ماذا تهدين لزوجك ، ساعديني؟؟؟؟؟

[بحور]

السلام عليكم ورحمة الله وبركاته
















ردوا السلام ياحلوين















لو سمحتوا ممكن تعطوني أشياء ممكن أهديها لزوجي ، الرجال لاحظت عليهم صعب نشتريلهم شيء عكس النساء ، خبروني عن هدايا حلوة هديتوها لازواجكم غير( العطور والنعال والساعات
والاقلام والميداليات، وحتى الملابس ) أريد شيء راقي وحلوومبتكر أكون ماهديتله اياها



ولكم جزيل الشكر على تعاونكم

[بـنت الأمارات]

وعليكم السلام.....

هلا عزيزتي مثل ما ذكرتي هدايا الرياييل صعبة وما في خيارات كثيرة...بس انتي ممكن

تعرفين احتياجاته وتشترين له بيفرح أكثر.....

ممكن تشترين له اشياء الكترونية اذا هو يحب الألكترونيات ...مثل موبايل او لاب توب بس

يمكن غالي شوي يعني بيكلفج...بس اذا ما عنده بيفرح فيه وايد ..

ممكن تاخذيله بوك (حافظة نقود) ماركة ....

ممكن تشترين له من بودي شوب السلة اللي تكون فيها اغراض مثل صابون وشامبو وكريم بعد

الحلاقة.....الخ..

اذا زوجك رجل اعمال ممكن تاخذيله شنطة يحط فيها اوراقه واشياءه المهمة ...

هذا اللي عندي الحين واذا ذكرت شيء بضيفه ......

[om-maryoom]

ممكن بيجاما اللي تكون مو حرير ( لانه حرام ) بس تكون نايلون او حتى قطن من النوع المرتب الكشخة مع ملابس داخلية على ذوقك مع مناشف طقم رجالي
ممكن مثل ماقالت الاخت الالكترونيات عندك sony عندهم اشياء روعة ممكن كاميرا ديجيتال او جهاز تلفزيون مصغر بحجم كف اليد او حتى ساعة منبه الكترونية فيها راديو شكلها modern ويحتاجها في الصبح خاصة اذا دوامه متاخر عنك او قبلك
ممكن كماليات خاصة للكومبيوتر printer و scanner او حتى حافظة cd من ايكيا مثلا اشكالهم روعة
ممكن مصحف حجمه كبير مع حاملة مصحف ومسباح وكتاب اذكار وسجادة ( تناسب الشهر الفضيل)
ممكن قطع قماش دشداشة شتوي مع شماغ كشخة ومسباح رزة
ممكن تهدينه شريط يستمع له فيه كلمات حلوة منك تعبرين فيه عن مشاعرك نحوه وممكن اشرطة (طارق السويدان ) مجموعة كاملة يستمع لها في السيارة
ممكن اكسسوارات مكتب اذا يعمل في مكتب مثل حافظة اقلام ورفوف صغيرة للاوراق وغيره
ممكن اذا يحب الشوكولاته ( في رجال يحبونها ) تشترين له سلة على شكل يناسب الرجال وتملينها شوكولاته يضعها على مكتبه وكل ما اشتها اكلها وتذكرك وشكرك
وفي بقية قادمة اذا تحتاجين افكار بعد

[ملاذ نجد]

حبيبتي.......بحـــــــــــــــــور

الســــــــــــــــــــلام عليك
ولاتزعلين
يالطيبة........زوجك من اى نوع
يعني........يقدر الهديه مهما كانت قيمتها
والالأ......
ممكن تكون الهديه متكررررررة لكن التغيير في طريقه
الاهــــــــداء.

بالنسبة لي....اخر مرة هديته باقه ورد مع فانوس ليله رمضان
وهو في المكتب وكان مرة مبســـوط بالمفاجئة
ويقول كل شي كنت اتوقعه الاهذا .......


ومرة ......سكرت نور البيت
ولعت شموع وحطيت الهدية عند أخر شمعه
الأخ.....ولع النور وراح يطفي الشموع
ويدور علي ولم لقي الهديه بطل يناديني......

[بـنت الأمارات]

حبيت اضيف فكرة عزيزتي ...

ممكن تشتريله مجموعة كتب في الأختصاص اللي يحبه وتكتبين اهداء له على كل كتاب يعني

عبارات حلوة وتحطينهم في سلة مثلا وتغلفينهم بطريقة حلوة......

والسموحة.....

[أسماء زكي الدين]

السلام عليكن ورحمة الله وبركاته ..


بصراحــــة الأخوات ما خلوا شي ما كتبوه .. لكن عندي هدية مختلفة غير التي يستعملها هو لنفسه .. ممكن تهديه فستان بلون يحبه وتلبسيه له وحده .. من فساتين السهرات اللي البعض يطلعون فيها - الله يهديهن .. وتعملي له ليلة مفاجأة عشاء هادئ لكما معا على أضواء الشموع مع باقات من الورود في أماكن جلوسه ونومـــه .. سعادته بهذه الهديه بتكون أكبر .. وبيتذكرك دائما في هذه الصورة

[بحور]

مشكوريييييييييييييييين وااااااااااااااااااااااااااايد
وأسمحولي تعبتكن معاي
لكن بصراحة عندكم أفكار حلوة وايد وما خطرت في بالي
وماأقول غير الله يوفقكم دنيا وآخره وعسى الله أساعدكم في اللي تحتاجونه
ولكم جزيل الشكر

[دانةالكويت]

انا عندي هدية من نوع ثاني وفكرت اهديها لزوجي بس ليلحين ما ياتني الفرصة المناسبة علشان اسويها .... وهي حجز في منتجع او منتزه او شاليه على البحر لمدة يومين او ثلاثة وتكون في يوم الاجازة والظروف اوكي اكيد راح تعجبه ....