حملة الاستعداد لرمضان بالذكر و القرآن

[bero333]

مشغولة؟
رزقت بطفل جديد و مشغولة بيه جدا و مش لاقية وقت؟
عندك شغل فترات طويلة في اليوم؟
عندك أولاد و شغل البيت مش بيخلص ؟
مشغولة علي طول و مش لاقية وقت؟
حاسة بزهق و كسل و ضيق في الصدر؟
حاسة انك عمالة تجري و مش عارفة تقفي؟

تعالي الموضوع ده علشانك

بصي يا أختي المشغولة انا كمان مشغولة زيك بالظبط عندي بيبي جديد و بيبي قديم و طبعا شغل البيت زي ما انتم كلكم عارفين
عشان كده فكرت أعمل الموضوع ده لكل اللي زيي و مشغولين ربنا معانا و يعيننا
انا مش هأكتب كلام مكرر و لا هأكتب آيات في فضل الذكر و القران لأن و الحمد لله كلنا عارفين الكلام ده
انا هنا همي التنفيذ
يعني هأتكلم من قلبي لقلوبكم هأقول مشاعري انا
انا طبعا مشغولة جدا سهر بالليل شغل بيت بالنهار و حاسة بالارهاق
يعني من الاخر ماعنديش وقت أصلي زيادة لأن اصلا مع الدوامة دي لو صليت الفروض في أوقاتها يبقي الحمد لله اوي
عشان كده فكرت ايه ممكن يعوض الانشغال الدائم ده خاصة و رمضان علي الأبواب و مفيش حد يقدر يفوت رمضان عشان طبعا مفيش حد ضامن انه يشوفه تاني
اللهم بلغنا رمضان
فكرت اني ابدأ بالتدريب و الاستعداد و طبعا مفيش حاجة تحلا من غير أخوات معايا نعين بعض و نشجع بعض
أدخل في الموضوع بقي

المطلوب في الحملة:
1- الاستغفار يوميا علي الأقل 200 مرة او 10 دقائق ممكن نزود بس دي البداية طبعا
2- الصلاة علي النبي علي الأقل 100 مرة يوميا او 5 دقائق
3- قول " لا اله الا انت سبحانك اني كنت من الظالمين " علي الأقل 100 مرة يوميا او 5 دقائق .
4- قول " لا اله الا الله" علي الأقل 100 مرة يوميا او 5 دقائق
5- قراءة صفحة من المصحف
ايه مفيش وقت ؟
طيب ماشي اقري السور القصيرة اللي انتي حافظاها يعني مثلا ( المعوذتين و الاخلاص 3 مرات) و الفاتحة و اية الكرسي
راجعي لأولادك القرآن بتاعهم
او سمعي لهم
المهم لا يخلو يومك من القرآآآآآآآآآآآآآآن
6- و طبعا نحاول قدر الأمكان تكون الصلاة في مواعيدها

طبعا كل ده قابل للزيادة بس دي اول خطوة عشان نبدأ

طيب هنعمل كل ده امتي؟

و انتي بتطبخي
و انتي بترضعي ابنك او بنتك
و انتي في المواصلات رايحة شغلك
و انتي بتنضفي البيت

قبل ما تنامي
و انتي بتغسلي الاطباق
و انتي بتطوي الملابس

عشان كده انا حددت عدد او وقت لأن طبعا مش هأعرف أعد و انا بأطبخ او بأعمل اي حاجة تانية لكن ممكن ابص في الساعة ومع التعود طبعا مش هنبطل ذكر بأذن الله
و الله يا بنات لما بأعمل بكده بأحس براحة نفسية و عدم رغبة في الكلام اللي مالوش لازمة يعني لا نميمة بقي و لا حتي كلام تافه لأن الحاجة للكلام اشبعتها بذكر الله لا و ايه أخدت أجر كمان

ها مين هتشترك معايا؟
هندخل كل يوم نقول يومياتنا عشان نشجع بعض و ممنوع الغياااااااااااااب

اللي موافقة و هتيجي معايا تقول ياللا و تستعد و هنبدأ من بكرة ان شاء الله في كتابة اليوميات
و ياللا اللي هتشترك تحط ده في التوقيع و يا ريت تحط عليه الرابط للموضوع عان أكبر عدد يشترك

و ماتنسوش الدال علي الخير كفاعله
ياللا مين هتيجي؟

[MUM]

اللهم بلغنا رمضان يا رب
موضوع هادف وجميل
جعله الله في ميزان حسناتكي
انا والله زعلانة لاني هكون في فترة النفاس برمضان ومش هعرف اختم المصحف زي كل سنة ولا هعرف اصلي
بس ربنا يتقبل دعائنا ان شاءالله واذكارنا واللي حافضينوا من المصحف
ان شاءالله

[{ أم أنـــس }]

ما شاء الله علي النشاط يا بيرو من موضوع جميل لموضوع اجمل واحلي طبعا لا يوجد احلي من الذكر والتسبيح وقراءة القرآن والصلاة
الله يجعله في ميزان حسناتك
انا معك ان شاء الله بس يكون في كهرباء للدخول كل يوم وكتابة اليوميات لانه الكهرباء كل يوم بتقطع عندنا بغزة بين ال8 الي ال10 ساعات الله المعين

بس عندي سؤال كيف بتكون اليوميات متي قمت بالاستغفار والتسبيح وماذا قرات من القران؟؟
اسمحيلي بالذات قراءة القران صعبة اليومين دول ظروف ما انتي عارفة < ال7 ايام > البايخين بتوع كل شهر بس ممكن اقرا ما احفظ من القرآن الكريم لغاية ما اخلص
الله المستعان

[doaa hamdy]

رائع الموضوع يا بيرو تسلم اديكي
وانا معاكي طبعا من بكره ان شاء ربنا

[saramshmsh]

بيروووووووووووو
ما شاء الله موضوع جمييييييييييييييييل
انا معاكى من بكرة بس التوقيع مش راضلا يتحط مش عارفة اية المشكلة عندي

[جيجانو]

معاكى ان شاء الله يا اجمل بيروووووووو
جزاكى الله عنا كل الخير

اللهم بلغنا رمضان

[قرة عين لي ولك]

السلام عليكم ورحمة الله وبركاته
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه
استغفر الله الذي لا اله الا هو الحي القيوم واتوب اليه

معاكي ان شاء الله ياأحى بيرو انا حبيتك من اول ماقريت كلامك الي زي العسل ماشاء الله عليكي روحك حلوة وان شاء الله كله في ميزان حسناتك
ربنا يخليلك اولادك ياااااااااااارب ويعينا جميعا على طاعة الله ورسوله

بس ابقى قوليلنا نحط الصورة ازاي في التوقيع وجزاكم الله خيرا كثييييييييرا
اني أحبك في الله

[ربي اغفرلي 31]

جزاك الله خير.موضوع رائع يعطيك العافيه

[bero333]

اللهم بلغنا رمضان يا رب

موضوع هادف وجميل

جعله الله في ميزان حسناتكي

انا والله زعلانة لاني هكون في فترة النفاس برمضان ومش هعرف اختم المصحف زي كل سنة ولا هعرف اصلي

بس ربنا يتقبل دعائنا ان شاءالله واذكارنا واللي حافضينوا من المصحف

ان شاءالله

حبيبتي يا غالية ربنا يقومك بالف سلامة انتي و البيبي يا رب و يحفظك من كل سوء
بصي خليكي معانا من دلوقتي لغاية الولادة بأذن الله ربنا ييسر لك ولادتك يا قلبي

ما شاء الله علي النشاط يا بيرو من موضوع جميل لموضوع اجمل واحلي طبعا لا يوجد احلي من الذكر والتسبيح وقراءة القرآن والصلاة
الله يجعله في ميزان حسناتك
انا معك ان شاء الله بس يكون في كهرباء للدخول كل يوم وكتابة اليوميات لانه الكهرباء كل يوم بتقطع عندنا بغزة بين ال8 الي ال10 ساعات الله المعين

بس عندي سؤال كيف بتكون اليوميات متي قمت بالاستغفار والتسبيح وماذا قرات من القران؟؟
اسمحيلي بالذات قراءة القران صعبة اليومين دول ظروف ما انتي عارفة < ال7 ايام > البايخين بتوع كل شهر بس ممكن اقرا ما احفظ من القرآن الكريم لغاية ما اخلص
الله المستعان

يا اهلا بالغالية بحيرة البجع
انتي نورتي الموضوع يا قمر
بصي يا ستي
هنكتب في اليوميات قلنا كل حاجة كام مرة او كام دقيقة و يا ريت نقول امتي عشان ندي بعض افكار
يعني مثلا 100 استغفار اثناء غسيل الاطباق
او 30 دقيقة استغفار اثناء الطهي
و القران تقولي قريتي صفحة من المصحف ام سور صغيرة من غير مصحف
المهم لا نهجر القران
في انتظارك يا عسل

[bero333]

رائع الموضوع يا بيرو تسلم اديكي
وانا معاكي طبعا من بكره ان شاء ربنا

دودوووووووووووووووووووووووو
وحشاني موت يا عسل ربنا يتمم حملك علي خير يا رب و تقومي بالف سلامة و نصيحة من اخت استغلي الايام دي قبل البيبي ما يشرف عشان هتتشغلي و لازم تكوني متعودة علي الذكر لأن هو ده اللي هتقدري تعمليه
ياللا في انتظار يومياتك

بيروووووووووووو
ما شاء الله موضوع جمييييييييييييييييل
انا معاكى من بكرة بس التوقيع مش راضلا يتحط مش عارفة اية المشكلة عندي

سارة يا عسل
نورتي الموضوع هاستني يومياتك من النهاردة ان شاء الله و حاولي مع التوقيع تاني اعملي كوبي و بيست و بس

معاكى ان شاء الله يا اجمل بيروووووووو

جزاكى الله عنا كل الخير

اللهم بلغنا رمضان

جيجااااااااااانو
ايه النور ده ؟
انتي الاجمل يا قمر ياللا هاستني اليوميات النهاردة