اللي عنده طريقه مجربه لازاله الكرش . لا تبخل علينا ..جزاكم الله خير

[دمعه الحب]

السلام عليكم
اللي عنده طريقه مجربه يعني مضمونه لازاله الكرش الله يخليكم قولولي
لاني الصرااااحه قبل الصراااحه جسمي كان روعه والله الكل يمدحني ويمدح رشاقتي بس للاسف ألحين اخترب وطلعتلي اشويه كرش يعني مب واايد بس انا بموت اذا شفت الكرش
فيمكن ادلوني على الحل
:( :( :confused: sid
واللي عطتني طريقه وفادت وياي بدعيلها دوم بثلث الليل
;)

[عاشقة الرحيق]

اختي دمعه الحب
في كتيير طرق اقترحوها الاخوات في المنتدى بامكانك تعملي بحث ( الكرش) و بالتالي ان شاء الله رح تلاقي الي تبينه
اتمنى كون افدتك.

[بنت صلالة]

واللة فشلة الكرش
الجسم يخف وزنة بس الكرش ما تطلع
نرررريد حللللللللللللا

[شوكة وملعقة]

اختي الكريمة الطريقة الوحيدة المضمونة بمشيئة الله والغير محبوبة أيضا هي التمارين.

ممكن تنحفين 40 كيلو عن طريقة الرجيم ولكن لن يشد الجسم إلا التمارين والتمارين الشاقة أيضا:eek:

[دمعه الحب]

لا انا ما ابي اضعف جسمي حلو زين ما ابي اضعف
انا روحي نازله كم كيلو
انا ابي بس انزل الكرش من دون نزل في الوزن

[Pink_Rose]

اختي دمعة الحب وكل الاخوات الي بيستفيدون من الشي الي بعطيهم اياه اتمنى انهم ما يبخلو في دعائهم لي في ثلث الليل او كلما يسجدون او يصلوون فأنا محتاجه لدعاويكم يا الغاليات.. ادعو ان الله يحقق الي في بالي يا رب وتسلمون.. ما بطول عليكم.. يالله تعالو وياي انشوف شو الي يخفف الكرش..

اتبعو هالخطوات وان شاء الله اتخف الكرشه:
1- لا للماء قبل الطعام او من بين الاكل أو بعده.. الماء بعد الطعام بنص ساعه وكلما بعد الوقت كلما كان أحسن..
2- الابتعاد عن المشروبات الغازيه..
3- الاقلال من أكل الارز والاشياء الي تسبب الغازات..
4- المشي على الاقل نص ساعه في اليوم.. والاكثار في شرب الماء اثناء الرياضه
5- بعطيكم صور عن رياضة البطن كل صبح وليل مارسوها وكلما اتكونون فاضيين بعد كلما احسن.. ننزل تحت انشوف..

http://www.ccaa.org.uk/images/treatment/physiotherapy/exercises/tip_toes.gif

http://www.ccaa.org.uk/images/treatment/physiotherapy/exercises/leg_straighteners.gif

http://www.ccaa.org.uk/images/treatment/physiotherapy/exercises/sit_ups.gif

http://www.ccaa.org.uk/images/treatment/physiotherapy/exercises/knee_bend_to_chest.gif

http://www.ccaa.org.uk/images/treatment/physiotherapy/exercises/bridges.gif

http://www.ccaa.org.uk/images/treatment/physiotherapy/exercises/head_and_shoulder_lifts.gif

http://www.ccaa.org.uk/images/treatment/physiotherapy/exercises/back_leg_lifts.gif

http://www.ccaa.org.uk/images/treatment/physiotherapy/exercises/knee_rolls.gif

http://www.ccaa.org.uk/images/treatment/physiotherapy/exercises/froggies.gif

[RASHROOSH]

الغالية Pink-Rose
مشكورة جدا جدا جدا على هذي التمارين الحلوة ويعطيكي الف عافية
بس اذا فيها ازعاج يا ريت لو تعرفي تمارين لشد عضلات الصدر كمان يا ريت تتحفينا بيها بنفس طريقة الصور هذه ولك منا جزيل الشكر وكمان لن ننساكي في دعائنا
مشكورة يا احلى وردة

[مرفت]

جميل جدا....زمشكورة كثير

[Om-Sara]

الأخت Pink-Rose
بصراحة أنت عجيبه ياريت لو تعلميني من وين هالتمارين

[هبوب الشمال]

اختي دمعة الحب انا قرأت في احدى المنتديات
عن طريقة لازالة الكرش وحبيت افيدكم بيها
انا عني جربتها بالرغم اني ماعندي كرش
بس سمعت انها مفيده حتى لتضيق وتنضيف
الافرازات وارجو كل من يستفيد منها ما ينساني
من الدعـــــــــــــــــاء
الطريقة /
زنجبيل + نعناع +قشر رمان +شاي اخضر
يغلي قطع الزنجبيل على النار ويوضع عليه
الشاي الاخضر وقشر الرمان والنعناع ويشرب
من غير سكر ثلاث مرات في اليوم
وانشاءالله انه يزيل الكرش نهايئا

[Pink_Rose]

RASHROOSH
الغاليه ما عندي صور بس بنقلج موضوع من احدى المواقع وانا مب مجربتنه..


الغاليه أم ساره هذا موقع انا نقلت منه التمارين :) وجربته وبالفعل جاب نتيجه..
http://www.ccaa.org.uk/exercises.htm

ولا تنسونا من الدعاء يا الطيبات :)


يمنع وضع مثل هذه المواقع التي تحمل صور مخله بالآداب +أنها صور صريحه للنساااااء

[ام أحمد3000]

أختي هبوب الشمال ما هو زنجبيل يمكن أعرف بإسم أخر

[مس بيوتي]

مرحبا خواتي...

عندي اكثر من طريقه بس بقولكم على وحده منها: الحبه الحلوه + كمون
تضاف الى الماء المغلي وبعدها ننتظر ربع ساعه وتشرب على الريق مره واحده..


وطريقه اخري من منتدى نقلتها: مراميه + اكليل الجبل + بابونج تضاف الى الماء المغلي بمقدار ملعقه صغيره من كل هذه العناصر وتشرب 3 مرات (الصبح على الريق + العصر + قبل النوم)
ويؤخذ محيط الخصر قبل البدء وكل اسبوع...


وطريقه اخرى: الشاي الاخضر + مراميه وتشرب على الريق..


تحيــــــاتي

[ليالي ليلا]

أرسلت بداية بواسطة Om-Sara
الأخت Pink-Rose
بصراحة أنت عجيبه ياريت لو تعلميني من وين هالتمارين


يمنع وضع الايميــــــــل!!!

[دمعه الحب]

تسلميين اختي الغاليه bink _rose
وان شاء الله راح ادعيلج دوم ولا يهمج بس اشويه انزل الكرش
الحين لو تشوفون كرشتي بتضبوني لانه ما في الا اشوي بس انا يون اشوف اشوي ابي اصيح والله
المهم تسلمين
وبارك الله فيج وفرج همج واستجاب لامنيتج يااااااااااااارب

[دمعه الحب]

تسلمييييين اختي هبوب الشمال عالوصفه
جزاك الله خير يالغاليه
ما قصرتي
صدق والله انكم خوات واكثر بعد

[دمعه الحب]

واختي مس بيوتي تسلمين حبيبتي عالاضافه ومعاونتج لنا ما قصرتي يالغاليه

[دمعه الحب]

اقول خواتي قبل انسى اللي عطوني الخطوات والطرق لازاله الكرش
هل انتم مجربينه او احد مجربنه وتعرفون النتايج ولا بس سامعين عنه

[RASHROOSH]

اختي الغالية Pink-Rose
شكرا على ردك لكن خيرها في غيرها

[Pink_Rose]

الطرق الي عطيتج اياها مجربتنه.. وبتقولين بنك روز قالت :).. أنا ما احط موضوع أو رد لاي موضوع الا وانا مجربتنه.. وصدقيني الرياضه هي الحل الوحيييييييد وبتشوفين مب بش كرشتج خفت لاااااااااا بتشوفين ان جسمج صار متزن ورشيق ومشدود بعد.. :D

[الفاهمه]

وزيدي عليها ذي المعلومه( شفط البط للداخل بشكل مستمر ) يعي لاترخين بطنك ابدا قبل الاكل وبعده وفي كل وقت وفي الصلاه بعد المهم تكون عاده , لدرجة انك انجيتي تنامين راح تشعرين انك مازلتي شادته لاكن هذا طبعا بعد التعود عليها, وهذي الطريقه مو بس اتشد لا وتخلي ظهرك يعتدل وبتقلل من اكلك بعد , ونصيحة لوحده حريصه استمروا وشوفوا ( على فكره الي انصحتني بذي الطريقه*** اخصائية تغذيه*** يعني مش من الهواء ) وللسيدات الي تبي تضييق المنطقه .. ( الي انتن عارفاتها) بعد هذا ممتاز ..... وسلامتكم.

[دمعه الحب]

تسلمين picc_rose
مب قصدي حبيبتي انج مب مجربتنها قصدي يالغاليه ان في البعض يحطون شي سامعينه يعني بس ... واشكرج يالغاليه
بس سؤال تقريبا هالطرق كم مره في الاسبوع ؟؟
ولين متى استخدمها ؟؟ يعني اذا وقفت عن الاستخدام ما بكون له سلبيات يعني ما برد مره ثانيه ؟؟
للاطمئنان بس لانج مجربتنها

[دمعه الحب]

اختي مس بيوتي
انتي مجربه اول طريقه اللي هي حبه الحلوه
انتي مجربتنه
وشو معناته ؟؟ وين يبيعونه

[مس بيوتي]

هلا حبيبتي دمعة الحب...
الحبه الحلوه اللي يحطونها مع الكليجه او المعمول تشبه حبة الشعير..

وانا للامانه ما جربتها بس وحده قالت عنها واهيا اللي قالت الطريقه جربتها ونزل وزنها وسد شهيتها بعد..

وانا بستعملها انشالله بجربها..
تلقينها عند العطار او مكان البهارات..

سلام

[دمعه الحب]

اختي الغاليه مس بيوتي اللي دايما تفيديني يعني هذا متى استخدمه يعني كل يوم
بس اهم شي انه ما يضعفني لاني ما ابي اضعف
بس ابي يزل الكرش البيط اللي عندي
صديقتج وااايد نزلت من الوزن او الكرش ؟؟؟؟


اشكرك يالغاليه على تعاونك

[دمعه الحب]

ويييييييييينج يا مس بيوتي
ردي علي الله يخلييييييييج

[شاني]

Pink_Rose

مشكــــــــــــــورة بنت عمــي ؟

بــس بغيــت أسوي خصـــــري :( :( :(

[مس بيوتي]

هلا حبيبتي دمعة الحب..

انا آسفه وايد على التأخير بس ما شفت سؤالج .. اكرر اسفي..

الوصفه تسد الشهيه وتقول ان ازالة منطقة البطن (الكرش)
ولازم يالغاليه كل يوووووووووم تشربينه لمدة شهر ولازم تقيسين المنطقه قبل البدء وكل اسبوه حتى تتاكدين من النتيجه....


بس في خلطه ثانيه بعد حبوبتي اذكروها وايد اهني وفي منتدى عالم حواء..
اللي اهيا :مراميه+ اكليل الجبل+ بابونج...
وهذي وحده اذكرت ان اللي استعملتها ضعيفه بس كرشها كبير وايد وبعد شهرين مسح كرش بالمرررررررررررررررررررررررره ... واعتقد بعد منطقة الارداف مو اكيد بس الكرش راح وبشكل ملحوظ مع انها ام لخمس اولاد ماشالله ...

انتي شوفي اي خلطه تبين واستعمليها ولا تاكلين نشويات هذي الفتره ....

واللطه الثانيه 3 مرات باليوم تشربينها وطبعا كل المكونات تلقينهم عند العطار ياقلبي..

والوصفه الاولى هم تزيل الكرش... يعني اثنين حلوين..

واي سؤال لا تتدرين تسألينه لاختج:S:

ارق تحيه وحب ابعثها لجW:

[دمعه الحب]

تسلمين اختي عالوصفه
اختي الوصفه الولى هل هي مجربه من قبل احد
لاني ما ابي اضعف بس ابي ازيل الكرش البسيط اللي عندي
وعادي اي وقت استخدمه ... يعني بعد الاكل عادي
وكم كاس ؟

اما الطريقه الثانيه اللي تقولين عنها انها في المنتدى
هل اكليل الجبل هل هي كمون
وكيف الطريقه يالغاليه
اسمحيلي عالازعاج اختي
بس شو اسوي ما عندي غيركم

[مس بيوتي]

هلا حبيبتي دمعة الحب...

الوصفتين يزيلون الكرش وتشربينهم بعد الكل ولكن اللي الصبح تشربينها على الريق..

الوصفه الولى كاسه واحده ..
اما الوصفه الثانيه 3 مرات في اليوم واول واحده على الريق...

طريقة الوصفه الثانيه: تغلين ماء وتاخذن ملعقه صغيره من كل المكونات وتضيفينه الى الماء المغلي..

بعدين تصفين الماء وتشربينه من غير سكر بليييييييييز وتشربينها 3 مرات باليوم(على الريق- العصر_ قبل النوم)

لعب رياضه للمعده 10 دقائق...

وتامرين اختي دمعة الحب;)

[دمعه الحب]

تسلميييييين حبيبتي عالوصفه والرد
بس اخر سؤال
هل نطحن الكمون او الحبه الحلوه
ولا عادي
ومب شرط عالريق صح؟؟

واسفه اختي على الازعاج بس لاني مالي غيركم

[براءة]

تسلمى اختىpink-rose.على تمارينك الرائعة
وانا سمعت ان كوب ماء دافىء على الريق كل يوم يعمل على ازالة الكرش

[راحة البال]

السلام عليكم ....
اختى دمعة الحب....
انا اضم صوتي للفاهمه شفط البطن بستمرار يجيب نتيجه وهذي النتيجه تستمر معك طول العمر .....وانا مجربتها وما جربت غيرها من التمارين اذا سويتيها راح تكون بالنسبه لك عاده
ماتتخلين عنها .

[Pink_Rose]

آسفه على الرد المتاخر..
مشكورين لكل الاخوات الي شكروني..
دمعة الحب:
بس سؤال تقريبا هالطرق كم مره في الاسبوع ؟؟
سوي يوميا.. وكل مره اتكونين فيها فاضيه.. وكلما كثرتي في يوم أحسن لج.. يعني يوم اتنشين من ارقاد ويوم اتنامين والعصر وانتي ياسه..

ولين متى استخدمها ؟؟
تمي استخدميها لين ما يخف الكرش.. ويوم بيخف سوي مره في اليوم..

يعني اذا وقفت عن الاستخدام ما بكون له سلبيات يعني ما برد مره ثانيه؟؟
لا ما اعتقد انا تركته وما صار فيني أي شي.. بس هو يباله انتباه في الاكل يعني انتي لو تلاحظين وقت الاكل لازم يظهر شويه كرش وبعد ما ينهضم يكون البطن عادي.. يعني امشي عشان البطن يكون مشدود وحافظي على الاكل وكلما حسيتي انه الكرشه ظهرت لعبي..

شاني:
العفوووووووو يا بنت عمي.. عن الخصر في تمرين سهل ووايدين يسوونه.. توقفين مستقيمه.. وعقب تحركين من فوق والبطن صوب اليمين (تنحنين يمين).. وعقب يسار ( تنحنين يسار) صوب الخصر.. عرفتيه ما ادري جان فهمتي علي..

براءه:
الله يسلمج أنا بعد سمعت عن الماي الدافئ على الريج.. اصلا الماي على الريج وايد زين..

[دمعه الحب]

تسلميييييين اختي الغاليه على الرد جزاااااك الله خير يالغاليه
pink rose