الكيكة الرخامية الملونه :)

[ام عزيزان]

مقادير الكيكه اللي انا دايم اسويها كالتالي

1 ونص قلاص سكر بودره
1 ونص قلاص طحين
ثلث قلاص زيت
5 بيضات مع اشوية خل
فانيلا
بيكنج بودر ملعقه
ربع قلاص حليب سائل

الطريقه :

اخلطي البيض جيدا مع الخل .... ثم اضيفي الفانيلا... ثم السكر ... ثم الزيت.... ثم الحليب ... واخلطي جيدا

اضيفي الطحين والبيكن باورد حتى تتجانس كل المقادير


لما تسوين الخليط قسميه الى 3 اقسام

القسم الاول خليه مثل ماهو ابيض

القسم الثاني حطي عليه الوان الطعام لون احمر

والقسم الثالث حطي عليه ككاو

صبي الخليط الابيض في قالب الكيك وبعدها الوردي ثم الككاو واخليطهم اشوي بالشوكه ..... مثل الكيكه الرخاميه

ودخليها الفرن على درجه متوسطه 160 درجه.... لمدة ساعه الا ربع

ولما تبرد زينيها بالتوفي او بالكريمه

وعليكم بالعافيه



وهذى قطعه ثانيه .... لاني حبيت اوريكم شكلها من داخل اشلون تصير الوانها

[إيمان علي]

تسلم إيديكِ أم عزيزان، شكلها طيب جداً، وأنا عادة بعمل مثلها لكن بلونين مش أكثر.. أعطيتيني فكرة جديدة
لكن لما أمزج اللونين للترخيم، أمزج بقشة أسنان، بيطلع شكل جميل جداً حتى قبل الخبز.

[ام عزيزان]

ايمان علي

الله يسلمك عزيزتي

واتمنى تجربينها راح تعجبك

وفعلا قشة الاسنان فكره ما طرت على بالي

وكلك ذوق عزيزتي

[Hamsat Eshog]

هلااااا والله بأم عزيزان ممممم أنتي نفسها اللي في منتديات عالم حواء؟؟
إذا انتي نفسها وانا متأكدة أنج انتي هي ماشاء الله عليييييييج طباخه ماهرة وو ها يا بنات ترى وصفات أم عزيزان رهييييييييبه أنتو جربو وشوفو أكيد بيطلع
وهذا الترحيب مني لج

وأكيد مع الورد

[نـورا]

روووووعة يا أم عزيزان .. أنا أيضاً عادةً أعمل الرخامية بلونين .. لكن الآن أضفتي لي فكرة جديدة
تسلم إيديكي .. الصور ما شاء الله تغني عن التعبير

[سنووايت]

تسلم هل الايدين يارب عزيزتي ام عزيزان
اول مبارح عملت طريقة الاخت وله في الكيكة الرخامية وطلعت معي كتير طيبة
بس اليوم شفت موضوعك وعجبتني فكرة اضافة لون اخر
وطالع معك غير غير شكل
اذا الله راد راح سويها يوم الاحد وخبرك
ما يحرمنا منك يارب

[أم_هاجر]

يسلمووو حبيبتي على الوصفه الأكثر من رائعه وان شاءالله راح اجربها لأنها سهله وحلوه

الله يعطيج العافيه ياقلبي

[Methayel]

تسلمين عزيزتي على الوصفة جزاك الله خير

[ام عزيزان]

فعلا هي فكره جديده

واتمنى تجربونها

وان شاء الله تعجبكم

وشاكره لكم المتابعه عزيزاتي

[مرايم الحلوة]

اني الصراحة ابغي أجربها لكن بغيت أسألك بعض الأسئلة:
كم هو حجم الكأس؟
ليش الخل؟؟؟
وهل بإمكاننا الاستغناء عن اللون الأحمر بشراب الفراولة المركز؟؟؟؟

[ام عزيزان]

اني الصراحة ابغي أجربها لكن بغيت أسألك بعض الأسئلة:
كم هو حجم الكأس؟

حجم الكاس هو جبن بوك العادي


ليش الخل؟؟؟

الخل عشان لا تبين ريحة البيض وابدا ماراح تحسين في ريحته

وهل بإمكاننا الاستغناء عن اللون الأحمر بشراب الفراولة المركز؟؟؟؟

لا شراب ما يصير لان مقادير الكيكه ماتسمح باضافة سوائل اخرى

ويا هلا فيك

[مرايم الحلوة]

انزين حجم الكاس الصغير والله اللي اكبر شوي؟؟؟

[لاتحزن]

بسم الله الرحمن الرحيم..

الله يسلم يدينك..

الكيكه شكلها وايد رهيييييييييييييييييب..

[نوشا]

ام عزيزان انا متبعاكى فى عالم حواء
ومن اشد المعجبين بكل مواضيعك
وكان نفسى اراسلك واخد ايميلك
بس للاسف معرفتش
المهم المنتدى نور بيكى
وتسلم ايدك على كل شى
والكيكة طبعا ما عليها كلام
انا بعملها بلونين بس
الاحمر حاجربة
وفى انتظار مزيدك

[ام عزيزان]

حجم الكاس : 240 او 250 غ

وشاكره لكم متابعتكم وذوقكم عزيزاتي

لوشا

تسلمين وكلك ذوق والله