ملف المقبلات الفلسطينية الاصلية وبدون رتوش

[وعود الخير]

عيني عليك يا جبل النور ..
ايوا هيك طلعي المواهب المدفونة في المطبخ...

[وعود الخير]

الباميا بالزيت

الطريقة:

كيلو بامية خضرا صغيرة الحجم

كيلو بندورة حمرا ناضجة ومقشرة ومفرومة ناعم بدون بذور

راس بصل ابيض مفروم ناعم

ثوم حسب الرغبة

ربع فنجان زيت زيتون

عصير ليمون

ضمة كزبرة خضرا

ملح – بهارات

الطريقة:

يسخن الزيت ويقلى البصل حتى يصر لونه

تضاف الكزبرة المفرومة والثوم والملح والبهارات وتقلب لمدة دقيقتان ثم نضيف نص كمية البندورة وننسفها قليلا

ثم تضاف الباميا المقلية نص قلي وفوقها بقية البندورة

نضعها على نار قوية لمدة 3 دقائق تقريبا ثم نار متوسطة مع اضافة نص كوب ماء مغلي ونتركها حتى تغلي جيدا

نخفف النار حتى تنضج

نضيف عصير الليمون ان اردنا ونتركها تغلي لمدة دقيقة

تقدم باردة ومزينة باقمار من الليمون

[وعود الخير]

شو صبايا شدو ا الهمة....

[وَطَن]

البليلة
حمص مسلوق ومصفى، كمون، ملح ، عصرة ليمون، بقدونس مفروم
الطريقة
نخلط الجميع سوياً ونزين برشة بقدونس

[fantasy]

يا ربي شو بدي احكي للأحكي غير اني شاكرة على المعروف والمجهود اللأكثر من رائع
يسلمو ايديكي وعيونك يا احلى مشرفة
اختي العزيزة جبل النور جبتيها يم جاي على بالي بليلة يسلمو ايديكي اختي طيحتي نفسي

[وعود الخير]

سلطة الخبيزة

افرمي أوراق الخبيزة بعد غسلها جيدا وتنشيفها

افرمي راس بصل ابيض واقليه بزيت زيتون واتركيه حتى يصفر لونه

أضيفي الخبيزة وسبكيها على نار هادئة حتى تنضج

أضيفي لها الملح ورشة فلفل أسود

اسكبيها في صحن التقديم وحولها أقمار من الليمون.

اما الهندباء المقلية فموجودة في الصفحة الثانية

[وَطَن]

اختي العزيزة جبل النور جبتيها يم جاي على بالي بليلة يسلمو ايديكي اختي طيحتي نفسي

صحتين وهنا يا يا فانتا ياقمر إنت بس تؤمرى واللى بنعرفه إن شاء الله ما راح نقصر.

[إيمان علي]

تسلم الأيادي يا وعود، قايمة أقطف هالزعترات، كنت بقول شو بدي أعمل بكل هالزعتر، فطاير الزعتر ما عمري عملتها.. كبست وعندي كثير مكبوس.. نشفت وعندي كثير، الآن بدي أعمل سلطة الزعتر
أكمل باقي المقبلات

[إيمان علي]

ما شاء الله شيء مدهش، ملف رائع الله يبارك بكل المشاركات..

طيب يا وعود، فيني أطلب طلب غير مقبلات؟ طلب من الأكلات

بعمل عادة مسخن طعمه رائع بالفعل حسب شهادة الجميع، لكن من غير الخبز، مرة واحدة عملت خبز تحته وكان طيب لكن حسيته سميك شوي.. وكانت العجينة من مخي.. فيا ترى هل فيه وصفة معينة لعجينة المسخن؟ طبعاً أنا دورت في كللللللللل وصفة بالمنتدى للمسخن، ولقيت يمكن عجينتين مع المسخن، بس أنا صراحة بدي طريقتك انت بالذات إذا ممكن تستغني عنها
ووعد أصورلك التفاصيل لما أعملها.

[وعود الخير]

تكرمي يا ام بلال
بس افضى راح اكتب لك بالتفصيل الممل الخبز الفلاحي والمسخن الجنيني الاصلي...
واكيد ام زيد راح تساعدني...