ترفع النار وتقدم مممممممم
هاي الزبدية الكبيرة لكل بنات المنتدى
وهاي لاحلى رد مع شوية سمبوسك وسلطة صينية
وهاي لاحلى رؤى
ملاحظة ممكن تعمليها بالشعيرية الرفيعة واي نوع شعيرية سواء كانت احرف او ازهار كمان بتطلع لذيذة والاولاد بحبوها
يا ريت اطباقي تعجبكن وما بنتظر منكن غير تدعولي الله يفرجها علي
رد مع الاستدلال
[/CENTER]
كتبت بواسطة good_fatat
احسن ارفع عليك دعوة تشهير واضرار خخخخخ 
""
الروابط المفضلة