بنات الله يعافيكم help me

[ياقوتة]

يا بنات يا أنيقات لوسمتحتو أبطلب منكم طلب ولا تفشلوني ردو علي قد ما تقدرون
ملكتي قريبة وتوني ما فصلت فستان بصراحة دخت ما لقيت موديل كويس وأتمنى لو تعطوني موديلات من عندكم ،، صح أن صعب توصفون موديل عن طريق الكتابة بس ما عليش انتم حاولوا تشرحون وانا أحاول أفهم
وطلب خاص من أم حسين علشان شكلها تملكت قريب تعطيني موديل فستانها حق الملكة
ارجو المساعدة ولكن جزيل الشكر

[ام وديمه]

مرحبا ياقوته.......
بدون ما تتعبين دوري على كتالوج إيلي صعب لأن موديلاته تجنن.......
واظن اسمه لمسات.......المهم انا احصل كتالوجات لمصممين لبنانين في المكتبات الكبيره او السوبر ماركت واضل اتصفحها الى ان اجد الكتالوج المناسب........
بس دوري على كتالوج لمسات .......وان شاء الله يعجبك.....
ومبروكـــــــــ الف مبروك ــــــــــــــــ
مقدما.........

[ياقوتة]

الله يبارك فيك يا أم وديمة
وجزاك الله خير على تجاوبك واهتمامك
وان شاء الله حدور على الكتالوج

[أم حسين]

عزيزتي ياقوته ..........كان من عيوني وماينعزّ عليك غالي
صحيح ان ملكتي كانت قريبه.............لكن كنا مختصرينها مرررررررره لافيها فستان ولاهم يحزنون......:(
الفستان راح يكون يوم الزواج فقط أنشاءالله.
معليش نسيت اقولك الف مبروووووووووووك.......وعقبال ليله الفرح الكبيره.
ومامت ملكتنا قريبه يمكن نستفيد من بعض في بعض الامور لالالاتقطعينا.
وبالنسبه للموديلات كل اللى اشوفها حتى في الزواجات يكون الفستان من القماش الغالي اللى شكه ناعم ويكون ضيق على الجسم والكم الروماني.وفيه واحد نفس الطريقه لكن كم واحد منهم كان ممسوك بثلاث شرائط تربطينها انتي.
اتمنى نكون نفعنا.............والى العذر والسموحه:rolleyes: :rolleyes:

[مها]

هلا اختي عندي لك فستان رهيب بس ماقدر اوصفه لك...عموما اذا كنتي في الرياض ممكن ادلك على الي يفصله لك تحياتي

[kholoud]

الف مبروووووووك اختي :)

الفستان ترى ما هان تبارك يعني عليك بالبساطه والنعومه ويكون القماش غالي وبس لا موديل ولا يحزنون :) ما يذبحني الا تدوير الموديلات واذا انتِ تعبتي روحي للمشاغل الكبر وشوفي شي خاطوه مثل دار نور والوسام وبيت الرياض الحديث هذا اشهر شي يحضرني الحين وفصلو عنده قريباتي وصاحباتي فساتين ملكتهم وزواجاتهم بالرياض طبعا :)

[ريمي]

الف الف الف مبروك على الملكة:rolleyes:
أنصحك أذا كان عندك وقت أنك تفصلي لك موديل اما أذا كان ما فية وقت افضل أنك
تشتري الموديل لأنة لو لا سمح الله أخترب تقدرين تتلاحقينة أما أذا شارياة بيكون واضح
وما يحتاج تعديل
وكتلوق سنوب الحسناء وفاشن أنترناشيونال تراة رهيب وفية موديلات روعة
والف الف مبروك:)

[ندى البستان]

السلام عليكم ورحمة الله وبركاته
الى الاخت الغـــالية...ياقوتة
مبروووووووووك الف الف مبروك
وانشاء الله اني احاول افيدك قد ما اقدر المهم انا حابه ابشرك ان موديلات هذي السنة بسيطة جداااا يعني خذي لك قماش سواء كان غالي او بسعر معقول اهم شي اختيارك وذوقك للقماش
اما الموديل فهو كالتالي(يكون ضيق من فوق وبعدين يبدا في الاتساع الى الاسفل ويكون له ذيل بسيط من الخلف عاد الصدر انتي تفنني فيه على حسب القصة اللي تبينها)
على العموم انا شايفتلك فستان على وحدة للملكة كان حاطته زي ما قلتلك ضيق ويبتدي في الاتساع نزولا وكان قماشها ترتر لولنين ممزوجة مع بعضها عاد من فوق حاطة شيفون شال
ممسوك باسورة في وحدة من يدينها وجاي هالشيفون خلف الظهر امتدادا الى يدها الثانية بدون
اسورة يعني طايح زي الشال تحت تحكمك.......
انشاء الله انه يعجبك واكون ما تاخرت عليك فيه
وشكراااااااا

[بسكوته]

:D الف مبروك يا ياقوتة وانشاء الله عقب الزواج تصيرين زمرده ها ها
المهم انا انشاء الله راح ادور لك موديلات ...:D :D :D :D :D

[المهـــا]

أختي يا قوته مبروووووووووك...والله يسعدك في الدنيـــا والآخرة......
http://www.lakii.com/lakiicards/images/wedding/4.jpg

[haton]

ممكن اخوتي وين مشغل الوسام بالضبط
ماادري هو في التخصصي او التحليه وايش اللي جنبه ابغى الوصف بالضبط

[ياقوتة]

الله يبارك فيكم جميعا والعاقبة لديكم بالمسرات إن شاء الله
في الحقيقة ما قصرتوا شكرا جزيلاً
شكرا أم وديمة.......
شكرا أم حسين و بالتوفيق لك و مدا م ما خذنا فستان الملكة لا حقين ناخذ فستان الزواج....وراك وراك......
شكرا مها نعم أنا بالرياض عطينا العلم...
شكرا خلود ولو سمحتي تكملين طيبك وتقولين لي موقع المشاغل اللي ذكرتيها ...
شكرا ريمي وحدور على الكتالوجات لان وراي مشوار من الفساتين ولخواتي بعد ......
شكرا جزيلا ندى البساتين شكل الفستان اللي قلتي عليه حلو مرة وفكرة الشال أعجبتني الظاهر إني بسويه ... الله يجزاك خير .....
شكرا بسكوته ... أجل انتي عقب الزواج تصيرين بيتزا هههه وإذا كنت متزوجة أجل انت كنت عجينة هههههه على العموم شكرا لتجاوبك وإذا عندك موديلات بانتظارك
شكرا المها شكرا على طيبك والله يبارك فيك ويجزاك خير...
أما انت يا HATON على الأقل باركي .. كذا داخله تبين موقع المشغل بعدين لا تنسين هذا سؤالي أنا ...... ههههههههههه عاد امزح .....
عاد تدرون يا بنات أن أنا وأمي فكرررررررررررنا وقررررررررررررنا نخلي الملكة بعيد الفطر ... نظرا لظروف خاصة .....ما علييييييييييييييييش دوختكم وأخرتها أجلنا الملكة ...بس اللي عندها موديل تزودنا مع خالص التحية
بس بنات ما نتم شايفين إنا حنا بحاجة لمناقشة الموديلات والفساتين ... دائم تلاقون مركزين على التجميل؟؟؟؟؟؟ ......

[مها]

ابشري من عيوني ..اقولك اسم المحل في الخاص...
بس بما انه بعد العيد اصبر بتلقين اكييد افضل الانها اكيد بتصير الموضة اختلفة :)
*****
اما الاخت الي تسأل عن عالم وسام هو بتخصصي وبالضبط جنب ساكو وبنك العربي فرع التخصصي...ولما تروحين لهم خذي رقمهم احسن لك عشان اذا ماعرفتي الوصف الى انك تتصلين عليهم وهم يوصفونه لك :)