@@@ وزنك فوق ال 80 تعالى البيت بيتك @@@ الطابق التانى من البيت

[جانستا]

نور يا قمر والله زعلتينى وانا بقرا كلامك

عندنا هنا فى البيت مفيش حاجه اسمها ياس

كلنا بيجى لنا وقت ونزهق

عن نفسى انا زيك لما بلاقى نفسى خاسه باكل ويتهيئ لى ان زى ما خسيت فى الاول ممكن انزل تانى ومش حياثر عليا الاكل

بصى يا ستى انا مش بعمل رجيم انا بخفف فى الاكل مع انى مش باكل كتير

وبعدين انا قولت لك من قبل انى كان وزنى نزل وبعدين فى خلال اسبوعين زدت 6كيلو مره واحده من غير اكل والله

اقولك على شئ الخلطه اللى قولتلك عليها والله نزلت عليها بس ما وزنتش

حتى اختى قالت لى انتى خاسه قولتلها انتى بتتريقى يعنى ولا ايه حكايتك
قالت لى والله جسمك خاسس

واللى باين اكتر شئ فى منطقه الوسط والبطن دا اللى انا فعلا حساه

وكمان بدات اليوم فى الشوربه الحارقه بس لسه ما شربتش منها طبختها يعنى حاليا بس

حمشى عليها وعلى الخلطه وان شاء الله ربنا يجعلها بفايده

بس مش عيزاكى تزعلى ولا تدايقى لان دا حياثر على نفسيتك

لو انتى عايزه تجربيها جنب الرجيم بتاعك اكتبها لك تانى

وهى عباره عن

قشر البن+ شاى اخضر+ زنجبيل وقرفه+ نعناع+ كمون

بغليهم كلهم مع بعض وبحط فى الاخر نص لمونه عشان تكسر الطعم بس على العموم هو طعمه مقبول مش وحش

اه فى الوصفه اللى قريتها كانو بيحطوا مع قشر البن مرمريه وبابونج
انا استخدمت الحاجات اللى عندى لانى كنت بشربها من قبل لوحدها من غير قشر البن
وقولت لما يخلصوا اشترى كلو مع بعض عشان انا عارفه نفسى لما الاقى الحاجات كتير بكسل

انا طولت عليكى

عايزه اشوف نور اللى اسمها بيدينا امل فى بكره

سلام يا امورات

والكل غايب زى ما هو ):

[noor_el_amal]

بسكوتتتتتتتتتتته ازيك عامله ايه

اولا شكرا على اهتمامك بجد ... معلش انا يوميها كنت مضايقه خصوصا لما لاقيت ماما بتقولى خلاص هوديك لدكتور فاضايقت اكتر حسيت اكنها بتقولى ما فيش امل

بس اهو الواحد بيضايق شويه وخلاص .. انا وحده صحبتى معايا فى الامارات شجعتنى وقالت لى ننزل نمشي مع بعض وكده .. فانا قررت اعمل ريجيم وما اشوفش الميزان ده خالص .. بالنسبه لى ده اسوا حاجه لانى ببقى متوقعه مثلا 5 كيلوا لما بلاقى انى نزلت 2 كيلو بزعل و باكل ,,, ده اسمه ايه؟؟ نوع من الغباء بعيد عنك ..

الميزان ده كل اسبوعين كده ابقى اشوف وزنى ايه وخلاص ومش هحدد الوزن اللى المفروض انزله فى الاسبوع .. انزل اللى انزله طالما ان الميزان بينقص و مش بيزيد ... حتى لو كيلوا المفروض انى اكون راضيه ومتحمسه ..وان شاء الله انا كده
طولت عليك يا قمر بس اوعدك فى نهايه الشهر ده هقول وزنى اللى يرضينى ان شاء الله
خلى بالك من نفسك
يا بناااااااااااات ازييييييييييييييييييكم عاوزين نشوف مشاركتكم تانى ..
سلام

[noor_el_amal]

ايه يا بنات انتو فين

انا زعلانه منكم بجد لا حس ولا خبر كده

طيب يا جماعه انا بعمل الريجيم اللى موجود على الرابطه دى وبقول لهم اول باول انا بعمل ايه فى الريجيم .. بس الغريب فى الريجيم ده ان كل البنات اللى قالوا هنجربوا ماحدش سمع ليهم حس بعدي يومين من الريجيم .. اختفوا ولا ايه النظام مش فاهمه فقول انا هتبرع وابدا فيه بقى

سلللللللللام وخلى بالكم من نفسكم

http://www.lakii.com/vb/showthread.php?p=3905044#post3905044

[نجود قطر]

مين تساعدني وتعطيني رجيم يخفض الوزن بسرعه

[Jojo]

مبروووووووووووووووووك البيت الجديد
وانا ان شاء الله راح اشترك معكم عشان بنزل وزني اللي جنني
اوكيه انا وزني الان ومن زمان ماتغير 80 وطولي 165
يعني لازم ولازم ولازم ؟؟؟؟؟؟؟؟؟؟
انزل 30 كيلو على الاقل ويارب انزل وزني بسرعه واكيد انكم ماراح تخولني وراح تساعدوني
وتقبلوا مروري

[neihad]

ازيكم يا بنات ايه الاخبار
ان شاء الله تكونوا بخير وتكونوا فاكرينى زى ما انا فاكراكوا
وحشتونى اوى

[neihad]

انا كنت مسافرة اسكندرية بقالى 10 ايام وقبلها الامتحانات وجدتى اتوفت
احداث كتيرة اوى صح؟؟
بصوا انا اعتبر ثابتة او يعنى 90
وعيد ميلادى يوم 17 اغسطس
وعايزة اتكلم معاكم واحكيلكم حاجات وافكار جوايا عن الريجيم والجوع وعلامات تمدد الجلد
وعن اسلوب الحياة وانى لما جوعت جسمى بريجيمات التمر والتفاح جسمى اتفجع واول ما وقفت الريجيم ايا كانت الظروف نزلت على الاكل زى المحروميم وعمر ده ما ينفع اسلوب حياة دائم وبالذات انى من النوع اللى بيتخن وبيخس بسرعة
ردوا عليا والجداد هنكون اصحاب اكيد
بسكوتة وحشتينى اوى اوى اوى وادامنا كلام كتير نقوله

[nancy kareem]

السلام عليكم ازيكوا كلكوا يا بنات وحشتونى
نهاد البقاء للة ن شاء الله تكون اخر الاحزان يا رب
و فعلا اللى انت بتقولية صح جدا رغم الرجيمات دية بتخسس اوى الا انها بتجيب حالة فجع بعد كدة و دة اللى كنت بحذر نور منة و ياما جربتها و نزلت عليها جامد اوى لكن رجعت اكتر من الاول لما سبتها و دة اللى دايما اخت راجية بتحذر منة
عشان كدة لازم نتفق على نظام صحى و يا ريت الاخت راجية تكون متابعانا

[neihad]

نوسة انتى منين وعندك كام سنة؟؟
انا من القاهرة على فكرة وهنا من زمان بس كنت مسافرة

[neihad]

مبروووووووووووووووووك البيت الجديد
وانا ان شاء الله راح اشترك معكم عشان بنزل وزني اللي جنني
اوكيه انا وزني الان ومن زمان ماتغير 80 وطولي 165
يعني لازم ولازم ولازم ؟؟؟؟؟؟؟؟؟؟
انزل 30 كيلو على الاقل ويارب انزل وزني بسرعه واكيد انكم ماراح تخولني وراح تساعدوني
وتقبلوا مروري

طبعا يا جوجو اهلا بيكى
انا نهاد عرفينا عليكى
اهم حاجة بلاش موضوع بسرعة ده

[noor_el_amal]

ازيكم يا بناااااااااات

نانسي ازيك ،، ونهاد عامله ايه ؟؟؟ هه هنبدا امتى بقى ؟؟؟ بسكوته عامله ايه ؟؟ صبيحه ؟؟؟ حبيبيه امها ... جوجو

ايه يا بنات ازيكم عاملين ايه انا بسلم بسرعه كده و هدخل تانى ارغي معاكم
سلام

[neihad]

نور انتى فين؟؟؟؟
انا مستنيكى انتى ونانسى وبسكوتى عشان نرغى مع بعض
بصوا الاول بس عرفونى انتى ونانسى على نفسكوا كويس
عشان عايزة اعرفكوا اوى

[noor_el_amal]

نور انتى فين؟؟؟؟
انا مستنيكى انتى ونانسى وبسكوتى عشان نرغى مع بعض
بصوا الاول بس عرفونى انتى ونانسى على نفسكوا كويس
عشان عايزة اعرفكوا اوى

بصى يا قمر
انا عمرى احم احم 26 سنه عايشه فى الامارات
وهتجوز ان شاء الله فى شهر واحد اللى جاى يعنى فاضل ان شاء الله 6 شهور و فرحى هيكون فى مصر ان شاء الله ..
انا مش عاوزه اخس عشان الجواز لا ؟؟ انا مش عاوزه استمر على الوضع ده مدى الحياه..
تعرفى؟؟ انا لما دخلت المنتدى كان وزنى 93 و اعدت اشوف الموضوع ده بالذات كنت مضايقه وكده بتصفح ريجيم من النت .. ولاقيت الموضوع ده و فى مره انتى كنتى كاتبه ان ايه فايده الاكل ووووو....

وانك مش عايشه حياتك و مش عارفه تنبسطى و بلتبسي طقمين تلاته .. كله ده انا بعملوا بالظبط مش بخرج مع صوحابي عشان مكسوفه من التخن .. بروح الشغل غصب عنى طبعا ...

مش عارفه بجد .. اول ما دخلت المنتدى كنت متشجعه اوى خسيت من 93 لحد 88 وبعدين رجعتهم تانى .. ومشاركه فى موضوع دلوقتى مع بنات عشان بدانا ريجيم مع بعض لمده اسبوع كده قولت هجرب وماشيه كويس ... لكن من جوايا
ماعنديش ثقه اعمل ريجيم كميائي ... عارفه انى هرجع اتخن تانى .. طول عمرى وانا بخس وبتخن بالعشرين وال 15 كيلوا مش حرام على جسمي ؟؟ ولا شعري اللى وقع !!! مش عارفه اقول ايه بجد
عاوزه اخس قبل رمضان لان بعده ان شاء الله هبدا افصل فستان الفرح ... المفروض يكون فى حافز لانى مخطوبه .. لكن المشكله مش فى كده .. المشكله انى زهقت وداخليا مش متقبله اى نظام ريجيم
عاوزه امشي على نظام صحى .... فقررت اروح لدكتور بيدى نظام صحى ... بيقوا بتخسي 10 كيلوا فى الشهر ... فى فطار وغداء وعشاء...
انا هروح اخر الشهر ده ... ولحد الفتره دى لما تجى انا بقالى اربع ايام تقريبا عامله ريجيم مع بنات فى المنتدى هنا فاضل عليه يومين واخلصوا
عاوزه اعمل الفطار مثلا واحده توست و حته جبنه والغداء سلطه وحته لحمه والغى العشاء ده نهائي من حياتى ..
صدقنى الموضوع مش فجعه .. هو زهق وملل ومافيش صوحاب حوليك عندهم نفس المشكله فيشجعوك....
قريت تجربه اسمها تجربه وسام افضل تجربه كانت ممتازه اوى خست من 122 كيلوا لى 68 بتخفيف و عزيمه بدون ريجيم كميائي ممكن احط لك الوصله لو عاوزه ....نفسي اعمل كده
مستعده اخفف وامشي على نظام صحى بس ميبقاش ممل لدرجه انك تخسي مثلا 10 كيلوا فى تلت شهور بتزهقى انا عارفه انو نظام صحى والكلام ده بس بتحسر كل يوم على نفسي
فى حدود عشره كيلو فى الشهر حلو اوى ...
طولت عليكم صح
اعذرونى اصل ظهرىبيوجعنى لما وزنى بيزيد فاعده عامله زى العواجيز ...ست بتاعت 60 سنه مش قادره تعد ولا تنام من ظهرها ... تفتكرى الاكل مهم لدرجه دى ؟؟؟
مش قادره انبسط واخرج واجرى عشان ايه ؟؟؟؟
والمصيبه انى مش قادره احس انى انثى !!!!
تصدقى بضايق لما حد بيقولى وشك قمر ؟؟؟ لان فى نظره عينيه حسره على جسمي اللى مضيع شكلى
بضايق وصوحابي بيقولولى شكلك زى المدرسات ؟؟؟!!! عشان بلبس لبس يدارى جسمي بالتالى بيبقى واسع او رسمي شويه ... تخيلى حسرتى؟؟؟ وياريتنى مش بعرف اخس
بخس وابقي كويسه وحلوه ومافيش يادوب اسبوعين وارجع تانى اللى خسيتوا
انا زهقت بس ما تعبتش
وعاوزه قبل ما يجي رمضان اخس تمام... فاضل شهرين على رمضان ؟؟؟ صح ؟؟
يعنى 10 كيلو فى كل شهر اكون خسيت 20 كيلوا ممتاز ابقى 73 وفى رمضان اخس 7 كيوا ابقى مثلا 66 ياريت اقيس فستانى وانا بالوزن ده
ومش عاوزه بعد الزواج اتخن واعمل زى الستات اللى بتتخن بعد الزواج .. مع ان الكل بيقولى كلمه بتجرحنى اوى
بيقولوا :: انتى قبل الزواج كده امال بعد الزواج هتعملى ايه مش هتقدرى تخرجى من الباب ؟؟؟!!! تخيلى الحسره .. بس اول ما حد بيقولى كده بقول فى بالى لا مش هكون كده انا واثقه فى ربنا وفى نفسي وانا خسيت قبل كده ووصل وزنى لى 65 بس كان للاسف نظام كميائي ورجعت تانى بس دليل انى خسيت تانى يعنى انا مش وحده ماعنديش الاراده ؟؟ لا انا بس كنت ماشيه غلط وعاوزه اصلح الغلط ده
شوفي يا نهاد لو هتمشي على نظام صحى انا مستعده بس بجد انا هلغى العشاء ده من حياتى هاكل فاكهه بس لا اكتر ولا اقل
فى انتظار ردك
انا اسفه لانى قلبتها دراما لاول مره كده،،، انا بحب اشجع البنات بس لان ظهرى واجعنى اوى بتعب جدا منه وبحس انى كبيره وبتعصب

[neihad]

انتى مش متخيلة يا نور انتى قريبة منى اد ايه
انا حبيتك اوى اوى اوى يا نور واد ايه حسا ان انتى انا
اد ايه كلامك مريحنى
حسا بيا وبى نفسيتى وارتحتلك اوى اوى يا نور
يااااااااا
انا مبسوطة من كلامك ده وبكره هقولك كل اللى جوايا زييك واكتر منك كمااان
اعتبرينى صحبتك من دلوقتى واستنينى بكرة ارجوكى

[noor_el_amal]

انتى مش متخيلة يا نور انتى قريبة منى اد ايه
انا حبيتك اوى اوى اوى يا نور واد ايه حسا ان انتى انا
اد ايه كلامك مريحنى
حسا بيا وبى نفسيتى وارتحتلك اوى اوى يا نور
يااااااااا
انا مبسوطة من كلامك ده وبكره هقولك كل اللى جوايا زييك واكتر منك كمااان
اعتبرينى صحبتك من دلوقتى واستنينى بكرة ارجوكى

ماهو انتى صحبتى من زمان

مستنياك ومستنيه كمان نبدا كلنا ريجيم صحى .... وانا ان شاء الله مستمره فى التخفيف اللى هبدوا من انهارده .. هفلسع البنات اللى مستنيين نتجه الريجيم منى بس انا خلصتوا تقريبا فاضل بكره بس او هكملوا لحد ما انتى تقولى نبدا ايه .... فى كمان ريجيم خالد دراهم بحس انو صحي ومافهوش تجويع وحرمان ... ولا ايه ؟؟؟ انا مجربتوش عموما ،،، مستنيه ردك