View Full Version : عاجل للمبدعة ran-2000
behappy
21-09-2003, 06:39 PM
اين الرساله يا نبع
أنا آسفة بس بغيت اجن من هالكمبيوتر ...
مرتين اكتب الموضوع ولما اضيفه يطلع لي لا يمكن وما سجلت دخول ........... الخ وتعتفس عندي الدنيا ..
ولسة شايفة العنوان حق موضوعي مضاف مرتين ...
كنت أبغى من الأخت ran-2000 الله يجزيها ألف خير انها تصمم لي مطبخ شقتي (3.5×3.5) ومفتوح من جهة وحدة وفيه نافذة بالجدار الأوسط ..
ويا ريت تدليني على محل مطابخ حلو أسوي فيه المطبخ ( علما اني من الشرقية ) وأيش رايج اسوي المطبخ خشب أو ألمنيوم ؟؟؟؟؟؟
وأبغى بعد فكرة للقوس اللي في الجهة المفتوحة من المطبخ ويا ريت مع الصور .
ولكي خالص تحياتي ..
اختك . نبع
ran-2000
21-09-2003, 10:09 PM
حاااااااااااااااااضرين يا نبع :)
لكن أحتاج منك بعض المعلومات عن مطبخك :
ـ موقع النافذه والأبواب
ـ موقع التكييف
ـ حوض الغسيل
ـ أماكن مقابس الكهرباء
ـ ماذا تقصدي بمفتوح من جهة واحدة , هل هو مفتوح على الصالة أم ماذا ؟
ـ هل لديك أفكار معينة ترغبي في تنفيذها في مطبخك
ـ هل مطبخك هذا أساسي أم تحضيري ؟
ـ المطبخ في شقة ملك أو إيجار
ـ نوعية المطبخ " المنيوم أو خشب " تعتمد على عدة أشياء من ضمنها الميزانية المادية
وفي الأخير لكي أستطيع خدمتك بشكل أفضل أحتاج لرسم توضيحي مبسط للمطبخ
وإذا لم تستطيعي صفيه بشكل مفصل وممل :D
في انتظاااااااار ردك :)
ما تقصري والله يا أخت ran-2000 ....
بالنسبة للإستفسارات ... يللا بشرح لك على فرض ان جدران المطبخ ماخذة شكل U والجهة الرابعة مفتوحة على مدخل الشقة ....
ـ موقع النافذه والأبواب: النافذة في الجدار الأوسط
ـ موقع التكييف: مركزي
ـ حوض الغسيل: أسفل النافذة
ـ أماكن مقابس الكهرباء : عند النافذة
ـ ماذا تقصدي بمفتوح من جهة واحدة , هل هو مفتوح على الصالة أم ماذا ؟
ايوة هو مفتوح على مدخل الشقة
ـ هل لديك أفكار معينة ترغبي في تنفيذها في مطبخك
المهم يكون تصميمه مودرن بس أبغى فكرة حلوة للقوس اللي بالجهة المفتوحة اللي بيفصل سقف المطبخ عن المدخل ويكون دولاب زجاجي يوصل لأحد طرفي القوس
ـ هل مطبخك هذا أساسي أم تحضيري ؟؟
اكيد انا بشقة وهذا مطبخي الأساسي
ـ المطبخ في شقة ملك أو إيجار : المطبخ في شقة ملك
وبالنسبة للميزانية مش مشكلة بس خايفة ان الخشب يخترب ... ايش رايج ؟؟؟؟؟
وان شاء الله يكون شرحي وافي
;)
ومشكورة يا ran-2000 والله يعطيكي ألف عافية
أم سارونا الحلوة
22-09-2003, 02:57 AM
هلا نبع ان شاء الله ران مابتقصر معاكييييي ابداً مثلي ماقصرت ..
بس بساعدك في شي وهي الاماكن حق عمل الطامخ لاني بنقل عن قريب شقة ملك ..
هـيـت وهذا عنده نوعية تسمي bvc وشكلها مثل الخشب بظبط بس مو المنيوم وعاجبني شغله مره ..
بجنبه محل اسمه الابيض هذا يسوي مطابخ خشب ومطابخ تكون الدواليب المنيوم والابواب خشب شغله مرة حلو ..
رضا السيهاتي هذا بس خشب لكن روووووووووووووعة بكل ماتحمل الكلمة واسعاره غالية مرة ..
هذا الي اذكره واذا ذكرت غيرهم راح اكتب لك ..
مشـــــــكورة أم سارونا الحلوة عالمساعدة بس بعد اذنك وين محلات هيت و الأبيض بالضبط ؟؟؟؟؟؟؟
وايش رايج في مطابخ البلال ؟؟؟؟؟؟؟
ومشكورة مرة ثانية عالمساعدة والله يعطيكي ألف عافية .....
أم سارونا الحلوة
22-09-2003, 04:34 AM
اسفة الرد تكرر:D
أم سارونا الحلوة
22-09-2003, 04:37 AM
هلا نبع ماسوينا شي
بالنسبة لهيت والابيض هم جنب بعض المحل في المام بس الشارع ماعرف اسمه هوالي فيه محلات الثريات ..
البلال هو قبال بيت اهل يعني جيرانا ...
خشبهم وطني بس ماعجبني شغلهم احسه قديم واي سؤال ثاني حاضرين ..
نبوعه انتي من وين وشكلك على وشك زواج صح ..
ran-2000
22-09-2003, 09:14 AM
العفو يا نبع ما سوينا شئ :)
وارفعي التكلف في كلمة ran-2000 البنات ينادوني هنا بإسم ران :)
ـ بالنسبة لمحلات المطابخ " ام ساره ما قصرت " بس إن شاء الله خلال الأيام القادمة بنزل موضوع بهذا الخصوص ليكون دليلاً لبنات الشرقية , وإن شاء الله تستفيدي منه
ـ القوس الا تكلمتي عنه موقعه في الجهة المفتوحة من المطبخ ؟؟
ـ إذا كان كذلك , ليش تبغي تنفذي فيه خزائن , فيه حركات ديكور بالحجر أو المعجون أفضل
في الشكل من الخزائن , بعدين وجود مثل هذه الخزائن في هذه المنطقة راح يزحم لك المكان
ولاحظي إن هذي المنطقة منطقة حركة عندك , بحكم إنها المدخل
وبالنسبة للميزانية مش مشكلة بس خايفة ان الخشب يخترب ... ايش رايج ؟؟؟؟؟
ـ طيب يا نبع إذا كانت الميزانية لا تمثل مشكلة بالنسبة لك
في كل الأحوال أنا أفضل الخشب " طالما أنه مطبخك الأساسي " وشقتك ملك
الخشب أجمل بكثير لا سيما إذا وفقتي في خشب جيد وتصميم عصري يحمل ديكور مميز
لكنه يحتاج منك عناية واهتمام فائقين , لكي يدوم معك فترة طويلة , ويبقى محافظاً على رونقه
ـ الجهة المفتوحة من المطبخ , هل هي مفتوحة بأكملها , أي بعرض 3.50 سم
أم فيه جدار على الجانبين , بمعنى كم عرض القوس ؟؟
بانتظااااااااااارك وإن شاء الله راح أعمل لك التصميم
هلا أم سارونة الحلوة مشكورة وما قصرتي والله يعطيج ألف عافية وصحيح انا على وشك زواج ما بقى شي على زواجي وبالنسبة أنا من وين ؟؟؟؟ أنا جارتكم :D
.....................
أخت ران الله يعطيج مليون ألف عافية عالمجهود اللي تبذليه في المنتدى .......
بالنسبة للقوس هو على عرض الجدار يعني 3.5 متر ويمكن نسويه حجر ....
بس كنت ابغى صور لأشكال أقواس معمولة بالحجر .......
ومشكورة اخت ران وما تقصري ....
اختكم . نبع
ran-2000
22-09-2003, 05:04 PM
ـ انا على وشك زواج ما بقى شي على زواجي
أجل منتظرين منك بطاقات الدعوة يا نبع :D , وزواج مبااارك إن شاء الله
وبالنسبة أنا من وين ؟؟؟؟ أنا جارتكم .
ـ وأنا الجارة الثالثة لكم عند الكورنيش :)
بالنسبة للقوس يا نبع
كما ذكرت لك , الأفضل تعملوا له ديكور يكون أقرب للطبيعي على هيئة
حجر " وتوجد أشكال تناسب داخل المنازل " أو عن طريق نوع من المعجون أو الجبس يعطيك
في النهاية شكل الحجر به بعض الشقوق , وممكن تنفذيه عند كمال أو ابو السعود للديكور الداخلي
حالياً ما عندي صور , بس لو لقيت نزلتها لك
تصميم المطبخ حالياً أشتغل عليه , لو انتهيت منه اليوم نزلته لك والا غداً إن شاء الله :)
behappy
22-09-2003, 05:48 PM
كلنا بانتظار تميمك يا رونااااااااااا:)
شوفي يا نبع هذا الشكل من الاقواس واتمنى يكون هذا ما تقدصيه
أم سارونا الحلوة
22-09-2003, 07:14 PM
هلا نبوعه الف مبروك والله يتمم لك على خير بس انتظر البطاقة ..
رااااااان بسرعة نزلي الموضوع ترى مهم لاتطولي ..وعندي سؤال طريقة الحجر الي قلتي عليها ممكن احطها في الاقواس العادية حق البيت ..
اسفه يانبوعه اذا دخلت في موضوعك سؤال ..
ran-2000
22-09-2003, 07:18 PM
نعم يا ام ساره يمكنك عمل مثل هذا الديكور في أقواس البيت الداخلية
خاااااااااااااصة لما تكون بطريقة المعجنة , تطلع روعة
هلا بالجارة ران ولا يهمك انتي أول المعزومين أنتي آمري بس كم ران عندنا ;)
بالنسبة للقوس كنت محتارة اسويه معتق أو حجر ؟؟؟ بس بعدين قلت اسويه حجر احلى ايش رايج ؟؟؟؟ ......
ومشكورة اختي ران والله يعطيكي ألف عافية
مشكورة أختي behappy عالمساعدة وفعلا مطبخي ياخذ نفس الشكل اللي انتي حطيتيه ....
الله يعطيك ألف عافية
:)
يا هلا بأم سارونا الحلوة ....
ولا يهمك ان شاء الله توصلك بطاقة الدعوة انتي آمري وتدللي ....
وليش حبيبتي تتأسفي خذي راحتك المنتدى منتدى الجميع وموضوعي للجميع ...
حياج الله وخذي راحتج حبيبتي ....
تحياتي الك ..
ran-2000
22-09-2003, 11:46 PM
تسلمي يا نبع
الحجر يعطيك فخامة مميزة , لكن إختاري حجر يكون ناااعم وحجمه صغير
وإذا كان متداخل فيه أكثر من لون يعطيك منظر أحلى
يعني نفس حبة الحجر تحتوي على أكثر من لون
ألف مبروك يانبع زواج مبارك
وأنا بدي بطاقة دعوة :D
لا تنسونا أنا جارتكم الرابعة ;)
مع وافر التحاااااااااايا
أسول
مشكورة ران وفعلا الحجر متداخل الألوان جميل جدا .....
وحتى يناسب الأرضية اللي عندي جرانيت معتق متداخل الألوان .....
.......
هلا بجارتنا أسيل شخبارج ؟؟؟؟؟
والله يبارك فيج .......:)
ولا يهمك من عيوني بس كم بطاقة تبين ؟؟؟؟؟؟
تحياتي :p
vBulletin® v3.8.4, Copyright ©2000-2009, Jelsoft Enterprises Ltd.