من أشعار سمو الشيخ محمد بن راشد آل مكتوم
الأم1
مهما اللّيالي تـدور حبّك ترى في الصّـدور
إنتِ يا بدر البدور لك كلّ حُبّ وشُعـور
يا أمّنا يا الحبيبه ياالغاليه يا القريبه
إسمِك بقلبي وجيبه في غيبتك والحضــور
أنْتِ يا نَبع الحنان بيت الدّفا والأمان
لو بارْ بيّ الزّمـان ما ظن حبِّك يبور
دايم بطيفِك أهَلّي عايش معي مثل ظلّـي
لى شوفته ما يملّي إن مَرّ طِيفِك يــزور
أحسّ بك في فـؤادي في صحوتي وفي رقــادي
حبك ما هو شيّ عـادي دايم وما له فُـتور
الأم2
أوسَع من الكون قلبِك يا اللي سهرتي اللّيالي
حَبّ الله من يحبّك يا من لها إسم غالـي
أقْرَبْ من الروح قربك يا الأمّ و بلا جـدَالِ
إنْتِ السّما ونحن شهبك لك منزلٍ فوق عالي
قلبٍ توَلَّعْ بحبِّكْ حبّه شريفٍ مثالي
درب الهنا يعل دربك يا صانعه للرّجـالِ
ويجزيك بالخير ربِّك ع الصّبر والاحتمالِ
<IMG SRC="http://www.alshamsi.net/cards/mom_cards/mom8.jpg" border=0>
<FONT COLOR="#800080" SIZE="2" FACE="Simplified Arabic,Verdana">تم تحرير الموضوع بواسطة ام خليفه بتاريخ 12-02-2001 الساعة 01:09 AM</font>
الروابط المفضلة