حكايتى مع بسبوسة الطاززززج !!!

[khat2000]

كيف حالكم ياأخوات قبل ماأحكى لكم قصتى مع هالبسبوسه إلى جننتنى بالفعل أعطيكم نبذه عنها
هذه البسبوسه من أشهر البسبوسات فى محلات الطازج بالمملكه وطبعا من ألذ وأروع ماذقت من البسبوسات حتى إنى قلت لزوجى يسأل الموظفين هناك عن الطريقه عاد قال الموظف إنها سر المهنه عاد لما قال لى زوجى هذا الكلام تمنيت إنى أخنقققققققققققق الموظف بيدينى المهم نرجع لحكايتى عنها
قلت فى يوم من الأيام ليش ماأخمل المقادير إلى البسبوسه باين من طعمها وأقوم أتحدى هذا الطازج وأسويها وبعدين قمت جرى على المطبخ وأحط المقادير من هنا ومن هنا وأكثر ماسمعت عنها إنهم يضيفون فيها حليب نستله مركز ويالله قاعده أسوى حرافه وسويتها والله لايوريكم
البسه ماتأكلها عاد قلت حرام إنى أرميها قلت خلينى أخترع لها شىْ يمكن يوصلنى لبسبوسة الطازج ( لم أفقد الأمل ) وبعدين قمت وحطيتها فى الخلاط وخلطتها مع شويه شيره وقشطه
آآآآآآآآآآآآآآه ثم آآآآآآآآآآه الله لايوريكم فين بسبوستى عن بسبوسة الطاززززززززج معليش شديت على الزاى من القهر وبعدين ماصارت بسبوسه أصلنا مطبوخه من أول وياما مقادير ضيعتا بسبب البسبوسه هذه الله يخلف علينا وفوق هذا كله لم أفقد الأمل ومصررررررره إنى أعرف الطريقه ماحييت يمكن أروح أتوظف عندهم عشان أعرف سر هذه البسبوسه وبعدين أحط رجلى ههههههه لكن لايوجد محلات طازج نسائيه ههههههههههه صار مشغل لكن عندى إقتراح لكم ليش ماندخل موقع الطازج عبر النت يمكن نتوصل إلى الطريقه وإذا لم نجد الطريقه عاد هذه يبغالهم الواحد يرسلهم هكر ويحطم الطاززززززززج مثل ماحطم كثير ممن يبحثون عن الطريقه ولكن لن أيئس وسأبحث عنها وأصلكم بالنتيجه ولنا لقاء

معليش طولت عليكم

تقبلوا تحياتى أختكم khat2000

[نجم الليالي]

لاتزعلي اختي ياليت اعرف اذا كان للطازج موقع
احاول يمكن القاه بس هاذي سر المهنه .

[khat2000]

يأختى دوبنى قاعده أدور فى موقعهم وحصلت الموقع ولكن مايشتغل وعلى قولك سر المهنه

[الجنرالة]

بسبوسة الطازج عندي آمري...........

[الجهنيه]

السلام عليكم ورحمة الله وبركاته
انا عضو جديد جداً حلوه جداً هذي ما علينا
المهم قريت عن شكوى الاخت العزيزة khat 2000 و اتمنى ان اقدر اساعدها بالنسبه لمقادير بسبوسة الطازج فانا ياأخت كنت مثلك احب بسبوسة الطازج و ما زلت وراح اعطيك مقادير ثلاثة طرق للبسبوسة هذي واختاري اللي يعجبك منها :
الاولى : بسبوسة لينة مرة :
حليب مركز كبير
واحد كوب سميد
قالب زبدة صغير 113 جم
ملعقة صغيرة جداً من البكينج باودر
تخلطينها مع بعض وتوضع في صينيه لمدة 10 دقائق او اقل كما تحبين
و بالهنا و العافيه
الطريقه الثانية :
بسبوسه لينة شوية
2 حليب نستله المركز كبير
3 كوب سميد
2 قالب زبدة صغير
ملعقة صغيرة بكينج باودر
وتخلطينها مثل الاولى
الطريقة الثالثة :
بسبوسة جامدة شويه
3 حليب مركز كبير
4كوب سميد
2 زبده صغير بكينج باودر
تخلطينها ممكن اضافة قليل من الماء اذا كانت جامدة نصف كاس شاي صغير وتضعينها بالفرن الى ان يصبح لونها ذهبي او زي ما تحبين
واتمنى للجميع الصحة والعافية و باي باي يا ريجيم

[منيرة]

الحد لله ما ادري وش الي عاجبك في هذي البسبوسه

[ام ندى]

اليييييييييكم طريقة عمل بسبوسة الطازج ولا تنسووووون تدعون لي...........
المقادير:
* اصبع زبدة ذائبة بدرجه حرارة الغرفة..
* علبه حليب نستلة كبيره ( أم خمسة ريال )
* بيضه
* ملعقة فانليا كبيرة
الطريقه:
تخلط جميع المقادير في الخلاط الكهربائي ثم توضع في وعاء ثم نضع عليها كأس حليب نيدو (بودره) وكأس ونصف سميد وملعقة كبيرة بيكنج بودر ...ثم تحرك بالملعقة وتصب في الصينية وتوضع بالفرن ...وبعد ذلك تسقى بالشيرة ....وبالهناء والعافية

[Angel^ ^ Eyes]

ماشاء الله عليكي ياأم ندى طريقة البسبوسه اللي كتبتيها تقريبا زي بسبوسة الطازج..

أنا سويتها اليوم وكل أهلي مدحوني ....

أمي أعجبتها البسبوسة ومع انه معاها السكر كل شوي أشوفها فاتحه الثلاجة ماشاء الله عليها

ومو هي وبس 5 من أخواني بعد عندهم السكر وطاحو على البسبوسة وبعدها على الأنسولين

شوفتي قد ايش انا شريرة دايما اسويلهم حلى ..

عالعموم جزاك الله ألف خير على طريقتك الحلوة وأنا بدوري ادعو البنات لتجربتها فهي تستاهل



ســـــــــــــلام

[ام ندى]

شكرا لك يا اخت انجل ...... وتراني مستعدة لأي خدمه..

[ama909]

يا ام ندى ايش.مقدار الزبدة و الحليب? انافي امريكا و مثل ما اتعرفي هني ما في حليب نستلة
شكرا الشيخة