|
للبحث في شبكة لكِ النسائية:
|
متميزة الركن العلمي
رجعة قريبة بس حبيت ضيف كم طبق للنباتيين كمان
بصراحة أنا ما بسميها أطباق نباتية
يعني بقناعتي بقول أنها أطباق بدون لحمة
بعملها لاراحة المعدة يوم بالأسبوع من اللحم والكوليسترول
بس هي تنفع للنباتيين
سلطة البطاطا
بطاطا مسلوقة
بندورة مقطعة
بقدونس مفروم ناعم
خيار مقطع
زيت نباتي
ملح - مسحوق الفليفلة الحمراء
ليمون معصور
نعنع أخضر مقطع ناعم
يخلط الجميع ويؤكل معها الفجل والبصل والفليفلة الخضراء والجرجير والبقل
وتؤكل مع الخبز وكاسة شاي كمان
والورود بالصورة من معرض جيتكس دبي2008
آخر مرة عدل بواسطة عاشقة الحلويات : 17-11-2008 في 03:33 PM
متميزة الركن العلمي
بصراحة بساوي مثل هالأطباق على الغذاءكتبت بواسطة د.سوسن
عشوقه منظر لا يقاومخصوصا لحدا مش متغدي لسه هههههههتسلم ايديكي يا رب
ولما نجلس لحتى ناكل
زوجي وابني وأنا معهم بننزل بالطبخة وما بيبقى منها غير شوي
لأنو كتير لذيذة على الجوع وخفيفة على البطن
الله يسلمك يا قمر
بتسعديني بردودك الخفيفة على القلب
متميزة الركن العلمي
الكشكة الخضراء
طبق لذيذ وسهل كتير ينفع على الفطور أو على الغذاء
طبق شامي خطير ولذيذ..........الكشكة الخضراء........من مطبخي وبالصور خطوة خطوة خطوة
http://www.lakii.com/vb/showthread.php?t=180415
وهيدي صورة الطبق الأخيرة
متميزة الركن العلمي
رح كون متفهمة منيح لو أرسلتو لي رسالة بأنه وجعكم راسكم مني
بس اتذكرت هالوصفة كمان
مقبلات لب الكوسا الشامية ..... وصفتين ولا أطيب ولا ألذ من هيك
http://www.lakii.com/vb/showthread.php?t=465124
بس بالنسبة للجزء الثاني من مقبلات الكوسا بالبيض
يمكن إضافة اللحمة مع البيض لغير النباتيين
زهرة لا تنسى
ما شاء الله أختي عاشقة
أشكال والوان يا ريان
وكلها بتشهي
الكشكة الخضرا من اطيب الاكلات عندي
ذكرتيني بستي الله يخليها ويطول بعمرها دائما بتعملها وبتحسب حسابي
بس للأسف بنعملها بلبن غنم لانو حامض وهون ما في
يعطيكي الف الف عافية
ملكة الاناقة -وهج العطاء
ما شاء الله يا صبايا كل شيء زاكي يسلمووووووووووو دياتكم يا رب
نحمدك ربي حمداً طيباً مباركاً فيه
متميزة الركن العلمي
ما شاء الله أختي عاشقة
أشكال والوان يا ريان
وكلها بتشهي
الكشكة الخضرا من اطيب الاكلات عندي
ذكرتيني بستي الله يخليها ويطول بعمرها دائما بتعملها وبتحسب حسابي
بس للأسف بنعملها بلبن غنم لانو حامض وهون ما في
يعطيكي الف الف عافيةحلوة هيدي منك يا ريان
الله يطول بعمر ستك بالخير والعافية حبيبتي
عزيزتي ليش ما بتخلي اللبن برا البراد لليلة واحدة ساعتها حيحمض
بالغربة الواحد بيحاول يعمل مثل ما بيعملوا أهله ببلاده
لكن للأسف فيه كثير أشياء هون ما بتتوفر مثل بلادنا
الحمد لله على كل حال
ملكة الاناقة -وهج العطاء
بسم الله الرحمن الرحيم
حبيت ارجعكم لايام زمان في هذا الطبق مش بس في الطبخه وكمان كيف كانو كل العيله توكل سوى من نفس الطبق
اي والله انها متعه شو رايكم انتو
انا بحكي اكلات صحيه وما في بعدها اطباق زمان
المقادير
4 لتر ماء
650 غم عدس مجروش
2 بصله حجم كبير مفرومين ناعم
1 كاس حجم كبير زيت زيتون
ملح +رشة بهار +رشة فلفل اسود +رشة كمون ضروري
خبز عربي مفرود وبايت وليس طازجا
الطريقه
نضع الماء+العدس في وعاء على الغاز
نقشط القشطه عند ظهورها على السطح
نضيف البصله بعد الغليان
نضيف زيت الزيتون
نترك الوعاء على نار خفيفه حتى ينضج العدس
نملح ونبهر بالبهارات السابقه
اذا وجدت لديك قطعة المولينكس الصغيره لهرس الفواكه شغليها دقيقتين داخل العدس يعطيكي خليط رائع واذا مش موجوده مش مهم
قطعي الخبز بحجم صغير في صينية التقديم ويمكنك ايضا تحميص الخبز قبل ذلك
صبي شوربة العدس على الخبز المقطع
غطي الطبق بوعاء ثم بحرام او اي شي ليبقى ساخنا لمدة نصف ساعه وذلك لكي يتشرب الخبز الشوربه جيدا وتتسبك معا
قدميها مع الزيتون +الفلفل الاخضر +المخلل+البصل الاخضر +الفجل +الليمون
عصرة الليمون تعطيها طعما رااااااااااااااااااااائعا
والف صحه وعافيه يارب
ارجوووووووووووووووووو ان تنال اعجابكم طبختي المفضله في الشتاء
نحمدك ربي حمداً طيباً مباركاً فيه
مبدعة صيف1429 هـ
السلام عليكم ورحمة الله وبركاته
حبيت اشاركم بطبق شهي كتير نزلتو قبل هالمرة وهاي مرة كمان لعيون وعود الخير
اليالنجي اكلة خفيفة وشهية
المكونات
ورق عنب
للحشوة
كاستين رز قصير
كاسة بقدونس مفروم
حبتين بندورة مفرومة
بصلة متوسطة مفرومة ناعم
ملعقتين زيت زيتون
ملعقتين دبس رمان او حمض ليمون حسب الرغبة او المتوفر بس بدبس الرمان الذ
فلفل ابيض واسود وبهار حلو وملح ملعقة قهوة تركية او نسكافيه
لوز مقشر او حمص انا بحب التنين وبحطتهن التنين بس بعد فصل الفلقات تبعها لسهولة لف الورق
للمرق
ملعقة دبس بندورة
كوب حمض ليمون او ملعقتين كبار دبس رمان
ماء كافي للطهو
الطريقة
يغلى ورق العنب لمدة عشر دقايق
يلف ورق العنب بفرد الورقة ووضع القليل من الملعقة من الحشوة وتثني من الطرف العلوي ثم الجوانب وتلف باتجاه الامام
تجهز الطنجرة بوضع خضار مقشرة ومقطعة حسب الرغبة اي خضار بتحبيها انا هون حطيت بصل وجزر كتير كانو طيبين
ثم يرتب اليالنجي بالطنجرة ويضاف المرق بعد خلط مقاديره ووضع ثقل فوق اليالنجي
انا بطبخه بالضغط
بشغل النار تحته وبخليه يغلي نصف ساعة على نار هادية وبعدها بغلق الطنجرة وبخليها عشر دقايق تصفر وبكون صار تمام
يرتب في صحن التقديم ويقدم بااااااااااااااااااااارد والف عافية
مبدعة صيف1429 هـ
التبولة بطريقة ماما الله يذكرها بالخير غنية بالخضار وشهية كتير ودبس الرمان الي فيها بيعطيها نكهة كتير طيبة
ورح قدملكم هاي التبولة الي رح تاكلو ايديكم وراها
نبدا
نجهز الخضرة حطيت فيها
بقدونس
خس
ملفوف احمر واصفر
بندورة
خيار
نغسلا كويس ونفرما فرم ناعم
البرغل
مغسول ومنقوع ومصفى
ناتي بالمقادير التالية
ملعقتين حمض ليمون - ملعقة دبس رمان - ملعقة رب البندورة - ملعقة نعناع يابس او اخضر مفروم - ملح حسب رغبتك - زيت زيتون - بصل اخضر مفروم فرم ناعم ناعم
بتاخدي هالمقادير وبتحطيها فوق البرغل وبتدعكيها بايديكي مليح او بماكينة الكبة حتى تتناسق تمام التمام
بعدين بتحطي الخضرة فوقا بتحركيها بالملعقة حتى تتناسق وبتصبيها بصحن التقديم فورا
والف صحة وهنا
أعضاء قرؤوا هذا الموضوع: 0
رد مع الاستدلال
الروابط المفضلة