أصابع الباشا [الأرشيف]

(راما)

23-08-2004, 03:23 PM

اليوم قررت أني أشارك بالفعل بوصفة يستقيد منها الكل و حيث أنه هذه الوصفة ما لقيت حدى ذكرها و هي كتتتيييير لذيذة و مضبوطة قررت أسجلها و يا ريت تجربوها لانها اكثر من رائعة و لذيذة مع الشاي

احاسيس مرهفة

23-08-2004, 03:27 PM

احنا في الإنتظار ;)

(راما)

23-08-2004, 03:37 PM

معلش آسفة حصل خطأ مطبعي خيخيخيخيخي

المهم (أصابع الباشا)
المقادير:

3 كوب دقيق
200 جم زبدة سايحة
125 مل لبن (كوز لبن عادي الدسم)
3م ص BB
1 فانيلا
1/2 ملعقة بوطش (حسب الرغبة إذا أردت البسكوتة مقرمشة تحطيه و إذا ما بدك ما تحطيه مش تأثير)

الحشوة : تمر عجوة
الطريقة:
1- نخلط البيكنج باودر مع الطحين.
2- نخلط الزبدة السايحة و الفانيلا مع الطحين و نفركهم كويس كتير.
3 - نضيف اللبن عليهم و نعجنهم كويس كتييير.
تصبح عندنا كرة عجين نقسمها لكور صغيرة و نوخذ كل كورة و نرقها رقيق جدا و أقل من الوسط مساحتها ثم نقسمها مثل البيتزا الى ثمان مثلثات صغير
نضع عند قاعدة كل مثلث اسطوانة تمر رفيعة و نلفها حتى نهاية الزاوية و هكذا حتى تخلص العجينة و نخبزها في الفرن ....

و الله يمكن أنا مش عارفة أعبر بس لو تمكنت أصورها رح أصورها و أوريكم كيف المنظر تبعا منظر جميل و طعم جميل و يا ريت تجربوها و تقولوا لي رأيكم و أنا جاهزة لأي استفسار

دعاء

احاسيس مرهفة

23-08-2004, 03:48 PM

عزيزتي

تسلم ايدك

بس شو هو البوطش

كما فهمت هو بسكوت

متى يوضع ؟؟

هل تقصدي باللبن هو الحليب والا اللبن الحامض ؟؟ :[MM

(راما)

23-08-2004, 03:51 PM

لا حبيبتي اللبن هو اللبن الرايب اللي نشتريه من السوبر ماركت ( أنا فلسطينية ) ما بقول لبن على الحليب هيهيهيهييهي مثل المصريين أما بالنسبة للبوطش و الله ما بعرف إذا اله اسم ثاني ممكن الاخوات يساعدوكي في هذا الاشي و على العموم ممكن ما تحطيه و جربي الوصفة و اتمنى تكون واضحة الك و للجميع ......

انتظر أراؤكم في طعمهم

(راما)

23-08-2004, 04:05 PM

وينكم حبيباتي

احاسيس مرهفة

23-08-2004, 04:27 PM

OK ...... :cool:

وعود الخير

24-08-2004, 12:45 PM

البوطش هو النشادر يا أحاسيس ....
وبصراحة يا دعاء يسلموا الأيادي أول مرة باسمع بأصابع الباشا
يعني باعرف اصابع زين وزنود الست وداود باشا
شو خسرانين بنجرب اصابع الباشا
بس ما قلت من وين انت في فلسطين ...

(راما)

24-08-2004, 03:41 PM

لا حبيبتي البوطش ما هو النشادر أنا بعرف أنه النشادر سائل و يمكن كلامك صح ما بعرف
أنا حبيبتي من غزة.

باي

* عذبة الإحساس *

24-08-2004, 03:54 PM

تسلمين على الأكلة..

شكلها سهلة وما تحتاج وقت ..
مشكورة http://www.asmilies.com/smiliespic/love/001.gif

(راما)

24-08-2004, 03:58 PM

لا شكر على واجب جربوها و قولولي رأيكم ....

في انتظاركم

توام روحى

24-08-2004, 10:27 PM

ماشاء الله عليكى باين اصابع هالباشا كثير طيبين

انا كمان من غزة بس ما عمرى اكلت هالحلو وبصراحة من زمان نفسى اعرف شوهو البوطش لانى سمعت انه بيستخدم فى القرشلة الاصلية بتعت غزة

الله يسامحك جيتى على الوجع الواحد ايش نفسه بكم اصبع قرشله مع كاسة حليب الصبح يم يم يم

يسلموا هالايدين

وياريت يا بنات غزة اللى عندها طريقة القرشله تكتبها لانى جربت وصفات كثيرة صحيح طيبة بس مش زى قرشلة غزة

وعود الخير

24-08-2004, 11:56 PM

دعاء فلسطين .. يوجد نشادر بودره هو نفسه البوطش ... على ذمة العطارين وله نفس رائحة النشادر .
في اي مكان في غزة انت .
توأم روحي .. عيوني كل قرشلة غزة لحسابك ... تكرمي راح اسأل لك عن الطريقة .

(راما)

25-08-2004, 11:25 AM

حبيباتي تسلمون و بستنى رأيكم في الحلو جربوه و قولولي رايكم....