زيت الحشيش الاخضر حد عنده معلومة عنه؟

والله حبيبتي للاسف ما عندي فكره..

ولا انا ؟؟
جربي وقولي لنا وش صار معك ؟؟؟

اهلا .......
انا فرات فتوى عن هذا الزيت من احد المشايخ العلماء وافاد بجواز هذا النوع من الزيوت بشرط ان يكون استخدامه بنية افادة الشعر وان تكون نسبة الحشيش الموجوده في هذا الزيت ضئيلة وغير كافية للسكر ((لفقد الوعي)) .
وسمعت ان هذا الزيت تستخدمه الممثله الشهيره ((زينب العسكري))وهو السبب في اطالة شعرها ونعومته الى هذه الدرجه ..وانه كان يباع خارج المملكه وذلك لاسمه ولنسبة الحشيش فيه رغم انها غير مؤديه لفقد الوعي وعندما كان يصدر للمملكة كان يصدر باسم زيت الفواكه ...
وانه كان يباع خارج المملكه ويوجد بالبحرين ...
هذه معلوماتي بالنسبه لزيت الحشيش.....
اختكم :ضياء نجد.

مرحبا ..أنا اليوم شفت برنامج الفتاوى في قناة السعودية وسمعت الشيخ المنيع يقول عن هذا الزيت أن إذا كان وضعه على الشعر لا يسبب فقد للوعي أو تخدير أو ماشابه ذلك يجوز وضعه ولا له إثم انشاءالله أما في حالة تسببه في فقد الوعي أو التخدير فيحرم وضعه على الشعر أو استخدامه في أي شيء .. فالمطلوب منك يا أختي العزيزة أن تتأكدي من ذلك حتى لا تأثمي وإذا تأكدتي أرجوك بلغيني تراني صار لي فترة طويلة من سمعت عنه وأنا خاطري أحطه في شعري تكفين لا تنسيني أفيديني إذا استفدتي .. والله يوفقك ويطول شعرك ويزينه ويلمعه وينعمه و...... وينولك كل اللي تبينه بعد شتبين أكثر .

إذا تهمك صحتك لا تستخدميه
هو صحيح قالوا إنو يطوووووووووووول الشعر ويحسنه لكن
ما تقدرين الإستغناء عنه ابدا 000يعني لازم طول حياتك
مثل (الإدمان )
والشيخ الماجد في قناة المجد قال عنه أنه يتشربه الجسم مو مثل العطور
واللي يتشربه الجسم أكيد يضر.
أختي قالو كلام كثير عنه 000قالو فيه نوع حرام ونوع لأ
نوع يضر ونوع لأ

هو فعال000لكن سواياه في العقل الله أعلم
حتى إني كنت ناويه أشتريه لكن مشكلة (جوازه)و(ضرره)
سلامتك أهم من الجمال وفي مثل يقول(( إبعد عن الشر وغني له))

وأنصحك وأنصح الأخوات مايشترون من العطارين أو غيرهم أي مجموعة زيوت
(اللي تجي زيوت مخلوطه وجاهزه) هذي يحطون فيها زيت الحشيش
اللي تدمنين عليه (المضر ) وطبعا لما تشوفين شعرك زان واحلو !! قلتي
بس هذي الخلطة اللي أداوم عليها 000وعلطووووووووول تشترينها
والسبب هذا الزيت 00وهذا اللي يبونه 00إستمرارك 00لأ أنتي اشتري
زيوت واخلطيهم على كيف كيفك

وتأكدي قبل ما تجازفين هذا مب أي زيت 00هذا مشكله
وإذا تأكدتي من أي معلومة 00حنا بانتظارك
الله يحفظ بنات المسلمين
والله أعلم

حتى انا ودي فيه بس خايفه من حرمته اولا ثم ضررة ومن المداومة عليه وسمعت اليوم فتوى المنيع زي ما قالت الاخت بس ما تأكد من خلوه من الحرام اذا فيه نسبة مسكر وترى قريبتي تستخدمه وتقول راح أتركه لأنه يجب لها الصداع.

ياريت من شافت نتائجه عليها أو على غيرها تعلمنا