ولدي الطيب(أبغى مشوره)

[a&a]

السلام عليكم
حبيت استشيركم يا أخواتي لأني ما ابغى استشير احد يعرف الطرف الثاني في المشكله.
اليوم كنا سهرانين مع مجموعه من الاخوات
ولدي عبدالله عمره ماشي بالثمانيه وفيه ولد ثاني يعني حول الخمسه.
عبدالله جلس يلعب معاه يرمي عليه كور بلاستيك الصغيره يمكن تعرفوها...الولد الثاني شكله تعور وجاء عند امه يبكييييي ويقول عبدالله ضربني...قمت انا فهمت الموضوع منه...فجائت امه قالت يالله ياعبدالله تأسف له...فتأسف لكن الولد ما ارتاح ...قام واعطى عبدالله كف على
خده معتبرررررر...ولدي ماسوى شي لأنه اصلا من النوع اللي مايضارب وثانيا امه معاه يعني مستحيل راح يمد يده عليه وقدام امه...وثالثا هو شايف انه عمل غلط و هذا بياخذ حقه
المهم ولدي نزل تحت وماقال اي كلمه...انا وقتها كأن الأرض دارت فيني وكأن الكف على خدي مو خده..(والله يا بنات اني اكتب لكم الحين وأني ابكي من حسرتي عليه)
المشكله قبل يومين نفس الشئ..ولدي شغل لعبه في الكمبيوتر وهذا الولد مايبغاها قام عطاه كف...وامه نفس الشئ قالتله اعتذر ووولدي المسكين يسامح..وانا قلتله اذا ضربك ثاني مره اضربه...لانه اصغر منه بس قوييييييي
فنزلت لولدي وقال لي: ياماما انا كنت العب معاه بس هو ضربني كف قوي بالمره...فقلتله ليش ماعطيته انت كف بعد...وجلس يبكي...شويه قلتله انت راضي باللي صار...يعني مرتاح انك ماضربته يوم ضربك قال ايه قلتله خلاص هذا اهم شئ...وروح تصالح معاه وانتهت المشكله(لأنه كان يبغى يلعب معاه وانا قلتله خلاص لا تلعب معاه فيوم قالي هو راضي عن الوضع سمحتله)
انا بصراحه ماعرفت اجلس طول الجلسه لأن ولدي خده صار احمرررررررر وبعدين خفَت الحمره بس طلع مكانها حبوب....والله يا بنات الين مادخل ينام والكف محبب على وجهه(كف مو صاحي)
انا يوم شفته كذا ماقدرت انام وجلست ابكي حسره عليه...ومقهوووووره على ولدي وتربيتي له بهذي الطيبه
وقاعده افكر بكره من الصباح اتصل على امه ...واقلها بصراحه امس ماقدرت انام يوم شفت خد ولدي...واتوقع لازم تتصرفين مع ولدك بعقاب مناسب بحيث مايمد يده على اللي اكبر منه وبدون شي يستاهل...ولازم تفهميه ...وتقولين له امس انا ماعاقبتك قدام الناس..لكن اللي سويته خطأ واليوم راح اعاقبك بالشئ الفلاني...فمثلا تحرمينه اليوم من شئ يحبه (اما البلاي ستيشن لأنه يعشقه...او مايطلع اليوم من البيت)عشان بعد كذا يصير يفكر قبل مايمد يده ويحسب لضربته الف حساب...لأني فكرت احرم ولدي من اللعب معاه لمدة كم يوم ولا يطلع برا يلعب معاه...بس ولدي مسكين وش ذنبه ينحرم...هذاك اللي لازم يتعاقب
- على فكره جارتي هذي مدلعه اولادها بالمرررررررره ودائما الناس يشتكون منهم مو انا الوحيده-
فما ادري وش رايكم...اتمنى اصحى الصباح والاقي ارائكم المساعده قبل لا اكلم جارتي
وجزاكم الله خير

[وسام]

وعليكم السلام ورحمة الله وبركاته
اختي الحبيبة اذا كانت جارتك مدلعه اولادها على كيفها بس مو لدرجة انهم يضربوا على كيفهم وتسكت عنهم :mad:
وانا اقولك لو انا مكانك بعد ما ارضى اشوف احد يضرب ابني حتى لو كان ابوه او اخوه بعد يجي ولد الجيران ويضربه بدون ما يعمل شي ما يصير يعني الي في بالك قولي لجارتك انها تحذر ولدها بأن ما يضرب احد والا انها راح تحرمه من زيارتكم مثلا او تحرمه من المصروف ولازم تعاقبه يعني انا عندي اول كف يمكن يكون مسامحه :rolleyes: لكن مره ثانيه وثالثه ما ارضى كف بكف :mad:
انا تعجبني طيبة ولدك ومسامحته للناس لكن ما يصير يسكت ويخلي الكل يعتدي عليه علميه ان الكف بالكف وهذا موعيب راح ياخذ حقه وانتي بعد لا تسكتي :mad:

[a&a]

تسلمي يا وسام على تفاعلك معي
بصراحه انا كتبت الرساله هذي وانا متضايقه مرررره ولا قدرت انام...لكن يوم كتبتها سبحان الله على طول نمت
بس يوم قمت الصباح تندمت قلت ليتني ما كتبت شئ...وخاصه يوم شفت ماحد علق على الموضوع ...حسيت انه شئ عادي وانا عطيته اكبر من حقه
فكلمت بصراحه جارتي لكن كانت طالعه فماحبيت افتح معاها الموضوع
والحمدلله مر الموضوع على خير

[ام سهيل]

بصراحة الام اللي تشوف ابنها يضرب اولاد الناس وتعلمه هي كمان الظلم والتجني وتسكت على تصرفاته هذه ليست بام هي بذلك تضر ابنائها , وعلى قولت اختي وسام كلمي الام على اللي في خاطرك مع اني اتوقع انها راح تحط اللوم عليك , وبصراحة عيال مثل هؤلاء ابعدي ابنك عنهم مو مشكلة لو مالعب ابنك معهم , وابنك اهم في الدرجة الاولى ;) .

ومعليش اذا كان ردي في شوية من الجفاف لاني واجهت نفس مشكلتك , وصرت اتفاهم مع ابني انه يبطل يلعب مع اللي ينتهزوا طيبته او طيبتي انا كمان , من المفروض انك وقتها تقولي للادمية ما اسمح لابوه يضرب ابني يقوم ابنك هالمفعوص يمد ايده عليه وتاخذي ولدك وعلى بيتك ولا الولد كل يوم ينضرب , بصراحة انا زعلت على اللي صار ومعليش :) .

[a&a]

أم سهيل انا وياك شكلنا كتبنا مع بعض
اسعدني مرورك وإباء رأيك في الموضوع
الحمدلله يعني طمنتوني الحين يعني انا ماني غلطانه اني زعلت....وانه من المفروض اتدخل في الموضوع..لأني بصراحه ماودي يصير الزعل بين الكبار عشان الصغار
بس إن شاء الله لو كلمت جارتي في اقرب فرصه راح اذكر لها الموضوع واني تضايقت من اللي صار ليلتها

[ام سهيل]

شكله القلوب عند بعضها ام عبدالله .

[a&a]

:)

[إيمان علي]

والله شعرت معك ياأم عبدالله كأنه ولدي.
أنا صراحة علمت أطفالي أن يردوا على من يأذونهم، رغم أنهم يتعلمون في المدرسة أن يشتكوا للمدرسة، وأنا رغم أني أحاول أن أكون أماً مثالية، إلا أن هذا الحل لا يروق لي.. علمتهم أن الكلمة يرد عليها بالكلمة (ليست الكلمة السيئة ولكن الكلام الهجومي يرد عليه بالمثل) والضربة بالضربة، ولا أهتم للإدارة وحلولهم الفاشلة صراحة!!! ربما يكون هذا خطأ مني، ولكن لا أريد أطفالي أن يظلموا من أحد.
أولاً أرى أن تعلمي طفلك أن يتفادى هذا الطفل واللعب معه ما أمكن، ويتجاهله خلال اللعب، عله يشعر بشيء، ويفضل أن يتكلم معه في الهاتف ويخبره عن رأيه فيه، فيقول له: أنا متضايق منك لأنك عندما تتضايق تضربني وهذا ليس خلق المسلم، ولهذا فأنا لن ألعب معك إلا عندما تتحسن أخلاقك وإلا سأضطر أن أرد عليك بالمثل، وأنا أكبر منك ولا أريد أن أؤذيك.

ويجب أن تتعلم أمه طريقة التعامل مع الخطأ، وتفعل ما اقترحتِ.. وإلا سيكبر ابنهاويكون متسلطاً ومكروهاً من أقرانه.

[a&a]

شكرا يا ايمان على مروورك واحساسك بالموضوع
والله يا بنات صرت احس ولدي مو طبيعي:confused:
كل الاطفال اللي حولنا ماصارو يحبون يماشونه
ويسمونه بيبي ...ليه لأانه مايحب المصارعه ...وإذا أحد سواله شئ يجي يشتكلي بما إنه ما ياخذ حقه بيده...وانا اقوله عامله بالمثل بس هو ما يبغى
وبرضه لانه لما يسوون خطأ يعلم عليهم...بس بصراحه الأشياء اللي يسوونه ما ينسكت عليها
مثلا: يتضاربون مع كنديين..يتعلقون في باب القراج وهو طالع ونازل...يلعبون بالوان مائيه على الارضيات....
عارفه بتقولو ليش يخالط هالاولاد...لكن كل اللي حولنا بهالشكل...ومافيه من حبسه..لازم يخالطهم وانا عليه التوجيه..وربكم يسهلها

[البشرى]

الله يعينك يا ام عبد الله
مشكلة اذا الواحد حوله مثل هالهمج!!
انتي ما عليك اهم شيء ولدك علميه الدفاع عن نفسه يعني واحد اعتدى عليك لاتسكت له
لان هذا يسمى ضعف مش طيبة
شوي شوي بيتعود
حاسه فيك اختي
انا مره بنتي تلعب مع بنت ناس نعرفهم وفجأة البنت ضربت بنتي على وجهها
الاخت متعوده اي شيء يصير ما يعجبها في اللعبة تواجهه بالصفع
والله حسيت ان الضربه على قلبي
ساعتها سكت ولا كن شيء صار لكن بعد ما رجعنا قلت لها المؤمن القوي خير من المؤمن الضعيف
وانا ما احب اشوفك ضعيفة ابدا
صدقيني يا اختي الوحده خير من جليس السوء
انا السكن مليان ناس لكن ما اسمح لعيالي يلعبون مع اي احد
الاطفال الي مثل كذا ما تربو انا ما عندي استعداد يفسدون علي تربية اطفالي
الله يعينك ويسهل امرك

[أم الزهور]

أرسلت بداية بواسطة إيمان علي
والله شعرت معك ياأم عبدالله كأنه ولدي.
أنا صراحة علمت أطفالي أن يردوا على من يأذونهم، رغم أنهم يتعلمون في المدرسة أن يشتكوا للمدرسة، وأنا رغم أني أحاول أن أكون أماً مثالية، إلا أن هذا الحل لا يروق لي.. علمتهم أن الكلمة يرد عليها بالكلمة (ليست الكلمة السيئة ولكن الكلام الهجومي يرد عليه بالمثل) والضربة بالضربة، ولا أهتم للإدارة وحلولهم الفاشلة صراحة!!! ربما يكون هذا خطأ مني، ولكن لا أريد أطفالي أن يظلموا من أحد.
أولاً أرى أن تعلمي طفلك أن يتفادى هذا الطفل واللعب معه ما أمكن، ويتجاهله خلال اللعب، عله يشعر بشيء، ويفضل أن يتكلم معه في الهاتف ويخبره عن رأيه فيه، فيقول له: أنا متضايق منك لأنك عندما تتضايق تضربني وهذا ليس خلق المسلم، ولهذا فأنا لن ألعب معك إلا عندما تتحسن أخلاقك وإلا سأضطر أن أرد عليك بالمثل، وأنا أكبر منك ولا أريد أن أؤذيك.

ويجب أن تتعلم أمه طريقة التعامل مع الخطأ، وتفعل ما اقترحتِ.. وإلا سيكبر ابنهاويكون متسلطاً ومكروهاً من أقرانه.




__________________________________________________ ______

[a&a]

البشرى
أم سلمان
جزاكم الله خيرا على المشاركه