تويت
شعار ♥وصفة متميزه♥أقدر اسميها كيكتي
بصراحة انا أموت بكيكة التمر والجوز وصار لي فترة ادور على طريقتها لأنها كانت عندي بس للأسف ضيعتها وأنا أحب الطريقة اللي فيها سميد ونظراً لوجود التمر بالبيت هالأيا(خصوصاً برمضان) كنت بموت وأسويها
فتوكلت على الله هذاك اليوم وقلت يالله صابت والا خابت خلني أحاول
وكانت مقاديري كالآتي:
نصف كوب سمن (لعدم توفر الزبدة بس سويتها مرة ثانية بزبدة وطلعت لذيذة)
نصف كوب حليب (دافي شوي)
كوب تمر منزوع النواة ومقطع وبعد ما مليت الكوب بالتمر أضفت له ماء (يعني يادوب يغطي التمر)
ثلاث بيضات
نصف كوب سكر
كوب طحين بالخميرة
نصف كوب سميد
رشة ملح
ملعقة صغيرة فانيليا
ملعقة صغيرة (بيكنج صودا)
نصف كوب جوز
الطريقة:
طبعا عالعادة بديت بالسمن والسكر وبعدين أضفت عليهم البيض وخفقتها جيداً (حلوة جيداً هاذي)ونضيف الفانيلاي ورشة الملح
ثم نضيف لهم الحليب وماء التمر
ننخل الطحين مع البيكنج صودا فوق المقادير ونضيف السميد
نخلط التمر والجوز بالملعقة وتخبز بفرن متوسط الحرارة وطبعاً لا تنسين تكونين مسخنته مسبقاً
والف صحة وعافية عليكم
وهاذي الصورة
الملفات المرفقة
تعليق