تويت
بسم الله الرحمن الرحيم
كيفكم حبيباتي وينعاد عليكم عيد الفطر بالخير والعافية حبيت اشارككم اليوم بأكلة بحبها كتير وكتير طيبة وسهلة وان شاء الله تعجبكم وتيجي على خاطركم
نحن بحاجة:
صدر دجاج مسحب مقطع الى شرائح رفيعة
2 بصل كبار او 3 حجم وسط مقطعين الى شرائح رفيعة
4 فصوص ثوم مدقوقين مقدار ملعقة كبيرة
علبة وسط من الفطر المقطع
ملعقة كبيرة خردل
ملعقتين كبار من صويا صوص
علبة كريما سائلة للطبخ حجم 200 مل
ملعقة صغيرة حامض لتخفيف دسامة الكريما بالاكل
نبدأ بسم الله
نقلي البصل بشوية زيت وعلى نار هادئة حتى يذبلوا ويبلش لونهم يميل الى الاصفرار
ثم نزيد فوقهم الثوم المهروس ونقلبهم مع بعض لدقيقتين
بعدين نضيف الدجاج المقطع ونقلبهم ونتركهم حتى ينضج الدجاج وتنشف من الماء
نضع الفطر المقطع ونقلبهم
ثم ملعقة الخردل ويقلب الكل سوا سوا
وملعقتين الصويا صوص
واخيرا الكريما وهاي صورتها
ونحركهم وتنركهم يغلوا على نار خفيفة لحوالي ربع ساعة بس لازم ننتبه ان نحركهم من وقت لاخر حتى ما يلزق شي بالكعب قبل ما نطفي النار نزيد ملعقة الحامض كما قلت لتخفيف دسامة الكريما وتقدم مع البطاطا المقلية واللي بيحب مع الارز الابيض
يا رب تكون الطريقة واضحة وتعجبكم وتجربوها لانها صدقوني طيبة وكل مين داقها عندي عجبته
وصحة وهنا على قلوبكم
بأختي .. Rahf ..
ما بعرف ليش؟؟ 
فساويت طنجرة صغيرة بشاميل وزدتهم فوق الدجاج طلعت طيبة بس مش نفس الطعمة بس طيبة ومرقت على خير بالنسبة لزوجي 
مراحب بريم الروم!!
كيفك حبيبتي اشتقنالك وينعاد عليكي يا رب والله يخليكي يا رب عالحكي الحلو وعلى فكرة الكاتشاب اول مرة بسمع فيها بس حأجربها وشوف الطعمة كيف 
تعليق