تجارب أحسن كريمات الوجه

[كويتطريه]

بنات لكي المحترمات والله انا من امس ادور موضوع عن كربمات للوجه بس يكون ممتاز ما نبي نشتري الكريم وطبعا تعرفون اسعار الماركات ويطلع بدون فايده حاله حال زيت عادي
ياريت يصير هني كل خبرات البنات علشان انا استفيد والي مثلي يدور بعد يستفيد
انا بشرتي جافه وحساسه وكنت استعمل كلينيك وكان روعه ودي الحين اغير
اشرايكم بكريمات شيسيدو؟؟؟؟؟؟؟؟؟؟؟
يالله ناطرتكم تعطونا نصايح بس بسرعه ما عندي كريم خلص اخاف كم يوم اتيبسsid

[N_o_u_f]

هلا كويتطرية........
موضوعك حلو كثير........انا بصراحة ما كنت اهتم ببشرتي كثير....بشرتي بشكل عام كويسة.... لكن لاحظتها من فترة...بدت تجف.. وتختفي نظارتها
انا بالاول ايام ماكنت ادرس....كنت يوميا كل صباح اغسلها بالصابون العادي....واحط موية ورد..وكلي.(ايام ما كان الكلي اصلي)..وبس....وكانت بشرتي هذاك الوقت عجيبة....حلوة لدرجة ان مافيه احد ما يسالني انتي اش تستخدمي لوجهك.....وبعد ما اتخرجت....جلست فترة طويلة في البيت...قل اهمامي فيها....واستخدامي للمكياج صار اكثر....والنتيجة انها ابتدت تنعدم... والحين انا ادور على كريم ترطيب قوي ومجرب...للصباح...وكريم ثاني لليل.......... لكن الانواع كثيرة بالسوق...وتحير......وما ادري اش اخذ وش اخلي
...بس يا الله ...البنات اللي هنا فيهم الخير والبركة واكيد ما راح يبخلوا علينا بنصائحهم
وللمعلومية..............انابشرتي مختلطة.

[- نواعس دامعة -]

هلا اختي كويتيه

والله لامستي الوتر الاحساس عندي .. هذا الموضوع محيرني من فتره

وش الكريم الي يناسب البشره الجافه الحساسه بنفس الوقت ويعطيها الترطيب الكافي ويبعد عنها شبح التجاعيد ويحميها

طبعا ً اقصد كريم مرطب لليل ولصباح

من اي ماركه ؟ وهل المفروض طبية او من اي ماركه تجميليه معروفة ؟

اتمنى والله نلاقي الجواب من اي خبيرة او اخصائيه او عندها خبره سابقه في هالموضوع

ودمتم سالمين

[Qater-alnada]

يا بنات يا بعد قلبي بلا كريمات بلا خرابيط احنا والحمدالله الله معطينا نعم وايد صدقوني هالكريمات هذي اهيه الي اتزيد من دمار البشره صدقوي هالشي انا شايفته على مرة خالي
بشرتها صارت اتلوع الجبد من الكريمات الي اتحطها

شوفوا انا عندي لكم وصفتين وااااايد حلوه انا امجربتهم شخصيا واهيه
قفشتين حليب بودر وقفشة عسل وبيضه وحده وحليب سائل ( حليب السعوديه ) وبس اخلطيهم مع بعض وحطيهم على بشرتج وايدج وشوفي ما يمر اسبوع والا وانتي ابتتشققين من الوناسه
هذي الوصفه فوايدها وايد وهي 1- اترطب البشره
2- اتبيض البشره
3- اتنعم البشره
هالوصفه انا كنت استعملها وكانت وايد حلوه
والوصفه الثانيه اهيه مرة اتذوبونها بماي وتاخذون قطنه واتبللونها فيها وتمسحون وجهكم فيها
كل يوم بالليل وبالنهار والله وايد حلوه للبشره وعلى فكره ترى المره مضاد حيوي سبحان الله اتخيط الجروح واتحسن البشره وفوايدها وايد
وبالنسبه للبشره فهي اتنقيها واتصفيها واتخلي البشره ذات لون وردي

طبعا بنات مافي شي يصير ابسرعه وخاصه البنات الي بشرتهم تعبانه لازم تستمرون على الشي انشاءالله شهر بس لا تلجؤون للكريمات الكيماويه والله اخر شي ابتندمون

[سلافة 2003]

هلا اختي كويتيه انصحك با استخدام كريم كيلي الاصلي مررررررررررررررةحلو اخلطيه باالجليسوليد

[كويتطريه]

أفاااااااااااااااااااااااا كم وحده بس يزاهم الله خير ردوا بس
الحين قلت ربعنا ما راح يقصرون ولا راح يخلونا نحتار بيعطونا تجاربهم ونصايحهم
يعني ما تستعملون كريمات كلش أخاف تحطون زيت زيتون ولا فازلين
أنا انصحكم.. الكريمات وخاصه للشركات الكبيره وايد تحسن من صحة الشره عن تجربه
المهم يا حلوات الله يعطيكم العافيه في كل الاحوال....................

[- نواعس دامعة -]

هلا اختي Qater-alnada

والله ياعيوني مو تنقيص ابدا في فوائد الاشياء الطبيعيه بسسسس ياختي صعبه اقعد اسوي هالخلطه كل يوووم خاصة ان بشرتي جافة ومحتاجه عنايه وترطيب مستمر

فا نتجه للكريمات المعروفةةة طبعا ً

كويتيه قولي لي انتي وش نوع بشرتك وايش تستخدمين ؟
وترا سمعت ان افضل ماركتين للعنايه بالبشره هم ماك واستي لودر لانهم طبيه

تحياتي

[هيونه]

عزيزتي نواعس استخدمي كريم مرطب النهار من Glytone وكريم مغذي للبشره مع فيتامين سي
من نفس الماركه وعلى فكره فيتامين سي يحارب التجاعيد وممكن تستخدمين صابون جل من نفس الماركه وانا خذت هذي الكريمات من استشاري الجلديه والصراحه واااااايد ارتحت خاصه حق كريم الليل

[slam]

اخواتي ممكن تفيدوني وش هيا المرة كثير اقرا عن فوائدها بس ما عرفتها اوصفوهالي اذا ممكن
ومشكورين مسبقا

[aroma]

والله ياخواتي انا مااحط كريمات
لانها تطلع لي حبووب مدري ليشش
اختي سلام
المره هي مقل الاحجار ولونها بني

[كويتطريه]

لمن الحين محد عطانا اسماء الكريمات الممتازه المهم نواعس انا بشرتي جافه وحساسه يعني لو اشم عطر عربي مع اني اموت في العطورات وجهي يبتدي ينشف واحس بحكه في خدي ...لمن شفت ما في تجارب رحت اليوم واخذت عينات من شيسيدو ....من جيرلان....واجرب واشوفو يمكن راح ارد على كلينيك مره ثانيه كريمه وايد زين بس بغيت شي ثاني...

[- نواعس دامعة -]

هلا هيونة

انتي بشرتك جافة يعني ؟

واذ لا هل يناسب البشره الجافة ؟

وهالماركه Glytone وش اصلها ؟؟

وتسسسلمين لي ياعسل

اختي كويتيه
اوكي ياعسل بنتظار النتائج واذ اعجبك قولي لي على طوول اروح اجربه
وتسلمين

[بصيص الأمل]

صراحة انا بشرتي مثلك جافه وحساسه
وجربت عده ماركات من المرطبات
حتي الماركات الطبيعيه
بس ما ناسبني غير نضام كلينك الثلاثي "الصابونه والتونك والمرطب"
مادام ناسبك ما في داعي للتغيير
وللمعلوميه الكريمات تسببلي حبوب صغيرة دهنيه بس كلنك ناسبني تماما
وافكر اشوف اش عندهم كريمات عنايه اخرى
عموما الي نصحتني فيها خبيره
وهي للمعلوميه ماركه مختبره ضد الحساسيه
حتى الاساس فيها مدحته لي طبيبه الجلديه والمكياج ككل

[صحاري]

انا عن نفسي رحت وشرييت كل منتجاات ((روك)) لان حسب علمي مافي احسن منها وعلى حسب كلام اخصائيين البشرة اللي كل يوم نسمع عنهم يقولون ان في بعض الكريمات على المدي البعيد من استخدامها تسبب الرؤوس السوداء وخفت قلت اشترى روك ابركلي لانه مايسبب هالشي على حسب كلامهم بس تدروون اني راكنته على صوووب لاني ماحسيت بشي لما استخدمته عن جد والله المهم هاليومين صارت عندنا كذا مناسبه يعني لازم مكياج ومتاعبه وحسيت في بشرتي شي اول مرة احس فيه حسيت كنها منفرة والحساسيه باديه تظهر عليها عن جد خفت بالمرة رحت غسلت وجهي بالرغوة الخاليه من المواد العطريه من جونسن ودهنت وجهي بالهرده(( اللي يسمونها بعض البنات<< بالطحينيه>> )) وهذي حييل زينه للبشرة وقعدت لين خلصت من النت وغسلت وجهي بماي بس ونشفته وحطيت بعده زيت الزيتوون ونمت عليه صراحه يابنات والله العظيم ماقعدت من النووم الا وبشرتي ردت مثل اول ولالالالالا واحلى بالف مرة من اول وهذا بعد من اول تجربه صدقوني بنات الله الله بالهرده وزيت الزيتوون ومن طاع ماضاع بلا رووك بلا كلينك وانت كيفكم ومتوفر في كل بيت بس اللي مفروض تشترون بصراحه كريمات الحمايه من الشمس واللي من روك حلو صراحه واحنا اللي بالخليج يناسبنا اقوى درجه من الحمايه؟ وسامحوني لاني طولت عليكم وسلموووووو

[هيونه]

عزيزتي نواعس انا بشرتي جافه ومختلطه
والماركه امريكيه :(

[- نواعس دامعة -]

http://www.by-silke.de/silkes-traumwelt/linien/linie0029.gif

تسسسلمين غاليني هيونة ... ان شاء الله بسال الاخصائيه اذ يصلح لبشرتي لانها حيل حساسه :(

اختي صحارى
كلامك حلو ويشجع .. بس وش الطحينيه لا تكون الي ناكلها :D
واذ هي كيف احطها في وجهي امسحها مسح ولا اضيف عليها شي

بعدين بيني وينك زيت الزيتون على ان بشرتي جافه بس مادري بشرتي ماتحبه مررره :D < دلوعة بشرتها

بنتظار ردك

تحياتي

http://www.by-silke.de/silkes-traumwelt/linien/linie0029.gif

[أم منذر]

بنات اللي إستخدموا ماركة كلينك ..
ماحستوا أنه زاد شعر وجهمكم مع إستخدامه ؟؟؟
رجاءا الرد ..
لأنه عندي صديقة قالت زاد الشعر بالذات فوق الشفة (( الشنب )) وأيضا أخر الخدود ..

والله مشكلة ..
ممكن تساعدوني ..