مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

تطبيق لك على الأيفونخدمة كونى الاصح فى خدمتكم موقع جوالكِتطبيق لك على الاندرويدبطاقات لكِتابعوا لك على تويتراتبعينا على انستقرام مطبخ لكِ
مجموعة لكِ البريديّة برنامج الأمانة للمصليات - الفصل الأول 1435-1436 هـ إعرضي تجارتكِ مجاناً
للبحث في شبكة لكِ النسائية:

الطبخ فن ونفس وتوفير كمان

  1. alexess
    طبعا بند الحلويات له اساتذته وعلى راسهم طنط ام شادى
    طبعا هاتقولوا :لا يفتى ومالك فى المدينه ....هاقوللكم طبعا ...ودى عايزة كلام
    لكن مافيش مانع نبتدى كل واحدة فينا تعرض افكارها التوفيريه فى الحلويات

    اتفقنا ان ست البيت لازم تكافح الغلاء بثقافه الاستغناء
    يعنى تحاول تستغنى عن شراء الجاهز طالما تقدر تعمله فى البيت ...تحاول تتعلم ...تستغل النت وتطله منها احلى الوصفات باقل التكاليف ...الشراء بيكون فقط للحلويات الصعبه اللى بيصعب تنفيذها فى البيت او محتاجه مهارة عاليه وحرفيه
    تحافظ على كل حاجه وماترميش اى حاجه يمكن الاستفادة منها
    تتعلم اعادة تدوير اصناف الحلويات اللى مش مرغوبه من الاسرة او جفت مثلا فى عمل اصناف اخرى جديدة شهيه.........ودة بند لزم نتكلم فيه بالتفصيل

    طبعا كلنا لا زلنا بنتعلم ...وطالما بنتعلم يبقى لازم فى تجربه..ونسبه فشل ونسبه نجاح...لازم لكل واحدة تنفذ الوصفات بحذافيرها ...وتدرس اسباب فشلها وتحاول تعالجها ...و تعرف اسباب نجاح وصفتها وتاكد عليها
  2. --ايمي--
    --ايمي--
    انا عن نفسي بالنسبة للكيك لما بيبات عندي بعمل بية حاجات حلوة قوى احسن من الكيك نفسة وهو معمول يعن كان عندى بواقي كيك فردتهم فى صينية بايركس وكان عندى يومها فى التلاجة فروت سلاط حطيت شوية فوق الكيك وبعدين عملت خلطة تزيين عبارة عن ظرف كريم كارميل الجاهز ومعاه 5معالق كريم شانتية ونص كوب حليب ودة ضربتهم فى الخلاط 4 دقائق وبعدين ضفتهم على وش الكيك والفاكهة متتخيلوش طعمها جنان
    وبردة الكريم شانتيه اللي بالكيلو اوفر كتير من العلب انا باخده معايا السعودية علطول انا دلوقتي حاسة انى مدروخه بكرة ان شاء الله اقولكم عن باقي الحاجات اللي بعملها من البواقي
  3. alexess
    كلنا بنعمل حلويات العيد التقليديه المعروفه فى مصر
    بيى فور - كعك - غريبه-بسكويت نشادر -....وووووووو
    عندنا حلويات جميله جدا بتتقدم فى المناسبه دى
    كان لى موضوع نزلته فى عيد الفطر
    ودة الرابط بتاعه
    حلويات العيد منى ايدى لاول مرة فى المنتدى
  4. alexess
    باعمل الحلويات دى باستمرار وعادى جدا وناجحه والحمد لله ودى مقادير والدتى (ربنا يخليها لى )....طيب ايه المشكله
    حصلت عندى مشكله من ةاسبوعين تقريبا .....البتيفور بتاعى حصلت له حادثه ....كنت عامله مقدار كامل ودة كتير على اسرتى لكن كنت عامله حسابى انى هابعت منه لبعض الاقارب هنا بالاضافه للتقديم لضيوفى واستهلاك اسرتى البسيط ..
    عملت كل الخطوات تمام واخر جمال ...واضفت الدقيق كالمعتاد وهنا حدثت الحادثه ....فجاة بدون انذار لاقيت العجينه بقت .....فتافيت خشنه .....اتصدمت !!!!!
    ازاى ؟؟....اتاكدت انى ماشيه على كل الخطوات مضبوط ....دجا انا باعمله بقالى 12 سنه ....يعنى لا يمكن بقى ...يبقى اكيد فى حاجه غلط فى الدقيق .....
    طيب ....وقفت ابص للوعاء اللى فيه العجينه ...واتخيلت انى ممكن لو فشلت فى اصلاحها كل الكم دة من الزبدة و السكر والبيض والدقيق يترمى!!!!!!!!!!
    لا يمكن
    فكرت كويس ....عصرت دماغى ....افتكرت والدتى كانت بتعمل ايه ......بسرعه نفذت وعالجت الموضوع وطلع احلى بيتيفور تتخيلوة عملته طول حياتى ودة بشهادة اللى ذاقوة عندى وما يعرفوش انه كان حصله حادث

    جبت ثمن مقدار الزبدة +ثمن مقدار السكر +جزء من صفار بيضه وفانيليا
    خفقتهم بالطريقه الدسمه لحد ما بقوا كريمه هشه تماما
    اضفت الكريه الهشه دى الى خليط البيتيفور الماساوى المفتفت .....وكملت عجن.....النتيجه
    العجينه رجعت لينه تانى ورائعه
    اشتغلت فيها عادى وطلعت تجنن
    كدة بقى والا كنت رميته؟؟؟؟

    ساعات لما ازهق من كتر تشكيل وحدات البتيفور ......اكتفى بكدة واضيف قليل من الدقيق للعجينه و استعملها فى عمل وحدات تارتات مينى بالشيكولاته او الكاستارد ......بتبقى تجنن
  5. noorelhoda
    noorelhoda
    السلام عليكم ورحمه الله وبركاته
    اخواتى فى الله سيدات مجموعتى الجميلات بعتذر عن تغيبى لانى كنت مشغوله جدا جدا
    وحسيت ان صعب اتابع
    لكن انا الان موجوده ان شاء الله من الان سنناقش بند الحلويات
    ارجو الالتزام بالموضوع
    تحياتى
  6. noorelhoda
    noorelhoda
    واهلا بكل من انضمت لنا ومرحبا بكل فكره ومجهود من كل الاخوات
    بلا استثناء
  7. noorelhoda
    noorelhoda
    عندى اضافه سنبدأ الان التحدث عن التوفير فى بند الحلويات وبند المخبوزات
    سابدأ معكن
    اولا بالنسبه للفينو والخبز سواء الاخوات اللى بيعملوه فى البيت او اللى بيشتروه
    عامه
    الحله اللى حتشيلى عليها الخبز فى الفريزر هى نفس حالته لما يخرج
    بمعنى ان لو جبتى فينو او عيش طازج وسخن خجتى اللى انتى عوزاه والباقى شلتيه فى الفريز على طول وجيتى تخرجيه ان شالله بعد اسبوع او اتنين
    ودفتيه فى الفرن او سبتيه ربع ساعه يفك من التلج حتلاقيه زى ما كنتى شيلاه بالظبط طاااااااازج
    اما لو هو اصلا بايت ومش طازج وشلتيه فى الفريزر لما تخرجيه برده حيبقى بايت
    كده متفقين
    الفائض من الفينو او التوست او اللى بيبات
    قطعيه صغيير وحمصيه فى الفرن وبعد ما يبرد اطحنيه وحطى عليه كمون وملح وبابريكا وفلفل وكزبره واى اعشاب وتوابل واحفظيه فى علبه محكمه الغلق وحيبقى احلى خلطه بروست لتغليف البانيه والجمبرى والبوفتيك
  8. noorelhoda
    noorelhoda
    وايضا ممكن نعمل بالفائض حاجه حلو بعملها لبنتى نور
    بقطع الخبز رقيق وصغير واحطه فى طبق وعليه زيت زيتون وكمون واى توابل واحطه فى صنييه واحمصه
    واضك عليها احطه لها فى كيس الشبسى وتاكله كانه شبسى وده بيتباع عاصلا
    واسمه خبز محمص
    وده شكله


    او ممكن نستفيد من الخبز برده اللى بايت ومينفعش ساندوتشات
    ونعمله كده زى طريقه الاخت لبنان وحبايبه


    وده شكله

  9. lolo habeby
    lolo habeby
    صباح الخير يا بنات
    ربنا يباركلكمم على تعبكم يا بنات
  10. هندام يوسف
    هندام يوسف
    صباح الخير على الستات الحلوين مرحبا بكل الاخوات اختى ام نور حمد لله على السلامة اختى نور تقية الف سلامة على بنتك بالنسبة للحلويات فعلا انا اتعلمت كتير من منتدى لكى فعلا اختى ام نور انا بحمص بقى الخبز الفينو واعمل به للفراخ البانيه وبيوفر بدل ما بترمى سمعت كمان عن بدل الفانليا ممكن انى استغنى عنه واضع بشر برتقال بس دى بكون فى بعض حاجات وكمان لو عندى فانليا ممكن ازودعليه سكر واضعها فى برطمان وكده اوفر اشترى فانليا هل هى بتنفع ولا
    وجربت اشيل الخبز الفينو فعلا طازج زى ام نور ما قالت
عرض النتائج 791 الى 800 من 1889
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97