ورشة عمل البلوزةالكروشيه التوب

[yasmin*]

السلام عليكم ورحمة الله وبركاته

النهاردة بأذن الله هنبدأ ورشة البلوزة التوب اللى هى دى
وده الرابط القديم http://www.lakii.com/vb/showthread.php?t=564630



شوفوا يا بنات اهم حاجة المقاس وده طبعا يختلف من شخص للاخر
الاول احنا هبتدى بشغل الورد اللى فى القمر تحت وعن طريقه هنحدد المقاس يعنى هنعمل الوردات الاول ونشبكها على مقاس الخصر يعنى تحت الوسط عند عظام الحوض تمام وبعدين هنشتغل داير ما يدور بالغرز لفوق
قبل ما نبدأ بتحميل صور عمل الوردة هصلى المغرب وارجع ويا ريت كلنا نقوم نصلى يا حبيبى

[om abdo]

على بركة الله ابتدى

يارب الاقى خيط جميل ذى بتاعك وابدا معاكى

[اما البنات 4]

بصى ياستى انا عندى 2اخضر و1اصفرو1 فوشيه متهيالى كده هايبقى عك بس انا ممكن اتمرن فيها لو طلعت حلوه ابتدى اعمل حاجه تانى معاكى انشاالله بس عايزه اعملها لبنتى 12 سنه معلش ابتديت الرخامه ههههههههههههههههههه

[yasmin*]

على بركة الله ابتدى

يارب الاقى خيط جميل ذى بتاعك وابدا معاكى

تشرفينى وتنورينى يا ام عبدو جزاكى الله كل خير يا رب

[yasmin*]

بصى ياستى انا عندى 2اخضر و1اصفرو1 فوشيه متهيالى كده هايبقى عك بس انا ممكن اتمرن فيها لو طلعت حلوه ابتدى اعمل حاجه تانى معاكى انشاالله بس عايزه اعملها لبنتى 12 سنه معلش ابتديت الرخامه ههههههههههههههههههه

انا عينية ليكى يا قمر شوفى انا رأى انك بدل 3 الوان تخليهم لونين يعنى تخلى الفوشيه وتستبدلى الخضرة بواحدة صفرة او العكس لانى بصراحة الفوشية حلو مع الاصفر وكمان حلو مع الاخضر بس لو 3 هيبقى مش حلو فانتى اعملى زى ما قلتلك ما شى يا قمر

[om medoa]

يالا يا ابله انا جهزت الخيط ومستنيه
انا عايزه رايك انا عندى لون اصفر هبدا بيه ايه رايك ادخل معاه لون لبنى
لان البلوزه هعملها لبنطلون جينز وفيه خط اصفر
لبنتى 4سنوات

[yasmin*]

بسم الله الرحمن الرحيم

الاول با ترون الوردة اهو


وطريقتها واحدة واحدة

نبتدى بعمل 7 سلاسلل ونغلق بمنزلقة





بعدين نطلع 4 سلاسل




بعد كده نحشى الدايرة ب 16 عامود بلفتين




ونغلق بمنزلقة فى السلسلة الرابعة فى العامود رقم واحد

بعدين نطلع 4 سلاسل






ونسيب اول وتانى عامود وبعدين ندخل حشو فى العامود التالت

[nijar]

ربنا يوفقكو هاتابع معاكو بس بالنظر والمعرفه بس
وهسيب التطبيق شويه كده

[yasmin*]

وهكذا نسيب عامودين ونعمل غرزة حشو فى العمود التالت





ثم نغلق بمنزلقة

بعد كده ندخل فى اول فراغ عملناه ونطلع بمنزلقة حتى نكون داخل اول فراغ



نطلع بعد كده 4 سلاسل




بعد الاربع سلاسل اللى بمثابة اول عامود نعمل عامود بلفتين بس نسيب اخر لفة خالص فيه



ونعمل كمان 2 يعنى هنعمل 3 عماويد غير الاربع سلاسل يعنى يعتبروا 4 عاوميد
هيبقى فيه على الابرة 4 لفات




نطلع بيهم كلهم بغرزة واحدة منزلقة وبعدين سلسلة




نمشى بعد كده 5 سلاسل





كده عملنا البتلة الاولى ندخل فى تانى فراغ ونكرر فيه نفس الخطوات
4 عاوميد ونخلى اخر لفة لكل عامود على الابرة وبعدين نطلع بيهم كلهم مرة واحدة بمنزلقة







لغاية ما نوصل ل 8 بتلات ونغلق بمنزلقة




وبكدة تكون طريقة عمل الوردة هااااااا فى اى سؤال
الباترون اهو

[شاوي]

موفقة ياسمين تسلمي

[yasmin*]

يالا يا ابله انا جهزت الخيط ومستنيه
انا عايزه رايك انا عندى لون اصفر هبدا بيه ايه رايك ادخل معاه لون لبنى
لان البلوزه هعملها لبنطلون جينز وفيه خط اصفر
لبنتى 4سنوات

شوفى يا قمر ده يرجع لذوقك هو ممكن عادى جدا وومكن كمان يبقى احلى على البنوتة ربنا يخليهالك انتى ممكن تعملى صف ورد لون والصف التانى لون وتعملى الغرز فوق كل 4 سطور لون وان شاء الله تطلع جميلة

[بتوته كتكوته]

بالتوفيق بلوزه حلوه اوى ماشاء الله

[loussi07]

ورشة حلوة والتوب احلى وشرحك واضح
الله يعطيك العافية وبالتوفيق

[أميرة الكروشية]

ما شاء الله شرحك رائع يعطيك الف عافيه

[افنان المصرية]

ايوة يا قمر جارى التنفيذ بس اذا وقفت مع شئ اكيد راح اسال الاستاذة
ماشى ياقمر