مدارس مدارس...... الجزء الخامس.......

[زقزوقة و زقزوق]

روني ضد روني

السلام عليكم ورحمة الله
الف الف الف مبروك على الجزء الخامس
يارب نقول هنا اى حاجة تفيد غيرنا وتكون فى ميزان حسناتنا جميعا
بجد كلكم وحشتونى غبت يومين لقيت فيه اكتر من 50 صفحة بس قريتهم كلهم
ازيكم وازى كل فرع الهرم ومصر الجديدة ومدينة نصر و............كل العضوات الحلوات المحترمات
بنت مصر الف سلامة على صحبتك وربنا يصبر قلبها على فراق بنتها وما يحكم بيها على حد منا ابدا آمين
زقزوقة ازيك ياقمر انا رايى وديه حضانة كويسة اهه هيبقى فيه استمرارية صيف وشتاء والفايدة تتضاعف ان شاء الله
ام جورى ومسلمة ازيكم وسلام مخصوص لعضوات الهرم
rony_35 مش عارفة اقولك ايه بس احنا عملنا انترفيو فى جينيس والولد كان فى الاول زعلان بس مسز مارى عرفت تعامله حلو جدا انا فعلا متفاجئة من رد فعلها معاكم بس انا مع ام جورى لازم تعرفى ايه الاسباب بصراحة انا اعرف اكتر من حد قابلها وقال انها من عوامل الجذب للمدرسة لانها فاهمه وفعلا لطيفة وبصراحة هيه كانت موافقة على ابنى من اول مرة وبدون تردد مع ان انا كنت شايفه انه كان يومها فى منتهى الرخامة بس سبحان الله ربنا كرمه!!!
معلش ربنا يوفقك لصالح بنوتك وتلاقى لها حاجة افضل من جينيس ان شاء الله
يالا ياجماعة استقروا بقى على المدارس عاوزين نوصل لنتائج بعد البحث المستميت الى عملناه الشهور الى فاتت
على فكرة انا لسه مستقرة باذن الله على جينيس ودفعت جزء من المصاريف
ربنا يكرم الكل ويهدينا لصلاح ولادنا

ازيك يا وني يا قمر

انت عاملة ايه ؟ و غايبة عننا على طول ليه ؟

متشكرة قوي على ردك علية

تصدقي اني في الأول اتلخبطت بينك و بين روني 35

عشان انتو الاتنين اتكلمتوا على جينيس

بس واحدة بالايجاب و واحدة بالسلب

روني ضد روني

بزمتكوا مش حاجة تحير

ربنا معانا جميعا و يهدينا للمدرسة الكويسة بقى و نرتاح

[زقزوقة و زقزوق]

جوجو وحشتيني

أم جوري يا حبيبتي وحشتيني قوي

ايه الحاجات الجميلة دية اللي انتى دايما بتجيبهالنا

ربنا يكرمك و يجازيكي خير على كل الحاجات الحلوة دية

انتي بنتك و ابنك رايحين سنة كام ؟

أنا عندي بنت رايحة أولى ابتدائي ، و ولد هو اللي عنده سنتين و 8 شهور و محتارة أدخله الحضانة و لا البيبي كلاس

و عشان كدة كنت بسأل

أوديه أحسن المدرسة مع أخته و لا الحضانة ؟

و ربنا يخليكي لية دايما على نصايحك الجميلة و الكتيرة دية ياقمر

[زقزوقة و زقزوق]

ايد واحدة

على فكرة يا أم جوري انت و طماطم

يوم السبت هيبقى فيه امتحانات ، و دينا قالتلي كده

بس أنا ان شاء الله هاتصل بيهم و أتأكد اذا كانت التور هتنفع يوم السبت و لا لأ ؟

و هأقولكم عشان نتفق كلنا و نتقابل هناك ان شاء الله

عشان نبقى عزوة

و ربنا معانا

[زقزوقة و زقزوق]

استخيري

ايه أخبارك يا دينا

استقريتي على ايه هتنقليهم و لا لآ ؟

[زقزوقة و زقزوق]

استحملوني شوية

معلش يا جماعة ردودي كتيرة قوي

استحملوني بقى

أعمل لكم ايه

ما نتوا كمان بقيتوا رغايين أوي

بس رغيكم جميل قوي الواحد ما بيشبعش و لا بيزهقش منه

بالعكس لو اتأخرت عليكم شوية بحس ان ناقصني حاجة كبيرة

ربنا يخلينا لبعضنا كدة على طول اخوات دايما ان شاء الله

[زقزوقة و زقزوق]

أفكار جديدة و مفيدة

الظاهر ان الكل نايم لأن أنا وحدي بس اللي هنا

ع العموم أنا عايزة أقولكم يا جماعة

اني عاملة مجموعة اجتماعية في منتدى لك باسم

أفكار جديدة و مفيدة

لأي حد عنده أفكار جديدة و مفيدة في أي شيء عشان كلنا نفيد و نستفيد

ياريت تشاركوا في المجموعة دية ، و تدخلوا وتشوفوا الأفكار

أكيد هتعجبكم

و ابقوا قولولي رأيكم ايه ؟

مستنية أعرف رأيكم

تصبحوا على خير بقى

و لا أقولكم صباح الخير

أصلي لسة مانمتش

عشان كنت سهانة بأقرأ مشاركتكم

هاروح أنام بقى لو لحقت

الى اللقاء

[adam_mh]

لا يا زقزوقه انا سهرانه

الظاهر ان الكل نايم لأن أنا وحدي بس اللي هنا

ع العموم أنا عايزة أقولكم يا جماعة

اني عاملة مجموعة اجتماعية في منتدى لك باسم

أفكار جديدة و مفيدة

لأي حد عنده أفكار جديدة و مفيدة في أي شيء عشان كلنا نفيد و نستفيد

ياريت تشاركوا في المجموعة دية ، و تدخلوا وتشوفوا الأفكار

أكيد هتعجبكم

و ابقوا قولولي رأيكم ايه ؟

مستنية أعرف رأيكم

تصبحوا على خير بقى

و لا أقولكم صباح الخير

أصلي لسة مانمتش

عشان كنت سهانة بأقرأ مشاركتكم

هاروح أنام بقى لو لحقت

الى اللقاء

السلام عليكم جميعا يا امهات مصر
انا يا دوبك ليسه مخلصه الجزء الرابع ومبروك علي الجزء الخامس
وجميل قوي دعائك يا ام جوري ربنا يبارك فيكي وفي اولادك
ازيك يا بيروووووووووو معليش انا اتاخرت عليكي جدا . اصل اللي كان فايتني كتير وقاريت الجزء الرابع وخلصته ودخلت علي الخامس
ويادوب هبتدي اتبعكم .

[adam_mh]

ابتدي اسلم بقي

سلامي لبنت مصر وربنا يشفي صحبتك ويصبرها ويصبر اهلها علي بنتها
بس ماتنسيش تطمنينا .
ام جوري حبيبية قلبي ربنا يباركلك علي مواضيع وكلامك وخبرتك ان فعلا مش ملاحقه عليكي خالص
سمحيني غصب عني
بيرووو ازيك والف سلامة علي بنوتك معليش هيا متأخره شويه بس انا مكنتش عارفه اكلمك ازاي خصوصا لما كتبتيلي موقعك علي الفيس بووك
حسين اني
مشاء الله عبقريه طبعا وانتي بقي فاهماني
فمكنتش عارفه هرد اقولك ايه بس مشاء الله عليكي
ربنا يكرمنا زيك بس ان شاء الله هحاول بجديه افهم موضوع الفيس بووك ده
وازيك يا دندونا عامله ايه
وسلامي لمسلمه انتي عامله ايه انا كنت علقت علي مشاركتك في موضوع المدارس الرخيصه ارجو الرد
وانا بحيكي علي تربيتك لبنتك وتفانينك معها
وبطاطا معسله عامله ايه
وازيك يا طماطم عامله ايه ربنا معاكي في امتحانات بنتك

[adam_mh]

حد يعرف مدرسة طلائع الكمال ليها فرع في الهرم ولا لأ
وهيا غير الطلائع الإسلامية بتاعت المهندسين وهل يا تري هما لغات
ارجو الرد

[adam_mh]

سؤال لأم جوجو

انا اسفه يمكن الكلام ده خارج عن موضوع المدارس بس برضوا ضروري ومهم
انا عايزاكي تعملي موضوع عن البنات الصغيرات يعني 3 و4و5و...........
اني ساعات في حاجه تاني ممكن بركزو معاها غير اللعب فهمتيني
وممكن يكون اكلم عنها الدكتور ياسر نصر
انا نفسي اعرف اكتر في المواضيع ديه وازاي نتعامل مع اولادنا لو لا قدر الله ولاحظنا حاجه غريبه عليهم
ارجو منك انك تعملي و تفتحي الموضوع ده
يا ريت ياريت تهتمي ارجوكي
ربنا يحفظ ولادنا اجمعين
يعني نشغل وقتهم علي طول ازاي وازاي نشيل الفكره ديه من دماغهم اصلا
وهل ممكن نكون مرقبنهم 24 ساعه ولا فتره وهتعدي

[ام بيسو]

خلوا بالكم من مدرسه بلوم المريوطيه

السلام عليكم .انا ابنى فيها وانا اول مره اشارك بس قولت اشارك علشان افيدكم من التجربه المرريره الى حصلتلى فى بلوم اولا لا يهتموا بسلامه الاطفال ولا صحتهم ابنى فى برى kgاول السنه ماعدش اسبوع معاهم ووقعوا فى البص وكانت عينه حتروح لولا ساتر ربنا وما عرفتش وقع ازاى فى الاول الا لما ولده عمل مشكله جامده ودخل مدير المدرسه فيها .ومديره الحضانه تقولى ايه يعنى ماهوا ممكن يوقع فى البيت
وكملت برده معاهم وكانت غلطه كنت مفروض امشى بعد كده لقيته فى يوم راجع بزمزميه صاحبه واتصلت بالمشرفه بتاعت البص تقولى انها شربته منها مع ان زمزميته جو الشنطه الهانم كسلت تتلعها وانا و ولده فكرنا ان ممكن يغسلوا سنانه بفرشة واحد زميله زى موضوع الزمزميه وطلبنا منهم الفرشه والمعجون والطبق والكوبايه بتاعة ابنى وفعلا شكنا جه فى محله الفرشه جديده والواد بيجى كل يوم غاسل سنانه من هناك ورغم اننا خدنا الفرشه والمعجون جه برده غاسل سنانه طب ازاىىىىىىىىىىىىىىى وابنى قلى ان (مس روح اغسل سنانك )وولده اشتكى لمدير المدرسه يقولوا ان مديره الحضانه عندها فرش جوه علشان لما فرشه تكسر تكون فى غيرها طب ماهى الفرشه كانت معاكم وجديده بيرد اى رد يخركوا من الموقف وخلاص.مش مهم ولى الامر مقتنع ولا لأ.ده غير ما فيش انشطه خالصصصصصصصصصصصصصص ووخدين فى المصاريف 1000 انشطه ولا يجى بقص ولصق ولا صوره لصقها مع المدرسه ولا حتى ملونها مافيش غير زهريه جه بيها فى عيد الام وكارت وبعد حفلت عيد الام بداوا يصعبوا الكلام قوى الى بيدوه مع الحروف علشان يقولوا ان الواد مش نافع وعايز يعيد وخصوصا ان ابنى صغير حيتم 3ونصفى اول اكتوبر الجاى حرف x اكس راى طب عيل عنده 3 سنين افهمه ازاى اكس راى وسألت ابنى عرفت منه انهم مخدوهاش فى الفصل طب بتبعتيها للبيت ليه؟ولازم تتبعى ابنك وخصوصا لوكان صغير علشان بيهملوا الطفل الصغير وانا الى كنت بقولهم ابنى بيعرف ايه وكمان خبرتهم قليله جدا. انا مشيت خلاص من الرعب كنت حاسه ان ابنى فى الفير فاكتور وخصوصا ان عرفت ان حركت الفرشه ديه ممكن ينقله فيرس سى.

[Rony35]

معلش يا جماعه انا اسفه على التأخير ده كله .. بعد ما عملت جولتى فى المدارس أمبارح كان ورايا كام مشوار و رجعت البيت بعد المغرب و خلصانه و مفضيتش الا دلوقتى اعذرونى
با رك الله فيكى يا ام جورى على الأفتتاحيه الحلوه ديه و انا كمان عندى دعائ احب نتشارك فيه
"اللهم هب لنا من ازواجنا وذرياتنا قرة اعين لنا و اجعلنا للمتقين أمام"
بعض الردود السريعه لحد ما اكمل قرأه و ارجعلكم
-- (رونى) معلش متزعليش قدر الله و ماشاء فعل طبيعى جدا جدا ان البنت تبقى خايفه و الأفضل طبعا انهم يعملولها الأنترفيو و انتى معاها على الأقل تكون البنت شايفاكى فى مجال نظرها يعنى . كل الأطفال فى السن ده بتخاف من الغرباء و ده عادى جدا . قوليلى انتى ليه مبتفكريش فى المصريه؟
-- (عبير) سلامه ملك يا عبير الف سلامه أسأل الله العلى العظيم ان يشفيها و يديم عليها نعمة الصحه و العافيه و قدر الله و ما شاء فعل
-- (بنت مصر) لا حول و لا قوة الا بالله ربنا يشفى صاحبتك يا رب و يصبر قلبها هى و كل اهلها

بصي يا muslium ... أنا رحتها و فضلنا قاعديين مستنيين علشان نقابل المديرة و كنا مستعجليين علشان كان نفسي أروح أتفرج علي جينيس... فزهقت و مشيت ... بس بيني و بينك مرتحتش للمدرسة أصلا كأبتني علشان كدة مشيت ... لو كنت إرتحتلها كنت هقعد و إستني مهما إتأخروا عليا ... كمان طريقها و مكانها مضايقيني أوي رغم إني أعتبر قريبة منها مش بعيدة أوي ... أنا ساكنة في التلاتيني الجديد ..المريوطية ..أنا لإن شاء الله هروح أشوف الواحة ... أنا إتعرفت علي واحدة باباها صاحب مدارس إبن سينا للغات .. بس هي مدخلة عيالها الواحة بقالهم 3 سنيين ... و بتشكر فيها شكر رهيب ... أنا سمعت الكلام دة في المنتدي كتيير بص مفكرتش فيها لأني كنت فاكرة مصارفها فظيعة ... بس طلعت حوالي 5000 أو 5000 و نص و الباص 1500 و كمان بيقولوا صاحبها راجل طيب و بيعمل تخفيضات للي ممكن يدخل يتكلم معاة ... أنا هروح إن شاء الله و ربنا يكرم لو فيها الخير ليها

[rony_83]

ازيك يا وني يا قمر

انت عاملة ايه ؟ و غايبة عننا على طول ليه ؟

متشكرة قوي على ردك علية

تصدقي اني في الأول اتلخبطت بينك و بين روني 35

عشان انتو الاتنين اتكلمتوا على جينيس

بس واحدة بالايجاب و واحدة بالسلب

روني ضد روني

بزمتكوا مش حاجة تحير

ربنا معانا جميعا و يهدينا للمدرسة الكويسة بقى و نرتاح

ازيك ياقمر
انا توقعت ان اللخبطة دى هتحصل بس كويس انتى اول واحدة تقريبا تاخد بالها ان فيه رونى جديدة
محدش ضد حد طبعا
ده الموقف الى حصل معاها ومع بنتها مش حلو بس انا حبيت اوضح انه حاله فردية مش حاجة عامة وان الموقف معانا كان معكوس تماما
ربنا يوفقك يارونى35 وتعرفى بس ايه السبب

[Rony35]

يا ريت لو حد يعرف حاجة عن مدرسة سانت كاترين الخاصة فى الهرم علشان صاحبتى بتسأل عليها

رونى بعد كل الكلام الكويس اللى قولتيه عن رويال اكاديمى يا ريت تقولى عيبها ايه بالظبط

وايه الفرق بين السيمى انترناشيونال والناشيونال وانتى بتقولى انهم بيدرسوا ماكميلان فى السيمى انترناشيونال

يبقى الفرق فين وكمان مصروفاتها قليلة جدااااااااااا بالنسبة للسيمى انترناشيونال

ده فى بايونير ب9000

بصي يا أم جوري .. أنا بتكلم عن الأورمان أكاديمي مش الرويال أكاديمي ... الناشيونال فيها 4500 و السيمي أميريكان فيها 5600 غير الباص 1350 و المصاريف ممكن علي أربع أقساط ... و المدرسة جميلة ... روحي و شوفيها ... بس أنا مخليها لحد لما أوصل ل100% يأس ... أة و السيمي أميريكان بياخود ماكميلان و اناشيونال بياخدوا كتا أكسفورد العادية

[سمسمة المسمسمة]

عزيزتى ام بيسو

السلام عليكم .انا ابنى فيها وانا اول مره اشارك بس قولت اشارك علشان افيدكم من التجربه المرريره الى حصلتلى فى بلوم اولا لا يهتموا بسلامه الاطفال ولا صحتهم ابنى فى برى kgاول السنه ماعدش اسبوع معاهم ووقعوا فى البص وكانت عينه حتروح لولا ساتر ربنا وما عرفتش وقع ازاى فى الاول الا لما ولده عمل مشكله جامده ودخل مدير المدرسه فيها .ومديره الحضانه تقولى ايه يعنى ماهوا ممكن يوقع فى البيت
وكملت برده معاهم وكانت غلطه كنت مفروض امشى بعد كده لقيته فى يوم راجع بزمزميه صاحبه واتصلت بالمشرفه بتاعت البص تقولى انها شربته منها مع ان زمزميته جو الشنطه الهانم كسلت تتلعها وانا و ولده فكرنا ان ممكن يغسلوا سنانه بفرشة واحد زميله زى موضوع الزمزميه وطلبنا منهم الفرشه والمعجون والطبق والكوبايه بتاعة ابنى وفعلا شكنا جه فى محله الفرشه جديده والواد بيجى كل يوم غاسل سنانه من هناك ورغم اننا خدنا الفرشه والمعجون جه برده غاسل سنانه طب ازاىىىىىىىىىىىىىىى وابنى قلى ان (مس روح اغسل سنانك )وولده اشتكى لمدير المدرسه يقولوا ان مديره الحضانه عندها فرش جوه علشان لما فرشه تكسر تكون فى غيرها طب ماهى الفرشه كانت معاكم وجديده بيرد اى رد يخركوا من الموقف وخلاص.مش مهم ولى الامر مقتنع ولا لأ.ده غير ما فيش انشطه خالصصصصصصصصصصصصصص ووخدين فى المصاريف 1000 انشطه ولا يجى بقص ولصق ولا صوره لصقها مع المدرسه ولا حتى ملونها مافيش غير زهريه جه بيها فى عيد الام وكارت وبعد حفلت عيد الام بداوا يصعبوا الكلام قوى الى بيدوه مع الحروف علشان يقولوا ان الواد مش نافع وعايز يعيد وخصوصا ان ابنى صغير حيتم 3ونصفى اول اكتوبر الجاى حرف x اكس راى طب عيل عنده 3 سنين افهمه ازاى اكس راى وسألت ابنى عرفت منه انهم مخدوهاش فى الفصل طب بتبعتيها للبيت ليه؟ولازم تتبعى ابنك وخصوصا لوكان صغير علشان بيهملوا الطفل الصغير وانا الى كنت بقولهم ابنى بيعرف ايه وكمان خبرتهم قليله جدا. انا مشيت خلاص من الرعب كنت حاسه ان ابنى فى الفير فاكتور وخصوصا ان عرفت ان حركت الفرشه ديه ممكن ينقله فيرس سى.

ام بيسو انا قلبى وجعنى لما قريت ردك ايه الاهمال دة مع ان فى ناس كتير بتشكر فى المدرسة وانا كنت خلاص شبة استقريت عليها
مش عارفة دلوقتى اعمل اية وااقدم لابنى فين وخصوصا انى مش فى مصر انا فى الامارات ياامهات قلولى اعمل اية دلوقتى انا خلاص مش قادرة افكر