شعار ♥حلى متميز♥ميني تشيز كيك مميز وطعم رووووعة وسهل بالخطوات المصورة..

[همسة غرام]

تأخرت لان الصينية اللي استخدمها ضايعة وهي خاصة للميني تشيز كيك قاعها مسطح ولحد الحين مالقيتها فاستخدمت صينية ثانية قاعها مقعر ومو عميقة كفاية واضطريت البسها بالنايلون واغير الطريقة لها عشان استخدمها ، اللي عندها الصينية مسطحة القاع نستخدم اوراق بليسة وترص البسكويت فيه وتدخلها الفرن بس تراعي ان كمية البسكويت قليلة جدا فما تحتاج الا 5-7 دقايق بس..

هذي صورة الصينية الخاصة بالميني تشيز الكيك ، وفي اللي ما لها قاعدة متحركة يعني مثل صينية الكب كيك بس صغار استخدمو وياها الاوراق البلسية الخاصة بالحلويات بس الصغيرة مثل ما اسوي ..

المقادير:
صورة المقادير..

400 غم جبن فيلادلفيا أو كيري"بدرجة حرارة الغرفة"
2 علبة كريم كراميل
3-4 كيس دريم ويب
1 1/2 ك كريما KDD
1-2 ك سكر بودرة
3 م/ك جيلاتين
2 م/ك فانيليا
1/4 ماء دافىء الإذابه الجيلاتين

استخدمت البلوبري الجاهز ومربى الفراولة كطبقة أخيرة "ممكن اوريو مطحون مخلوط مع نوتيلا او فراولة او المربى بأنواعه أو حتى فواكة طازجة مهروسة ومحلاة بشوية شيرة" ، و هذي صورة علبة الباي فليمنق بالبلوبري..

مقادير القاعدة ( الكرست: (
3/4 الكوب بسكويت دايجستف مجروشة "ممكن اوريو بس ما نحط وياه غير الزبدة ونشيل الكريمة منه"
ملعقة كبيرة عسل نحل
1 1/2 ملعقة كبيرة سكر ناعم
20 غرام زبدة ملينة لدرجة حرارة الغرفة "انا استخدم مارجرين نباتي طري قابل للدهن"

الطريقة لعمل القاعدة ( الكرست ) "هذي طريقة الغالية دردشة بالكرست معتمدتها عندي من روعتها" :
نضع مجروش البسكويت في وعاء العجن ونضيف الزبدة وملعقة العسل والسكر ونخلط حتى يتجانس مثل الصورة ..

[همسة غرام]

نرش القالب ببخاخ الزبدة او ندهنه بدهن نباتي ( الموجود عندك )..
نرص الخليط حتى يتماسك ثم نخبزه في فرن مسخن مسبقا على درجة حرارة 350 لمدة عشر إلى 12 دقيقة مثل الصورة..

ثم نخرجه ونتركه يبرد شوي مثل الصورة..

لعمل الخلطة الجبن:

أولا ذوبي الجيلاتين بالماء الدافىء وحركيه جيدا الى ان يذوب واتركيه جانبا مثل الصورة..

نلين في البداية الجبن ونخلط في الخلاط " ممكن نلين الجبن بالملعقة" مثل الصورة ..

نضيف بودرة الكريم كراميل والدريم ويب ثم نخلط حتى يذوبو في الجبن مثل الصورة..

ثم نضيف الكريمة السائلة والفانيليا السائلة ونخلط حتى يتجانس الخليط مثل الصورة..

ثم نضيف السكر البودر ونخلط حتى يذوب السكر الخليط مثل الصورة..

ثم نضيف الفانيليا السائلة ونخلط حتى يتجانس الخليط مثل الصورة..

نصفي الجيلاتين بمشخال ناعم ، اذا جمد حطيه بالميكرويف 15 ثانية وطلعيه حركيه اذا بعده جامد رديه الميكرويف 15 ثانية وطلعيه حركيه جيدا وصبيه بالمنخل وبعدين حطيه على الخليط واخلطيه جيدا الى ان يمتزج الخليط فيه وهذا شكل الخليط النهائي ..

[همسة غرام]

نلف القالب في النايلون والهدف من النايلون هو سهولة اخراجة من القالب ، الافضل اننا نستخد الاوراق البليسة الخاصة بالحلويات اصغر حجم حتى ندخلها الفرن نعطي شكل التشيز كيك احلى على الاطراف "اما النايلون ما نقدر راح يذوب"..



بعد ما يبرد شوي البسكويت اللي حطيناه بالقالب الكبير نفتته مرة ثانية اليد بس لا تحترقون من حرارته ورصوه بالقالب الملبس بالنايلون بس خلوه طبقة خفيفة شوي مثل الصورة..



نحط الخليط بكيس الحلواني الخاص بالكريمة " او اي كيس عندج" وخلي الفتحة صغيرة نسبيا عشان يكون صبنا مرتب..



نصب الخليط في القوالب على البسكويت بعد ما برد وندخله الثلاجة لمدة يوم كامل أو لحد ما يجمد عدل وما يخرب لما تشيلينة من القالب..





زاد وياي بسكويت وخليط جبن فسويته تشيز كيك صغير مثل الصورة..







وهنيه بعد ما جمد حطيت علية خلطة البلوبري "للأسف نسيت اصورة بعد ما شلته من القالب"..








]

[همسة غرام]

وفي هذه الصورة قلبت التشيزكيك رأس على عقب ، هذه الطبقة هي الكرست الصورة ..





هذه النتيجة النهائية بالبلوبري ومربى الفراولة ..





الصور هذي خاصة بالصينية القديمة لاحظو شلون احلى وارتب بوايد من الصينية الحالية المستخدمة ، بس يالله شي اهون من شي..





هذي بالمشمش المهروس ومحلى بشوي شيرة ثقيلة ، ونخليه على النار 5 دقايق مجرد ما يغلي نشيل الخليط ونخليه يبرد..



وهذي بالاوريو والكاكاو ، و القاعدة اوريو بالزبدة "بس بدون الكريمة" ..



وهذي بالفراولة..



ان شاء الله يعجبكم وانتظر تجربتكم ورايكم حبايبي..

دعواتكم لوالدي "أمي وأبوي" بالصحة والعافية وطول العمر ويفرح قلبهم فينا "عيالهم" ،ولي بالزوج الصالح اللي يفرح قلبي آمــــــــــين..

[Hamsat Eshog]

ماشاء الله رووووووووووعه
تسلم ايدج

بالنسبة لهاي الصينية أنا عندي منها في على شكل دوائر و عندي على شكل مربعات..
وهاي الصواني اللي عندي من أمريكا..
وأكيد بعد فترة طوييييييييلة ههههههه بينزلونها عندنا..

[عذبة لحساس]

هلا اختي

الله يعطيج العافية عيوني روعة الله يسلم ادينج الغلا

[شمس الوئام]

شكلها وصف حلوه ان شاء الله اجربها

[fantasy]

طالعين معاكي شكلهم بجنن يسلمو

[أم العلاء 2]

ما شاء الله .. روعة .. تسلم إيديكي .. حبيبتي

[عاشقة البنفسجى]

تسلم ايدج وايد حلو ما شاء الله عليج والشرح احلى ........ ان شاءالله تلقيين صينيتج

[*ام هند*]

رووووعة تسلمى

[follah]

ما شاء الله شكلهم رووووعة
يسلمو ايديكي ..

[+:جـــــوري:+]

يسلمووووووووو .

[عبير القدس]

ما شا الله
تحفـــــــــــــــــــة
تسلم دياتك غرومة

[بالتوفيق]

ماشالله
خطيرة ومتعوب عليها
الله يرزق والديك الصحة والعافية
ويرزقني ويرزقك وجميع بنات المسلمين بالصالحين
اللهم آمين