**موضوع متميز**ليه نشترى بقاله لما ممكن نعملها فى البيت؟؟؟متجدد مع Chahira!!!

[أم شادى]

ما شاء الله يا غاليه على الافكار الجميله
فكرتينا بزمان و العيشه زمان
فاكره كمان يا شوشو البرام الفلاحى و يسيبوا فيه اللبن يوم او اتنين
و بعدين يلموا القشطه من على الوجه و اللى تحت اطعم و اجمل من الزبادى
بجد فكرتك راااااااااااااااااااااااااااائعه جدا
و تسلم ايدك حبيبه قلبى ربنا يعينك و يوفقك

[omroro-4]

ماشاء الله موضوع رااااااااااااااااائع تسلم ايديك وجزاك الله خير بانتظارك ان شاء الله

[amal250]

بسم الله ماشاءالله عليكى

وتسلم الايادى والافكار الجميلة

والف هنا وعافية على قلوبكم يارب

[الصعايده]

طيب ممكن تقوليلينا فين فى صيدليات فى القاهره او الجيزه
اسم الصيدليه ايه
او معمل الالبان
وجزاك الله خيرا
موضوعك روعه

[chahira]

جميلة اوي بسم الله ماشاء الله ...تسلم ايدك ...ومنتظرين المزيد منك ...
بس كنت عايزة اسالك سواء هل هيا دي نفسها طريقة الجبنة القريش ... ولا دي جبنة عادية ... انا عايزاها من غير دسم خالص زي القريش وملحها خفيف جدا زي القريش ...بعد اذنك فياريت تفيديني ولو مش هيا القريش ممكن تقوليلي اعملها ازاي .... معلش سؤال تاني ... هيا المنفحة دي بتتباع بودرة من الصيدليه ولا ازاي ... اجيب اد ايه تقريبا يعني ...
جزاكي الله خيرا ومنتظرة افادتك ... على فكرة خميرتك بسم الله ما شاء الله تحففففففففففة تسلم ايدك يا قمر...

اهلا بيك يا نفس يا مطمئنه...و ميرسى على كلامك الحلو..بصى يا ستى انا بعمل نفس الطريقه دى بلبن منزوع الدسم اما الجبن القريش فليها برضه عدة طرق و عايزاكى برضه تاخدى بالك ان فى جبنه قريش فى السوق معموله باللبن كامل الدسم و بيريحوا الزبون و يقولوا له ريجيم و المنفحه حقيقة انا مش عارفه عندكم بتتباع فين بس هحاول اسأل و اقولكم و المنفحه اللى بجيبها بتكون سائله
اتمنى انى اكون افدتك و عايزة اشوف انتاجك من الخميره يا ستى
و الجبنه دى بتطلع شبه جبن دومتى الى حد كبير

الزبادي البيتي طريقة مضمونة ومجربة وبالخطوات المصورة من مطبخي

http://www.lakii.com/vb/showthread.php?t=521686

انتي تؤمري يا شوشو

شكرا يا ام هيا و حارث طريقتك حلوة و هى هى نفس طريقتى

ما شاء الله .. لا قوة إلا بالله
ما شاء الله عليكي يا شهيرة يا ست الأمراء .. و على أفكارك النيرة يا قمر
فكرة الملف خرافة .. بارك الله فيكي
و الجبنة شكلها جنان
تسلمي حبيبتي و تسلم إيديكي و عينيكي يا رب
و ياريت بعد البسطرمة .. تنزلي لنا طريقة اللانشون ( معلهش بقى داخلة على طمع ) لأني فعلا نفسي أعمله في البيت
جزاكي الله خيرا يا سكرة

لا و لا يهمك انا فعلا كنت ناويه انزل اللانشون كمان و ربنا المعين يا ستى و يقدرنى و يقدركم انتو كمان و تستحملونى

شوشووووووووووووو
بجد بجد جزاك الله خيرا ياقمر والله انا دخلت القسم مخصوص عشان ادور على الملف بتاعك زي ما وعدتيني وانا متاكدة اني هلاقيه
ربنا يكرمك ويجعل كل اللي بتعمليه في ميزان حسناتك يااااااااااارب دايما ويجعله خالص لوجهه الكريم يارب

على فكرة ياشوشو لية نفس الاستفسار بتاع اختي(على فكرة النفس المطمئنة هي اختي من امي وابويا يعني)
اللي هو عن الجبنة القريش، ساعدينا الله يكرمك نلم الليلة ونخسسسسسسسسسس احسن الموضوع كبيييييييير
وكمان المنفحة دي بتتباع من الصيدلية اسمها كدة؟ وللا هيتريق عليا الصيديلي وللا ايه؟ من اي صيدلية يعني؟ انت عارفة عندنا ديلاكاااااا خالص ومش عاوزة حد يضحك عليا هههههههههه

يللة ياشوشو امرك لله انت اللي بتجبيه لنفسككككككك هههههههه
مرة خميرة ومرة شغل بيتي ربنا يعينك على المسؤولية الكبيرة دي
وباذن الله نطبق وندعيلك وكل اللي في البيت يدعولك الا الرجالة اعتقد، هيدعولك لانك بتوفرلهم وبتخليهم ياكلوا حاجات نظيفة، بس هيدعوا علينا احنا لان الحياة كلها هتبقى مطبخ في مطبخخخخخخخخخخخخخ

اهلا بالعيله كلها.....
انا رديت على اختك الاميره و ان شاء الله اكون افدتكم

بسم الله ما شاء الله عليكي يا شهيرة والله تحفة ووايد طالعة الجبنة حلوه وتجنن
تسلمي غاليني ووايد مشكورة ع الشرح الوافي بس حبيبتي الكيلو هو لتر صح؟تعرفي لاني ناوية اسوي حليب المراعي بتاع العلب (اللتر).واذا عملت لترين اد ايه اضيف منفحه؟ويسلم قلبك يا رب
يسلمووووووووووووووووووووو

بصى حبيبتى النتيجه باللبن المبستر لن تكون بنفس جودة اللبن النى فهتلاحظى هيكون عندك هدر كبير فى اللبن لو عرفتى حتى تدبرى لبن غنم و ماعز ممكن... و ربنا المستعان و هدلكم على طريقه تانيه للبن المبستر بتجيب نتايج احسن و اللتر فعلا هو كيلو و كمان 4 كوبايات معياريه
ميرسى ام تاليا و اتمنى اكون افدتك و لو عملتى لترين هتحطى تلين ملعقه من المنفحه السايله كمان اتمنى تراجعى موضوع ام مريم العراق هتلاقى معلومات تفيدك كتير

موضوع غايه في الرووووووووووووووعه يا قمر
متابعين معاكي
احنا عنا الوالده بتعمل الجبنه في البيت و زي ما حكيتي انا ما بعرف اكل جبنه من السوق
بحس ما الها طعم

على رأيك دكتورة سوسن الله يخليلك الوالده و يالا خدى منها سر الصنعه
شكرا ليكى كتيييير كلك ذوق

راائعه يا قمر
تسلم ايديكي .. بس ادور على المنفحه والاقيها بعدين اطبق ان شاء الله
طب هو ما ينفعش بدونها ؟ او ممكن حاجه بديله ليها ؟

لا ما ينفعش من غيرها و ان شاء الله تلاقيها و تورينى ابداعاتك الحلوة

ماشاءالله تسلم يدكِ عزيزتي رووووووووعه بأنتظار البسطرمه

اهلا حنان
شكرا كتيييير و جارى الرد على الاسئله و هنزل البسطرمه على طوووول

يسلمووووووووووووو دياتك حبيبتي اشي مفيد فعلا

اهلااااااااااااا بست الكل
الله يخليكى و يعطيكى العافيه

ماشاءالله روووووعة رح اتابعك يوم بيوووم
رووعة الله يعطيكي الف عافييييييييييييييييية

اهلا بيكى كرموشه و يالا بينا

[chahira]

سبحان الله اليوم كنت ناوية انزل موضوع الجبن الابيض وجبن اللحلوم اللي سبق وكتبت موضوع من دون صور
بس الفوتو شوب كان مش شغال واليوم جبت فوتوشوب حتى اعدل الصور
بس انتي سبقتيني بس بطريقة ثانية
رائع
وبارك الله فيك

يالا حبيبتى كلنا واحد و اخوات و موضوعك اكثر من قيم الله يعطيكى العافيه

بسم الله ما شاء الله
يارب بارك لك ويوفقك شكلها جنان تسلم يدك
وعندي نفس تساؤلات الأخت فرح
وشكرا

حبيبتى رديت على فرح و اختها و ان شاء الله تلاقوا المنفحه و خصوص الدسم انتوا اللى بتتحكموا فيه يعنى لو عايزين حتى جبنه كريمه بتعملى نص كيلو لبن على نص كريمه و بيبقى عندك احلى جبنه كريمه فى الدنيا

تسلم الأيادى شهيره
موضوع يستحق

اللله يخليكى يا رورو

شهيييييييييييييييراااااااااااااااااااااااا
رائع
مااااا شاء الله عيني عليكسي باردة \
انا نازلة فوراااااااا على الصيدلية ويارب الاقي المنفحة
وتشوفي انتاجي ان شاء الله على السريييييع

يالا ربنا يوفق
يا سررررررررررريعه

شهيرة يا قمر
تسلمي يارب
موضوعك حلو ومفيد جدا
اما عن الجولة السياحية في محافظات مصر انا كمان نفسي فيها علشان اتعرف علي الخبز التراثي لكل محافظة
علي فكرة خبز محافظة الدقهليه رائع ومحدش كتير بقي يعمله
يلا انا وانتي نبتدي
واكيد البنات هيرحبوا بالفكرة ونملا اتوبيس
ايه رايك تييجي معايا ان شاء الله اخر الاسبوع هازور قريتي ليا اقارب انا من القاهرة لكن جذوري من قرية تابعة المنصورة دقهليه
وعلي فكرة هم بيعملوا الجبنة القريش باستخدام الحصيرة فكرتيني بجدتي رحمها الله

اهلا كليوباترا شكرا حبيبتى على كلامك الرائع و ان شاء الله همخمخ بخصوص موضوع الرحله و اقولك الموضوع مش سهل لازم يكون فيه تنسيق مع الناس اللى هنزورها و متشكره جدا على دعوتك الكريمه يا [/U]
عسوله الله يخليكى يا رب

ماشاء الله عليك ياشهيرة اتجنننننننننننننننننن
بس قوليلي المنفحة اسمها ايه بالانجليزي عشان اعرف ادور عليها

تحياتي انا في الانتظاااار

المنفحه بالنجليزى rennet و بالفرنساوى rennette
و عندك احسن لك تسألى عن vegeterian rennet
و ربنا يوفقك يا رب و نشوف انتاجك عن قريب

وانا كمان نزلت ودورت كتييييييير بالصيدليات وكلهم قالوا ما في عندهم
وما بيعرفوا وين بتنبااااع
شو اسمها بالانكليزي...... او بالهندي ...هههههه لانه هون الغالبية هنود هههه
حتى اوسع نطاق البحث اكتر

لا هندى كتيييير عليا اوى بس بقولك ايه هسأل حد و اقولك اوردو ماشى؟؟؟
هههههه
هسأل يا يويو

ماشاء الله عليك شهيره
نتيجه رائعه
سنتابع معك أى جديد
غالياتى
بالنسبه للمنفحه

تسمى ب

مساه -منفحه

وفى البلاد غير الاسلاميه

Vegetable Rennet

واذا أمكن تعريفنا على اى اسماء اخرى للافاده

جزاكم الله كل خير

[center]

سؤال غاليتى شهيره قوامها يكون صلب أو طرى?

المنفحه لها اشكال عديده فيه سائل و ده اللى انا بستخدمه و فيه بودره و فيه كمان اقراص على حسب المتوفر و الارشاداتت اللى على المنتج هى اللى هتدلك على المقدار اللى تستخدميه
ميرسى يا لونلى على الافادة الحلوة و ربنا يكرمك يا رب و جزانا و اياكم يا رب

ماشاء الله شهيرة علي الملف وربي يعينك
انا متابعة لوصفاتك ........ والله بتجنن
وان شاء الله المرة دي اجرب اطبق مع البنات
نفسي اعمل الجبنة بس المنفحة ما بلاقيها
لو في بدائل ممكن تقول لينا

وجزاك الله عنا كل خير اختي
ولك التحية

اهلا بسمسمايه الحلوة عارفه انى بحبك علشان احنا اخوات بجد اهلا بالسودان الشقيق شفتى بقه انا شاطره و واخده بالى ازاى
ميرسى حبيبتى و اسألى كتييير و اكيد هتلاقيها مافيش بلد ما فيهاش منفحه
تسلمى يا رب

سبقتيني يا شهيره...ده انا كنت موصيه عالمنفحه ....يلا تعويضا عن الخسائر المعنويه تبعتيلي نصيبي بقي....ولو ان انتي اللي لك عندي صفيحه الجبنه..فاكره....بس قوليلي انتي حطيتي الملح فين فاللبن ولا رشتيه عالجبنه؟؟
علي فكره ممكن وانتي بعملي الجبنه تحطي فيها حتت فلفله مقطعه صغير وتدوبي معاها الملح علشان تبقي أحلي جبنه دمياطي معاكي وتتخزن من السنه للسنه بس تقرصيها بالملح شويه.....مستنيه البسطرمه متتأخريش علينا....

لا احنا فيها هاتى المنفحه و ابعتى الصفيحه و عيشى حياتك

و فكره الفلفل بتاعتك دى برضه بعملها كلها تنويعات جميله و كل واحده و اجتهادها علشان تحلى البضاعه اكتر و اكتر.. و جارى تنزيل البسطرمه
مش هنام باذن الله غير لما انزلها

[chahira]

ما شاء الله يا غاليه على الافكار الجميله
فكرتينا بزمان و العيشه زمان
فاكره كمان يا شوشو البرام الفلاحى و يسيبوا فيه اللبن يوم او اتنين
و بعدين يلموا القشطه من على الوجه و اللى تحت اطعم و اجمل من الزبادى
بجد فكرتك راااااااااااااااااااااااااااائعه جدا
و تسلم ايدك حبيبه قلبى ربنا يعينك و يوفقك

يا اهلا بست الحبايب
منورانى و مشرفانى والله
الطريقه دى هى الطريقه التقليديه لعمل الجبن القريش
تيجى نعملها؟؟؟ و كمان نسيب القشطه شفتى بقه الافترا...تسلمى الله يخليكى و ميرسى على الكلام الحلو اللى بينقط سكر

ماشاء الله موضوع رااااااااااااااااائع تسلم ايديك وجزاك الله خير بانتظارك ان شاء الله

اهلا ام رورو ميرسى حبيبتى و مبسوطه انك متابعانى و منورانى

بسم الله ماشاءالله عليكى

وتسلم الايادى والافكار الجميلة

والف هنا وعافية على قلوبكم يارب

اهلا اموله...ميرسى كتييير على الكلام الحلو و الدعوات الجميله

طيب ممكن تقوليلينا فين فى صيدليات فى القاهره او الجيزه
اسم الصيدليه ايه
او معمل الالبان
وجزاك الله خيرا
موضوعك روعه

بصى انا بشتريه من معمل كيماويات هنا فى اسكندريه ممكن تسألوا عن المعامل دى و كمان فى الصيدليات بس ما تكتريش منها لانى لما كنت بسأل كانوا بيبصوا لى كانى جايه من كوكب تانى
اعملوا بس نداء لشخبط و ان شاء الله تفيدنا و تجيب التايهه
ميرسى يا صعايده و جزانا و اياكم

[loverose233]

جزاك الله الااااااااااااااااااااف الخيرات يارب........موضوع قيم وان شاء الله موفقة......متابعة الملف لنهايته باذن الله ...وان شاء الله تشوفي التطبيقات

[chahira]

التلاجه من غير بسطرمه مالهاش لازمه !!! صح و لا لا؟؟؟

طيب يا كتاكيت هنبدأ فى البسطرمه
بس قبل ما ندخل عايزاكو برضه تطلعوا على موضوع ام مريم العراق و اللى اتكلمت باستفاضه عن الجبنه ..موضوع فعلا قيم و لو افردنا للجبنه ملف خاص هنحتاج لمجهود كبير
فخلونا نحطه فى خطه العمل القادمه
و نبدع و نطلع موتزاريلا و جبنه كريمى و و فيتا كمان...

يالا بسطرمه

Pastrami او بسطرمه
نوع من انواع اللحم المقدد و تختلف طريقه تصنيعه بين الغرب و الشرق
يعن البسطرمه على الطريقه الغربيه غير الطريقه الشرقيه اللى اتعودنا عليها و على ريحتها الحلوة .
فى مصر ..وطنى و موطنى و همى الاكبر....بنموت فى البسطرمه و بنحب دايما ان تلاجتنا ما تفضاش منها...و الان و رغم اسعرها اللى اصبحت تطاول العناء بنروح برضه و نشترى حتى و لو تمن كيلو ..الكيلو يا حلوين وصل الى 87 جنيه...اه ياااانى
و البسطرمه ليها طرق كتير للتقديم و بنحب ناكل البيتزا بيها و يا سلام على طاسه بيض بالبسطرمه ..الصبح أو بالليل ..كله حلو و رغم تعدد طرق طهيها الا انى لن اخفى عنكم سرااااااا
انا عندى حته بسطرمه محترمه و نيه من غير تجهيز او طهى فى رغيف عيش فينو مقرمش و سخن ..الفيلم ده بالنسبه لى قمه المراد..و مش عايزه اقولكم الادمان و بالذات و انا حامل و طبعا مش المفروض انى اكل اى حاجه نيه فكنت بحمرها و بنفرد بيها لوحدى.
طيب بنعمل بيها ايه...بيض بالبسطرمه ..بيتزا و كمان عيش بالبسطرمه و اصناف ساليزونات لا اول لها من اخر.

طيب ندخل على الطريقه الشرقيه للبسطرمه

قطعه لحم من عرق التلبيانكو ""بتاع الروزبيف و اللحمه البارده" ووزنه طبعا بيكون لحد 3 كيلو انا عملت قطعه وزنها 2 كيلو .
نص كيلو حلبه حصى
4 رؤؤس ثوم.
4 ملاعق كبيره بابريكا او فلفل بقالى
ملح للغرض الذى سوف اذكره فقط
الطريقه..
اولا تغسل قطعه اللحم بس لا تغالى فى الغسل مجرد شطف..
ضعى قطعه اللحم على شبكة و نشفيها بفوطه نظيفه ..انا استخدمت فانله قديمه من بتوع زوجى
ههههههه اسرااااار عائليه
نشفى قطعه اللحم جيدا و غطيها بقطعه قماش اخرى جافه..
و بعد ساعه كده هاتى ملح كتيييير و ابدئى دلكى قطعه اللحم بها جيد و رشى ملح كويس على كل الجهات...
غطيها بحته تل... و حطى عليها الهون او تقل اى تقل حتى و لو حله مليانه ميه
سيبيها يوم...
هتلاقيها بتنزل ميه لونها روز شويه صفيها ..المرحله دى تستغرق يوم
تانى يوم قومى بغسل العرق الفلتو.... و نشفيه كويس و غطيه و هو برضه على شبكه يوم كمان....
ما تخافوش مش هتشموا اى روائح و لا العمليه دى فيها اى حاجه تقرف او تضايق...
بعد مرور اليوم
هتاخدى الحلبه و تطحنيها ناعم او لو قدرتى تشترى الحلبه مطحونه يبقى اسهل لك...
طيب الحلبه بودرة و عليها التوم الطحون او المدقوق ناعم جدا و عليهم البابريكا و بس مش مطلوب و لا ملح و لا شطه و لا اى اضافات تانيه
و اعجنى المكونات بشويه ميه لحد ما تحسى ان المزيج ده تقدرى "تجبسى " بيه عرق اللحمه...ههههههه
كان نفسى ابقى دكتوره و فشلت... هههههههه..انا بهذر مش بقدر حتى اشوف الدم... ركيكه المشاعر.
ماشى جبسوا اللحمه و تعالوا بعد التجبيس اعملوا خرم او فتحه فى اعلى العرق و دخلوا جواها دباره لو عندك ابره منجد تقدرى تعملى الشغلانه دى...
و ده علشان نقدر نعلقها يا حلوين.
طيب لا انصح ابدا بغسل اليدين بعد هذه المرحله ..روحى و بمنتهى الرقه حطى ايدك على انف زوجك و اللى نايم غلبان ان ما قام مذعور ما بقاش انا شهيره....ههههههههه
و يا سلام الجيران هيحسوا ان فيه بقال فتح فى العمارة او ان معمل بسطرمه برضه فتح تحت العماره..مالهاش حل يا نااااس ريحه حلوة انا بحبها..
طيب هنعلق العرق جنب الشبالك فى المطبخ و بعد اسبوع....اعزمى العيله و عيلة العيله و اختارى ضيف شرف يقص الشريط
ههههههه و بألف هنا و شفا...
يالا على الصور يا كتاكيت...

تمت و كمان كام يوم لما تستوى هنقطع و نذوق و نفرق كمان على الحبايب
اههه...
انا هنا استخدمت سمانه علشان مالقيتش عرق فلتو و كله ماشى بس انا بفضل العرق
يالا اشوفكم على خير يا كتاكيت.

[*جنة الاماني*]

تسلمي ياشهيرة
بجد مواضيعك تحفة
ربنا يجعلة في ميزان حسناتك

معلش بالنسبة للجبنة
كيلو اللبن = كيلو جبنة ولا فية فرق
والبسطرمة بتتساب كدة في الهوا
وبعد الاسبوع تتشال في الفريزر ولا يمكن برة ولا في الثلاجة عشان متبوظش
شكرا ليكي ياقمر علي مجهودك
تعبتك باسالتي

[chahira]

تسلمي ياشهيرة
بجد مواضيعك تحفة
ربنا يجعلة في ميزان حسناتك

معلش بالنسبة للجبنة
كيلو اللبن = كيلو جبنة ولا فية فرق
والبسطرمة بتتساب كدة في الهوا
وبعد الاسبوع تتشال في الفريزر ولا يمكن برة ولا في الثلاجة عشان متبوظش
شكرا ليكي ياقمر علي مجهودك
تعبتك باسالتي

لا حبيبتى و لا تعبتينى و لا حاجه ده انتى حتى متهيالى اول مره تسألينى
احنا اخوات يا شيخه ماتقوليش كده
كيلو اللبن فى احسن الاحوال بيعمل تلت جبنه
مش اقتصاديه الحسبه بس هتحسى بالنظافه و الجودة كمان نااااااادر دلوقتى انك تلاقى جبنه من لبن اغلب الجبن دلوقتى مصنعه من دهون نباتيه مهدرجه
ايوه بعد كده تقدرى تشيليها فى التلاجه و كمان فى الفريزر بس طبعا فى الفريزر تكون متقطعه كمان تقدرى تقطعيها رفيع عند البقال لو ما عندكيش سكين التقطيع الكهربائى
و منوره يا ستى

[roza1]

الله على البسطرمة الخطيرة
سمانه ولا حمامة كله حلو
تسلم ايدك وشكرا يا شوشو
انت محتاجة تفتحي محل خاص بيكي
يالا منتظرين

[lolo habeby]

ماشاء الله عليكى تسلميلنا يا قمر
وبجد شئ رائع

[lone~ly]

أخ يانى
حديفوقنى---------- بسطرمه حته وحده
يا عيال هاتوا العيش من عند الثلاثى المرح
وإلحقونى عند أبله شهيره
تسلمى شوشو بسطرمه حلوه ونظيفه ولذيذه


أكيد شوشو شكلك متعشيه بسطرمه

سؤال غاليتى شهيره قوامها يكون صلب أو طرى?

أنا سؤالي عن الجبنه مش المنفحه

[chahira]

أخ يانى
حديفوقنى---------- بسطرمه حته وحده
يا عيال هاتوا العيش من عند الثلاثى المرح
وإلحقونى عند أبله شهيره
تسلمى شوشو بسطرمه حلوه ونظيفه ولذيذه


أكيد شوشو شكلك متعشيه بسطرمه

أنا سؤالي عن الجبنه مش المنفحه

معلش يا لونلى العتب على النظر انا اصلى اوقات بخرف من الارهاق و التعب
كمان اكتشفت انى عامله شويه اخطاء املائيه فى موضوع البسطرمه
يعنى بدل العنان كتبت العناء و حاجات تانيه كتير
المفروض اراجع كويس بس المشكله انى ببقى خايفه على الصور و مجهود التحميل يروح علشان كده الاستعجال
الجبنه بتكون طريه و بالذات بعد حفظها فى المحلول كام يوم طريه بس ماسكه نفسها و كل ما احتجتى تخليها اكتر قساوة
حطى عليها تقل فى مرحله تصفيتها من الشرش
و شكرا ليكى حبيبتى