انا مش قصير وقزعة(الكلمـــــات...والمواقف..ومعانيها..)

**نزف الاحاسيس** · 09-09-2007, 12:39 AM

تسلمي بس فين الباقي

**صابرة*22** · 09-09-2007, 01:07 AM

قوة التفكير الإيجابي

كلمة سمعتها كتير عن الشعب المصري.. انه شعب ابن نكتة..

شعب اتعلم يضحك على آلامه.. يواجه الأزمات بابتسامة..
و في يوم سرحت في المعنى ده..
ياترى لو الشعب المصري ماكانش قابل كل الأزمات اللي مرت عليه في تاريخه بالروح دي..
كان قدر يعيش؟..
أعتقد كان انقرض من زمان
لولا انه كان بيبص للأزمة.. و يدور على طاقة نور..يدور على نص الكوب المليان.. و يغنيه في حتة زجل عامية بسيطة.. أو يضحك عليه في
نكتة.. أو يقول لك "اشتدي يا أزمة تنفرجي"..
لولا كده أعتقد كان فات الضغط و السكر بقوا مرض وراثي في الشعب كله..
بصراحة
بصراحة افتكرت الموضوع ده و انا باتفرج على فيلم Finding Nemo..
الفيلم فيه معاني قوية جداً عن التفكير الإيجابي..
شخصية السمكة "دوري" كانت دايما في قمة الإيجابية بشكل عجيب.. يمكن حتى من
المواقف اللي ضحكتني جداً.. لما كانت دوري و مرلين في فم الحوت.. و بدأ الحوت يبلعهم..
مرلين اترعب.. و قال لها الحوت بيبلعنا!! ..بصت له دوري و قالت له .."انت متأكد؟" ..
قالها : "أيوة.. منسوب المية في بق الحوت بينقص .. بقه بقى نص فاضي "..
بصت دوري لبق الحوت.. و قالت له :" .. أنا شايفة انه نص مليان !"
أعتقد ده اللي حصل مع الشعب المصري.. و أي شعب تاني مر بأزمات في تاريخه.. انه في وسط الأزمة.. مابيسمحش للأفكار السلبية انها تهزمه..
و لكن بيدور بصدق على طاقة النور اللي أكيد موجودة.. واللي يوم مابيلاقيها.. يوم مابيشوف النص المليان.. بيفضل الأمل ماليه.. بيحفزه و يدفعه الى انه يتحرك و يعمل لتحقيق الأمل اللي جواه..
الزاوية اللي بننظر منها للأمور ليها أثر عميق جداً في حياتنا..
هي اللي بتدي معنى لحياتنا.. بل ممكن تغير حياتنا 180 درجة..
هي دي نفس النظرة اللي تخلي بياع الفول ينادي و هو واقف على عربيته و يقول "معانا اللوز"...
و اللي تخلي بتاع البطيخ ينادي و يقول :"بجنيه و نص يا بقلاوة"..

**noran5** · 09-09-2007, 12:03 PM

السلام عليكم ورحمة الله وبركاته

أختي العزيزة ... صابرة*

يا هلا بيك و مرحبا
يسعدنا وجودك الكريم غاليتي

سلمت يداك و بارك الله فيك على هذا المنقول الرائع
لقد أحسنت الاختيار حقا

موضوع يدعو الى عدم الاستسلام لليأس أو الفشل
و يبعث الى التفاؤل و الأمل الدائم في الغد الأفضل

و الأهم الايمان الكامل ان كل شيء بيد الله و انه سبحانه قادر ان يبدل حال عن حال
شرط ان نتوكل عليه و ان لا نقط من رحمته

مشكورة غاليتي

**صابرة*22** · 10-09-2007, 11:26 PM

اهـــــــــــــــــــــــلا باول مشـــــــــــــتركةnoran5

العفـــــــــــــو يااختى noran5
لكنــــــــــــى احب انك تكملى الموضوع لنهايته..وان شاء الله الكل يشارك معانا ويستفيد كمـــــان..
في المشاركة القادمة هكمل الموضوع..

**صابرة*22** · 10-09-2007, 11:41 PM

اســـــــــــفة جــــــدا اختى نزف الاحاسيـــس
انا والله مشفتش مشاركتك غير دلوقتى ...
عموما ياستى تابعى معايا الباقى وبجد هيفيدك جـــــــدااا
يلا بينا..نكمــــــل المــــــــــــــــــــــــــــوضــــــــــــــوع

**سـمـر** · 10-09-2007, 11:46 PM

ايه نكمل الموضوع
انا كلي حماس
مشكوره صابره

**صابرة*22** · 11-09-2007, 12:03 AM

بعض الناس عندهم فعلا القدرة العجيبة دي على انهم ينظروا دايما للأمور من الزوايا الإيجابية.. عندهم القدرة انهم يعيدوا وضع الأمور في اٌطار اللي يرفع من روحهم المعنوية.. و يحفزهم.. و يدفعهم للعمل.. فبتتحول نظرتهم الإيجابية دي.. إلى طاقة جبارة..
عندهم القدرة انهم ياخدوا موقف كل الناس شايفين انه سلبي.. و يحولوه لموقف ايجابي.. بانهم يوروا للناس زاوية تانية ممكن ينظروا منها للموقف ده..
بالنسبة للناس دول.. نصف الكوب دايما مليانمهما كان شكله نصف فارغ بالنسبة لباقي الناس
من هؤلاء الناس كثيرين جداً.. صنعوا التاريخ..
بل صنعوا حياة امتدت بها حياتهم حتى بعد موتهم..
منهم سيد قطب رحمه الله.. شيخ مريض.. مرمي في المعتقل.. يرى من صنوف العذاب أصناف و ألوان..
و لكن المؤمن دايما إيجابي..
من أحلك اللحظات.. و من قلب محنة سيد قطب.. يولد كتاب "في ظلال القرآن".. تجربة انسان عاش في رحاب القرآن.. و تقاعل معاه..
بعيداً عن الدنيا.. في قلب زنزانة..
و من قبله ابن تيمية.. قمة النظرة الإيجابية..
يسجن و يعذب.. فيقول :
"ما يفعل أعدائي بي؟.. أعيتهم الحيلة.. أنا حبسي خلوة..و قتلي شهادة, و إخراجي من بلدي سياحية.."
و من قبله صحابي جليل.. يقتل .. فيقول "فزت و رب الكعبة"
و من قبل هؤلاء كلهم.. [COLOR="red"]الحبيب صلى الله عليه وسلم[/COLOR].. يبعتلك بشارة من أكتر من 1400 سنة..
يقول :" عجباً لأمر المؤمن إن أمره كله له خير .. إن أصابته سراء شكر فكان خيراً له و إن أصابته ضراء صبر فكان خيراً له و ليس ذلك لأحد إلا للمؤمن ."
سبحان الله..
بل عجباً لهذا الدين الذي يصنع إنساناً قمة في الإيجابية..
اللي له حال مع القرآن.. يتعجب من السياق القرآني الإيجابي العجيب.. لايمكن انسان يعيش مع القرآن .. ويتربى على القرآن و معانيه حقاً.. و يكون سلبي ابداً..
لأنه كلام الله سبحانه و تعالى.. خالقنا.. و العالم بينا و بإيه يصلح دنيانا و أخرانا..
و العالم قد ايه النظرة الإيجابية ممكن تغير حياة إنسان.. ممكن تبني أمة..
"إن الله ليرفع بهذا الكتاب أقواما ويضع به آخرين"
طب ازاي الكلام ده؟.. ازاي النظرة الإيجابية و التفكير الإيجابي له الأثر العجيب ده؟؟

.....وللحــــــــديــــــث بقيــــــــة.....

**صابرة*22** · 11-09-2007, 12:09 AM

اهـــــــــــــــلا اختى سمر....
يلا نكمـــــــــــــل الباقى..

**angel_81** · 11-09-2007, 12:10 AM

قصة حلوة قوي ومفيدة جدااا بجد اختيارك ليها كان في محله وبجد احسنتي الاخيار ربنا يجازيكي خير وهنستني تكملة القصة

**مشاعر الورد** · 11-09-2007, 12:35 AM

ماشاءالله ياصابرة موضوعك رائع
ونحنا بالإنتظار الباقي

**صابرة*22** · 11-09-2007, 12:58 AM

الكلمات.. و المواقف.. و معانيها..
أي محاور أو مذيع متميز هاتلاقي عنده القدرة
العجيبة دي على "إعادة صياغة الأفكار"..
بحيث انه يغير الزاوية اللي بننظر منها للفكرة دي.. فيتغير معناها بالتالي..
ده على مستوى المذيع.. أو المحاور
فما بالك بجهاز إعلامي عالمي.. يسيطر على عقول الناس؟
[COLOR="blue"]الحقيقة حالنا مع الإعلام بيفكرني بفيلم [/COLOR]"ماتريكس
".. فعلا باحس ان كلنا –إلا من رحم الله- عقولنا متوصلة و مربوطة بجهاز إعلام عالمي عمال يلعب في عقولنا و يصول و يجول براحته..
إعلام عنده القدرة انه يعيد صياغة الجمل و الأفكار.. فيخلي المكسح عجلاتي.. و الأعمى ساعاتي..
يخلي حراميها يبقى حاميها..
يخلي الإحتلال الأمريكي للعراق.. يتكلم عن نفسه.. و يقولك : نحن (أمناء) على بترول العراق..
الحقيقة..
عقولنا أمانة.. و مسئولية..
و كمان الزاوية اللي بننظر منها للأمور. أمانة و مسئولية..
و لو ما اتحملناش مسئولية الزاوية اللي بننظر منها للأمور.. و اخترناها بوعينا.. و إرادتنا..تأكد.. ان حد تاني هايتولى المسئولية دي و يتحكم في عقلك.. بدل ماتتحكم انت فيه!!
زي مين مثلا؟..
- شركات الإعلان اللي بتربح مبالغ مهولة.. و اللي وظيفتها الحقيقية هي إعادة صياغة الأفكار و المنتجات.. أو وضع المنتج في أفضل إطار ممكن.. بحيث دايما يحسسك ان المنتج اللي بيعلن عنه هو اللي هايحل مشاكل حياتك كلها.. هو اللي هايخليك أشيك.. أقوىأسعد.. أرقى.. إلخ..
الإعلان له دور رهيب في حياتنا..
تخيل ناس عندها القدرة انها تقدملك سم الفئران على انه "إكسير الحياة" .. مش ده اللي بيحصل في إعلانات السجاير؟.. و المصيبة .. ان الناس بتصدق..
مين كمان؟
-بتوع العلاقات العامة .. و دول بقى شغلتهم هي "إعادة ترتيب الحقائق" قدام عينيك.. بحيث يخفوا عنك نقاط معينة.. و يبرزوا لك نقاط تانية..
المسوقين و بتوع المبيعات.. و السياسيين.. و الفنانين.. كل دول خبراء برضه في عرض بضاعتهم و أفكارهم و خدماتهم و آرائهم في الطريقة اللي المفروض نعيش بيها حياتنا.. طبعا بيرسموا لنا حياتنا بالشكل اللي يخليهم دايما هما يظهروا كخلاصة المجتمع و قمة القمة..
إعادة رسم للحياة.. أصبح فيها الفجور.. فن.. و رقي.. و حرية
و أصبح التدين فيها رجعية.. و تحجر.. و عقد نفسية
الأخبار و الإعلام و الصحافة.. برضه بيعيدوا تشكيل أفكارنا و معتقداتنا عن الحياة و عن العالم.. عن طريق اختيار ايه اللي يقولوه.. و ايه اللي مايقولوهوش..
فتلاقي تركيز على انحرافات بعض المسلمين مثلا.. و تضخيم لحالات فردية.. و تلاقي تجاهل تام لموقف عالمي عام ضد الإسلام
فيصبح الإستشهادي... انتحاري.. و تخريبي..
و يصبح المجاهد .. إرهابي
و يصبح الإرهابي.. مجاهد.. و محرر للأراضي..
ونكمـــــــــــــل الموضوع بكــــــــرة

**صابرة*22** · 11-09-2007, 01:09 AM

ايوه كده فين باقى الاخوات..؟؟؟
اهلا بالاختين angel_81 , احاسيس الورد
تابعو معايا الموضوع بكرة ان شاء الله...
انا اسفة بس انا تعبت قوى النهاردة
يـــــــــلا ســــــــــــــــلام..مستنياكم بكرة..

**صابرة*22** · 11-09-2007, 01:51 AM

اسفـــــــــــــــــه اختـــــــــــــــى مشاعـــــــر الورد....
انى لخبطت في اسمك...
انا شكلى نمت بالفعل...
sorry ..

**صابرة*22** · 11-09-2007, 06:03 PM

جربت تروح للمصوراتي قبل كده؟..

خدت بالك ازاي المصوراتي المحترف بيركز الصورة على أجمل مافي الشخص بحيث الصورة تطلع حلوة؟.. فبيقولك تقعد أو تقف ازاي.. تبص فين.. تضحك امتى.. الخ
المعاني اللي بنعطيها للمواقف في حياتنا بتعتمد على أي جزء من الموقف بنركز عليه و نبرزه.. و نطلعه في الكادر.. أو في الصورة.. زي ما المصوراتي بيعمل بالظبط
ترجمتنا لأي موقف أو حدث أو تجربة في حياتنا بتعتمد على ايه اللي بندرجه في الصورة و ايه اللي بنستبعده أو بنتجاهله..
كل شئ في حياتنا نسبي.. مثلاً .. لما بنفكر في موقف معين او تجربة معينة على انها تجربة سيئة.. سلبية.. مزعجة.. غالباً ده بيحصل لأنك بتقارن التجربة دي بتجربة أو موقف تاني تعتقد انه أفضل منها..
و سبحان الله.. تأمل حديث الحبيب ..
"انظروا إلى من أسفل منكم ولا تنظروا إلى من هو فوقكم• فهو أجدر ألا تزدروا نعمة الله عليكم"

انا مش قصير وقزعة(الكلمـــــات...والمواقف..ومعانيها..)

انا مش قصير وقزعة(الكلمـــــات...والمواقف..ومعانيها..)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق