بتحبي شوكلاتة البروني??...إتفضلي معزومة عندي.

[shahdmylife]

http://www.m7m7.com/up/files/SAWSSAN-1078857357.jpg

المقادير:
4\3 كوب طحين
4\3 كوب بودرة الكاكاو
رشة ملح صغيرة
2\1 كوب زبدة مقطعة
2\1 كوب سكر
2\1 كوب سكر بني
3 بيضات "مفصولين البياض عن الصفار"
2 م ص فانيلا
1 كوب جوز أو بلوط " Pecans " مفروم
4\3 كوب شوكلا بيضاء مفرومة فرم خشن
4\3 كوب شوكولا عادي وممكن إستخدام أي نوع مفضل عندك متل تويكس أو جلاكسي

الطريقة:
- سخني الفرن لحرارة 350 F
- أخلطي الكاكاو والطحين والملح.
- في وعاء آخر..أخفقي الزبدة مع السكر الأبيض والسكر البني لحد ما يصبح متل الكريمة.
- أضيفي 2 بيضتان كل وحدة علي حدة مع الخفق عند إضافة كل بيضة..أضيفي الفانيلا وحركي جيدآ....والآن أضيفي خليط الطحين للزبدة والبيض.
- صبي نصف الخليط في قالب الخبز المدهون بالزبدة ثم رشي علي الوجه الجوز المفروم والشوكولا البيضاء المفرومة.
- باقي خليط البروني أضيفي له البيضة الثالثة و 3\4 كوب الشوكولا البنية المفضلة عندك وحركي الخليط جيدآ ثم صبيه علي الجوز والشوكولا البيضاء حتي يتغطى جيدآ.
- أخبزيها لمدة 30-35 دقيقة أو حتى يصبح وسط البروني متماسك..برديها تمامآ قبل تقطيعها حتى لا تتفتت.

علي فكرة طريقتها سهلة وعملها ممتع .........وصحتين علي طعمها الزاكي:cool:

[المبدعه]

الصورة مغرية جداً نفسي أسويها بس ناقص الشوكلاته البيضاء

تسلمين يالغالية وماننحرم من جديدك

[shahdmylife]

آهلآ بالمبدعة..وهدا شيئ بسيط قدام إبداعاتك الحلوة;) ;)
بالنسبة لشوكولا البيضة ممكن الإستغاء عنها وإستعمال أي شيئ تاني بتحبيه متل شوكولا بونتي بجوزالهند "طبعآ أفرميها فرم خشن " أو إستعمال خدود البنات وخصوصآ الحبات الصغيرة أو الجوز المفروم بدل كوب إستعملي كوب ونصف وأخلطيهم مع أي نوع شوكولا متوفر عندك.
أنا هيك بعمل لو ما كان عندي شوكولا بيضة.

[إيمان علي]

بتجنننننننننننن يا سوسو.. بدي أجربها إن شاء الله أول ما أخلص من التشيز كيك :D
تسلم إيديك :)

[shahdmylife]

صحتين يا أم بلال مقدمآ.

[سنووايت]

شكلها يشهي اخت شهد
ساجربها لانها عجبتني
تسلم ايديك يارب

[هنلي]

باي رايحه اسويها هههههه
كمان شويه كان اكلت الكمبيوتر تبعي الصوره بتشهي كثير
وانشاء الله رح اسويها في هاليومين

[رندوش]

اختي شهد الله عليكي حرام هيك صور مخله للبطن و للرجيم
بس مش مهم شكلها روعه هيك بتكون معايه اذا عملتها ولالالالالالالالالالالالالالا
المهم تسلم يديكي بس لي سؤال الشوكولاته بتقصدي للساندويش ام شوكولاته بنبشرها و بنقطعها
للطبخ فهميني و ردي عليه بسرعه اذا امكن تليفون او جوال;)

[shahdmylife]

سنووايت ألف صحة وعافية.

هنلي شايفتك مشغولة بالمطبخ:D ..إنشاء الله تعجبك وصحتين.

[shahdmylife]

رندوش أهلآ بأهل فلسطين الغالية..أسعدني مرورك.
البروني راح تطلع معك نفس الشكل بس المهم لا تقطعيها إلا لما تبرد تمامآ.
والشوكولا الأفضل إستعمال شوكولا الطبخ البيضاء إذا أمكن..وإذا مافي عندك ممكن تستعملي أي نوع عندك.
كمان ممكن تستعملي الجوز مع صوص الكراميل الجاهز ..يعني أحشيها بلي بدك إياه.

[الامل الجميل]

يميييييي ييميييي
اذا الشكل هيك الطعم كيففففففف
مشكوره

[shahdmylife]

وراك وراك يا أمل...:) :)

جربيها وماراح تندمي..طعمها روعة

[ديـــم]

والله إستحيت من كثر ماأنا ناطة في مواضيعك ياأم شهد لكن ماشاء الله الأطباق اللي تقدمينها لاتقاوم ولاأستطيع أن أدخلها من غير ماأقول جزاك الله خير :)

[shahdmylife]

وأنا لاحقتك يا ديم العسل علشان أقلك إني مبسوطة إكتير لوجودك..وتسلم طلتك الحلوة.

[بوران]

بسم الله الرحمن الرحيم
السلام عليكم ورحمة الله وبركاته
الله يعطيك العافية

[LeEn]

رووووووووعة طبعا بس مابعرف ليس البراونيز ما بيزبط معي
يمكن حجم الصينية لاني مابفهم بالاحجام
بحب لو كان بالمافن بان :) بتصير هادي اعملها بصينية المافن ؟؟

ويسلموا الايادي

[عسولة المنتدى]

ممكن تحطين الصورة مرة ثانية لو سمحت ؟؟

[new star]

الصورة مش طالعة عندي
يسلمو يا ام شهد و الله يعطيكي العافية

[shahdmylife]

عسولة و new star
هاي الصورة مرة ثانية
http://www.meals.com/ImagesRecipes/32212x400.jpg

[ســـ البنات ت]

:K) :K) :K)


ما طلعت الصوره عندي


بس مدام الكل شافها وقال تشهي يعني اكيييد خطييره :)


اصلاً الحلو ما يجيب الا الحلو ;)

وان شاء الله باجربها وتطلع معاي احسن من الصوره "K)(
<<<<<<<<< مقهوره



ويسلمووو حبيبتي على الوصفه



W:

[shahdmylife]

ست البنات ولا أيهمك..حطيت الصورة مرة ثانية

[طيـــف]

السلام عليكم

عزيزتي ام شهـــد يسلمو ايدي بتجننننن رهيبه وانا بموت فيها

بس خليني خلص رجيمي رح كافىء نفسي فيها

واخبرك شو بيصير معي:) بس جد شهتيني ياها:):( وانا محمومه من الرجيم:(

برجع لك بعد اسبوعين بكون خلصت رجيمي:)

سلام

[shahdmylife]

طيف بستناك بعد أسبوعين علشان أعرف شو الأخبار

[طيـــف]

السلام عليكم ورحمه الله


عزيزتي ام شهد

شو هااااااااااااااااااي؟!!!!!!



شو هاااااااااي تعالي لحكي لك شي




-




























-






















-

















-


قلنا ام شهد ولو:)
















-













-


ياربي يسلم لي عينك وايديك شو رائعه رائعه رائعه وطيبه:)


شوفي ياعزيزتي مبارح كنت رايحه عن صديقاتي زماااااااان ماشفتهم ملتهيه بالدوام:( وصار لي اكتر من شهر مارحت لهم

المهم حكيت لحالي روحي يابنت ووريتهم عدالتك

وسويت لهم البـــروني وكيكة التوفـــي لانهم بحبوها من قبل عجبتهم

بس يختي تاري هاللبروني مسوي شغل:) طبعا كسح الجو على التوفي

وعجبهم كتير وكل وحده تقول لي منتي هينه :) من وين تعملتيه شو هالطريقه كيف ضبط معك :::::::::::::::::::: شو هالعداله صايره ست بيت من بعدنا

والحلو بالموضوع صديقتي جاي حماتها من الشام:) طبعا سوت لي سمعه دوليه

وصديقتي التانيه جاي حماتها بس يمنيه:) بتقول لي مشاااااءالله عليكي طيبه كتير مع اني ماجربتها من قبل ومابحب الشوكلاته بس طيبه ورائعه

وصديقاتي طبعا اولها لا لا مابدنا كتير مشان الرجيم بس قطعه صغيره

بس بعدين هههههههههههه بشوف كل وحده جابت جاط هههههههههههههههههههههههه


بس يسلمو ايدي عزيزتي جد بيضتي وجهي الله يسعدك ويبيض وجهك دنيا واخره يارب.......

شوفي انا ماذوقتها كتير دوب لئمه مع اني اكيله حلو بس الشي اللي بسويه انا ببحب اشوف طمعه ولذته باكل غيري له..

بس انتي توصي فينا بلييز بدنا حلو للديت دخيلك شي حلو ولذيذ وسهل ودسم ومايتخن ههههههه شوفي الانانيه:)

يسلمو ايديكي يااحلي ام شهد ريت حياتكم كلها عسل وشهد

الللى اللقاء في الحلقه القادمه رح سويها اخر الشهر بس تيجي اختي من جده :) افرحها بعدالتي

:) سلام سلام سلام

[طيـــف]

بس صدقي عزيزتي ام شهد نسيت اسالك سوال

المارشميلو السائل مالقيتو عنا بالجمعيات.! يختي مافي الا العادي اللي بتاكل خدود البنات متل القطن بس سائل مالقيت:(

كنت حابه استخدمه بدل الشوكلاته البيضا لان بحبو اكتر بس ماحصلت

وبيصير احط مكسرات مشكله بدل جوز الهند لانه مابحبه:(

بعدين بصراحه لازم اعترف لك بشي سويتو:(

انا مافصلت البيض حطيت اول شي البيتضين متل ماهم بدون فصل
والبيضه التالته متل ماهي ماعرفت متي البياض ومتي الصفار:(

معلش دوشتك بكتر الحكي

[كوكو بوبا]

تسلم ايديكي
انا عملتها زي ما قلتي وطلعت والله روعه وابني وبنت اختي حبوها جدا جدا
وجزاك الله خيرا

[عمرى لزوجى]

السلام عليكم
سلم الايادى يا شهوووده