صينية حلبه....لذيذه من تجربه

[الفتاةالطويله]

انا عملتها زاكيه كثير .اودكم تجربوها
المقادير : 1 كيلو سميد
1كاس طحين
ملعقه خميره فوريه
1 بيكن باودر
2 ملاعق قزحه
2 ملاعق سمسم
2 ملاعق حلبه مقليه شوي(يمكنك ابدالها بحلبه مطحونه بدون قلي طبعا)
2 ملاعق قرفه
2ملاعق يانسون مطحون
1 كاس زيت (ذره)

الطريقه : مع قليل من الماء الدافيء اعجني جميع المقادير معا ثم ادهني صينيه بطحينه وافردي العجينه حاولي قدر الأمكان تكون رقيقه ازكى
وعندما تخمر اخبزيها بالفرن درجه حراره 190 . حضري القطر وعندما تبرد اسكبيه عليها او ان يكون القطر بارد حضرتيه من قبل فتسكبيه على الصينيه وهي ساخنه

صحتين وعافيه انشاء الله تعجبكم

[وعود الخير]

شكرا يا ام يوسف .. ان زبطت معي هالمرة راح ادعيلك من كل قلبي.

[فيروز محمد]

أكيد بدها تعجبنا عزيزتي

أنا بحب الحلبه كتير ..بس طريقتنا مختلفه

الوالده الله يحفظها بتعملها بزيت الزيتون ..وبالطحين ما بنحط سميد

وقزحه ..حلبه.. ويانسون وشوية كركم

بس شو بتطلع زااااكيه كتير

الله يسلم إيديكِ ::HH::

[وعود الخير]

النمرة .. فتحت على نفسك باب .. هذه نفس طريقة الوالدة رحمة الله عليها ..
اذا بتعرفيها اكتبيها على طول.

[(راما)]

و احنا كمان نفس الطريقة بزيت الزيتون و السيرج و بدون قزحة أو كركم

[فيروز محمد]

وعوووود حبيبتي غااااالي والطلب رخيييص


الصراحه الوالده الله يخليها بتعملها من غير مقادير

على البركه .. بس السنه الماضيه لما نزلت على الأردن

عملت لي صينيه بالمقادير تقريبيه بس طلعت زاكيه




اتفضلي....





المقادير:
*******


4 كوب طحين

2/1 كوب سكر ( ممكن تكتفي بالقطر )

م .ص ممسوحه حلبه ( محمصه مطحونه )

2م.ك ينسون حب

1 م . ص خميره

م . ك مليانه قزحه ( محمص )

1 كوب زيت زيتون

م .ص كركم







الطريقه ::
*********

تخلط كل المواد الجافه مع بعض ...بعدين يضاف زيت الزيتون .. وتبس العجين منييييح

وبعدين تعجن بماء دافيه ... وتفرد في صينيه ( على فكره الكميه تكفي لصينيتين حجم كبير )

ونتركها تخمر في الصواني ونقطعها بشكل معينات ..... وتخبز بدرجة حراره 180 -200

وتسقى بالقطر .

إعمليها وخبريني شو بصير معك



وصحتين وعافيه سلف

[وعود الخير]

شكرا ... في اقرب وقت راح اجربها واجرب طريقة ام يوسف
شكرا يا غاليات وربنا يسعدكم.

[توام روحى]

بسم الله الرحمن الرحيم

يسلموا ايديكى الحلبة كثير زاكية وكمان كثير مفيدة


بس انا بعملها بطريقة النمرة000000


بس بنقع الحلبة بماء مغلى لساعتين وبعدين بكب ماء النقع وبرجع بغلى الحلبة جيدا حتى يصبح ماءها اصفر وببرد الماءقليلا وبعجن المقادير الباقية فيه


بهيك بستغنى عن الكركم والعجينه بتاخد ريحة الحلبة

وطبعا بخلط مع العجينة حبيبات الحلبة

[ندى1]

أممممممممممم شكلها لذييييذه وان شاء الله راح اجربها بس سؤال بس لا تضحكون عليه..... إيش هي القزحه ( وحده هبلا ماتعرف ) )_(

[احاسيس مرهفة]

مش بس انتي يا ندى :[MM

وانا بعد ما اعرف القزحة

عندي سؤال

اشلون يطلع قوامها ؟؟ هل يطلع مثل البسبوسة ؟؟

[هنلي]

صباح الفل على الكل يعني انا من يوم حملت وبطني مفتوحه على الاخر كل ما اشوف حلى بروح اسويها
الصراحه الحلبه عمري ما سويتها بتعرفوا ليش لانه جدتي معلمه في الحلويات وخاصه الحلبه شو اشي زاكي ومشي بتسويها
وكمان الله رزقني بزوج عائلته اصحاب محل للحلويات العريبه يعني شو --هسه بتقولوا عني هذه وزنها 150 كيلو ---

على فكره نفس طريقه جدتي بس هي ما بتحط قرفه وبتعجن العجينه بمنقوع الحلبه

وايضا
للاخوات اللي بيسالوا عن القزحه هي حبه البركه عرفتوها اكيد
وقوامها زي البسبوسه

[وعود الخير]

القزحة = حبة البركة= الحبة السودا....
ويا عيني يا هنلي .. حد علمي الحوامل بيتوحموا على موالح وحوادق.. ابنك راح يجيي بدبق من كتر الحلو.