دونات الآلة........مساعدة عاجلة

[اليازي]

مرحبا خواتي العزيزات
عندي طلب بسيط أتمنى حد يجاوبني عليه
مره كنت في زيارة لأحد المعارض......وكلت دونات رووووووووعة ويوم سألت عن الطريقة
كان الجواب انها بالآلة ومالقيت اجابة شافية.......وكان طعم الجرفه واضح فيها يممممممم؛)
ياليت الي عندها الطريقة تعطيني لاني ناوية أشتري الآلة آخر الاسبوع ان شاء الله

[شمالية غربية]

حياك الله اختي :
بالنسبة للنوع هذا من الدونات ماذقته ,لكن فيه مدرسة عند اختي ,تسويها لهم دائما ,ويقولون لذيذة ...
انشاء الله احاول اجيب الطريقة ,واكتبها لك ..

مافهمت الكلمة هذي (وكان طعم الجرفه واضح فيها يممممممم؛) ممكن توضحين لي..

[ذكرى]

اليازي اسمك روعه

انا عندي اله الدونات الكهربائيه واذا تبغي الطريقه اكتبها للك بس استغربت يوم تقولي انه فيها طعم الجرف وش قصدك؟؟؟؟؟؟؟؟؟؟؟؟؟؟؟

[السلفية]

هههههههههههههههه قصدها الدارسين ..

وأنا عندي طريقة رائعة للدونات الآلة .. هي طريقة الكيك العادي وتصبينها في الآلة لمدة أربع دقايق تقريبا .. وبعدين تصبين عليها التوفي والله لذيذة جدا جدا جدا .. حتى مرة سويتها لرفيقاتي ويا ليتني ما سويتها كل مرة والثانية يقولون سويها وجيبيها ..

[اليازي]

السلام عليكم جميعا .. وآسفة جدا جدا على التأخير الاضطراري طول الفترة اللي مضت .
خواتي .. أولا أحب أشكركم على تفاعلكم مع الموضوع .. وأحب أخبركم أني اشتريت الآله وبإذن الله بجرب اليوم فيها عمل الكيك .. والدونات أنتظر طريقتها منكم .

** شمالية غربية :
(القرفة = الدارسين ) مثل ما وضحت إختي سلفية . وأنا بانتظار طريقة مدرسة إختج . وإن شاء الله تحصلين عليها بأسرع وقت .

** ذكرى :
الله يحلي أيامج عزيزتي ذكرى . ويالله إختي كتبيلي طريقتج في عمل الدونات .. مع خالص شكري لك .

** سلفية :
شكرا جزيلا إختي سلفية .. ما قصرتي .. بس عزيزتي ممكن تكتبيلي طريقتج في عمل الكيك عشان أجربها .. والتوفي بعد ====> (( طماعة صح ))

[شمالية غربية]

اختي اليازي :
انا كلمت اختي ,لانها تسكن في مدينة ثانية ,وقلت لها تسأل زميلتها المدرسة ,وانشاء الله بترد لي ..

-------
السلفية الله يسعدك :اكتبي طريقتك بسرعة بسرعة بسرعة ......الخ

[السلفية]

وعليكم السلام ورحمة الله وبركاته ..

أخواتي اليازي وشمالية .. هذه طريقة الكيك .. وإن شاء الله تعجبكم ..

المقادير /
كوب ونصف طحين
4 بيضات
كوب سكر
ربع كوب زيت
ملعقة أكل ب ب
ملعقة صغيرة فانيليا
حليب كارنيشن أو قيمر
2 ملعقة صغيرة هيل ناعم ( أو دارسين على حسب رغبتك )
----
الطريقة // تخلطين المقادير السائلة مع بعض بالخلاط الكهربائي أو اليدوي .. ومن ضعي المقادير الجافة واخلطيهم بالملعقة الخشب ..
-----
لماذا نستخدم خليط الكيك للآلة الدونات ؟؟؟ لأن الآلة تحتاج إلى عجينة شبه سائلة وليس عجينة الدونات المتماسكة ..
---
مقادير التوفي /
نص كوب سكر
علبة قيمر
ثلث علبة الزبدة ( زنة 113 غرام ) أم ممكن تستبدلينها بالزيت ..
------
الطريقة / يوضع السكر والزبدة على نار هادئة حتى يذوب السكرتماما ويصبح لونه أشقر ثم يوضع القيمر ويقلب بسرعة حتى ما يتكتل ..
----
طريقتي أنا في التوفي / أخلط السكر والزبدة أو الزيت مع القيمر قبل ما أحطهم على النار .. ومن ثم أضعهم على النار وأقلب فيهم إلى يذوب االسكر ..






طولت عليكم .. على العموم بالهنا والعافية

[شمالية غربية]

الله يجزاك الجنة يالسلفية ويرزقك ماتتمنين ...اميييييين
حليب كارنيشن أو قيمر
طيب الحليب سائل ...والبديل اللي هي القيمر ,يعني مش سايلة مره ,ايش الافضل ؟

[السلفية]

اللهم آمين .. اللهم آمين .. اللهم آمين

أنا أفضل الحليب .. لكن إذا ما كان متوفر حطي القيمر .. صدقيني الفرق ما راح يكون كبير ..

[عواشة]

السلام حاضرين .....
عندي طريقة وايد حلوة........
لكن الوقت متأخر غدآ بكتب الطريقة......

[المهذبة]

وين الطريقة ياعواشة

ترانا في انتظارك

[زهور الربيع]

أختي شمالية غربية منورة الركن
صار لك مدة مو مبينة انشاء الله يكون المانع خير
نتمنى تواجدك معانا ولاتحرمينا من الطلة الحلوة




أختي السلفية شكرررررررررآ جززززززززيلآ على وصفة الدونات
هل طريقتك أختي تضبط بدون ماكينة الدونات الخاصة ؟؟؟؟؟؟
وجزاك الله ألف خير

[الكويتية]

السلام عليكم اختي اليازي انا راح اعطيك طريقه دونات الاله وجدا سهل ورهيب وخفيف
المقادير
2قلاص طحين
1قلاص سكر
1قلاص زيت
1 كريمه حمراء kdd
2 م.م بيكتج باودر
الطريقه
يخلط جميعا في خلاط الكيك ويصب بالاله لمده 3 دقائق ويرفع
يرش بالسكر او الكاكاو حسب الرغبه
جربيه فعلا رهيب

[عواشي]

السلام . .
اختي اليازي أمي اتسوي دونت بالمكينه بس حده رهيب عاد انا يبتلج الطريقه . .
أول شيء : كوب سكر تخلطينه مع 3 بيضات + اشويه فانيليا (( و ذبحيه بالخلط ))
بعدين : 1 كريمه حمراء KDD + فنجان حليب باودر
طبعا خلطيهم مع بعض بعدين ضيفي عليهم 1/2 كوب طحين و ملعقه بكن باودر
و آخر شيء 2 كوب طحين
ثم تركي العجينه ترتاح بعد ما ذبحتيها خلاط لمدة 15 دقيقه

و بالهنا و الشفا



دعواتج للوالده

[الكويتية]

السلام عليكم
اختي عواشي اسمك مثل اسم بنتي الله يخليك لاهلك

امك تسوي نفس دوناتي بس اهي تحط بيض وانا احط زيت وانا الدونات اللي اسوي جدا رهيب وخفيف بس قلت بجرب دونات امك للتغيير
عندي سؤال عن مقدار الكوب يعني نفس قلاص الجبن الصغير والا الكبير لانه انا دايما هذا مقداري


وشكرا