الكعك السوداني......للعزيزة هوما......

[om deema]

اخواتي و عزيزاتي سيدات المنتدى و عزيزتي و بت بلدي هوما....
انشالله كلكم بخير و صحة و عافية.....
دي طريقتي يا هوما لعمل الكعك......


المقادير :-
6 اكواب دقيق
2 كوب سمن
نصف كوب لبن فاتر
فانيليا بودرة 2
ملعقة باكنج باودر
ذرة ملح
الطريقة :-
2 كوب سمن في الفريزر يكون جامدين شوية اضربهم شديد حتى تصير مثل القشطة . اضيف الفانيليا + اللبن و اضرب بالمضرب . اضيف بعد ذلك المكونات الجافة ( الدقيق + الباكنج باودر + الملح ) و اعجن جيدا . قطعي الكعك حسب رغبتك و حمريه في الفرن . لما تسكريه اضيفي شوية فانيليا و شوية لبن بودرة للسكر المسحون.


عادة يا هوما يتم استعمال دواء الكعك ك بديل للفانيليا و لكن احتمال ما تلقيهو في غربتك دي. و دواء الكعك ده عبارة عن كافور + خلطة من البهارات زي الهبهان و القرفة. طريقتي دي سااااااااهلة و مضمونة و ح يعجب ضيوفك و انا تحت امرك في اي حاجة تانية.....مفروك.....مطبوخ.....انشالله حتى فسيخ....:eek:
تحياتي لكل المعاك و تسلمي انشالله.....

[طبيبة اسنااان]

مشكورة

[Homa]

السلام عليكم ورحمة الله وبركاته ,
Omdeema,
Thank you so much because you answer me Ya okhti ya assal and I wish you a wonderful life with your family and you can write for me alfasikh but in canada I always do it with the Italian anchogah.
Thanks and all my lovvvvvvvvvvvvvvvvvvvvvvvvvvvvve to youW: W:

[om deema]

انشوجة شنو يا هوما......الفسيخ كان ما طلع من نهر النيل و ريحته جابت الغاشي و الماشي ما يبقى فسيخ.....و العجب كان بقيتي دنقلاوية زيي و ضربتي التركين.....اها كمان التركين و الملوحة بتعمليهم بالانشوجة ؟!!!!!!!!

[om deema]

شكرا يا طبيبة اسنان على مرورك........نورتي.......

[Homa]

السلام عليكم ورحمة الله وبركاته,

Om deema,
You know I love Tarkeen and when I was pregnant with my first child Etwahamt bil Tarkeen and I went to my family from Sudan to Saudia Arabia and I ate there did you imagine that and now lw3abi saaaal wawawawawwawaw
thanks my dear,W: W: W:

[بوران]

السلام عليكم ورحمة الله وبركاته
نسلم ايديكي

[om deema]

لعابك سال مالك يا هوما .....اوعي تكوني بتتوحمي تاني؟!!!!!!
باين عليكي دنقلاوية و لا محسية اصيلة.....يعني طلعنا بنات عم....ح ارسل ليك الفسيخ بال
fed-ex .....و لا احسن ب D.H.L .....؟!!!!!!

شكرا يا بوران على مرورك......نورتي الموضوع.....

[Homa]

السلام عليكم ورحمة الله وبركاته,
ازيك يا ام ديمه والله اخيرا الواحد لقي عربي والله كنت زعلانه لتوقف المنتدي عندي لكن اليوم لقيته , الظاهر انو احنا قرايب.



والكعك خطيييييييييييير تسلم الايادي انتي في السودانW: W:

[om deema]

عزيزتي و بلدياتي هوما
حمد لله على سلامة المنتدى. ايوه انا في السودان ( محلية 100% ))!!!
عاوزين نعرف اخبارك.....

[Homa]

السلام عليكم ورحمة الله وبركاته ,
غاليتيOm deema,
حمدلله علي سلامه المنتدي و الله كان واحشنا كله و خاصه ناسه العسل

كيف احوالك وحالك و اهلك واولادك كيف ?,انا تمام !!!!!!!!!!!!!!!!!!!!!!!!!!!!!!!!!!!!!!!!انتي ساكنه ام در !!!!! اخر الاربعين في قبه بلله عليك الله فاتحه كاربه كدة عشان تيسر الاموروربنا يخلي ديمه و اخوانهايالله وابوهم كمان عشان ماتزعلي


لكي و للاهل كل الحب والود.W: W: :

[om deema]

و الله يا هوما ما ساكنة ام درمان .....انا اصلا من بحري لكن حاليا ساكنة في الخرطوم . لكن ليك على امشي ليك مخصوص و اديك فاتحة كااااااااربة......لكن ده منو الفي آخر الاربعين ده......اب سبيب و لا فتحي دبايب...؟!!!!!!

[Homa]

السلام عليكم ورحمة الله وبركاته :-D


' مين دول ::confused انا اول مره اسمع فيهم اختك ليها 4 سنين متواليه من البلد وانا من الخرطوم انا ماعارفه هل متاح الونسه في المنتدي ولا ممنوع???????

البقصدة بين الاربعين و العرضه جامع بس نسيت الاسم علي السوق اختك خلاص جاها #R#Rالزهايمرررررررررررر )_(

لكي وللاهل كل الحبW:

[om deema]

و الله يا هوما انا ام درمان ما بعرف ليها كويس....و العرضة دي كبيييييييرة و شارع الاربعين طويييييييييل ....عشان كده احسن لي اشيل ليك الفاتحة من بيتي هنا.....
انشالله يا هوما يا بتي ( و لا اختي ) ربنا ينولك الفي مراضك و عليكي يسهل و علينا يمهل و يفتحها عليكي محل ما تقبلي.....(( آهاااااا.....ما دعوة كاااااااربة))!!!!!!

[om deema]

عندي احساس اني بعرفك يا هوما......بالذات بعد قلتي موضوع الزهايمر ده.....لانو التعبير ده بنستعملو طوالي انا و صاحباتي......انشالله نطلع صاحبات و لا قريبات!!!!

[Homa]

السلام عليكم ورحمة الله وبركاته


غاليتي شكرا والان انا ماشه مشوار وربنا يسهل علي فيه

وانا اختك وما اظن اكون بنتك :[]L عايزة خدمه منك وهي كيف تعملي حلاوة مضبوطه عشان البعملهاىهنا تضرب الحيطه وترجع تفلقني تاني)_(

لكي كل الحب W:

[om deema]

انشالله اتوفقتي في مشوارك يا هوما.....؟!!!! انشالله ربنا يعدلها عليكي محل ما تقبلي يا هوما يختي.....و انشاالله تتفتح ليك الابواب و الشبابيك كمان.....
للاسف.....و الله يا هوما ما بعرف اعمل حلاوة , لكن بسأل ليك اقرب حفحافة الاقيها.....و اكتب ليك الوصفة.....سمعت قالوا حلاوة الحفحيف بتكون رهيييييييبة بعروسة المولد!!!!!!

[Homa]

السلام عليكم ورحمة الله وبركاته,

اختك اخر عهدها بلبلد 2000حتي الكلام اصبح غريب علي ايه قصدك بحفيف:confused

هناك بارقه امل في مشواري انشاء الله اتوفق :-E و الظاهر انك واصله هاهاهاها ):K

والله ااسعدتيني خاصه وانو ماعندي حد اتكلم معاه :K) شكرا لكي وربنا يخلي ليكي اولادك و اهلك كلهم يارب دعوة من قلبي زيما دعيتي لي من قلبك.

لكي كل الحب

[om deema]

انتي طلعتي سنة 2000 و لا اتولدتي هناك ؟!! لانو اي سودانية بتعرف انو شيل الحلاوة اسمه (( حفحيف ))!!!!!
انشالله ربنا يوفقك في مشوارك الجاي و تاخدي الجواز كمان!!!!!!!!

[Homa]

السلام عليكم ورحمة الله وبركاته

اوعي تكوني اختي و انا مش عارفه :-A والله اني اول مره اسمع كلمه تحفيف اعرف انها لغه عربيه فصحي و خمنت معناها

انتي انسانه شفافه وانا فعلا ):K اتولدت بره و منتظرة الجواز :-t لكي كل الشكر للدعوة الجميله

لكي كل الحبW:

[om deema]

بالتوفيق يا هوما......و نحن تحت الخدمة......

[ftame]

السلام عليكم يا اختى ام ديمة اريد استفسر هل تقصدين بالبن الحليب او البن العادى واذا حبيت اسويه اقدر اسوى نصف المقدار

[om deema]

ftame......اقصد اللبن الحليب......السائل....
و نعم....يمكنك قسم الكمية و عمل نصفها فقط...

[طيـ القلب ـبة]

أم ديما .... انا أستانست يوم عرفت انج من السودان لاني ودي اسالج عن بسكوت تعمله وحده سودانيه بس مااعرف اسمه لكن طعمه لذيذ وشكله مثل التوست المحمص يمكن قاصه العجينه بهالشكل ماادري يمكن اتعرفينه وتكتبين لنا طريقته
تحيااااااااااتي

[om deema]

اهلا بيكي يا طيبة القلب و حبابك عشرة....
اعتقد انك تتكلمين عن (( القرقوش )) او (( خميرة اللبن )) و هو بسكويت يعد بطريقة معينة يتم فيها تخمير الحليب لعدة ايام قبل عجنه و قطعه....
انا لا اعرف الطريقة بالظبط...لكن ح اسأل عنها و اكتبها ليكي باذن الله...انتي تأمري...

[Homa]

اختي ام ديمه,

كيف اخبارك مشتاقين انا كويسه بس اختي ماتت اول امبارح هي ساكنه المسالمه لكن البكي في القوز والله ربنا اعلم بحالي ادعو لها واقراء لها القران انو ربنا يرحمها ويثبتهاعند السؤال ويصبر امها و ابوها وزوجها واولادها و اخوانها انا اسفه بس عايزة اتكلم معاكي.

[om deema]

اختي العزيزة و الحبيبة هوما......
انشالله البركة فيكم...لا تتخيلي كمية الحزن الأنا فيها لسماع هذا الخبر و انا آسفة جدا اني ما رديت عليكي طوالي....انا لي زمن من دخول المنتدى.ربنا يصبرك يا هوما و يقدرك على تحمل الألم و انتي براكي في الغربة و انشالله ربنا يرحمها و يغفر ليها....
يا ريت لو اعرف تلفونك كنت اتصلت بيك او مشيت بيت البكا.....
اكتبي لي عن حالتك لاني قلقانة عليكي....
انشالله ربنا يقويك و لا اله الا الله محمد رسول الله و انا لله و انا اليه راجعون...

[om deema]

طمنيني عليكي يا هوما.....انا قلقانة شديد عليكي......لازم تلقي زول تتكلمي معاهو...خلي زوجك ياخد اجازة و يلازمك الأيام الجاية حتى تتجاوزي الأيام الصعبة....قلبي معاك....

[Homa]

بسم الله الرحمن الرحيم

السلام عليكم ورحمة الله وبركاته

غاليتي ام ديمه شكرآ لمشاعرك النبيله و ادعي لها بان يرحمها الله ويغفر لها ويثبتها عند السؤال طبعآ انتي مريتي بلاحساس دي من وفاة والدتك الله يرحمها ويغفر لها والله احساس صعب وكمان زائد الغربه وفي هذة البلاد الباردة كااهلها والله زوجي لم يقصر وكذلك الاخوات هنا لكن مرات القعاد لوحدي كثير و مآساة خاصه مرور ذكرياتنا وشكلنا وضحكنا وليس لي الا القران والدعاء والصبر والحمد لله.


لكي كل الشكر وانا مستنياك حا ارجع تاني....

اللهم ارحم هيام واغفر لها وثبتها عند السؤال وصبر والدتها ووالدها و زوجها واولادها واخواتها واخوانها

[shahdmylife]

لا حول ولا قوة الا بالله
عزيزتي هوما آسفة لسماع خبر وفاة أختك..أجاركم الله فيما أصابكم.
الله يرحمها ويصبركم.

لقد قمت بتعديل ردك ومسح رقم التلفون لأنه يمنع في المنتدى تبادل أرقام التلفونات...شاكرة لك تفهمك.

[Homa]

بسم الله الرحمن الرحيم

السلام عليكم ورحمة الله وبركاته

غاليتي ام شهد ٍ

لكي العتبي حتي ترضي انا اللي اسفه والله العظيم لم يكن قصدى انا متابعه لهذا المنتدي منذ 2001 واعرفكم واحده واحدة من ام وديمه, يافا , ايمان , سترالاس وانتي ودائما اخذ الوصفات واطبقها انتي عارفه البلد هذي واللي شجعني علي التسجيل ام ديمه هي اخت وصديقه وبنت بلدي و شوفي كمان لمن تحسي انو هذة الانسانه في وطنك اللي ليكي 4 سنوات بعيده منه وشوفي كمان لمن يجيكي خبر زي كدة الله يبعدة عنكم وفي بلد زي كندا بعيدة عن وطنك حتي عامل الوقت لا يربطك بلوطن ولمن تجيكي نسمه بارده تهب عليكي من ام ديمه حتي تواسي اهلك من خلالك ماذا تفعلي

ا نا عارفه انك قريبه مني فحاولي الاتصال بي علي الخاص انا ساكنه هاملتون
ولكي العتبي مرة اخري حتي ترضي وانا اسفه واسفه واسفه كمان

و شكرا لك ورحم الله اختي وموتي المسلمين وغمد ارواحهم الجنه وثبتهم عند السؤال

الله يغفر لهم ويرحمهم ويقدس ارواحهم ويتجاوز عن سيائتهم

اللهم اجعل قبورهم روضه من رياض الجنه

اسال الله العظيم ان يرزقهم سعة في قبرهم ويغفر لهم ويجعل قبورهم روضه من رياض الجنه

جزاك الله خيرا

لا حول ولا قوة الا بالله
اسال الله ان بجمعنا بهم في جناته

[om deema]

عزيزتي هوما...
تحية طيبة....طيبة بلدنا و اهل بلدنا......انشالله انتي حسي أحسن.....كان الله في عونك يا اختي...حاولت ارسل لك رسالة خاصة و لكني فشلت...قلبي معاك.....تحياتي و تعازيني لكل اهلك......اتصبري ....الصبر...جبر.....

[Homa]

السلام عليكم ورحمة الله وبركاته

اختي ام ديمه انا الحمد لله كويسه كيف انتي ان شاء الله تمام

اتمني انك تكوني قرئتي الصفحه رقم2

لكي كل الشكر

[shahdmylife]

عزيزتي هوما نحن إن شاء الله أخوات في الله تجمعنا المحبة وطاعة الرحمن..ولا داعي للأسف فأنا فاهمة موقفك وربنا يخفف عنك ويصبر قلبك ويسعدك.
أنا حذفت رقم التلفون تقيدآ بقوانين المنتدى وهذه القوانين هدفها حماية العضوات.

[حرم]

بسم الله الرحمن الرحيم

تسلم ايديكي يا ام ديمة علي الكعك اللذيييييييييذ دة وبعدين حكاية التركين دي عملت لي نفسيات لاني في غربة ومشتهية اني القي لي تركين هنا وتصدقي كل مرة اقول لصاحباتي الدنقلاويات اعزموني عشا ودة كلو عشان خاطر التركين فيا ريت تديني طريقة عمله وتسلمي تاني مرة

[om deema]

اختي العزيزة حرم.....
الف مرحب بيك و حبابك عشرة...
انا للأسف ما بعرف اعمل التركين......لكن لو حبيتي اي وصفة تانية.....انا في الخدمة....

[حرم]

العزيزة/ ام ديمة
سلامات طبعا انتي وعدتي انك تعلميني اي وصفة فيا ريت لو ما فيها تعب تديني طريقة الكعك المحشي ولك كل الود

[Homa]

السلام عليكم ورحمة الله وبركاته ,

ام ديمه

وين انتي سائله عنك انا كويسه والحمدلله وريني اخبارك W: W: W:

[حرم]

شنو ياخ يا ام ديمة
يعني انا ما منتظراك وقلت ليك عايزة الكعك المحشي نسيتيني ولا شنو ؟ياخ بتبالغي عديل كدة

[om deema]

العزيزة....حرم...
انا آسفة جدا ما رديت عليكي طوالي.....و الله يا حرم انا شاطرة في الكيك و التورتات لكن في الخبايز عندي مشكلة.....الكعك ده الحاجة الوحيدة الأنا بعملها و باقي الخبايز بشتريها جاهزة...
انا متأسفة جدا جدا......

[Homa]

السلام عليكم ورحمة الله وبركاته ,

اختي العزبزة ام ديمه

انتي زعلانه مني ولا ايه

كيف اخبارك ان شاء الله تمام

[om deema]

اختي العزيزة هوما...
و الله مشتاقين كتير......كيفك انتي؟ انشالله كل امورك تمام....
انا آسفة ما رديت عليكي طولت لكن انا كنت شوية مشغولة.......و ما بلقى وقت في النت....انشالله تجاوزتي احزانك يا هوما.....و انشالله نتلاقى كلنا في ساعة خير.....

[هيمى]

هوما وام ديما العزيزات كيف حالكن انشاء كويسات والله اليوم اسعد يوم انتوا عارفين انا دخلت المنتدى من قبل سنه وشوية وما شفت فيه اى سودانية وهسى لى قرابة الشهرين ما دخلت خالص لانى كنت فى السودان كان زواج اختى واليوم يوم فرحتى فى بلد بخلو تماما من السودانيات يمكن ما تصدقونى لو قلت ليكم انا السودانية الوحيدة هنا معاى زوجى واخوى وثانى ثلاثة سودانيين من غير عوائل . ادعو لى معاكم ربنا يعينى على الوحده . فات على اقولبكم انا ذيكم دنفلاوية محسية يعنى زيكم كدا بس ما عشت فى الشمالية

[القطه]

تسلم ايدك يا زوله :ss: :ss: :ss:

[om deema]

اهلا بيكي يا هيمي....و انشالله نقدر نبدد ليك احساس الغربة العندك ....بالذات اننا طلعنا بنات عم!!!!! :D

اهلا يا قطة على مرورك.....انتي شرفتي و آنستي......

[حرم]

اهلا يا هيمة كلنا في غربة وكلنا من البلد الطيب لكن انا بس شايقية مادنقلاوية يعني كلنا شاربين موية النيل

[Homa]

undefined W: W: السلام عليكم ورحمة الله وبركاته

اخواتي ام ديمه حرم و هيمي

كيف اخباركم كيف يا ام ديمه والله مشتاقين الحمد لله انا كويسه و الاولاد تمام اما عن الاحزان في هذة البلاد فلا ينتسي خاصه لمن يمسك

اختي حرم اهلا بيكي وانا حاكتب ليكي الكعك المحشي بس بلعجوة لو عايزه قولي لي

اختي هيمي اهلا وسهلا انتي قاعده وين في هذة الارض

لكم كل الحب

[om deema]

هوما.....هيمي.....حرم.......اهلا بيكم كلكم و نحن بعد ده بقينا عصبة... خلينا بعد ده نقدم للمنتدى الرائع ده فكرة عن السودان....أنا سبق و قدمت عن الدلكة و عن الحلو مر و نسيت الباقي شنو....
خلينا طوالي على اتصال.....انا غايتو قااااااااعدة في السودان و عندنا الليلة جو خرافي....غيمة من الصباح و مطرة خفيفة و همبريبة جميلة....ربنا يرد غربتكم جميعا ....

[حرم]

العزيزة هوما
تحية وود تسلمي تسلمي تسلمي وانا سعيدة جدا بمعرفتك وكل بنات بلدي
بالنسبة للكعك المحشي ايوة انا عاوزاهو بالبلح وتكوني ابدعتي وما قصرتي لو اديتيني الطريقة ولك كل الحب
حرم

[حرم]

العزيزة هوما
تحياتي....طبعا انا قاعدة منتظرة الوصفة ومتخيلة شكل الكعك وهو طالع من الفرن .....لذيييييييييييذ طبعا تسلمي تاني كمان يارب
ام ديمة وهيمي سلامات وكيف احوالكم..والله صاح نحن بقينا مجموعة و المفروض نعمل مجموعة من الوصفات السودانية عشان نعرف الناس بينا ... ودمتم

[Homa]

السلام عليكم ورحمة الله وبركاته ,

العزيزة حرم,

انا آسفه ..... لا استطيع الكتابه الا لمن ساجدتي الصغيرة تنام لكي كل العذر ,لكن حتاكلي احلي كعك سوداني بعجوة

المقادير

1 كوب سمن جامد شويه

نصف كوب حليب

2م صغيرة باكنغ بودرBP

ذرة ملح

الدقبق حسب العجن

الطريقه

اخلطي السمن ب الخلاط ثم ضيفي له الحليب وباقي المقادير الملح و الباكنغ بودر.

ضيفي الدقيق شويه شويه لغايه ما تحسي العجبنه لمت و بقت ناعمه لكن حاسبي لاتكثري الدقيق عشان ما تطلع قويه.

غطي العجنه, وتكوني محضرة العجوة مفرومه فيها شويه سمن وممكن تضيفي مكسرات, جوز هند ,انا افضل السادة

تاخذي من العجينه مقدار صغير علي شكل كوره وتفرديها علي ايدك علي شكل بيضاوي وتضعي العجوه علي شكل اصبع وسط العجينه المفرودة وتقفليها جيدا ثم رصيهم في صينيه مدهونه بعيدين من بعض (انتي عارفه الشكل و الحجم علي كيفك)

دخلي الصينيه الفرن لغايه ماتحمر من تحت

لمن تبرد و عند التقديم رشيها بسكر ناعم مخلوط بفانليا

وذوقيها لذذذذذذذييييييييذة:ss: وادعي وقولي تسلمي ياهوما والله يرحم اختك.

اتمني يعجبك و عندي وصفات اخري::JH:: بلبيض لكني افضل هذه المهم لو عايزة قولي وانا تحت الخدمه

لكم كل الحب, W: W: W:

[حرم]

اختي الرائعة جدا هوما
احلي تحية وفي البداية البركة فيكم وربنا يرحم اختك ويتقبلها احسن القبول آمين يا رب العالمين
وتسلمي يا ذوق علي الوصفة الخطيرة دي وكتر خيرك ان شاء الله وماتتخيلي انا سعيدة كيف لاني من زمااااااااااااان نفسي اتعلم الطريقة تسلمي وربنا يخلي ليك ساجدتك الصغيرة يارب

[om deema]

انا زاتي شلت الوصفة يا هوما.....و ح اوريك النتيجة :[]: ...سبع و لا ضبع!! :ss:
كل الود و التحايا ليكي و لساجدة و ابو ساجدة و للعزيزة حرم.....

[Homa]

السلام عليكم ورحمة الله وبركاته ا



ام ديمه

كيفك شفتك حاضرة في المنتدي ان شاء الله جربتي الكعك

[Homa]

Tahoma]السلام عليكم ورحمة الله وبركاته

وين يا جماعه دختو q) ولا دبتو :[]: من حلاوه الكعك و جماله هاهاهاها........... W: W: W:

[حرم]

العزيزة هوما
تحية وود...حقيقي انا كنت في حالة دهشة شديدة واعجاب ..طبعا شئ رائع وكعك خطييييييييييير جدا ....تصوري ما قادرة احكي ليك عن الشكل والطعم واحساسي بالاعجاب تسلمي يا زولة علي الوصفة الجميلة بتاعتك دي وصدقيني ما كنت متخيلة نفسي في يوم من الايام ممكن اعرف اعملو .عشان كدة بقول ليك تسلمي وتسلمي تاني وتالت كمان ((K))

[Homa]

السلام عليكم ورحمة الله وبركاته

الحمدلله اللي سمعت صوتك افتكرت :III: حصلك حاجه من الكعك

اشكرك جدا :-D
W: W:

[حرم]

هوما انتي وين ؟؟؟لاحس ولاخبر ان شاء الله خير....تحياتي لساجدة العسل

[Homa]

وين انتو ياحلوين حرم و ام ديمه :[MM :[MM :[MM

[حرم]

هوماااااااااااااا.... :-D
سلامات انتي الوين؟ وكمان ام ديمة ليها مدة ماظهرت ان شاء الله خير
سلام كتير لساجدة W:

[Homa]

انا كويسه وكمان ساجدة اولادك كيف W: W:

[Homa]

=Blue]عايزاكي اذا بتعرفي تكتبي لي مقادير حلاوة مظبوطه[/I]

[حرم]

هوما كيفك
الحلاوة ياستي كالآتي:-كوب سكر+تلت كوب ماء +ملعقة صغيرة ملح ليمون واهم شي انك تخليها علي نار هادية وتراقبيها واول ماتلقيها بدت لونها يتغير شيلي منها نقطة في الملعقة ونقطيها علي شوية موية لو بعد داك لقيتيها بتمط معاك اطفي النار يعني بعد التجربة علي الموية شوفيها لغاية ماتصل في يدك لمستوي ليونة مناسب وبعدين اطفي النار

[هيمى]

العزيزات ام ديمة وهوما وحرم لكم عاطر التحايا والحب كيفكم وكيف صحتكم وكيف مع الغربه (حرم وهوما) كيف ياديمة الايام خريفكم ضارب يا بختكم . انا عايشة فى سنغافورة اكثر من عشر سنوات اسألوا ربنا يعيدنى لبلدى عشان اربى بناتى على طريقة الحبوبات وناس الطيبين لكم حبى

[om deema]

العزيزات هيمي.....هوما......حرم.......
آسفة جدا جدا انقطعت عنكم.....جهازي فيهو مشكلة....
عاوزة اسمع عنكم........
كل الود
ام ديمة

[Homa]

السلام عليكم ورحمة الله وبركاته ,

سلام يا اعزاء :-D والله بخش المنتدس دي اكثر من 5 مرات عشان اطمن عليكم وانا يا ام ديمه بشم فيكي ريحة اهلي

فارجوكي ما تغيبي تاني كيف اولادك ان شاء الله بخير الحمدلله انا و ساجده و اخو ساجده و ابوساجده كلنا بخير

وكيف السودان و اهله ان شاء الله تمام ):K

هيمي كيفك مشتاقين ان شاء الله انتي والبنات وابوهم تمام و الله انا فرحانه بسماع ا صواتكم انتي و ام ديمه

يا حرم ياظريفه شكرا ليك ان شاءالله نخدمك في السمح عندي صديقه مشت الدوحه و كان عندها امسيات شعريه

لكم كل الحب و تعال نتواعد كلنا في يوم و وقت مناسب للجميع W:

[دردشة مطابخ]

مش معقول اختي ام ديمة موجودة

كيفك اختي وكيف الاولاد .. والله لك وحشة ومشتاقه لك ولسوالفك كثير ... انا الحقيقة انشغلت في الدنيا من بعد رمضان الماضي ولما عدت جالسة ابحث لك عن موضوع وشفت موضوعك هذا ولكن كان بتاريخ قديم شوية قلت الاخت انشغلت في اجازة الصيف.

بس حبيت اسلم عليك وعلى الاخوات سلام كثير واقول لك اشتقنا لك واشتقنا لوصفاتك الكلاسيك ... والله ما تصدقين كيف ادمنت انا والدبدوب على فطيرة التفاح ..

اتمنى ان تكووني اختي ام ديمة بالف صحة وعافية والف مرحبا بيك

[حرم]

العزيزات جدا/هوما وهيمي وام ديمة
احلي تحية واشواق بكميات خرافية لطلتكم الحلوة...كيف عاملين ان شاء الله تمام ربنا يرد غربتك وغربتنا ياهيمي ونعيش في بلدنا .
ام ديمة طبعا نحن بنحسدك لانو الايام دي مطرات شديدة وهمبريب جميل جدا ربنا يسعدكم ويهنيكم وسط الاهل
هوما :confused:
الحلاوة طلعت كيف؟؟؟نجحت ولا احرجتني معاك وريني عشان لو ما ظبطت اديك طريقة تانية

[Homa]

السلام عليكم ورحمة الله وبركاته

والله ياحرم ما جربتها :S: لكن لمن اعملها بكلمك
يا هيمي عندك اهل راجلك كانو في الرياض وهسي في امريكا ناس عايد اتمني تعرفيهم شايقيه زيك

لكم كل الحب W: W: W:

[Homa]

السلام عليكم ورحمة الله وبركاته

حرم

كيفك هسي انا في المتي دي علي طوك ماالنور الاخضر مولع اناموجودة سمعاتي ردي عبي ياحرم

[Homa]

حرم

كنت بتكلم مع اهلي في السودان يوم الاثلاثاء اربعين اختي قاعده ابكي من فبيل الله يرحمها البلد دي كئيبه و المطر بيصب والرطوبه عاليه تقرف q)

[حرم]

عزيزتي هوما
السلام عليكم ورحمة الله وبركاته
كيف امورك؟؟والله ياهوما يادوب دخلت هسي وشفت رسايلك واعذريني لاني مستجدة مابعرف انو لو الاخضر منور معناها انتي في لكن دي معلومة كويسة ...وبعدين ياهوما عليك الله ماتبكي انتي اسالي ليها ربنا الرحمة لانها هسي بس محتاجة للدعاء والبكا ما بينفع في شي واسالي ليها ربنا كل ماتحسي نفسك متضايقة واتوضئ وصلي وربنا قريب مجيب الدعاء وان شاء الله ينزل عليها رحمته ومغفرته ويصبركم يارب
وانا حاراقب النور تاني عشان نتلاقي وياريت لو كان في شات علي المنتدي كنا نتكلم مع بعض...تحياتي لساجدة واخوها وربنا معاك ياهوما

[Homa]

السلام عليكم ورحمة الله وبركاته

يا حرم دي المره الثالثه اشوفك في المنتدي واحاول اتكلم معاكي ولا تردي اليوم الاحد الساعه11 مساء بتوقيت الدوحه انا الان متواجدة معاكي

[Homa]

هسي انا معاكي و شفت ردك

[Homa]

كيف احوالك يا حرم انا كويسه و الحمدلله تصدقي والله دايما بدعي ليها ربنا يقبل

كيف اولادكؤ

[حرم]

هوما العزيزة جدا
سلامات
طبعا دي صدفة حلوة انو نتلاقي ...المهم انتي كيف هسي ؟؟ان شاء الله تكوني احسن انتي بس استغفري وقولي يارب ورحمته واسعة

[Homa]

انا كويسهوالحمدلله انك شفتيني اخيييييييييييييرا لي يومين بلقي لمبتك منوره لكن بعد كده بتطلعي بسرعه

[حرم]

هوما
انا بخير الحمد لله وانا ياهومابس عايزاك تدعي لي انا كمان لاني متزوجة لي سنتين وما عندي اولاد لسة بس قولي يارب يفتحها علي

[Homa]

ربنا يديكي والله ادعي ليكي في كل صلاة وربنا يرزقك

[حرم]

تسلمي ياهوما وان شاء الله ربنا يسمع منك ويستجيب يارب انا شلت البريد خلاص وحاراسلك عليهو ان شاء الله يعني الليلة حتلقي مني رسالة ان شاء الله

[Homa]

ربنا يرزقك بلذريه الصالحه يارب ويديكي علي قدر نيتك ياحرم يابنت .... هي امك اسمها ايه يلا يابنت حواء

[Homa]

COLOR=Blue]]خلاص اطلقت سراحك و اذهبي فا انتي طليقه وتمتعي ببقيه المنتدي و حا استناكي

لكي كل الحب[/COLOR][/SIZE]

[حرم]

رسالتي في الطريق ليك لانو المسافة بين كندا وهنا بعيييييييييييدة ويمكن تبيت في فندق وتواصل الصباح

[Homa]

وصلت ياعزيزة ومن غير مبيت بره :ss:

[هيمى]

بسم الله الرحمن الرحيم
السلام عليكم ورحمة الله وبركاته

الغالية هوما لك الود والتحايا انشاء الله تصلك وتجدك تنعمين فى بحور من السعادة التى قل ما نجدها فى الغربة وخاصة بعد فراق الاحبة . يا حبيبتى اهل زوجى دناقله من القطينة ناس عابد ديل ما سمعت بيهم لكن عندى صديقة عزيزه فى كندا وكذلك اصحاب زوجى وابن خالى معظمهم فى تورنتو ولو انت عايزه تتعرفى على اسر سودانية حاديك تلفوناتهم والله كلهم ناس حلوين وما حتندمى لو عرفتيهم .
الحلوات الامورات ام ديمة وحرم كيف حالكم وكيف صحتكم مناى ان اقابلكم فى المنتدى بس الفرق بينا 5 ساعات وبين هوما 12 ساعة , كدى حددوا وقت نتقابل فيه كلنا .
فى امان الله
اختكم ام علا

بنائآ علي قوانين المنتدى..يمنع وضع روابط لمواقع أخرى.
شاكرين لك تفهمك.

[هنلي]

خلوا الكيكه على جنب بنوكل وبنحكي شكلها طبية
طيب بدي اسال
كان الي صديقه من السودان عزيزة علي ايام السعودية اسمها اميرة لاتكون هون وانا مش عارفة

وسلم دياتكم على الاكل الطيب

[هيمى]

بسم الله الرحمن الرحيم
السلام عليكم ورحمة الله وبركاته

الغالية هوما لك الود والتحايا انشاء الله تصلك وتجدك تنعمين فى بحور من السعادة التى قل ما نجدها فى الغربة وخاصة بعد فراق الاحبة . يا حبيبتى اهل زوجى دناقله من القطينة ناس عابد ديل ما سمعت بيهم لكن عندى صديقة عزيزه فى كندا وكذلك اصحاب زوجى وابن خالى معظمهم فى تورنتو ولو انت عايزه تتعرفى على اسر سودانية حاديك تلفوناتهم والله كلهم ناس حلوين وما حتندمى لو عرفتيهم .
الحلوات الامورات ام ديمة وحرم كيف حالكم وكيف صحتكم مناى ان اقابلكم فى المنتدى بس الفرق بينا 5 ساعات وبين هوما 12 ساعة , كدى حددوا وقت نتقابل فيه كلنا .
فى امان الله
اختكم ام علا

بنائآ علي قوانين المنتدى..يمنع وضع روابط لمواقع أخرى.
شاكرين لك تفهمك.
shadmylife
معليش انا ما كنت اعرف انه الروابط ممنوعه

[Homa]

السلام عليكم ورحمة الله وبركاته

الاخت هنليhttp://www.lahaonline.com/forum/images/smiles/hala.gif اللي بتسالي عليها كانت ب الدمام

هيمي لكي التحيه ياعسلhttp://www.haridy.com/ib/images/smilies/emTE10.gif انا ماعرفت استعمل الموقع لكن ا حسن شوقي موقع عمرو خالد

ام هيمه وووووووووووووووووووووووووووووووووووين انتيhttp://www.haridy.com/ib/images/smilies/emA7.gif

انا بحبكم فى الله

وسلام احبائىhttp://www.haridy.com/ib/images/smilies/group.gif

اناhttp://www.haridy.com/ib/images/smilies/deva_.gif

[om deema]

حبيباتي و صديقاتي و بنات بلدي......
حبيباتي و صديقاتي سيدات و آنسات المنتدى.....
صديقتي العزيزة و اختي الكريمة.....دردشة مطابخ....
انا في غااااااااااية الشوق لكن جميعا.....لكني فجعت منذ أيام بوفاة عمي ( رحمة الله عليه)....لكن كان رجلا حنينا و اب لنا جميعا.....ربنا يرحمه و بغفر ليه و يلزمنا الصبر......
سعدت للغاية بعودتك يا اخت دردشة و اوعدك بتلبية جميع طلباتك حالما اخرج من حالة الحزن الحالية...... في امان الله
ام ديمة

[om deema]

http://www.latef.net/Picture/files/mamkouna-1091708717.gif

[Homa]

السلام عليكم ورحمة الله وبركاته

لا حول ولا قوة الا بالله

عظم الله اجرك وثبت قلبك
والله اني انصدمت وانا اقرا كلماتك وحسيت باحساس فظيع من الحزن والضيق..
فرج الله عنك كربتك وثبتك في مصابك وجعل صبرك في ميزان حسناتك ..امين..
اللهم اغفر لميتهم وعامله بفضلك وجودك وكرمك
اللهم اجعل قبره روضه من رياض الجنه ..واسكنه الفردوس الاعلى من الجنه مع النبي واله وصحبه
اللهم اجعل قبره روضه من رياض الجنه
اللهم اجعل قبره روضه من رياض الجنه
اللهم اجعل قبره روضه من رياض الجنه
لله ما اعطي ولله ما اخذ اسأل الله العظيم ان يرزقه سعة في قبره ويمد في بصره الي باب من ابواب الجنة
واسأل الله ان يرزقكي صبرا عليه وبرا له بالدعاء والصدقة
عظم الله اجركي وحسن عزاؤك انا لله وانا اليه لراجعون

اللهم ارحمه و اغفر له وثبته عند السؤال البركه فيكي و الله فقتدك عمك اسمه خوجلي

[Homa]

السلام عليكم ورحمة الله وبركاته

حلقة أهمية التصويت على الأحلام


بعد اذنك يا ام شهد هذا الرابط للتصويت اذا مخالف للقوانين امسحيه
http://www.amrkhaled.net/vision (http://)

مطلوب من كل حبيبة واخت تحاول جاهدة جمع فى اليوم اقل عددخمس اصوات لكى تكون فى نهاية ال15 يوم خمسين صوت جمعتهم كل اخت الهمه والعون بمشيئة الله لله سبحانه وتعالى

[دردشة مطابخ]

لا حول ولا قوة إلا بالله

إنا لله وانا اليه راجعون

لله ما اعطى وله ما اخذ

اللهم تقبله برحمتك واغفر له ذنبه واجمعنا به وكل المسلمين في جنات النعيم

اللهم ارزق اهله الصبر والسلوان واحسن عزاهم

لاحول ولا قوة الا بالله ..

اختي ام ديمة يحزنني سماع مثل هذا الخبر ولكن هذه سنة الله في خلقه وكل نفس ذائقة الموت احسن الله عزائك اخت الحبيبة

[Homa]

السلام عليكم ورحمة الله وبركاته

غاليتي ام ديمه

لكي كل الحب

اللهم اغفر لعم ام ديمه وادخله جنة الفردوس الاعلى

اللهم اغسله بالماء والثلج والبرد...

اللهم طهره من الذنوب والخطايا كما ينقى الثوب الابيض من الدنس

اللهم انك عفو تحب العفو فاعفو عنه

اللهم زد في حسناته و كفر عن سيئاته

اللهم اجعل في قبره النور يارب العالمين

اللهم تجاوز عن سيئاته يارب يا كريم

اللهم اجعل قبره روضه من رياض الجنة يا عفو يا كريم

اللهم اجعل عم ام ديمه مع الشهداء الأبرار والصديقين والانبياء

اللهم اغفر لعم ام ديمه و لا موات المسلمين و المسلمات

شاركي معنا يا ان ديمه في هذا الرابط

حتى لو فقدتي احب الناس ماتبخليش عليهم بهديه!!هم محتاجينك
[http://forum.amrkhaled.net/viewtopi...c&sta rt=0

وان شاء الله البركه فيكم والفاتحه

(ص 1) 1: سورة الفاتحة

بِسْمِ اللّهِ الرَّحْمَنِ الرَّحِيمِ (1)

الْحَمْدُ للّهِ رَبِّ الْعَالَمِينَ (2)

الرَّحْمنِ الرَّحِيمِ (3)

مَلِكِ يَوْمِ الدِّينِ (4)

إِيَّاكَ نَعْبُدُ وإِيَّاكَ نَسْتَعِينُ (5)

اهدِنَا الصِّرَاطَ المُستَقِيمَ (6)

صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ (7)

صدق الله العظيم

[حرم]

الغالية ام ديمة
تحياتي واشواقي
ان شاء الله البركة فيكم واحسن الله عزاؤكم ويا ام ديمة دة حال الدنيا وكلنا لها بس ربنا يعظم الاجر.

[om deema]

دردشة حبيبتي و اختي.......هوما عزيزتي و صديقتي...
شكر الله سعيكم و شكرا على كلماتكم الرقيقة و على وقفتكم معايا.....

[هيمى]

بسم الله الرحمن الرحيم
السلام عليكم ورحمة الله وبركاته
الغالية ام ديمة
البركة فيكم ونسأل الله ان يتغمد الفيد بواسع رحمتة ويدخله فسيح جناته وان يغفر له ويرحمة ويعافيه ويعفو عنه وان يغسله بالماء والثلج والبردوان ينقه من الخطايا كما ينقى الثوب الابيض من الدنس وان يبدل له دارا خير من داره واهلا خيرا من اهله وان يلهمكم الصبر والسلوان (وانا لله وانا اليه راجعون) صدق الله العظيم .
الاخت ام ديمة انا اسفة لتأخير العزاء لانه الايام الماضية كنت مشغوله شديد والله ما دخلت المنتدى الا هذه اللحظة

[Homa]

ام ديمه سلام انا في المنتدي الان ووووووووووووووووووحشتيني النور الاخضر مولع

[Homa]

حمدلله علي السلامه ياغاليه و مشتاقين انا و انت في المنتدي #R#R

[حرم]

الغالية ام ديمة
حمد لله علي السلامة ...والعود احمد
والبركة فيكم تاني ويا ام ديمة دة حال الدنيا بس قولي الحمد لله ...وربنا يلزمكم الصبر الجميل

[حرم]

الغاليةهيمي
مشتاقين والله وانا كمان اتمني الاقيكم في المنتدي لو حددتي مواعيد بدخل ليك ان شاء الله
ولك كل الحب

[Homa]

السلام عليكم ورحمة الله وبركاته

هيمي ازيك انا هوما