5 مرفق
بيتزا وخلية نحل ومناقيش بالزعتـر بعجينتـي الرائعه...
السلام عليكم ورحمة الله وبركـاته
قبل كم يوم سويت بيتزا وخلية نحل ومناقيش بالزعتر بعجينتـي الاكثر من رائعه
وهالعجينه انا معتمدتها من سنوات ولله الحمد دائما تظبط معاي
والكل ياخذ طريقتها مني
وحبيت افيدكم فيها
المقادير
2كاس دقيق ابيض منخول
2 ملعقة طعام نشـا
2ملعقة طعام سميد
2ملعقة كبيـره خميره فوريه منقوعه بنص كوب ماء دافيء
فنجان وربع سكـر
حسب الرغبه طبعا
بيالة وربع زيت
رشة ملح
من 1ونص كوب حليب سائل دافيء الى كوبين
حسب العجن
اخلط المقادير الجافه ثم السائله
واعجن جيدا
انا اعجنها اكثـر من ربع ساعه
اتركها تختمر من ساعه الى 3 ساعات
حسب وقتي
سويت منها بيتزا رووعه
زوجي وايد يحبها ودائما مطلوبه مني ولله الحمد
صلصـة البيتزا:
4حبات طماط مفروم صغيـر جدا
حبة بصل مفروم صغير جدا
احمس البصل في الزيت ثم اضيف الطماط واخلط الى ان يذبل
اشكل العجينه على شكل دوائر والعجينه راح تكون لينه وطريه جدا
ماتحتاج شوبك فقط افرديها بيدج
انا سويت ميني بيتزا وبيتزا كبيـره
بعد ماقطعت العجينه دوائر
مسحتها بالكاتشب ثم صلصة الطماط
ثم فلفل اخضر بارد مفروم
مشروم شرائح
زيتون شرائح
نقانق
جبن موزاريلا عالوجه
خبزتها بالفرن تقريبا عشر دقايق
وطلعت لذيذه):K
وسويت منها خلية نحل
حشيت الكور بجبن المراعي
ورشيت الوجه بالسمسم
وبعد ماطلعت من الفرن رشيت الوجه بالعسل
مالحقت اصور خلية النحل بعد ماطلعت من الفرن:)
وسويت منها مناقيش الزعتر
طلعت رهييييييبه
شكلت العجينه على شكل دوائر كبيـره
وحطيتها بمقلاة تيفال بعد مادهنت المقلاة بالسمنه
حمرتها من وجه واحد ورشيت زيت زيتون وزعتر عليها
طلعت امممممم
وبالعافيـه مقدما
وسوري عالصور مو واضحه وايد:ss:
وطبعا انا سويت من مقدار العجينه 3 مرات
عشان يكفي لان عندي خواتي وعيالهم
