كنز من كنوز المعجنات ... عجينه رائعه وبتشكيله واسعه وكلها بالصور :)
طرق العجائن كثيره جدا وكثير من البنات مرات تضبط معاهم ومرات لاء وصارو يكرهون يعملون المعجنات لهذا السبب وانا كنت اولهم :)
لكن من عرفت هذى العجينه وانا صرت اسويها شبه يومي من سرعتها وجودتها ونتايجها الطيبه
واعتبرها كنز من كنوز المعجنات
وهي عجينة العشر دقايق
من المتابعتات لعالم حواء راح تعرف ان هذى العجينه اخذت الشهره الكبيره جداااااااا واغلب البنات جربها وصار معتمدها
وانا اولهم :)
وجنة العسل في هذا القسم وضعت لكم العجينه لكن انا راح اوريكم كيف ان هذى العجينه ممكن تشكلينها بجميع انواع المعجنات المالحه والحلوه
مثل البيتزا والخليه والسينامون والاقماع والفطاير وغييييره الكثير
طبعا كل هذا المدح في هذي العجينه قليل عليها والله ..... والله يجزاها خير صاحبتها
نبدي في طريقة عمل هذى العجينه
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
وانا زدت عليها 2 ملعقة حليب بودر ... لان الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا وتستخدم على طول
ملاحظات
مثل ما شفنا العجينه تنقسم لقسمين وتتخمر عشر دقايق في القسم الاول ... وتضاف عليها باقي المكونات
يعني مجموع الطحين في العجينه هو خمس كاسات
الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه حق فطاير وحق عمل البيتزا او حق خليه وعمل بيتزا وهكذا
ونتابع تشكيلة المعجنات
