السلام عليكم ورحمة الله وبركاته ........


أخواني /

كيف أعرف إن جهازي مخترق ؟؟ بعدين وش معناه ؟

هل يطلع المخترق على كل اللي في الجهاز من مستندات .. ورسائل الإيميل وغيرها ..

وش اللي يشوفه بالضبط ..

اختي العبير

هناك عدة طرق يمكن للدخول اى جهاز الضحيه بدون علمه ولكن لو حملتي برنامج الزون الارم

ينفعك كثيراً ويخرج لك رساله حمراء مفادها ان هناك شخص يريد الدخول الى جهازك


وهناك شرح لبعض الطرق رائيتها في المنتدى يمكنك البحث عنها في هذا الركن


لكن ما ذا يفعل المخترق في جهاز الضحيه يعمل كل مايعمله صاحب الجهاز من قراءة الملفات وسرقتها وكذلك الايميلات والباسوردات وغيرها

وفي الاخير يمكنها من ان يدمر جهازك

اتمنى الحذر من الايميلات المشبوهه والرسائل الغير معروف صاحبها

هذا بختصار شديد

اخوك الامير

مشكورة اختي عبير العبير على طرحك السؤال واسمحي لي ان استفسر من الاخ الامير

جزاك الله اخي هل لك ان تفيدنا بالبرنامج الذي اخبرت به ( الزون الارم )

بوضع رابط لتحميله وجزاك الله خير الجزاء مقدما

أخي / الأمير

شكرا لإفادتك ........ زادك الله من فضله ..

أختي / شهدا

مرحبا بمداخلتك معنا ...

المهم ..أنا ليش كتبت الموضوع هذا لأني مروعة ومخوفة أمس .. ولا نمت الليل بسبب رسالة جاتني عبر المسنجر مفادها : ترى جهازك مخترق .. ترى كل شيء تسوينه مكشوف .. ترى بيلعبون بجهازك لعب .. مع السلامة ..

طبعا أنا انهبلت ... ليش؟ لأن ما عندي جهة اتصال سوى بريدين فقط لإحدى قريباتي وشخص آخر مختص في بعض البرامج اذا بغيت أي سؤال في نفس البرنامج سألته بسرعة وجاوبني بسرعة ... هذا ان لقيته متصل في بعض الأحيان مش كل يوم وكل ساعة ..

السؤال /
وشلون دخل هذا علي وأنا ما أضفته عندي ؟؟ هذا اللي مطير عقلي ..

وهل تتوقعون انه يمكن يكون احدى البريدين اللي عندي دخلوا علي ببريد ثاني ؟ والا لا ؟ أنا راح بالي لكذا ..

طيب كيف الحل ؟

أنا عندي شيء NorrtonANTIVIRUS2002 وش هذا مانع للفيروسات والا مانع للإختراق والا مهوب شيء ..


أزيلوا عني الروعة بالحل السديد ...

(اذا خربوا جهازي الله لا يحللهم ولا يبيحهم حراميه)



شاكرة لكم ........

اختي العبير

ربما مزحت معك احد قريباتك اللتي كانت مضافه لديك

وهي الدخول عليك ببريد اخر لم تضيفه والدخول عن طرييق غير الاضافه

الاحتمال الثني انه تم اختراق بريد احدى ايميلات زميلاتك والحصول على ايميلك

الاحتمال الثالث انه بالفعل تم اختراق جهازك من قبل هكر محترف

اما بالنسبه للبرنامج الذي ذكرتي فهو لمكافحة الفيروسات ويجب تحديثه كل فتره حتى يكون مجدياً

اختي الشهد لقد تطرقت للبرنامج في هذا الركن سابقاً

وهو برنامج مهم لكل جهاز يتصل بالنت ويعتبر من افضل برامج الحماية من الهكر

هذا راط لشرح البرنامج وللتحميل

مشكور اخوي الامير ماقصرت جزاك الله خير الموضوع ماشاء الله موضح كل شي الا شي واحد

وهو رابط التحميل من وييييين احمله ؟؟؟

لقيت رابط فتحته وداني لبوابة العرب ومالقيت البرنامج

ياريت الله يبارك فيك تكمل جميلك وتبين لي من ويييين احمل ؟؟

اعانك الله على مصائب الزمن .. - اللي هم انا --

اختي الشهد اضحك الله سنك كما اضحكتني في اخر الليل

اختي صدقيني كلنا كنا كذا في اول الامر بس الامر يحتاج صبر ورغبه فقط وتحققي النجاح

وعلى راي اخواننا المصريين ===>> من سال ماتهشي


لاكن المهم هذا رابط للبرنامج فهو اخر برنامج في الصفحه وحجمه 4m

والله يعينك على التحميل

http://www.arabsgate.com/software/pr...ls/index.shtml


اخوك الامير

أثابك المولى / أخي الأمير
كيف أحدث برنامج مكافحة الفيروسات لأن كل مرة يطلع لي أقفله على طول بدون ما أسوي فيه شيء ..

لأنه في ظني انه مجرد ماتخرج نافذته انه يحدث نفسه تلقائي .. صح علي والا لازم أسوي فيه شيء واذا كان لازم أسوي فيه شيء.. وش هالشيء اللي أسويه فيه ..


أخي 4 MB كبير والا صغير .. أشوفه طول بالنسخ ..
لذا أنا حملت هذا الجدار الناري خلاص ما عاد يقدر يدخل علي ثاني مرة نفس اللي روعني ..والا بعد لازم أحدثه زي مكافحة الفيروسات ..

وش معنى هكرز .. يعني حرامية في مصطلح الكمبيوتر.. وليش سموا هكرز ..

لو بغيت أكون حرامية (( بسم الله علي)) الله يبعدنا عن الخراب .. من وين يدخلون من أي كلمة

صراحة ودي بس أجرب على أختي .. أشوف وشلون يخربون عيال الذين آمنوا ..

إنت أخي تعرف تسوي حرامي ((هكرز)) ؟؟



دعوتي لك أخي أن يبارك في وقتك وعمرك ...
جزيت بالجنان وأنا معك وأختنا شهد وجميع المسلمين والمسلمات ..

فعلا اخي جزاك الله خير انا حملت البرنامج وبحاول اني امشي حسب الشرح فبارك الله فيك

أختي / شهد

وين ألقاه اذا أنا حملته .. في البرامج والا وين .. بعدين وش يطلع إسمه ..
لأني حملته ولا عاد لقيته .. ما أدري وين راح ..