السلام عليكم ورحمة الله وبركاته
ازيكم يا اخواتى الحبيبات
والله انا حاسة ان فرج ربنا قريب قوى علينا كلنا وفعلا هنكون امهات قرييييييييب جدا
ان شاء الله
بس احنا نخلى كل حياتنا لوجه الله
وعلى فكرة يا مروة انا فعلا وصلت لنفس القرار اللى انتى خدتيه امبارح قبل ما ادخل على التجمع الجديد واكتشفت انى قصرت ناحية ربي وبيتى وزوجى وحياتى كلها
ربنااااااا يرزقنا ولا يردنا ابدا خائبين
السبرة الذاتية اهي يا بنات ولو انها مفيهاش حاجة تسر هههههههههه
وكئييييييييييبة بس يلا علشان خاطر تتعرفوا عليا
الاسم : رشا , اوشا , رشروشة اللى يعجبكم ههه
السن : احم احم 28 سنة و8 شهور يلا حسن الختام ههههه
فترة الزواج : 3سنوات و 10 شهور وان شاء الله العمر كله
الحالة مفصلة كالاتى :
تحليل الزوج : فضل من الله الحمد لله كويس
حالة الدورة : الحمد لله غييييييييير مظبوطة خالص وخصوصا بعد مرور سنة من الزواج
يعنى تقدروا تقولوا ممكن شهرين او اقل عقبال ما تنزل الحمد لله
حالة التبويض : الحمد لله ضعيييييييييييف بالنسبة طبعا لسني
تحاليل الهرمونات : الحمد لله كلها سليمة معادا هرمون fsh , lh
حالة الانابيب : الحمد لله بخير مفيش فيها شئ حتى الان هههههههههه
العمليات التى قمت بها : ااااه جينا بقى للسيرة اللى مش ولا بد هههههه
1- قمت بعمليه قبل الزواج استئصال اكياس من على المبيضين وحسبي الله ونعم الوكيل في الطبيب شالى مبيض وقطع من انسجة المبيض التانى
يعنى من الاخر عندى نصف مبيض الحمد لله يارب الحمد لله
2- اشعة بالصبغة والحمد لله مفيس انسداد
3- قمت باستئصال ورم حميد من ثدي اليمين من حوالى سنة ونصف الحمد لله يارب الحمد لله
4- واخيرا علشان اكيد زهقتوا منظار جراحى من حوالى 8 شهور
العلاج الحالى : لا يوجد لانى هابدا من الاول خالص ان شاء الله مع مركز جنين وهاشوف اللى ربنا يقدرهم ويجعلهم سبب لى هيعملوه
بس ادى حكايتى باختصار هههههههههههه
اسفة على الاطالة
الروابط المفضلة