۩ ۞...مهرجان أطباق للنباتيين....۞ ۩

[تغريد2007]

اخت وعود انا نزلت اطباق نزلت من اول لانها الاخت لونلي ذكرت مسموح اطباق نازله قديما
خلص ولا يهمك اشطبوها بنرجع بنعيد عادي يعني

[وعود الخير]

تغريد
شخبط شخابيط
مش اشكال
كسبنا وصفات نتذكرها من جديد
ولكننا نطمع في الجديد لديكن خاصة وانكن ما شاء الله ستات بيوت نمبر ون

[لبنان وحبايبه]

السلام عليكم يا حلوات

لونلي ... حبيتك انا ))))))

هاد الموضوع رائع وخاصة ان المشاركات لا تعتمد فقط على السلطات ولكن ايضاً الاطباق الرئيسية..

مع ان الناس خاصة نحن العرب نظن ان السلطة هي طبق جانبي ولكن الحقيقة ان هناك الكثير من السلطات فيها كل انواع الغذاء وممكن ان تؤكل كطبق رئيسي..ومو بس للناس يلي بيعملوا ريجيم .. حتى الاولاد ممكن ياكلوها ..

يعني انا بطلع على النوعية .. مثلاً طبق المعكرونة بالتونة يلي ان شاء الله سأنزله بالموضوع هنا ..
انا أعطيته لأولادي كطبق رئيسي على الغذاء لأن قالوا جاي على بالهم معكرونة بس مو باللحم ولا اللبن (يلي بيفضلوهم اكتر شي ) ..

فعملت لهم هذا الطبق يلي به:
** المعكرونة = الكربوهيدرات = الطاقة
** الذرة = هي غذاء رائع اضافة الى انها من الحبوب فهي التي تكافح امراض القلب والسرطان (والعياذ بالله) وبها الكالسيوم والمعادن والبروتين النباتي.
** التونة = أوميغا 3 وهو من أهم العناصر الغذائية المضادة لأمراض المفاصل والشرايين ويفيد الاولاد لأنه مغذي هام للدماغ.
** الزينو .. من منا لا يعرف قيمته!
** فاصوليا حمراء = غنية بالالياف التي تيسر عملية الهضم وبالنسبة للكبار فهي خافضة للكوليسترول .. بها كميات هائلة من الفوسفور والمغنيزيوم والحديد والبوتاسيوم والفوليك اسيد ...
طبعاً بها البقدونس وعصير الليمون....
مايونيز (ناس الريجيم ممكن يقللوه او يستغنوا عنه ..
زيت زيتون كمان كلنا عارفين قيمته والجسم لازم يدخله يوما نسبة معينة من الدهون وانا بحبها تكون من زيت الزيتون .. مو زبدة وسمنة ))

يعني كل هذا في طبق واحد وانا واحدة من يلي بينقهروا اذا ولادي ما اكلوا منيح وخاصة انا ولادي مو كتير صحبة مع الأكل عشان هيك بحاول انتبه شو طعميهم وغذيهم..

خلص حكيت كتير صح؟

يلا هاي الوصفتين انا مبارح نزلتهم وأضعهم هنا وطبعاً بملفي في هذا الركن الكثير من الاطباق النباتية..

رابط السلطات يلي صورهم بالاسفل

http://www.lakii.com/vb/showthread.php?t=501615

سلطة المعكرونة يلي حكيت عليها فوق

سلطة الفاصوليا

وهلق كمان اضافة طبقي المفضل ..

لبّ الكوسى

المقادير

لب الكوسى والاطراف
زيت زيتون
ثوم مدقوق ونعنع يابس
ملح
عصرة ليمون
بصلة مفرومة

الطريقة

نقلب البصلة بالزيت ثم نضيف اللب والملح
وبعد ما يستوي نضيف الليمون والثوم والنعنع دقيقتان وصحتين..

متبل الباذنجان

المقادير

باذنجانة مشوية ومقشورة
طحينة
عصير ليمون
ثوم
ملح

للزينة

دبس الرمان
نعنع طازج
رمان حب
فلفل احمر حلو أم شطة متل ما بترغبوا..

الطريقة

تخلط المكونات مع بعضها وتزين والف عافية

يعطيكم ويعطينا العافية

[um almajd]

فعلا موضوع راائع
يعطيكم العافيه يا مشرفات على هيك افكار
انا من مشجعي الأكل النباتي .. لأني أنا ما باكل اللحم
أحيانا لحم الدجاج .. لكن حتى هذا قليل جدا .. فآآكل الخضار
الموجوه في الطبخه .. وأترك اللحوم
واحنا عنا عاملين قانون في البيت .. لازم يكون
فيه أسبوع نقضيه بدون أي نوع من اللحوم
وهاد الحكي صارلنا فيه يمكن 5 سنين
والحمدلله كل فتره نقضي وقت بدون لحمه
وبنحس اجسامنا صار فيها نوع من الانعاش

تسلم ايديكم يا صبايا على الوصفات الحلوه

انا عندي كم وصفه ببقى انزلهم ان شاء الله تعالى

بارك الله فيكم يا قمرات وجعله الله في ميزان حسناتكم

[أم مــــالــــك]

وانا عندي مشاركتين في موسوعة الخضار مع الغاليه حنان البحرين
طبقين نباتين أبا عن جد

اتمنى تقبلوهم كمقدمة ولي عودة بأطباق اخرى ان شاء الله

لنا عوده

[lone~ly]

وعود
بارك الله فيك على المعلومات القيمه المفيده

أم مالك
أطباق رائعه ومفيده
وليس بالغريب عليك بانتظار أطباقك

أم أنس
أطباق رائعه ولذيذه
بانتظار المزيد وصور جديده لملفنا

أم شادى
فى أنتظار كل ما هو جديد لديك فاطباقك مميزه دائما

شخبوطه
لك لمسه خاصه باطباقك
نحن بانتظار وصفات غنيه بالفائده وجميله

بلبل
يعنى هلق بس حبيتينى أخ منك بدك عضه على رأى طيوف
بانتظارك وانتظار أطباقك
لكن يا قمر ما بدنا لحوم ولا أسماك
بعد أذنك بدنا نبات بنبات

عاشقه
وجودك يعطى للمواضيع ميزه خاصه بانتظارك

أم اللول
أكيد بعد العجين والمعجنات
المعده بدها ريلاكس
وانا واثقه إنه أطباقك لا تقاوم بانتظارك

صبايا بنستناكم باطباق جديده وجميله
واكيد القديم يحلا لكن بدعموا بالجديد

[وعود الخير]

السلام عليكم ورحمة الله وبركاته

طبق فرش
طبعا السلطة عندي احيانا تكون طبق رئيسي لزوم الدايت واعوانه

طبق سهل.....اقتصادي... سريع... لذيذ ... والأهم مشبع ...
نشوف معاً عشاء وعود الليلة

المكونات
خيار.....بندورة.... فجل... ريحان....رشة بقدونس...رشة نعناع... نقاط من زيت الزيتون... عصرة حامض... رشة ملح
وصحتين وعافية

[●•°BaSmA°•●]

موضوع راائع حقا
دائما بفضل تكون وجباتنا على مدار الاسبوع متنوعة وتشمل
اللحوم بأنواعها والخضار والحبوب
وجعل يوم أو يومين بالأسبوع بدون لحم فتقتصر وجباتنا على الأنواع التانية
إن شاء الله لي عوودة مع طبق جديد
شكرا مشرفاتنا العزيزات

[وعود الخير]

بانتظارك يا بسمة
وصفاتك من الاطباق المفضلة عندي

[●•°BaSmA°•●]

عدنا وبسرعة كمان
أكلات الحبوب من المفضلة عندي
ولازم أكلة حبوب بالأسبوع مرة على الأقل
واليوم عندي المجدرة وكشك الخضار
أرجو أن تنال إعجابكم وتجربوها
المجـــدرة....





وكشـــك الخضاار الراائــع

[●•°BaSmA°•●]

غاليتي وأختي وعود
هذه شهادة أعتز فيها
شكرا لك ولجهودك
بوركتِ

[lone~ly]

رندوش وسواد وفتوش
نحن على ثقه أن لديكن من الاطباق ما لذوطاب
بأنتظاركن


يا وجه الخير
الوان زاهيه وجميله لاطيب أنواع السلطات
سلمت يداكى

بسومه يا بسومه
شو هالحلو تسلم إيدك يا قمر
الحقينا بالوصفات يا معدله
ريته صحه وهنا
ولا عامله شوفوا ولا أتدوقوا
بانتظارك

[●•°BaSmA°•●]

أهلا بلونلي الغالية
بعتذر سقط الرابط سهوا

http://www.lakii.com/vb/showthread.php?t=502114

تفضلو زوروني وعطوني رأيكم
وصفات لذيذة ومفيدة للنباتيين وغير النباتيين

[ماماحميدة]

السلام عليكم ورحمة الله وبركاته

غاليتي لونل

ماشاءالله موضوع الاطباق النباتية عذ الطلب
حقدملكن كم طبق ياريت مايكونوا مكررين لان الي فترة
ماعبشارك بقسم الاطباق الرئيسسة مابدي اشتهي
وافرط الدايت مخفف من قبل رمضان
وهيدا سبب غيابي

اختي المحبة وعود

كيفك ياعمري اشتئتلك لكن الدنيامشاغل حظي
حلو التقيت فيك هنا وبتمنى
تعجبكن وصفاتي

الفلافل

1كوب فول مقشور
1كوب حمص
1 ضمة بصل أخضر

ضمة كزبراء خضراء
ضمة بقدونس
ضمة شبت
ملعقة كزبراء ك ناشفة
راس ثوم مقشرة
سبع بهارات
سمسم
ربع ملعقة صغيرة كربونات الصودا
ملح .


الطريقة

يوضع الفول والحمص ,, البصل ,,البقدونس ,, الشبت فى الخلاط ا الكهربائي وتفرم جيدا ثم يدق الثوم مع الكسبرة مع الملح ويضافوا على الفول ويخلطوا ثم نضع الكربونات وتقسم فى أكياس وتوضع فى الفريزر وعند الأستعمال يخرج الكيس ويترك حتى تلين العجينة ويشكل كور وتبطط باليد ويوضع عليها السمسم
وتقلى فى الزيت الحار

والف صحة وعافية


ورق العنب بالزيت

المقادير


ورض عنب مكبوس اوطازة
بقدونس
بندورة
بصل اخضر
نعنع اخضر
2بطاطا
2حامض
وفلف اسود
كوب ونص رزمصري
زيت زيتون حسب الطلب
يكون معدول

الطريقة

الحشوة نغسل الارز ويفرم البقدونس والنعنع والبيندورة ويضافوا اللرز

ويتبل بالحامض ويضاف زيت الزيتون والملح والبهار

وتقطعالبطاطا وتوضع بقعر الطنجرةمع ملعقة زيت
ونلف ورق العنب ونصفة بشكل دائري
وقليل من الحامض للمرقة اطيب يكون حامض
وبعد الانهاء نضع طبق علىوح الورق عنب افضل مايفتح
وانورق طازة بده ساعه علىنار خفيفة بعد اول غلوة
وبيقلب بطبق بيركس
ويزين بالنعنع الاخضر بعد مايبرد

ويؤكل معه بصل اخضر

والف صحةة وهناء

[وعود الخير]

ماما حميدة شو هالحكي .... كل شي من تحتدياتك بيعجبني
كلك زوء ومفهومية