مين تعرف طريقة متبل الباذنجان؟

[إيناس]

لا تضحكوا علي
بعرف انها سهلة كتير
بس انا والله ولا مرة جربته
كل الي عملته اني وضعت الباذنجان بالفرن يُشوى
وبعدين ما بعرف شو أعمل؟
:eek:

[ريحانة الجنة]

الاخت إيناس اهلا وسهلا فيكي حياك الله وبياك

كنت كتبت طريقة متبل الباذنجان للاخت اميرة الزهور وهذا الرابط

انشاء الله ينزل W:


http://www.lakii.com/vb/showthread.php?s=&threadid=78704

[Dandoon]

اهلاااااااااااا ايناس :)

انا كتير بحب متبل الباذنجان ، و كل ما اشوف باذنجانة نايمة في التلاجة بقوللها تعاااااالي وين رايحة :)

في طريقة اسهل و اسرع من الشوي ( و انا شايفتها نفس الطعم ) و هي انك تسلقي الباذنجان على نار قوية وتكون الطنجرة مغطية ، و يضل يغليييييييييي لحد ما تشوفيه صار طري كتير
خليه يبرد بعدين قشريه ... و و اهرسيه بمدق الثوم ( في ناس بعملوه عالخلاط ) و بعدين ضيفي شوية لبن و شوية طحينة .. و ليمون و ملح .. ( اللبن علشان لونه يضل حلو و للي ما بحبو مرارة الطحينة كتير )

و سلامتك هاي هي كل القصة .. و لما تقدميه حطي عليه نعناعاية و زيت زيتون و بالعااافية
W:

[إيناس]

مرحبا أخواتي
ريحانة الجنة الف شكر لكِ غاليتي فتح الرابط ووجدت الطريقة
يعطيكِ العافية

هلا دنودن
بصراحة وانا متلك احب المتبل
بس من قلة الهمة ولا مرة عملتوا
مع انه سهل كتير
:eek:
وشكرا على طريقتك ان شالله المرة الجاية بحاول بالسق
هالمرة انشوى وخلص:p
وكمان عجبتني اضافة اللبن للوصفة
لاني ما احب يكون مذاق الطحينة ظاهر
تسلمي اختي للمساعدة:)

[لحن الحياه]

بسم الله الرحمن الرحيم
السلام عليكم ورحمة الله وبركاته
تسلمي يادندونتنا على الوصفه وانشاء الله هعملها لبابا لان بيحبه كثير وراح يفرح
شكرا ياريحانة الجنه اسمك جدا حلو

[وعود الخير]

Danddon بدل السلق ممكن تحطي قطعة حديد على عين الغاز وتشوي الباذنجان مع التقليب... بتتركيه يبرد شوية وتقشريه تحت الحنفية..
وبعدين اللتبيلة زي طريقتك بالضبط..
شهيتوني ... راح اعمل اليوم بابا غنوج علشان الطحينية ضد الريجيم.

[االحياة]

ليش كل هالغلبه انا ((واعوذب الله من الانا))فنانة متبل بشهادة من حولي خذي الطريقه وحتدعي لي
_قشري البذنجان الىقطع كبار شوي
_اقليه لحد مايتحمر شوي ((اغسليه اذامابغيت يكون فيه زيت))
_اكيد تعرفيت النجر الخشب حق الثوم دقيه فيه مع الثوم
_اذا انتهيتي اضيفي له ملعقةمايونيز+طحينه حسب الرغبه+زبادي+عصيرليمون+ملح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
وشوية حركات ((قطعي بقدونس,شوي بس,ناعم+فلفل بارد صغار واخلطيه معه))
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
اذا كان ثقيل زيديه زبادي لحد مايكون قوامه كويس
والف مليون عافيه
جررررررررررربووووووووووه وقولولي رايكم

[star]

يا انوووووووووس اسمك غالي علي كتيير بالنسبه للمتبل انا بعد ما اشوي البذنجان بقشره و اضعه في الخلاط مع ليمون وثوم وطحينيه وملح وبخلطهم ولا اطيب من هيك و صحه وهنا يا انوووس :ss: