http://img27.imageshack.us/img27/2697/nhnhradya1o.gif
دى اول مرة اشارك فى دورة المعجنات حشوات و اضافات
بصراحة الفكرة فى دماغى بقى لها فترة بس اتشجعت لما بدأتوا اسبوع الخضروات انى انفذها
المعجنات اللى عملتها من اختراعى و المقادير كده بالبركة
الفكرة اصلا ان ابنى ياسين ربنا يحفظه عنده سنتين http://www.lakii.com/vb/smile/13_201.gif
ما بيرضاش ياكل الخضار
ف بحاول احط الخضار فى الاكل اللى بيحبه و هو بيحب المعجنات http://www.lakii.com/vb/smile/26-42.gif
انا رغيت كتير و هدخل فى الموضوع اهه http://www.lakii.com/vb/smile/21_64.gif
انا جبت كوساية و جزراية و نص كوباية بسلة و سلقتهم فى ميه و ملح و ضربتهم فى الخلاط
اخدت منهم نص كوباية بس و الباقى شيلته فى التلاجة
و دى صورتهم
و بعدين ضيفت عليهم الخميرة معلقة صغيرة لانهم كانوا سخنين و رشة ملح
و بدأت اضيف الدقيق حبة حبة لغاية ما العجينة تماسكت
ضفت حوالى كوباية و ربع دقيق
و ادى العجينة
سبتها ساعة و ربع بس لانى كنت مستعجلة
لو كنت سبتها اكتر كانت خمرت اكتر
ادى صورتها بعد التخمير
فردت العجينة و قطعتها دواير و حشتها و قفلتها زى السمبوسة
حشيت جزء باللبنة و الزعتر و جزء بالجبنة القريش و الجرجير و جزء بجبنة شيدر و زيتون اخضر
دهنت الفطاير بالبيض و رشيت عليهم حبة البركة
و ادى صورتهم
حطيتهم فى الفرن على 200 درجة لمدة ربع ساعة
و اهم بعد ما طلعوا من الفرن يا حلاوتهم http://www.yesmeenah.com/smiles/smil...85abccffaa.gif
جربوها لاطفالكم لانها مفيدة جدا http://www.lakii.com/vb/smile/22-76.gif
العجينة مليانة خضار و ما فيهاش زيت و لا سمن يعنى خفيفة و قليلة الدسم
و الحشوة كلها كالسيوم جبنة و لبنة و طبعا حبة البركة على الوش فوايدها معروفة
و بالهنا و الشفا http://www.lakii.com/vb/smile/12_235.gif
و ما تنسوش تأمنوا على دعائى الموجود فى توقيعى