تكرم عيونك منى وهاي احلى كبيس خيار وطبعا لباقي الاخوات اتفضلوا

[سنووايت]

السلام عليكم ورحمة الله وبركاته
بسم الله الرحمن الرحيم
اختي منى هاي طريقة الخيار المكدوس
انا شي بناكلوا مع فلافل ومع برغل ببندورة وكتير طيب
جربيه وانشاء الله يعجبك
المقادير
كيلو خيار من الصغير
كوب من الخل الابيض
5 اكواب ماء
ملعقتين ونصف ملح خشن
طريقة ا لتحضير:
بتغسلي الخيار منيح وبعدين بذوبي الملح بالماء البارد وبتحطي الخل عليه
بتشقي شوي الخيار وبتحطيه بالمرطبان وبعدين بتحطي فوق الخيار مزيج الماء الملح الخل حتى يغمرهم منيح
ببتقفلي المرطبان كتير كتير منيح منشان ما يدخل عليه هوا ويعفن وبعد اسبوع ونصف بصير كبيس
وكلي وما تاكلي شي بشهي
واي سؤال انا جاهزة واي نوع كبيس تاني انا بالخدمة

[لنوشه]

بس منى تكرم عينها ؟ و انا ؟
على كل حال تسلم ايدك يا سنووايت و انا عادتا بعملها بس بالماء و الملح
بس ان شاء الله بجرب طريقتك
تسلمي

[fantasy]

snow white many thank to you ya ahla shamyeh.one more thing please i want some the syrian dessert like greybah but it have to be 100% also the way to make barazek because i came failing making them and they are my favorites







OOOOOPS WRONG PAGE WOULD SOMEONE PLEASE TRANSFER THE RESPONSE TO SNOW WHITE TO THE SWEETS PAGE MANY THANKS

[وعود الخير]

سنو وايت
تشكري يا قمر ..
انا فكرت انه مكدوس يعني بالزيت
على كل راح اجرب طريقتك لاني عادة باعمل الكبيس بالماء والملح وبعض السكر فقط لا غير..
اما الخل فلا اضيفه نهائيا للمخللاى
لكني ساجرب طريقتك
بتعرفي ليش
لانك من اللواتي اثق بواصفاتهن كثيرا..
سلمت الايادي

[مـiـى]

تسلم دياتك يا أحلى سنسنة ...

ممممم
أنا بموت في مخلل الخيار ,, و طريقتك مثل طريقتي تمام
و الصراحة أنا مثل وعودة فكرت أنه بالزيت
ربي يسلم هل الديات و ما ننحرم من طبخاتك الحلوة ..
و كمان تقومي بالسلامة يا رب

وعودة :
لا تترددي و جربيه ,,
أنا أحط خل لكل أنواع المخلالات تقريباً ( ما عدا مخلل اللفت ) و تطلع رائعة

[سنووايت]

ا هلا يا لنوشة
ولو انت ما قريت منيح انا قلت منى وكل الاخوات
ولو تكرم كمان عين عينك

شوفي ونحنا كمان كنا نعملها بالماء والملح
بس شفت الشيف رمزي عم يحطلها خل فحبيت جرب
الخل ما بخليها تهتري لهيك
اسعدتني طلتك يا لنوشة الحلوة

[سنووايت]

يا عزيزتي فانتسي بصراحة ما فهمت ولا كلمة لانو ما بعرف انكليزي
منمن عزيزتي ممكن ترجمي اذا امكن لحتى افهم شو مكتوب
والف شكر لك مقدما
والف شكر لك اختي فانتسي على مرورك الكريم

[سنووايت]

يا هلا فيك اختي وعود ازيك
شوفي عنا بالمنطقة بنقول للمكدوس كبيس وللكبيس مكدوس
يعني نفس الشي لهيك صار في غلط بالموضوع
متل مكدوس الباذنجان نحنا كمان بنقولوا مكبوس الباذنجان ما بعرف اذا فهمت قصدي
لهيك فانا افتكرت انو نفس الشي بس طلع في لخبطة بالموضوع
حصل خير انشاء الله الاخوات بستفادوا منو
تحياتي الك سنووايت

[سنووايت]

يا هلا منمن
متل ما قلت للاخت وعود صار في لخبطة بالموضوع
انا دائما بقول مكدوس خيار لهيك
يلا صار خير
بصراحة انا بحر جميع انواع المخللات ودائما بسويها
بس الخيار قليل بسويه هون لانو ما بنلاقي خيار يلي من الصغير
نورتي يا منمن
تحياتي الك سنووايت

[firouz]

بسم الله الرحمن الرحيم
لللاخت سنو ويت
انا اعمل نفس الطريقة
بس ياسلام لو وضعتى معاه فصين ثوم مقشرين
وشوية نغناع ناشف
وذوقى بقى طعمه وبالهناء والشفاء

[lanloon]

يسلموا دياتك يا سنسن و الله لا يحرمنا منك

منمونتي اشتقتلك!!

[طيـــف]

امممممممممممم يسلمو ايديكِ ياسنوات
منوره الركن عنا مشاءالله

[fantasy]

ya snow white bdi tareka elbarazek wel ghrebah
min el soria snow white

[dudi]

سنووايت
تسلم ايديك الحلوة
وانا اليوم وقبل نصف ساعة وبنفس الطريقة عملت مخلل فلفل
يعني بدل الخيار حطيت فلفل
وتسلم ايديك الجميلة
واذا ممكن حبيت اعرف طريقة
البرغل بالطماطم (كتبتيه في البداية )
صراحة اشتهيته كثيييييييييييييير

[سنووايت]

يا هلا فيكي اختي فيروز
انشاء الله مرة تانية بحط معها ثوم ونعن
تسلمي على مرورك الكريم