لعيون أختي أم عدنان ..........طريقة المحمرة الحلبية

[مـiـى]

السلام عليكم يا بنوتات يا حلوات

أول شي أنا أسفة لأن ما عندي مقادير دقيقة للمحمرة و ثاني شي رح أقولكم الطريقة و هي تعتمد على الذوق

المقادير :

دبس فليفلة

كعك مطحون ( من دون سمسم )

بصلة صغبرة

شوية دبس رمان

ملح رشة كمون

ماء حسب الحاجة

شوية زيت زيتون

ليمون معصور

الطريقة :
* نضع كل المواد ( ما عدا الليمون الحامض ) في الخلاط و نخلط حتى نحصل على عجينة ناعمة و نعدل الحمض بعصير الحامض حسب الرغبة .
* يمكن استخدام دبس الرمان لوحده من دون عصير الحامض و لكن بتطلع المحمرة غامقة شوي .
* نضع المحمرة في الطبق و نزين بزيت الزيتون و الجوز المقطع .
* تقدم مع الكبب و المشاوي و الحمص مممممممم و هي لذيذة كتييييير .
طريقة ثانية :
* يمكن خلط المواد مع بعضها البعض من دون استخدام الخلاط و في هذه الحالة نستخدم بصلة مبشورة ( و ليست مفرومة ) و الفرق أنها بتطلع شوي أخشن من الطريقة الأولى .
* و صحة و هنا يا رب .

إنشاء الله أكون أفدتك أختي أم عدنان .

W: W: W:

[مـiـى]

أنا رحت سويت المحمرة و رجعتلكم بالمقادير :
ننقع أربع كعكات ( كعك البقسماط ) بشوية ماء ثم نضعهم في الخلاط مع 4-5 ملاعق كبيرة دبس فليفلة و ملعقتان كبيرتان دبس الرمان و نضيف رشة كمون و ملح و بصلة صغبرة و شوية زيت الزيتون و نخفق ثم ندوق و نعدل الحمض إذا كانت محتاجة شوية حمض إما بدبس الرمان أو بعصير الحامض و نزين بالجوز و زيت الزيتون

سلام

W: W: W:

[باليرينا]

W:
تسلم ايديكي babymother أكيد راح أعملها مع الكبه وأستمتع بيها ولو انها اكيد من ايدي الخبيرات الحلبيات راح تكون أطيب
ويا ستي ماتزعلي المره الجايه لماأنوي أصيف في حلب راح أخبرك
ميييت السلامه (مش هيك بتحكوا في حلب ;) )

[المبدعه]

'طيب وإللي ما عندها دبس الفليفله وش تحط بداله

ياليت تقولي لي من وين أجيبه لأني حابه أسويها وأذوق العيال وأبو العيال
وتسلمين عيوني

[مـiـى]

أختي أم عدنان يا ريت تعمليها و تقوليلي إذا طلعت معك مثل ما دقتيها .

أختي الغالية المبدعة :
دبس الفليفلة شغلته سهلة كتير
رح أقولك كيف نعمل دبس الفليفلة الحلبية في البيت
نحضر الفليفلة الحمراء و بتكون يا إما حرة أو حلوة أو وسط حسب الذوق و نغسلها جيداً ثم نجففها
نقطعها بالنصف و ننزع البزور .

ثم ننشر الفليفلة في مكان مشمس و يجب أن تكون الشمس حدة و إلا بتنتزع كل الفليفلة
و كمان لازم ننشر الفليفلة مباشرةً بعد التقطيع لأن الفليفلة بتكون سريعة العطب .

نترك الفليفلة في الشمس مدة يوميين أو ثلاثة أو أكتر حسب حدة الشمس
و يجب أن تكون الفليفلة قد جفت و لكن موكتير كتير
يعني تكون ثلاث أرباع جافة ....

نطحن الفليفلة بماكينة طحن اللحمة على الشفرات المتوسطة مرتان
نرش الملح العادي عليها ( لا نستعمل الملح باليود ) و نقسمها حصص صغيرة و نضعها في الفريزر .

و أنتي قلتيلي أن ما عندك ماكينة طحن اللحمة:( .

أحسن شي تحتفظي بالطريقة لحد ما تشتريلك واحدة ..

أو عطيني عنوانك لحتى أبعتلك كيلو من عندي :D :D

سلااااااااااام يا عسل

W: W: W:

[um bader]

أختى baby mother يسلموا هالديات يارب و المحمرة من المقبلات الحلبية و الحمصية الرائعة فبارك الله فيك.

[المبدعه]

ما تدري يمكن يحالفني الحظ وأروح السنه هذي على سوريا وما تلاقيني إلا وأنا على عتبة بابكم

أنا أعرف وحده من حلب سوريه متزوج سعودي وكل سنه تروح لأهلها لو أعرف عنوانك

أقولها تمر عليك <<<< وحده ماصدقت على الله
يمكن تطلع من عايلتكم ولا من معارفكم

أهلي كانوا في دمشق الصيف إللي فات كانت الوالده رايحه تركب أسنان لو أن موضوعك
نزل قبل الصيف كان قلت لها تمر عليكِ وعلى العموم ياستي أعتبريها وصلت وربي يسلمك
وتشكري على طولت بالك على كثر حكيي :p

[مـiـى]

أختي أم بدر
أهلا و سهلا فيكي و بأهل حمص كلهم

أختي المبدعة
عن جد و من غير مزح أهلا و سهلا فيكي ( و الله من غير مزح )
أمانة عليكي إذا جيتي لحلب تعدي علي ......

عم أستناكي .

W: W: W:

[الذويقه]

اممممممممممممممم اشم ريحه اكل حلب كل سنه لازم امون الفلفل لمن انزل لاهلى بعمله اقراص فليفله بجنن هل انت من سكان حلب لمن تشربى سحلب تذكرينى خاصه فى البرد

[مـiـى]

أختي الذويقة:

مبين من اسمك أن أصلك حلبي .
مثل ما بتعرفي نحنا الحلبية كتير منفنفين على الأكل........
و الله شهيتيني على السحلب و عم دور على بياع سحلب ما عم لاقي:rolleyes:


شكراً على مرورك


W: W: W:

[الذويقه]

اه من السحلب والعراقه الحلبيه القديمه والله كل شى تغير انا كل ماانزل حلب بدوخ اهلى على سحلب ومابيعجبنىوكعك الجبنه ياريت اذا بتعرفى مخبز منيح انا جربت كتير وماوصلت للى بدى ياه انا تاركه حلب من 20سنه بس كل سنه بنزل انشاءالله بالعيد نازله واذا بتعرفى محل حلويات فخم ىاريت دلينى غير مهروسه وابو العبد ماعجبونى اه ريحه حلب بانفى والمامونيه ووووالحمدلله صار لى اخت من بلدى خلنا نتواصل سلمى على حلب

[مـiـى]

و لله أختي زعلتيني .....
صار لك عشرين سنة مغتربة:(

شوفي أختي أنا ما فهمت قصدك بالكعك بالجبنة
قصدك أقراص بعجوة .....
إذا كان هيك فأنا بوصي عليهم عند واحدة من معارفي ( يعني بيتوتيات ) و لما بتنزلي على حلب إنشاء الله ممكن أدلك عليهم ...

أهلك وين ساكنين ؟ >-------------( شو هل الحشرية )
خلص أنتي أختي في الله أولاً و بنت بلدي ثانياً ( يعني خلص أنا و إياكي صرنا أصحاب:D :D :D :D )


سلاااااااااااااام يا عسل

[LeEn]

يسلموا الأيادي
لاكان شو اسمها الاكلة الي لونها أحمر وبتتكون من فليفلة حمرا مطحونة وجوز وزيت زيتون
يا ريت تعطيني الطريقة لاني بحبها كتير

[الذويقه]

هلا اختى انا اقصد كعك بمية الجبنه ولو ماعرفتيه .شوفى انا نصى شامى ونصى حلبىيعنى ماما حلبيه والكلام عليها وهى من بيت الشياح ولا يهمك صرنا اصحاب واكتر اهلى بالشام بس ماما وااشباب بحلب يالله حطى وصفات المشكله انا محب التقيد بالعيارات اطبخ بالبركه مع العلم انى طباخه واثقه من نفسى اعوذ بالله من كلمة انا.سلمى على عيلتك باىىىىىىىىىى

[مـiـى]

هلا أختي لين :
أظن أنك تقصدين المحمرة و لكنكِ اعتقدت أننا نستخدم الفليفلة الناعمة لأنها مطحونة بالخلاط .

إذا كنت متأكدة أنها غير المحمرة قوليلي جنب شو أكلتيها حتى جرب ساعدك .



أختي الذويقة :
أنت قصدك كعك العيد بمية الجبنة و إلا أقراص بعجوة بمية الجبنة ؟؟؟؟

ماما كتير بتعرف ناس من بيت الشياح و هي بتسلم عليكي كتير كمان .


سلااااام

[الذويقه]

بيبى مذر الاثنين الكعك والاقراص وبالمره اسم كم محل حلويات يكون راقى لانه اهلى دائما بيجيبو من الشام بيعجبن اكتر وسلمى على امك وانت فين بحلب يمكن يصير نصيب اشوفك لمن انزل وسلام مربع.

[bdooor]

يعطيك العافية اختي

[إيناس]

يا سلام الحلبيات متجمعات هون وما حدا عزمني
الله يعطيكِ الف عافية أختي babymother
محمرة على أصولا <<<<<< على اساس تعرف كيف اصولا:D
بصراحة انا كتيرتعجبني
بس ما احب اعذب حالي بشغلها<<<<وحدة كسولة بالمطبخ
لو تجيني عالجاهز تكون رووووعة
سلام لحلب وأهل حلب
W:

[LeEn]

هي فيها جوز وطحينة وزيت زيتون وفليفلة

ياريت تعطوني طريقتها بالمقادير لاني مش قد هيك بالطبخ

بناكلها بالخبز

[مـiـى]

(أختي الذويقة :
مثل ما قلتلك أنا بوصي عليهم عند معارفنا و هدول ما عندهم محل . يعني تواصي و إذا بتحبي بس تنزلي على حلب بوصيلك من عندهم .

أنا ساكنة بتجميل الفرقان و إنشاء الله بس تنزلي على حلب بتعمليلي زيارة لحتى أتعرف عليكي .


الله يسلمك أختي بدور و شكراً على المرور .


إيناس , أنتي بدك عزيمة يوم .
البيت بيتك و مطرحك , قومي يلى و حاجتك كسل , المحمرة ما في أسهل منها و سلامك وصل خيتو ( عم بمشي في الشارع و عم دق بكل واحد و قولو إيناس بتسلم عليك:D :D )

أختي لين : مع الأسف أنا ما عرفتها .
بس تعي معي على هل الرابط بركي حدى غيري بيعرفها .

http://www.lakii.com/vb/showthread.php?threadid=80194

[LeEn]

يسلموا الايادي

[مـiـى]

الله يسلمك يا رب يا لين