سويسرول

[أفنـ أم عمر ـان]

السلام عليكم

هذا السويسرول , طريقته بسيطة كتير لكن بحتاج اتباع الخطوات مزبوط حتى يطلع تمام ... وأكيد المعظم بعرف طريقته , بس بالإعادة إفادة ...

الكيكة الإسفنجية : بالمقادير التالي
3 بيضات
نصف كأس سكر عادي
ملعقتين صغيرتين فانيلا
ملعقتين صغيرتين مليئتين بيكنج باودر(بشرط تكون النوعية ممتازة وطازجة)
كأس(منقوص منه ملعقتين كبيرتين) دقيق

الطريقة :
(اشعلي الفرن فوق وتحت على حرارة 200 درجة مئوية لاحظوا مو فهرنهايتي -والفرن عندي كهربائي)


ضعي البيض في الخفاقة , واخفقيه جيدا حتى يميل إلى البياض .
أضيفي السكر + الفانيلا والبيكنج باودر
واستمري بالخفق .

ابدأي بإضافة الطحين بالتدريج , على أربع دفعات تقريبا .

واخفقي (كل ما انخفقت أكتر بكون أفضل).

الآن حضري صينية مستطيلة كبيرة شوي (اللي عندي تقريبا مربعه 36 سم *34 سم) (إذا ما عندك صينية بهالحجم , استخدمي صينية أكبر وضعي العجينة بداخلها بهذه القياسات)

وافردي في الصينية ورق الزبده أو البعض بسميه أظن ورق الشمع الواكس بيبر ,

اسكبي العجينة على ورق الزبدة , وافرديها يجب أن تكون بسمك قلييييييييييل نصف سم أو أقل حتى.

أدخلي الصينية للفرن الحامي , وبعد 5 دقائق أخفضي الحرارة لـ 170 أو 150 .

افردي على الرخامة أو المجلى أو وين ما بدك ! ورق زبدة بمساحة تكفي الكيكة , ورشي على ورق الزبده سكر بودرة منييييح (حتى ما يلتصق وجه الكيكة بالورق وينتزع شكلها<< صرت أحكي سوري , تؤبشي ألبي يا فنونة شو مهضومة !!!-بس بلاش-)

الكيكة رقيقة جدا لن تحتاج لوقت , مجرد ما تشوفيها نضجت , أخرجيها مباشرة حتى تبقى طرية وما تنشف (لو نشفت ما بتزبط سويسرول) .وبكون سمكها سم واحد تقريبا.

اقلبيها مباشرة على ورق الزبده اللي على المجلى , ولفيها مع الورق ما يهمك , شدي اللف بس ما تشدي لدرجة تخبصيها :S:

وحطيها على طوووووووووووووول بالتلاجة ... واتركيها قد ما فيكِ صبر , المهم تبرد منيح .

طلعيها من التلاجة , وبتكوني محضرة الكريمة (الكريمة إلها دور كبير بالطعم , يعني لما بستخدم كريمه طازجة مختلفة تماما بتطلع عن كريمة بودرة والكريمة البودرة نفسها أنواع ,وكل واحد وذوقه)

ارجعي افتحي الرول بشوييييييييييييييييييييييييييش حتى ما تفتتيه , وطبعا اسحبي الورق منه , وهو راح يبقى ملفوف بس مش مشدود , يعني ما بتفتحيه على الآخر وبتفرديه ....بخرب.

بتحطي الكريمة جواه , وبالملعقه حطي خط طولي مع طول الرول مربى فراولة (بس خط رفيع ما تكتري ولا تفردي على كل العجينة)

وإرجعي لفي الرول منيح , بدون ورق هالمرة . ولفيه من برا بالورق , ورجعيه للتلاجة وخليه يبرررررررررد والكريمة تجمد , ويتطعم كله مع بعضه.

قبل التقديم , اقطعي الأطراف من هون وهون , لنها حتكون قاسية شوي أولا ومش مرتب شكلها تانيا

بصفّي عندك رول جميل .... ممكن تقطعيه شرائح وبعدين تزينيها بالشوكولاته ,

أو ممكن تزيني الرول كامل بالكريمة وتعمل فيه أي زينة بتحبيها قبل التقديم والتقطيع .

وصحتين وعافية

[ام رامى]

تسلم ايدك على الكيكة وعلى الشرح التفصيلى ولاقيت اجوبة على كل الاسئلة الموجودة عندى
بس قولى مش بكنج بودر كثير شوية

[أفنـ أم عمر ـان]

حياك الله أم رامي
الحمد لله إنك لقيت إجابة على استفساراتك

البيكنج باودر أبدا مو كتير , لكن ما أخفيك , بخاف النوعيات بتختلف من بلد لبلد ,

النوع اللي بستخدمه نوع ممتاز وفعّال ...

لكن انتبهي إني قلت ملعقتين صغيرتين (ملعقة شاي صغييييرة)

[إيمان علي]

مسكينة يا هالطابعة اللي عندي، اهترت من كثر ما طبعنا وصفات، بس هذه التحفة لازم بدي أجربها إن شاء الله.. الله يبارك فيك ويسلم هالإيدين المعدلة :)

[إيمان علي]

الكاس قديش عياره؟ كوب مرقم من تبع العيارات؟
هلأ بدي أروح أحسب الدرجة المئوية تبعك q) أكيد 350 يعني :)
معلش فنو بس يا ترى قديش بتقعد بالفرن بعد الخمس دقائق وتخفيض الحرارة؟
يا ترى بنقلبها بس تبرد؟ والا بنقلبها وهي سخنة؟ وهل بنلفها وهي باردة أو سخنة؟
بالنسبة للكريمة بتفردي عليها كلها والا مثل الفراولة؟ ويا ترى الكريمة البيضاء الهشة الجاهزة بالعلب بتنفع؟

سامحيني على كثر الأسئلة، ولكن البارحة عملت تجربة من المنتدى وبسبب قلة الأسئلة والشرح اللي عرضته الأخت، طلعت تجربة فاشلة الشكل لكن الطعم لا بأس به! فقررت أسأل اللي بتكتب حتى أهريها وهذا حتى ما أفشل وألوم الكاتبة :D

[ام مودي]

يسلمو هالايدين يا فنو على السويسرول اللزيز..

بس يعني هلا هادي هي الوصفة...سهلة ما بدها اشيhttp://us.i1.yimg.com/us.yimg.com/i/mesg/emoticons/15.gif هيعيعيعيعيعيعيعيه...بس بعمل زي بعض الناس بشوف شو الاحساس لما يحكو هيك...بس ما طلعت بنتيجة..العملية مصطنعة..ما بينفع...:D
لا بجد رووعة كتير يا ام عمر..بدي اعطيها لصابرينا تعملنا ياها...هاهاها...له له له يا ام عمر طلعت عليكي هالسمعةhttp://us.i1.yimg.com/us.yimg.com/i/mesg/emoticons/17.gif
اوووعك تزعليي تؤبشي البي..هيدي دعاابة

لا والله الله يسلم هالديات الحلوات المعدلات...

و بدنا كمان..اعملي سكان لدفترك لو بتسمحي و نزليه هون ...شكلك عندك وصفاات ياما..بس مخبية علينا..بطلي هالحركات يا ام عمر..و هاتي ما بجعبتك...

سلاام W:

[LeEn]

با كلها من ايد بنت دندوش بكرا ^__^

يسلموا الأيادي

[أفنـ أم عمر ـان]

امونة يا أحلى امونة في الدنيا ...تسلمي على الكلام الحلو ...

واسألأي قد مااااااااااااااااا بدك .... أنا كم أمونة عندي؟

الكاس قديش عياره؟ كوب مرقم من تبع العيارات؟

--الماج العادي 250 مل


هلأ بدي أروح أحسب الدرجة المئوية تبعك أكيد 350 يعني

--دبري حالك وجيبي المعادلات اللازمة ..مش مشكلتي :D , بفهمش بالفهرنهايتي بالمرة.


معلش فنو بس يا ترى قديش بتقعد بالفرن بعد الخمس دقائق وتخفيض الحرارة؟

--والله يا أمون , مش قادرة أعطيك جواب 100 % , لإنه الحقيقة المرّة اللي ما ذكرتها إني بشتغل على البركة , أحيان حتى بلا مقادير ...
بس قولي من 5-10 دقائق أخرى , وإنت حسب ما بتشوفي الكيكة نفشت ووجهها صار ذهبي, بس ديري بالك ما تطولي بحيث تنشف مثل ما قلنا ..

يا ترى بنقلبها بس تبرد؟ والا بنقلبها وهي سخنة؟ وهل بنلفها وهي باردة أو سخنة؟

--طبعا كله وهي سخنه , لإنه إذا بردت ما بنعرف نلفها , بتجمد وبتنشف وبتتكسر عند اللف
أما لما تكون سخنه بتكون طرية , وسهل التحكم فيها

بالنسبة للكريمة بتفردي عليها كلها والا مثل الفراولة؟ ويا ترى الكريمة البيضاء الهشة الجاهزة بالعلب بتنفع؟

-الكريمة عليها كلها , وهي ما حتكون مفرودة بل حتكون ملفوفة , لإنها بردت بوضعية لف.
والكريمة الجاهزة ما جربتها والله يا أمون أبدا.

[أفنـ أم عمر ـان]

ههههههههههههههههههههه أم مودي فقعتيني من الضحك ...

صابرينا وبنت دندوش اللي ما أجت لسه !! يا فرحتي :D

هو أنا يا أم مودي مقصرة بركن الأطباق كتير بس مو عن قصد ...
أنا توجهي اول ما بدخل على ركن الطفل والنافذه , وخلص ما ببقى معي وقت , وقتي ضيق كتير ,
صدقي في أركان عمري مااااااااااااااااااا دخلتها ولا بعرف شو بنكتب فيها !

وركن الأطباق بدخله بسرعه وبحاول على الأقل إذا طبقت طبخة او حلو أقول ...

[أفنـ أم عمر ـان]

LeEn

خلص خلّي بنت دندوش تفيدك :D

[إيمان علي]

تسلم الأيادي يا فنو، خلص بإذن الله رح أطبقها، مش قريب، لا، قريب كثير بإذن الله :)

[متفائلة في زمن اليأس]

تسلميييييييييييين على الوصفة ام أفنان ..

ولكن الملاعق التي تكلين بها أهي الخاصة بالحلويات , ام التي نستعملها كل يوم ..أنا بدي اجرب طريقتك ..

مع انني فوجئت عندما رايت البايكينغ , لان ما اعرفه ان السويسرول بدون البايكينغ .. ولكن بما أنه من يديك اكيد انه يطلع روووووووووعة .

وانا بإنتظار المزيد من وصفاتك :)



أمووووووووونة :eek: لا تكون الوصفة وصفتي :D

انا ظنيت ان شرحي كان وافي وكافي sid

ردي لي خبر يا عسل ;)

[Em zaid]

ام عمر الله يسعدك اليوم عملت السويسرول
و كان الطعم طيب كتير كتير:) :)

لكن كان في عندي كم غلطة انا غلطتهم واحد الصنية كانت صغيرة لمى خبزتها كانت سميكه شوي
الشي التاني ما بعرف ليه هيك صار معي لفيتها بالواكس بيبر و قبل رشيته بالسكر لكن لزقت العجينة :(
و لمى فتحت الرول اتفتت اجزاء منه انا حكيت ممكن لانها سميكة شوي
ساعديني حتى اعملها مرة تانية و يطلع شكلها منيح علشان اصورلك اياها

سؤال تاني ايش الكريمة الي استعملتيها الويبنج كريم الي بالتلاجات بتكون انا استعملت البودرة هادي الي كانت موجودة عندي

و الفراولة المربى بتكون بس من المنتصف عند التقطيع
جننتك :D :D

ايمان درجة حرارة الفرن بالفهرنهايت 400 و لمى اتخفيفيها بتسير 325

[باليرينا]

تسلم الأيادي يا ام عمر على الوصفه , عندي فكره ممكن اقولها:III:
بما أني بحب الأيس كريم راح أحشيها بيه بدل الكريما شو رأيك يا ترى بتطلع طيبه

[Dandosh]

لا بسيطة هاي يا ام عمر ..:)
ممكن تعملها البنوتة و هي لسه ما اجت ..................................:)


لا جد يسلموا ايديك .. ان شاء الله لما اروق بنجربها .. قصدي بجربها انا لحالي .. عمري ما عملت سويسرول يعني شو ما طلع معي منيح :):)

لين .. !
معلش بدك تستني لك كمان شوي .. ببعت لك ياها بالبريد المستعجل أول ما تخلص :)

[LeEn]

انا عاملة ريجيم للويك اند
:)

[إيمان علي]

ادعيلي يا فنو، قايمة أطبق :)

[إيمان علي]

لا يا متفائلة ما هي وصفتك :)
خلاص بلاش نفضح العالم :D

[متفائلة في زمن اليأس]

كان لابد من السؤال حتى يطمئن قلبي :D

[أفنـ أم عمر ـان]

متفائلة في زمن اليأس
حيااااااااااااك الله , الملعقة اللي بستخدمها ملعقة الشاي الصغيرة العادية ...
وبالنسبة للبيكنج باودر لازم ! كيف بدها تكون نافشه وطريه !

-------------------
Em zaid
صحتييييييييييييييييييييين وألف عافية , فرحت إنك طبقتيها وعجبتك , وأكيد السويسرول ما لازم يكون مو سميك , لهالسببب شددت على ابعاد الصينية وقلت لو ما في استخدمي صينية أكبر وم نالداخل حطي العجينة بهالأبعاد , حتى تكون رفيعه بعد الخبز
بس مو مشكلة المرة الجاي إن شاء الله بتكون أحسن.
أما إنها لزقت وتفتت , بصراحة أنا مو عارفه السبب , ما صارت معي قبل فمو قادرة أعطيكِ رأي , بس يمكن يكون سمكها , أو ممكن المرة الجاي تتركيها دقيقتين لحد ما البخار يطلع منها-بس ما تبرد حتى ما تجمد- , عشان ما تلفيها وهي سخنة جداااااااااااااااااا فتعجن وتلزق بالورق . جربي يمكن هيك السبب ...

الكريمة اللي بستخدمها أحيان ويبنج كريم ,وأحيان الكريمة البودرة , بس بحسها أخف بالبودرة , ومثل ما قلنا الناس أذواق .

والمربى بيكون مجرد جزء صغير لما تقطعيها حلقات مو على كل الحلقة , هيك أطيب أعتقد خاصة للي ما بحبوا الحلوووو كتييير .

ومنتظرين الصورة الحلوة :)


------------------
أم عدنان , شو هالفكرة الحلوة هاي !؟!؟!؟!؟ يلاّ جربي واحكيلنا النتيجة , أنا مو متخيلة كيف بتكون , بس منك بنستفيد ....

-------

دندوشه , بدي أرد عليكِ مع إني عارفه إنك هلأ بلشانة بالصغيرة , الله يبارك لك فيها ...
يبدو الفرج قرب , والكيكة بتوصل لين عن قريب ....

[أفنـ أم عمر ـان]

أمونة إن شاء الله تكون زبطت معك .... وصحتين وعافية مقدما.

[متفائلة في زمن اليأس]

تسلمييييييين على التوضبح أختي الحبيبة ..

وبالنسبة لما قلته ..فأنا قد قرات عدة وصفات لها بدون البايكينغ ..ولكن يجب ان يخفق البيض والسكر على حمام مائي حتى تطلع حلوة ..

[إيمان علي]

صراحة ما جربتها يوم اللي نويت، عملتها الآن، والعجينة طلعت رااااااااااااااائعة جداً.. لفت معي كأنها ساندويشة :)
لكن عندي استفسار؛ الخليط لما عملته كان جامد شوي، يعني اضطريت إني أسكبه بالملعقة وأفرده على الورق بالملعقة.. هل هيك المفروض؟ لكن على أي حال هذا لم يشكل أي إشكال :)

لأنه ما عندي صينية بهذا الحجم، عملتها في صينيتين، يعني طلعوا عجينتين صغار وبعد اللف صار قطر الرغيف حوالي 3 سم.. لكن قررت قرار آخر كنتيجة.. أشتري أكبر صينية + ما في داعي لورق الشمع، رح أدهن الصينية وخلص.. بينفع يا ترى والا لأ؟! خايفة بس أقلبها وما تقلب غير لما تبرد! شو رأيك؟

الآن وضعتهما في البراد وكمان ساعتين رح أطلعهم وأحط الخلطة جواهم وأعطيك النتائج.. حتى الآن نتيجة الطعمة تحفة، لأني تذوقت ما تبقى من الأطراف في الورق وكان طعم لذيذ جداً :)

الله يجزيك الخير يا فنو :)

[dalia saleem]

ام عمر عندى سؤال بس غبى
بعد ما نقلب الكيكه هل نزيل ورق الشمع الى كان تحتها فى الصينيه
وهل نشعل النار تحت و فوق يعنى كمان الشوايه من فوق نشغلها

معلش غلبتك بالاسئله

[إيمان علي]

طلعتها اللفتين من البراد يا فنو، واحدة خربت تماماً بسبب التصاقها بالورقة مع أني كثرت السكر، والثانية طلعت تمام التمام :) رجعتهم على البراد حتى ترتاح نفسيتي قبل ما أذوقها :)

[أفنـ أم عمر ـان]

إيمان صحتين وألف هنا يا رب

وإنها جامدة لا والله ما بتطلع جامده , هي بقوام الكيكة الإسفنجية العادية , بس يمكن تحسيها جامده لإنك بتدهنيها بشكل رقيق كتير على ورق الزبده ....يمكن

وما بعرف ليش بتلزق معكم وبتتفتت , ما صار معي هالشي مع العلم إني عملتها كتيييييييييييييييير , ومو قادرة اعطيكم جواب كافي عن السبب .

تعمليها بدون ورق زبده , ما بضمنلك تزبط , لإنه خبزها على ورق الزبده بخليها طرية من تحت , اما مع دهن القالب وخبزها ممكن ما تطلع بالطراوة المطلوبة .

على كل التجربة خير برهان .

------
أختي dalia saleem
حياك الله , نعم بعد ما نقلبها بنزيل الورق اللي خبزناها عليه ,وبنلفها بورق جديد

والفرن أنا بشعله من فوق وتحت , بس مو الشوايه , الفرن العادي. , وعلى كل اخبزيها متل أي كيكة تانية إنت متعودة عليها.

أي سؤال ما تترددي

[dalia saleem]

الله يجزيك كل خير يا ام عمر

[إيمان علي]

مممممممممممممممممم طيب غريبة، ليش طلع معي الخليط جامد؟ يعني أنا اضطريت أفرده بملعقة، يعني كان مثل اللبنة! بس على العموم لفت معي تمام واحدة منهم، والثانية لزقت يمكن والله أعلم ما كان السكر كافي مثل الثانية، وطعمتها كثير كثير طيبة..
طيب بتنصحي أزيد السائل فيها حتى يصبح الخليط رخو أكثر؟ يمكن يكون نوع الطحين هو المشكلة!!!
ردي علي حتى أعملها مرة ثانية، وهالمرة بدي أعملها بصينية الفرن الكبيييييييرة :)

[أفنـ أم عمر ـان]

متل اللبنة يا لطيف !!

والله يا أمون ما في أي سوائل بالخلطة :D
شو اللي بدك تزيديه ؟

معناته قللي الطحين , إذا طحينكم لهالدرجة قاسي هههههههههههه ...
خلي قوامها متل أي كيكة اسفنجية عادية طرية كتير .

على فكرة أمون بعد ما قلتي عن طريقة الأخت لكيكة الشوكولاته جربتها , اللـــــــــــــه شو طيبة , عمري ما شفت أطيب من هيك .

[إيمان علي]

شفتي يا فنو؟ أنا من يومها ما بعمل كيكة الشوكولاته إلا بهذه الطريقة وخاصة البلاك فورست :)

بالنسبة لكيكتك، رح أخفف الطحين.
وعلى فكرة ذوقتها لصاحباتي، جننننننننننننننوا عليها، وقالوا طيييييبة كثير، وواحدة منهم قالت طعمها مثل الدونات :)

[Em zaid]

ام عمر #R#R #R#R

يسلموا اديك فعلا شي بجنن اليوم ارجعت اعملتها و صورتها مشان تشوفي لكن الصور ضلت اتلمع حاولت كتير ما وضحت:mad: :rolleyes:

لكن اخطاء المرة الماضية ما اوقعت فيها و ما اتفتت و ما لزق و الطعم شي مو معقول طيبة كتير

ايمان بالنسبة انو بطلع جامد انا طلعت شوي صغيرة حطيت شوي صغيرة مي وطلعت تمام و مشان ما اتلزق حطيت على فاين زيت و مسحت على الخفيف الواكس بيبر فبل ما احط الخليط و قبل اللف

ومرة تانية وعاشرة يسلموا ام عمر :)
بس تعالي شوي وين مقادير كيكة الشوكولاته الي عم تحكي عنها انت و امون:D :D

[أفنـ أم عمر ـان]

أمونه الحمد لله , انا كتير مبسوطة إنك حبيتيها لا وجاراتك كمان !!! الحمد لله وريييييييييييييييييته ألف صحه وهنا


أم زيد , يا عمري , كتير فرحتيني الحمد لله إنها زبطت معك وحبيتيها ,
بس وين الصورة :(

[سنووايت]

تسلم ايديك اخت ام عمر
والله روعة ويعطيكي الف عافية

[مـiـى]

و أنا عم قول لحالي ليه راحوا كل البنات على ركن الحلويات جري :confused: .


أتاريكي طلعتي أحسن من معارفك و ما تهربتي من إعطاء الوصغة:D :D :D .

خلاص رح جربها إنشاء الله .

W: W: W:

[أفنـ أم عمر ـان]

سنووايت .... الله يسلم عمرك يا رب :)

*منى*
يا مية هلاااااااااا ..جربيها وخبرينا بالنتائج ...وصحتين وألف عافية مقدما

[هنلي]

عمري في حياتي هي الي سنتين لا والله صاروا ثلاثة متجوزه وعمره مازبط معي لسه من فتره جابوا الشيف رمزي عمل وحده ورحت ثاني يوم اعملتها بس من فايدة بتطلع مخبصة وريحتها بيض هذا اللي بيجلطني ومرات بتتنشف معي واذا لفيتها بتتكسر مع اني حالفة يمين اني ما اسوي سويسرول بس لعيون افنان رح اعملها بكره وانا فرني زيك كهرباء بس قديش بتحطيها بالزبط الوقت يعني وبيكون النار من تحت طبعا
طيب لما تتلون اطرافها بتحمري وجهها

[أفنـ أم عمر ـان]

ههههههههههههههههههههه
هنلي هذا معاناة مع السويسرول !!! :)

بس أكيد ما جربتي طريقتي من قبل !

الفرن هنلي من فوق وتحت على ال200 بحمي الفرن ,وبعد ما احط الكيكة بشوي بوطي مثل ما كتبت ,
وبالنسبة للوقت والله ما عارفه , بس يمكن شي 10 دقائق ما بتاخد كتير لإنها رقيييييييييييييييييقة !! أكيد وحده متلك خبرتها ما شاء الله بالكيك قادرة تعرف إنه الكيكة استوت ,
وانا بصراحة ما بحمرها من فوق , خلص على اللون الطبيعي اللي بنتج .(ما تنسي الفرن من فوق وتحت حتتحمر شوي تلقائي)

[عسولة المنتدى]

إنشاءالله بجربها من كثر مدح البنات ... بس ممكن تعطيني طريقتك في الكريمة بالضبط .. وإذا جاهزة أبي نوعها .. لأني كل ماشريت كريمة كانت بايخة وخفيفة نوعا ما ...

[مـiـى]

أختي أفنان :

جربت السويسرول من كم يوم sid و ما نجح معي sid sid .

العجينة لزقت على الورق من الأطراف و كمان نشفت و لكن في النصف طلعت كتير ناجحة و لم تنشف مع أني دهنت كل الورق بالزبدة ؟؟؟؟

يعني رميت الأطراف و ما بقي عندي إلا قطعة صغيرة جداً سويتها السويسرول .


يا ترى ورق الزبدة هو نفسه ورق الخياطة ؟

و بقدر أستبدله بورق الألمنيوم ...


W: W: W:

[هنلي]

اختي منى انا يوم ما عملتها كنت مخلصه ورق زبده وعاد لسه بدي اصبر على بين ما يجيب جوزي ما قدرت شوفي شو سويت
جبت ورق المينيوم بحجم الصينيه مع اطرفه يعني غلفت الصينيه بورق الالمينيوم وقمت بدهنها بالزبده مش زيت ورشيت عليها شويه دقيق وسويت الكيكه وزبطت معي ميه ميه ولا لزق اي شي
وجربي وادعيلي
وشكرا

[مـiـى]

خلاص هنلي حبيبتي :D جربته اليوم و طلع:eek: بيعقد .

المشكلة أن الكمية كانت قليلة على الصينية , ضاعفت الكمية و مشي الحال , بس طلع شوي حد :rolleyes: يمكن من البيكنغ بودر , المرة الجاية رح أقلل الكمية .

مشكورة على الإهتمام , على فكرة فينها أفنان ......لتكون ولدت بالسلامة:D :D .


W: W: W:

[رورا]

]بسم الله الرحمن الرحيم
السلام عليكم ورحمة الله وبركاته
اختي العزيزة انا جربت السويس رول كم مرة وكل مرة بتطلع لذييييذة
تسلم يدك[/FONT]

[77-suha]

معلش حبيبتي ام عمر الرد شوي متاخر لكن تسلم دياتك على هالسويسرول الحلو ((K))

انا لساتني مجربته :-M
جربت كتير وصفات سويسرول لكن للاسف النتيجة كانت :[] لكن كان بدي اسالك كم سوال اذا

ما فيها تكلفة :confused:

1ـ اذا ممكن اعرف مقدار الكاس كم ):K

2ـ اذا اردت ان اضيف لها بودرة الكاكاو هل تتغير المقادير وكم اضيف لها ::JH::

وشكرررررررررررررررا

[وعود الخير]

يا سها
الموضوع صار له سنين
والاخت افنان حاليا غير متواجدة للرد عليك ..

[77-suha]

شكرا حبيبتي على الرد يمكن كنت من اهل الكهف )_(

لكن اشتراكي في المنتدى ما صار له كتير يعني انه كان موجود في المنتدى ليست بالفترة البعيدة :-M

W:

[وعود الخير]

باعرف انك اشتركت حديثا
لكني اخبرتك كي لا يطول انتظارك للرد
لان الاخت افنان متغيبة من فترة طويلة ولكنها ستعود ان شاء الله تعالى بعد استقرار امورها..
وحياك الله باللي نقدر عليه..

[همس الشجن]

تسلم الايادي