مليت من القطايف التقليدية..... تفضلي.....

[وعود الخير]

كل عام وانتم بخير... جبت لكم طريقة تقديم جديدة للقطايف ان شاء الله تعجبكم...

اولا : قطايف عصافير صغيرة لا يتعدى القطر 2 سم (الكمية حسب الرغبة)
ثانيا: قشطة... كرز معلب..... عسل.. فستحق حلب محمص ومطحون

الطريقة:
ملعقة قشطة صغيرة فوق كل قرص قاطايف وفوقها حبة كرز وشوية عسل نحل ورشي فوقها فستق ناعم
وبعدين خليها في الفريزر لمدة ساعتين على الأقل.. وبتتناوليها كنوع من التسالي والحلويات بعد صلاة التراويح
وصحتين وعافية

[(راما)]

مرحيًا وعود،،
و الله أنا عملتها مرة من كثرة ما قالوا عنها لذيذة بس ما حطيتها بالفريزر و لا حطيت عليها كرز حطيت فستق حلبي ما بعرف ليش طعمها ما عجبني معقول لما تنحط بالفريزر رح يختلف الموقف و لا نفس عجنة القطايف الها دور ما بعرف؟؟

[بنبونة]

صباح الخير يا وعودة
تسلم إيدك الفكرة جديدة على
ولى سؤال بسيط القطايف محمرة و لا بدون تحمير ؟؟؟؟؟

[وعود الخير]

دعاء ... انا ذقتها عند ناس وعجبتني كثير .. واخذت الطريقة..
الست بتعمل العجينة في البيت من طحين زيرو(طحين ابيض نقي) وبتقول ان نوع الطحين له دور في الطعم..

[وعود الخير]

بنبونة...
القطايف كما هي يا عزيزتي بدون تحمير...
مثل القطايف التي نحشوها بالكريما ولكن هذه تترك كما هي مستديرة..
وعلى فكرة هي طيبة.. جربوها.

[ام مودي]

ياا عيني..تسلمي يا وعوود عالطريقة..يعني اصدك ما بتتسكر..بنخليها زي ما هي مدورة??والله بيتهيالي شكلها حيكون لذيذ..
يسلمووووووووووووووو

[الفتاةالطويله]

تسلمي وعود قصدك تؤكل مسقعه وكيف اولادك حبوها؟؟؟؟؟؟؟؟؟؟؟على فكره عملت كرات التونا اللي عملتهم منال وطلع زاكي كثير جربوها

[وعود الخير]

واوا.. ام مودي هنا يا ميت مرحبا.. نور الموضوع... نعم ا ام مودي تبقى الحبة كما هي شكهلا مدور وعليها لون ابيض وفوقها حبة كرز حمرا وبعدين شوية عسل ورشة فستق .. لوحة فنية ولما بتكون مثلجة بيكون طعمها غير شكل بيعقد.

أم يوسف .. هم بس حبوها.. قولي التهموها...
اصلي حبيت اجربها قبل ما انزلها في المنتدى...

[ام مودي]

وعود..انا بلحق مواضيعك و ردووودك ترى..وين ما بشوف اسمك على طول بدخل بدوون تردد..انت عزيزة و غااااالية..
قوليلي بتستعملو عجينة معينة و لا اي نوع ما بتفرق?

[هنلي]

شو يا وعود اول شي بتعملي حقل تجارب في الاولاد بتجربيها عليهم بعدها بتحطيها في المنتدى زيي
انا بس بجربها على تالا وعلى اهلي بعدها بحطها
على فكره في عاده عنا في العيله كلها من الصغار للكبار وهي بنتي اولهم بيحبوا عجينه القطايف نيئه او احشيها مكسرات وبيوكلوها من دون تحمير ولا قطر وطعمها طيب واكيد هذه الفركه طيبه وحلوه زي صاحبتها

[احاسيس مرهفة]

وعوووووووود شو اخبارك حبيبتي

بارك الله فيكي وفي مجايبك يالغالية

تسلمي ياقمر

[طيـــف]

السلام عليكم ورحمه الله

وعوده كيف حالك اشتقت لك مبروك عليكِ الشهر

فكره رائعه وانا عم بقرا تخيلت الشكل والطعم خصوصا بارده اعتقد متل تارت الايسكريم

رح جربها اليوم وادعي لك

[وعود الخير]

طيوف... كيفك والله اشتقت لك وكنت ناوية اليوم اسأل عنك وعن كم صبية مختفية من مدة
شرفت ونورت واهلا بك .. وتقريبا طعمها زي ما قلت تارت أيس كريم بس بالقشطة مش بالكريمة.. بتعرفي اوحيت لي بفكرة اني احط ملعقة كريمة تحت الكرزة.. بدي اجربها

أم مودي تسلمي يا غالية والله خجلتيني بكلامك الحلو زيك.

سيسو.. منورة يا قمر... تسلمي بس جربيها.

[وعود الخير]

عفوا أم مودي ... يفضل ان تكون القطايف مصنوعة من الدقيق الزيرو... دقيق الكيك والحلويات

هنلي.. .. والله خليتيني اشفق على تالا... هلأ المسكينة حقل التجارب الوحيد لك، الله يعينها...

[طيـــف]

حبيبتي وعوده الله يسعدك يارب

خلص احكي لي بس تجرببيها بالكريمه اعتقد رح تبقي الذ والذ

واليوم انشاءالله رح اسويها بس خطر ببالي اني اطبخ القشطه بمعلقه سميد
يعني اضيف لها مسكه وماء الورد ومعلقه سميد اعتقد بيعطيها طعم شو رايك

خصوصا اني بموت بالسميد المطبوخ مع القشطه

تحياتي