شعار ♥موضوع متميز♥ كيكه التفاح بالدقيق الاسمر و حلقات التفاح المقلى بالصور

[سائله الرحمن]

السلام عليكم و ازيكم وحشتونى


اليوم هانعمل كيكه تفاح و حلقات التفاح المقلى ( بينى و بينكم عندى تفاح اخضر كتير و عايزه اخلص منه )

قلت لازم نشوفله صرفه و نعمله حاجه حلوه المهم

الكيكه اهى و كمان حلقاته المقليه




ودى حلقات التفاح المقلى

[سائله الرحمن]

نيجى للمقادير و الطريقه

مقادير الكيكه

2بيضه + نص كوب سكر + 4 م\ك زبادى( روب )

كيس فانيليا ( م\ص )+ 3\4 كوب دقيق اسمر + 3\4 كوب دقيق ابيض العادى

2 م\ص بكنج بودر +رشه ملح + 2 تفاح مقشر و منزوع اللب و متقطع حلقات

للوجه 2م\ك سكر بنى + 3م\ك لوز شرايح

الطريقه نخلط البيض مع السكر حتى يصبح هش شويه

نضيف الزبادى مع الفانيليا نخلط

نضيف الدقيق ( نخلط الدقيق الاسمر و الابيض و البكنج بودر و رشه الملح مع بعض كويس ) و نضيفهم على

المقادير و نقلب كويس بالمعلقه و نحطهم فى صنيه مدهونه و مبطنه بالدقيق و نسيب جزء قد 2 ك من خليط الكيكه علشان نقلب فيه التفاح

ده البيض مع السكر



و دى بعد ما وضعنا الخليط فى الصنيه



نجيب التفاح و نحطه فى الوعاء اللى عملنا فيه خليط الكيكه و فيه معلقتين اللى سبناهم من خليط الكيكه و نقلبهم مع

بعض و نرصهم فى الصنيه على الكيكه و لو فى زياده من الخليط حطيهم على التفاح

[سائله الرحمن]

نرش السكر البنى و اللوز و ندخلها فرن حار 180 درجه فى الرف اللى فى النص لمده 50 دقيقه لساعه





و بالهنا و الشفا بعد ما تبرد نقطعها

بعدين حلقات التفاح المقلى

[سائله الرحمن]

نجيب الكميه اللى انتى عايزاها انا عملت تفاحتين

نخليهم بقشرهم و نشيل اللب و نقطعهم شرايح و نحطهم فى 3\4 كوب عصير برتقال و ربع كوب ميه + 3م\ك سكر

بنى و نسيبهم ساعه فيه و بعدين نجيب وعاء نحط فيه 2 بيضه +3\4 كوب دقيق + م\ص بكنج بودر +ربع كوب

سكر + 4م\ك لبن ( حليب )و نخلطهم كويس و نجيب التفاح و نغطسه فى الخليط و فى زيت سخن شويه اقلى و هايتحمر بسرعه و هايستوى و خليكى واقفه عليه









بنات العصير حلو قوى ماترمهوش

واتمنى يكون عجبكم

[soso22]

ما شاء الله
تسلم ايدك عليها بجد حلوه كثير
ان شاء الله بجربها اكيييييييييييد ابدعتي ياعسل

[omroro-4]

رااااااااااااااااااااائع جدا ما شاء الله تسلم ايديك

[oumrahaf]

ماشاء الله تسلم اديكي فعلا وصفة حلوة

[الباجوري]

مبدعه كالعاده سائله
الوصفتين احلى من بعض
تسلم ايديكِ على الروائع

[اشجان الحياة]

ممممممممم شكلها لذيذ
يسلمو يديك

[ألأم الحنون]

ما شاء الله روووعه

[سائله الرحمن]

soso22 حبيبه قلبى تسلميلى على الكلام الحلو ده جربيها و هاتعجبك قوى

و الله انا عملتها الظهر اليوم و دلوقتى بح رهيبه و خصوصا لما تحطى عليها صوص الكراميل خرافه

و عجبت ايمى و باباها قوى و عقابا ليه اقصدى انبساطا بيه جوزى ايز واحده تانى بكره اههههههه يانى

ام رورو مرورك الاروع ياروحى تسلمى

ام رهف مرورك الاحلى يا قمر وتسلمى

الباجورى والله مانجيش حاجه جنب ابداعاتك يا جميل تسلميلى حبيبه قلبى

سوسو حبيبه قلبى تسلمى انت الذ يا جميل

الام الحنون مرورك الاروع حبيبتى تسلمى

[دندونه صغيرونه]

يمي يمي .. ماشاء الله شكلها لذيذ ياسائله الرحمن يعطيكي العافيه

[nisreen_77]

يمممممممممممي

روعة ماشاء الله

[ام سيد علي]

مشكووووووووووووووووووورة
والله يعطيك الصحة والعافية

[amanarre]

السلام عليكم ورحمة الله وبركاته
اتبارك الله اعليك
هادشي غزال
جزاك الله خيرا أختي
الله يعطيك الصحة