الي ينلعب عليها مثلي تدخل...

[ام لمى]

الي يلعب عليها مثلي تدخل :

بسم الله الرحمن الرحيم

السلام عليكم ياأخواتي ...أن شاء الله تكونون بخير ومفتحين زين.

والله مدري وش أقولكم أحتست أنا وخلطات ها المنتدى الي يبيض والي ينعم والي للمسامات
والي للشعر والي للجسم ووووو
المهم قلت الحين ماشاء الله كل هذا يسوونه الحريم وانا مغير ياله مكياج وبسيط وفي المناسبات
بعد مهوب جهل لكن الوقت....بعدين قلت يله يابنت أضغطي على نفسك شوي وعطي
هالصنفرات والكريمات والخلطات والزيوت وقت.

طبعا الله يعينكم كل هالهذره ولب الموضوع مبعد جاء ..ياويلي منكم اكيد انكم كذاq)

المهم رحت مرة لمنتزه وهالني كثر البيَاعات الي في المنتزه ..تصدقون اول يبيعون ملابس
وان كثروا اكسسوارات وادوات زينة تتمثل في الارواج(عاد من زين البضاعة امحق)

لكن هالمرة تجيك الي تبيع مشَخصة بهالجوال وتقول معي صنفرة مبيض للي تحت العيون
اعشلب للتضييق:eek: اعشاب لقفل المسامات ...عاد اخيتكم عقب مادوختها خلطات المنتدى ومخمخت في الدماغ قلت ياسلاااااااااام خلطات بالجاهز ولا اخلط ولا (بربس):D

المهم اخذت منها حلاوة باين عليها زينه لكن اصبروا الين اجربها ماأحب امدح شيء الين اجربه
..أخذت صنفرة (ويعنني على بالي الحين:cool: ) سألتها عن الدلكة قالت هذي احسن لان
مالها ريحة وكل الزبونات على قولتها يطلبون هذي بكثرة ...عاد انا قلت ايه الحمدلله
طحت بشي انما ايه.. وقعدت اشَري منها واعجبتني طريقتها في استعمال الصنفره وقالت بعد
10 دقائق او ربع من الدعك حطي شوي زيت زيتون وتبين تلاقين قطع سوداء تنزل من الوجه
والجسم وتصيرين ياسلام ان كانك بيضاء تزدادين بياض او سمراء اكثر بياض..المهم اخذت
صنفرة وصرت كني بزر اذا حصل لعبة ووده يجربها اقول متى ارجع للبيت واصير(سنو وايت)

لا والمشكله ان اسعار البيًاعات مختلف وطحت في وحدة اغلى منهم:( قلت مو مشكلة اكيد ان
موادها اجود منهم.

رحت للبيت ودايركت هات يادعك في وجهي المسكين:( واقول والله تخسى سنو وايت ابصير
اجمل منها بالف مليون مره ..انتهت مدة الدعك وزيادة وجاء دور زيت الزيتون (انحش من هالقطع السوداء الي بتطيح) عاد انا خلقة ماقد سويت صنفرة والحرمة تقول هذي احسن من
الحمام المغربي ...بس وين هالسواد والله مالقيت شي حتى لون الخلطة ماتغير لونه اصفر
فاتح لانها قالت ان مع الخلطة كاسترد:mad:
طلَيت في المراية ولاخدودي حمر واستمرت كذا 3 ايام ..طبعا بتقولون يلسلام من ما ودها
تصير خدوده بحمرة الورد ؟ طبعا أنا.. لانها حمرة مشق والبركهq) وبعد الفازلين الحمد لله راح
المشقq)

لكن ما اقول الا كل صفقة (طراق-ألم) بتعلومة ..لا ومن زين الطبايع اخذت رقم الجوال عشان
اشتري منها بعد مايخلص الي عندي ..لانها رغبتني وقالت يبين من اول استخدام.

بعد هالعريضة الطويلة انصحكم اخواتي ماتستعملون الا خلطات تعبانين في تصليحها ولا
تشترونها جاهزه والسعيد من اتعض بغيره:mad:

[ام ردين]

الحمدالله على السلامه يا اخت ام لمى والله انك صادقه عن هالخلطات الله يستر منها
ويعطيك العافيه على هالنصيحه :D :D

[بنت بلدها]

ههههههههههههههههههههههههههه

تعيشين وما تخذين غيرها

بس

تعرفين
هذي نصابة أنما أيه على مستوى ههههههههههههههههههههه


تسلمممممممممممممممممممممين

[- نواعس دامعة -]

http://www.by-silke.de/silkes-traumwelt/linien/linie0029.gif

ياحياتي والله هههههههههههه < ماتضحك عليك ابداا :D

بس ياختي مسسستحيل اخذ من البيعات في الاماكن العامه شي يخص بشرتي او جسسسمي مسسستحيل

شي ماهو بمضمون ليه اتعبث بعمري علشانه

ومثل ملقلتي كل طراق بتعلومه :D

انتبهي ياعسل

ولو تسوين بحث بتلاقين مقشرات طبيعيه وتصفي البشره وانا شخصيا استعملتها وبشرتي جافه وحسسساسه

عندك مثلا السكر وزيت الزيتون تفركينه بجسمك عدل ماقلت وجهك جسمك لان الوجه بشرته رقيق يمكن ماتستحمل السكر

المهم وبعد الفرك اخذي شور وافركي بليمونه وخليها شوي بعدين اشطفي واطلعي وشوفي كيف البشره تكوون ^_*

برضو حليب بوني وليمون يمدحونه وجربته وفعلا تحسي يفتح وينور البشره
وبرضو الحنااا وزيت الزيتون تخلطيهم وحطيهم على جسمك ووجهك بعد عادي ولا تخافين مايصبغ ابدا وسئلي مجربة ... لانه مافيه ولا قطرة مويه بس زيت زيتون

وسلاااامتك ياعسل

http://www.by-silke.de/silkes-traumwelt/linien/linie0029.gif

[ام لمى]

هلا اخت ام ردين
الله يسلمك وان شاء الله تفيدك النصيحة واصحي أحد يلعب عليك عقب هالدرس الطويل خخخخ

..................................
هلاوغلا بنت ابوها الله يسمع منك...
تقولين نصابة على مستوى الا والله لقت مغفلة تلعب عليها لكن الشكوى لله.

[ام لمى]

هلا والله نعوسه رديت عليك بس مدري وين طار الرد له.
اشوفك تضحكين والخشة حول ماتشقق عسى بس مانشوف لك نصايح بعد انتبهي خخخخخخخخ

والله على قولتك الواحد ماياخذ من البياعات وبس لكننا ندور الزين وبابسط طريقة.

ومشكورة على الوصفات يبي ينفجر جهازي من الوصفات المخزنة...لا وتبين احط بحث للي ابيه
الله يعافي المنتدى مليان ومنيب ناقصة بحث عشان مايتبرجل دماغي..انا احب الوصفة المجربة ومن خلال الردود اتشجع اسويها ولا لا.وشكرا لردك.

[فوفو العسل]

احمدي ربك انها جات على قد كذا لكن سؤال يعني ايه (مشق) هههههههههه

[روينة]

خيرها بغيرها ههههههههههههه
لا امزح لا تزعلي
يا اختي اياني واياكي تشتري من هده الخلطات والكلام الفاضي مافي زي الطبيعي اللي تتعبي عليه بنفسك ولا مو عدل الكلام ؟؟؟؟؟؟؟؟؟؟؟
عمري ما اشتريت من هده الخلطات
تصدقي مرة اشتريت مقشر للبشرة بالخوخ من مكة هنا وسعر العلبة 5 ريال ولاني قرات عن فوائد الخوخ للبشرة وهو صناعة اماراتية 0000000ولقيته نفسه مو اخوه في جدة في سوق حراء الدولي ب 35 ريال شفتي الفرق 0000000000 اياني واياك احد يلعب عليك بعد كدة؟؟؟؟؟؟؟؟

[غفرانك]

هههههههههههههههههههههه
تعيشين وتاخذين غيرها هههههههههه موقف ما تنحسدين علييه

[دلوعة أبوها]

الحمد لله على سلامتك ياقلبي وقولك انتبهي...... انتبهي...... انتبهي......



ولك مني اجمل تحية.........

[رمايه]

الحين انتي تقولين استمريتي 3 ايام على الخلطه وتقولين تقشير...اي بشرة بتستحمل تقشير 3ايام متواصله....حبيبتي التقشير مره وحده بالاسبوع للبشره العاديه ومرتين بالاسبوع للبشره الدهنيه
ومره كل اسبوعين للبشره الجافه . اعتقد الخطأ منج مش من البياعه

[رمايه]

بس تدرين اسلوبج روعه ودمج خفيف خاصة سالفة سنو وايت....تذكريني بوحده نفس اسلوب كلامج ليكون انتي

[ام لمى]

هلا اختي رمايه
مشرفة موضوعي... لكن انت فهمتي غلط مو استمريت في التقشير 3ايام لا هذي حمرة الخدود
الي استمرت 3ايام من الدعك لكن انا جربت مرة وحدة وبعدين تبت .
من قرأتي لردك يظهر لي انك كويتية فيمكن ما أكون الي في بالك واشكرك على مدح الاسلوب
هذا من ذوقك يا (قشطة)
.................................................
دلوعة ابوها
الله يسلمك من كل شريالحبيبة ....وان شاء الله تزيدني التجربة انتباه اكثر.
...............................................
غفرانك
ايه قاعدة تضحكين علي لكن يقولون مايوقع الا الشاطر(والله مدري الظاهر ضاحكين علينا بهالحكمة)..........وبعدين أكيد ما دخلتي الموضوع الا وقد انلعب عليك قبل كذا اعترفي خخخخخ
................................................
روينه
على قولتك ياأوخيتي المفروض مانشتري شيء الا عارفينه لكن الشكوى على الله نتعلم بعد هالمرة
أما من ناحية الاسعار فهذي هوايتي مدري وشلون ضحكت علي ،دايم اسأل زوجي هذا بكم
وهذا بكم الين يطفش ويقول والله مدري انا ما اسأل عن السعر إذا كان الشيء محتاجه اشتريه
وفي الاخر احاسب على المشتروات بدون ما اعرف الاسعارلكن انا صراحة احب اعرف السعر
عشان أقارن بين الاسعار في أماكن ثانيه(والله يعقدني هالرجال)
..................................................
فوفو العسل
هلا والله بالعسل ...لكن وشلون ما تعرفين المشق؟ انا على طول حطيت عيني على الدولة
يوم شفت السؤال ماتوقعت احد بالسعودية ما يعرف المشق خخخخخخخخخخخخ لكن هذا الله
يسلمك من المشق ومن كل شر.. التشققات الي تجي اكثر شيء في ظاهر الكف واسفل الساق
( وعلى الخدود بالنسبة للاطفال) ويصحبها حكة شديدة وطبعا المشق يظهر في فصل الشتاء غالباً وهو نتيجة جفاف البشرة (ومن عندي استعمال الماء الدافي المائل لسخونة في فصل الشتاء وايضا
التسدح عند الدفًايات) خخخخخخ......والله يافوفو ان ما عرفتي المشق بعد هاالتعريف الي يعطيني
دكتوراه في الامراض الجلدية لوريك نجوم النهار خخخخخ
على فكرة اذا عرفت المقصود بالمشق علمينا وش تسمونه(لقافة)

[لِيلْيَم]

يالله يا شيخة.......

وتوبة.........

خلاص لاعاد تسوين كذا كل شئ ينلعب فيه الا الوجه بس بعض البياعات لهم قوة تاثير عجيبة

الواحد يشتري منهم غصب ..

اختي كان استخدمتي عسل او زبادي يبرد وجهك شوي

والحمد لله على السلامه........

[هيووووووف]

بنات ابسالكم التقشير الي بسكر وزيت زيتون يبيض

[nola]

هههههههههههههههههههههههههههههههههههههه
هههههههههههههههههههههههههههه
هههههههههههههههههه
ههههههههههههههههه
هههههههههه
شر البليه ما يضحك الله يعينك

[رمايه]

تبين تقشير ممتاز للجسم يصفي وينعم..........مافي احسن من مقشر african spa
من بودي شوب...........واسفه لاني فهمتج غلط
وونسيت اذا تبين شي زين للوجه استعملي مقشر لاش

[ام لمى]

الاخوات ليليم...nola
شكرا لمروركما
.........................
هيووووووف
والله ماادري عسى نعوسة تجاوبك
.................................
رمايه
هلا والله بك مرة اخرى ومشكورة يالحبيبة على المعلومات.

[القمرا]

:D :D :D

اخذتي مقلب قوييييييييييييييييييييييييي
اختي ام لمى

يالله مو مشكله عشان تتعلمين

-----------------------------------

الا اقول اختي انتي قلتي ان رقم جوالها عندك
دقي عليه وحطي حرتك فيهاااااااااااااااااااااااااااااq) q) q)


واذا احتجتي اي خدمه ترانا اصحاب الفزعات:cool:



تحياتـــ القمرا ـــــي

[ام لمى]

القمرا...هلا وسهلا نورتي الموضوع بطلتك.

[غفرانك]

اي والله يا ام لمى
صار لي موقف بشعري بغى يروح فيها بس الله ستر

حطيت خلطة البروكسيد مع الكركم والنسكافيه الله لا يوريك لون شعري ولون بيتي وملابسي والاثاث
كلللل شي لونه مصفر والسبة الكركم خخخخخخخخخخخخخخخخخخ
زوجي يروح الدوااام ودشداشته كرررركم ههههههههههههههههههه
شفتي شلون انه ماحد سلم بس مقوولة ان ما يوقع الا الشاطر فكذب فكذب الا مايوقع الا المسكين الفقير الي يصدق كل ال ينقاله

[القمرا]

اختي غفرانك اسفه على اللقافه بس

الصبغه هذي لها نتيجه ممتازه مع وضعها اكثر

من مره وعن تجربه مع اختلاف المقادير

[غفرانك]

هلاااا اختي القمرا

لا لا حبيبتي انا خربت لون شعري وصار يتسااقط بشكل رهيييب
احتمال لاني كنت محنية
بس الكركم بصرااااحة يبقع بكللللل مكااان والمشكلة صعوووووبة غسله

[القمرا]

هلا فيك غفرانك0000

صادقه اختي هذا عيبها الدنيا كلها صفرا

اختي ام لمى قعدنا نسولف في موضوعك=====نمون

[شوكة وملعقة]

اختي ام لمى .. لا تلومين فوفو العسل .. ترى المشق منقرض قبل ما ينقرض الجدري :D

[ام لمى]

غفرانك؟
هلا اختي اخيرا اعترفتي ..يله جاء دوري اضحك عليك خخخخخخخخخخخخخخخ
لكن تبين الصدق حنا ماعندنا صبر نبي الشيء تظهر نتايجه من اول مرة وشوفي رد القمرا
تشوفين ان خلطتك عشان تنضبط يبغالها اكثر من مرة.................بعدين اختي اذا حطيتي
الخلطة(قري) ولا تكثرين حركة عشان ماتطبعين البيت والرجال خخخخخخخخخخ
......................................
القمرا
هلا بأٌم الفزعات ..تراي ققررت اكلم البيًاعة واعطيها من الكلام الجامد ..وترى ابي فزعتك
عند تسديد الفاتورة.
وتري تمونين اختي في الموضوع خذي راحتك وإذا تبون شاي قهوة ترى حاضرين
....................................
شوكة وملعقة
وفي الرياض بعد؟ وتقولين انقرض المشق ..اختي هذا مهوب مرض هذا واحد يمون (الي هو المشق) يحط رحاله عندنا اول الشتاء وهو ماركة اصلية ماينقرض ولا يمكن يحس بشيء اسمه
نيفيا عشان كذا تلقين الاسواق تنغزى بالفازلين لانه عدوه اللدود...لكن تبين الصراحة مانحس
بالمشق الا اذا كشتنا للبر وصلتنا الشمس وقت الظهر لا والماء الي معنا باااااارد نغسل وحنا
نقول (احيييييييييييييييييييييييييك برد).
شكرا اختي لمرورك.

[aroma]

يا حليلك يا ام لمى
يعني مو انا بس اللي ينلعب عليه :D
بس لو انا منك اكلمها واعطيها ذاك الكلام
عشان تعرف تلعب عالناس :D

[دمع العيون]

بـــــــــــــــــــسم الله عليك

ما تشوفين شر

ولا عمرك تصيرين مرجوجه
إلا ابو العيال وش قال؟؟؟؟؟؟؟؟؟<<<<<<فضوليه...احم احم.

[ام لمى]

aroma
هلا اختي ياليت يلعب علينا بس في كذا الا اللعب الحين صار في كل شىء حتى المؤسسات
الطبية ما سلمنا من لعبهم علينا..خليها على الله.
..................................................
فضولية
ااقصدي دمع العيون ..ودي تيقي(بالمصري) الرجاجيل اخر من يعلم ..صح اننا نتزين لازواجنا
بس اذا ضبظ الشيء وطلعنا حلوات قلنا هذي خلقة الله خخخخخخخ وشلون تبيني اعلمه
اني دجة وينضحك علي الله يهداك بس.