عضوة جديدة وحبيت اشكر الاخت قطوف دانية

[ام رغـــــــد]

السلام عليكم
انا عضوة جديدة وحبيت اني اشكر الاخت قطوف دا نية على خلطة الشعر اللي كانت بعنوان
( كيف تصنعين بلسما منزليا رائع)
الصراحة الخلطة كانت كلمة رائع شوي عليها مادري شقول ....خلت شعري يهبل بدون مبالغة
ذاك اليوم كنت بطلع عند ناس وحطيت الخلطة وبعد ثلاث ساعات غسلتة وكنت ناوية قبل لااحطها
اني استشور شعري لكني تفاجئت بالنعومة والكثافة روعة رووووووووووووووعة ولا استشورتةولاشى .
اشكرك اختي وجزاك اللة خيرا
واللي تبي اعيد ذكر الخلطة انا حاضرة .
وسلامتكم ,,,,,,,,,ام رغد

[aroma]

هلا وغلا بك منوووره
والحمد لله انه نفعت الخلطه ياليت تقولين لنا عليها :D

[دلوعة أبوها]

اهلا وسهلا فيك ام رغد بين اخواتك وحياك معانا ونتمنى تقولى الوصفة

ولك مني اجمل تحية........

[ام رغـــــــد]

السلام عليكم
انا رجعت ومعاي الوصفة ولازم تجربونها وتردون علي
المقادير
الاخت قطوف دانية اكتبت بيضة لكن انا حطيت ثلاث صفار بيضة هذا في المرة الاولى
وفي المرة الثانية حطيت بيضة واحدة كاملة وحسيت ان صفار ة احسن (يعني المرة
الاولى) وانا شعريناعم لكن ينفش ويحتاج استشوار وهاذي الطريقة اغنتني عنه
بعدين ملعقتين مايونيز
ملعقة خل التفاح
ملعقتين زيت زيتون وملعقتين زيت لوز
ملعقة خميرة
ملعقة عسل
توضع لمدة ساعتين او ثلاث ساعات ثم يغسل بالشامبو وشوفوا النعومة واللمعان وادعوا لي
وسلامتكم
ام رغد

[فراشه]

اهلا وسهلا فيج ام رغد نورتي المنتدي والحمد الله نفعت معاج الخلطه .

[عطر المحبة]

مرحبا فيكي أختي ام رغـد
نورتي المنتدى حبيبتي
و شكرا على الوصفة بجربها اليوم (:

[جورى]

اهلا وسهلا فيك ام رغد

[بنت بلدها]

الله لا يغير عليج

تسلمممممممممممممين

[ندى الربيع]

هلا فيك ام رغد نورتي واشرقتي في المنتدى
ندى الربيع

[عطور2004]

ياهلا ومرحبا فيك

[أسيره الحزن]

هلا ام رغد شكرا على الوصفه 00 حبيت اسئل الملعقه المستخدمه كبيره ولا صغيره وايش نوع شعرك0وشكرا000

[ام رغـــــــد]

اشكر الاخوات (فراشة و عطر المحبة وندى الربيع و عطور ) على المرور
واللةانتوا اللي منورين ويعطيكم العافية
اسيرة الحزن الملعقة ملعقة اكل ونوع شعري قبل استخدام الخلطة كان جاف ومتقصف
ومثل ماقلت هو ناعم لكن ينفش وماادري اذا الخلطة تنفع مع اي شعر
مثلا الزبادي اللكل يمدح فية للشعر لكن لما استخدمتة مع الحنا وبعض الوصفات اللي فيها الزبادي
نشف شعري بطريقه اللة لايوريك يعني مانفع معاي وغير كذا سمعت ان الزبادي يطلع شيب واللة اعلم
اختي جربي الخلطة وان شاء اللة بتشوفين نتائج حلوة كرريها كل اسبوعين
كذلك خلطة الحلبة مع زيت عافية استخدمها باستمرار ورائعة جدا
والحنا لاحظت انة يقوي الشعر والسدر شريتة لكني ماجربتة
بس اظن ان هذا يكفي طالما اني لقيت النتايج الرائعه
ايضا جربت خلطة الثوم مع الزيت مرة واحدة لاني ماقدرت اتحملة راسي كان يعورني طول
الوقت اللي كنت حاطتة في شعري وبعدها قلت توبة
بس اتوقع انها مفيدة
ادري اني كثرت الكلام لكن حبيت الكل يستفيد
واتمنى تقولين لى عن النتايج وسلامتك
ام رغــــــد