كابتشينو ... لا يطوفكم :)

[*الجوري*]

السلام عليكم ورحمة الله وبركاته

لا يطوفكم جربوه كابتشينو على كيف كيفكم .. :D

كابتشينو

المقادير

- (10) ملاعق كبيره ممسوحه سكر :o

- ملعقه كبيره ممسوحه نسكفيه :)

- حليب قليل الدسم :D

- ماء

الطريقه

يخلط السكر والنسكفيه والماء الذي يقطيهم بالضبط ( لا يزيد ولا ينقص) بالخلاط حتى تصبح رغوه .. وفي فترة الخلط .. اعملي الحليب بدون سكرحتى يكون ساخنا .

ويوضع الكابتشينو في قاع الكوب ثم يوضع فوقه الحليب ثم يخلط بالملعقه ثم يوضع فوق الخليط ملعقة الكابتشينو :cool:

وبالهناء والعافيه :)

[مـiـى]

ممممممممممم

تسلم الأيادي ..

أنا بحب الكابتشينووووو كتير..

[*الجوري*]

الله يسلمج حبيبتي..
انتي جربيها وحكمي :)

[دلوعة المنتدى]

هاى جورى 000

وانا بعد اموت بالنسكفيه 000

حبيبتى 00
اخر شى ما فهمت عدل
يعنى احط الخلطه الى سويتها بالكوب وبعدن فوقه الحليب وبعد ما خلطه بالقفشه احط عليه كبتشينو البودر ولا باجى الخلطه ؟؟؟؟؟؟؟؟؟؟

[*الجوري*]

هلا حبيبتي دلوعة المنتدى ...

اول شي انا الجوري مو جوري لأنه في عضوه ثانيه نكها جوري :)

ثاني شي .. انا قصدي باقي الخلطه :)

[صبايا الخير]

يسلمو ايدك الجوري

[*الجوري*]

العفو صبايا الخير وجربيها ان شاء الله تعجبج :)

[سائرة]

طيب كم كمية الحليب والماء بالتحديد؟

[كككوكو]

تسلم يديك

[*الجوري*]

آسفه على التأخير :p

سائرة

الحليب يكون حليب قليل الدسم الفرش الطازج كي دي دي أو المراعي... وانتي ما عليج إلا تسخنينه :)

كككوكو

العفو حبوبه :D

[greenmoon]

تسلميييييييي
على فكرة خلطة عايدية لكن الفكرة نيوووووووووووو
بس ايش معنى حليب قليل الدسم و10 ملاعق سكررر :eek:
ممكن سكر حلاتم( سكر خاص بالرجيم ) طيب مادام المسألة رشاقة في رشاقة :D
إن شاء الله أجربها لاني أحب الكابتشينو
كروانة اعطتني طريقة للكابتشينوووو لذيذة جداا فيها
3 ملاعق قشطة
3 ملاعق حليب بودرة
وماء ساخن
و ملعقة نسكافة
و سكر وتخلطيها في الخلاط
و بعد ما تصبيها في الكاسات تنثري مسحوق الشوكولاته عليها خطيرررررررررررة طعمها
:)
تسلميي وجزاك الله خيرر يالجووووري أقصد الجوري بدون واوات لا يطلع اسم عضوة ثانية :D

[*الجوري*]

العفوووو greenmoon :)

الفكرة نيوووو ولذييييذه ..

حبوبه حليب قليل الدسم عشان يكون الكابتشينو خفيف موثقيل ...

انتي جربيه وما راح تندمين ... وعطينا النتايج ... ترى في ناس جربوه وقالوا انه لذييييييييذ :)

بس لا يطوفكم :)

[صديقة الصغار]

تسلمين حبيبتى على المقادير الحلوة مرة للكباشينو
اختكم صديقة الصغار

[عزيزه بإسلامي]

العفو صدبقة الصغار ... ترى اهي مجربه والكل اول استغرب من مقاديرها بس لما سووا المقادير قالوا عنها لذيييذه وااايد :)

فحياكم الله وجربوها لا تطوفكم :)

[lamya]

عزيزتي الجوري
انتي ماحددتي كمية الماء او مقدار الحليب علشان نعرف هذا المفادير حق كم كأس
(يوضع الكاباتشينو في قاع الكوب ثم يوضع فوقه الحليب ثم ........) هل معقولة 10 ملاعق سكر و ملعقة نسكافية حق كوب واحد؟؟؟؟؟؟؟
لو سمحتي حددي المقادير و حق كم كوب

[*جوري*]

السلام عليكم ورحمة الله وبركاته
تسلم الايادي اختي الجوري وبصراحه طريقه سهله
ولذيذه وايد والله يعطيك الف عافيه ولك تحياتيW:

[lamya]

عزيزتي الجوري ما تبين تردين علي؟؟؟؟؟؟

[بنت الخبر 2]

بصراحه اروووووووع كابتشينو قد سويته
مابقى طريقه الا وجربتها بس هذي الطريقه سريعه ولذيذه
تسلم يدك ياالجوري
اخذت يدي عليه وصرت اسويه بدون مقدار
وزوجي مبسوط كل يوم داخل بالحليب معاه يبغى الكبتشينو

[lamya]

عزيزتي بنت الخبر ما دام الاخت الجوري ما حابة ترد علي انتي قوليلي كم مقاديرج انا بكتب لج اسئلة اللي سالتها و انتي ردي علي(((عزيزتي
انتي ماحددتي كمية الماء او مقدار الحليب علشان نعرف هذا المفادير حق كم كأس
(يوضع الكاباتشينو في قاع الكوب ثم يوضع فوقه الحليب ثم ........) هل معقولة 10 ملاعق سكر و ملعقة نسكافية حق كوب واحد؟؟؟؟؟؟؟
لو سمحتي حددي المقادير و حق كم كوب)))