ارجوكم احتاج مساعدتكم يا اخواتي واصدقائي .."ضرورييييييييي "

[mesho_khalil]

الحكاية وما فيها يا اخواتي اني " ادبست " في طريقة عمل القرع العسلي باي طريقة وباي وصفة لاني كنت عند ناس قرايبي انا وعائلتي وبعدين ماما فضلت تتكلم على شطارتي في المطبخ " قال يعني انا شيف قوي " وبعدين قامت واحدة قريبتي قالت طب انا نفسي اكل القرع العسل عندك يا شيماء وحاعزم نفسي عندك عشان ادوقه من ايديكي .. وما زاد الطين بلي يا اخواتي انها قالت انه لو عجبتها لازم اكتبلها المقادير ايه والطريقة ازاي .. انا في ورطة وبصراحة ماما حتوديني في داهية .. ياريت يا جماعة اي حد يعرف اي طريقة للقرع العسل يرد عليا في اقرب وقت ممكن .. عشان ماما متكونش " فشارة" وعلى فكرة والله انا بعرف اطبخ واعمل حلويات كويس والله لكن انا عمري ما عملت قرع العسل ده .. ارجو المساعدة والرد

[ام حبيبة وليد]

والله يا ميشو انا نفسى اساعدك لكن يا حبيبتى والله ما بعرف اعمله لكن حماتى بتعرف انا هعرفلك منها الطريقة بكرة الصبح وان شاء الله هقولك عليها

[عطر و زهر]

سلام .... الله يعينك
انا بصراحه ما اعرف الطريقه ولا المقادير لا وكمان ما احب القرع
بس انا عندي طريقه ,,,,,,,,, مدام الوالده وهقتك يعني ورطتك خلاص اشتريه جاهز وقدميه
ادا سالت عن المقادير قولي لا لا سر المهنه ههههههههههههههه

[$ نادره $]

ههههههههه عطر يامكاره

تبغي تورطي البنت معاكي حرام عليكي هههههه


شيماء حبيبتي والله معرف بس إن شاءالله باقي البنات يعرفو ويقولولك ولا يهمك ياقمر

[عطر و زهر]

لا والله يا نادره بس البنيه مره متازمه قلت اخليها تفك شوي
الموضوع بين الامهات وضرب في راسها المسكينه

بس على العموم الله يسخرلها احد يعرف الطريقه اللي عليها الكلام
بالتوفيق

[الباجوري]

ان شاء الله يفيدك الرابط عزيزتي

صينية القرع بالبشاميل ممممممم مين يقدر يقاوم>> خطوة خطوة بالصور

على فكره دي طريقه لذيذه جداااا للقرع العسلي

وكل سنه وانتِ طيبه

[حنان(البحرين)]

هلا حبيبتي عندي لك طريقة حلو على القرع العسلي
المقادير: كيلو وربع قرع عسلي + نصف كوب ماء + سكر للتحليه + 3ملاعق اكل زبيب
3ملاعق اكل فول سوداني او بندق محمص + ملعقتان اكل سكر ناعم + قليل من القرفه
مقادير الكريم : 4 ملاعق سكر ناعم + بيضتان + ملعقة اكل ونصف دقيق + كوبان حليب مغلي
فانيليا
الطريقه: يغسل القرع وينزع منه اللب يقشر ويقطع شرائح رفيعه ويضاف اليه الماء والسكر ويترك على نار هادئه حتى ينضج ثم يصفى
يدهن قالب فرن بالزيت ثم يرش بالبقسماط الناعم
لعمل الكريمه : يقلب السكر مع الدقيق ثم يضاف البيض وملعقه من الحليب البارد ويقلب الجميع
جيدا ثم يصب الحليب الحار مع التقليب بالمضرب السلك ثم يوضع الخليط في قدر على النار حتى يغلي
ويترك يغلي مدة دقيقتين مع استمرار التقليب بالمضرب
يرفع الخليط من على النار وتضاف الفانيليا وتقلب بملعقه خشبيه من وقت لاخر حتى تبرد
يوضع نصف كمية الكريمه في القالب المعد بالبقسماط ويوضع على الكريمه نصف مقدار القرع العسلي ويسوى السطح ويرش عليه نصف كمية الحشو وبعدين يوضع باقي القرع العسلي ويسوى السطح وتوضع باقي الحشوه ثم يوضع عليه باقي الكريمه ويسوى السطح
يدخل القالب في الفرن متوسط الحراره ويترك الى ان يحمر السطح ويخرج من الفرن ويترك يبرد
ثم يقلب في صحن التقديم
هذه الطريقه تعلمتها من اخواتي المصريات اعمليها لذيذه واخبريني بالنتيجه
ملاحظه: الحشوه هي الزبيب والمكسرات المحمصه

[mesho_khalil]

الف .. الف شكر اخواتي واحبائي على اهتمامكم بالرد عليا واشكر بصفة خاصة الباجوري "تسلميلي يا قمرطريقتك حلوة جدا " واللي بعتبرها صديقتي وهي حنان (البحرين ) لانها ساعدتنتي وردت عليا قبل كده .. وعموما انا مبقتش خايفة دلوقتي من حاجة .. لاني بقى عندي اصدقاء واخوات كمان يساعدوني .. ويارب اقدر ارد جزء من الجمايل دي .. وكل سنة وانتم بالف صحة وسعادة يارب "تسلم ايديكم احبابي

[ام حبيبة وليد]

يالا ياسيتى الوصفة جاتلك على طبق من دهب عموما انا استفدت من الوصفة دى وعملتها وعجبت جوزى جدا _ على فكرة يا ميشو انا سألتلك حماتى زى ما قلتلك لكن هى قلتلى انا يا حبيبتى مش هتعبك وعملتهولى وادتهولى جاهز على العموم الجيات اكتر من الريحات وان شاء الله اساعدك فى حاجة اكبر وان شاء الله نكون اصحاب وكل سنة وانتى طيبة .--- المهم يا ميشو ياريت يا حبيبتى تطمنينى عملتى العزومة ولا لأ

[mesho_khalil]

والله انا مش عارفة اقولك ايه ع الكلام الجميل ده .. انا فعلا عملت الوصفة أول ما لقيتها مكتوبة من صديقاتي " حنان " البحرين " والباجوري وعملتها الحمد لله .. بعدها بيومين .. وكانت حلوة قوي قوي

ورفعت راس ماما .. وفضلت اقول للضيوف لو عايزين تاكلوا أ اكلة قولولي وانا حعملها .. م انا خلاص بقيت مطمئنة ان عندي اخوات واصدقاء يساعدوني ..

وباشكرك مرة اخري يا اختي ام حبيبة وليد على مسااعدتك لي وكلامك اللي زي السكر ه

وكل عام وانتي بالف خير وسعادة باذن الله