-
يا عيني البنات متجمعين على المسخن
صحة وهنا ويسلم دياتك يا احاسيس
لكن جد يا بنات ما في اطيب من المسخن مع خبز الطابون جد كل شي على اصوله اطيب
وحشرت حالي رح اكتبلكم الخبز
طحين ابيض واخلطي شوي اسمر ماء فاتر خميرة اعجني ورخي خليها لينة طرية
وبما انه رح نعمله في البيت ضعي الرظف بصنية طبعا الصنية تكون مليانة رظف
حمي الرظف ( حجارة ملساء )
و بعد ما تخمر العجين افرديها اتركيها شوي ترتاح بعدين حطيها على الرظف
طبعا ما رح تنفخ متل الخبز
واقلبيه على الجهة التانية
بعدين لفي بقماش وكملي الكمية
طبعا فيكي تتحكمي بحجم الفرص متل ما بدك صغير وسط او كبير
واعملي عليه المسخن وصحة وهنا
-
يسلاااااام عليك يا ام زيد
اكملتي الطبخة بوضع طريقة الخبز
سلمت يداك وافكارك
بس كيف نحمي الحجار وهو في الصينية
يعني نضعه على النار وبعدين نضعه في الصينية
وبعدين نخبز عليه ؟؟
طيب كم حجم الخبز رح يكون ؟؟
-
1 مرفق
احاسيس
الحصى (الرظف) بتحطيها في صنية ودخلي الصنية جوا الفرن وكوني معلية الفرن رح يحمى الحصى رح يكون كتير حامي
وبعدين بتحطي عليه العجين
العجين بعد ما تخمر بيقطعيها دوائر يا ضغيرة با وسط او كبيرة ولمى تفرديها بكون عندك الحجم الي بدك اياه وبتفرديها بالنشابة ما يكون رفيع كتير ولا خميل كتير
طبعا نكهت خبز الطابون غير شكل
وهي لاقيت صورة للمسخن
-
الله يسلم دياتك
وتشكري حبيبتي
-
تسلم ايدك اختي
وان شاء الله اجربها
-
أه يام زيد .. بدي طابون علشان الرظف والخبز إياه..
احاسيس .. الخبز الايراني ممكن نستعمله بدل خبز الطابون..
والطحين الأحمر بيكون رائع لو اضفناه مع الطحين الأبيض..
-
اه يا وعود اكيد ريحة خبز الطابون وطعمه غير شكل
لكن هاد بوفي الغرض احنا اعملنا هون هيك وطلع طيب
قوليلي في غزة ما في خبز طابون!!!!!!!!
-
لو بتقصدي خبز الطابون اللي في جنين .
لا ما في هون منه..
علشان هيك انا باعمل زيك باحط الرظف في الصنية .. بس باعمل خبز فلاحي اصلي ..
-
طيب لمى تفضي واذا ما فيها غلبة تكتبي طريقتك بالخبز الفلاحي
-
آه يا ام زيد..
شوفي يا ستي..
ولا اسهل ..
العجين عادي مية وملح وطحين (مخلوط طحين أحمر+ طحين ابيض)
بس الفرق انك بتخلي العجينة طرية..
وبعد ما تخمر بتقطعيها كور وبترقي في صينية فيها طحين وبعدين بتاخذيها على ايدك وبنتقليها من ايد للثانية زي عجينة البيتزا
وبعدين بترميها على الرظف وبتدخلي الصينية الفرن وبس تستوي بتحمريها ..
الشغلة صعبة شوية بس بعد كم مرة راح تزبطيها..
الله على ايام الطابون وريحة خبز الطابون خاصة في أيام الشتا..
فكرك ترجع هذيك الأيام . والا الناس اللي هناك نسيوا الطابون....
-
تسلمي يا زوق على الخبز
واحنا صغار لمى كنا ننزل كل الناس ماخده خبزها ورايحة تخبز بالطوابين و ريحة الطوابين معبية الشوارع بعد اربع سنين اتغير كل شي وعود
الطوابين سكرت الناس بتجييب خبز عادي متل خبز عمان
وكل سنة بتتغير بس ما في جد متل ايام زمان
ما بعرف اذا في نصيب ارجع ازورها مرة تانية
بس الحمد الله اني مواطتة
-
نيالك.. يعني عندك أمل تزوريها في يوم..
شو اقول انا ...
اللي عايشة في غزة.. ومش قادرة اوصل جنين..
-
انا ما بعرف الصراحة انه ما بخلوا اهل غزة يروحوا الضفة
بس ولا يهمك اذا رحتها بجيبلك من اترابها بس من تراب السيلة:)
جد بحب انا الناس الوطنيين كتير
وان شاء الله اتزوريها عاجل غير اجل
-
اختي نور الزهراء
-----------------
ياهلا ومرحبا فيج حبيبتي
جربيها وخبريني النتايج واذا كان ولابد صينية عشان اتأكد انك عملتيها صح
في انتظارك عزيزتي
وعووووووووود
---------------
اكيد الخبز الإيراني ينفع لكن انا عشان آخذ المسألة بحذافيرها
خليت زوجي يجيب من هذا النوع الخفيف
هذا بتسموه شريك مو هيك
طيب وشو وجه الشبة بين خبز الطابون والخبز الإيراني والخبز اللي عملت منه انا ؟؟
-
هو وجه الشبه ان الأنواع الثلاث اغلبها طحين بر (قمح)
وطبعا لما ما بيتوفر خبز الطابون بنلجأ للخبز الايراني . وان ما توفر
ما في غير خبز الصاج (الشراك)
ام زيد .. قبل الانتفاضة كان ممكن اهل غزة يزورا الضفة بتصريح بس انا ما معي هوية
يعني مخالفة.. علشان هيك ما فيني اتحرك خارج نطاق غزة.