تعالي وقولي حكايتك مع النقاب [الأرشيف] - منتديات لكِ النسائية

شمس السما

28-03-2009, 12:01 AM

بسم الله الرحمن الرحيم

فكرة النقاب ظهرت عندنا فى العيلة لما خالتى لبسته
اتهاجمت كتير من بعض افراد العيلة بس هى اصرت عليه
لإنها متزوجة وكانت ساعتها فى الأربعينات من عمرها
بس النقاب ماكانش بعيد عننا كنير لإننا الحمد لله كنا مهتمين بالدين
اختى لبست النقاب بعد خالتى وكانت ساعتها خريجة جديدة وبعدها والدتى
وانا ارتديته بعدهم وانا فى سنة اولى جامعة
وكنت قلقانة انى اواجه اى مشاكل فى الجامعة
بس الحمد لله كانت المعاملة كويسة جدا

المشكلة الوحيدة اللى قابلتنى مع النقاب كانت وانا فى سنة رابعة
كنت بروح مدرسة عشان التربية العملية
لإنى كنت فى كلية تربية
وفى يوم وانا داخلة المدرسة
قابلنى المدير ورفض دخولى بالنقاب
طبعا ساعتها صدمت ومابقتش عارفة اعمل ايه
وكمان اتهمنى للمشرفة بتاعتنا انى بصيتله بحدة وتحفز
وخلتنى انزل واعتذرله واقابله بوشى

طبعا ماتتخيلوش انا النار اللى كانت جوايا ايه
واليوم ده قضيته بكاء

فصديقتى قالتلى ادخلى ارفعى النقاب وحطى ايدك عى وشك
فقلتلها هو كدة تمام
بقيت كل ما ادخل المدرسة ارفع النقاب واحط الدفتر على وشى
وقعدت ادعى ربنا انه ييسرلى امرى

فى مرة شافنى المدير وانا بعمل كدة راح قاللى نزلى النقاب
وفى اخر اليوم اعتذرلى وطلب منى انى اسامحه

طبعا كانت نصرة عظيمة من عند ربنا سبحانه ليا

لكن الحمد لله ربنا ميسرلى الحال بالنقاب وميسرلى امورى
وربنا يتقبله منى ويثبتنى عليه

وجزاكِ الله خيرا على طرح الموضوع

*--هبة الجبل--*

28-03-2009, 12:37 AM

السلام عليكم ورحمة الله وبركاته..

بارك الله فيك اختي على هذا الموضوع الرائع والمشجع بجد..
بصراحه انا المقتنعين بالنقاب بس تعرضت لضغوطات من اهلي والجامعه الي ادرس فيها ممنوع النقاب بس ولله الحمد مكان النقاب في الجامعه ارتدي قطعه من القماش غير الحجاب تغطي نصف وجهي وهذا ماتفعله الكثير من الاخوات المنتقبات معي في الجامعه..
واهلي معارضين على النقاب في الخروج العادي للزيارات بس اقنعتهم والحمدلله اني البسه للتسوق والزيارات بحجة عامله مايك اب عشان مافي حد يتكلم وارضي ربي ونفسي،،، واهلي مو مقتنعين بالنقاب لان في بلدنا انتشر بطريقه سلبيه وتلبسه الي ملتزمه والي عاديه والي فاسقه والعياذ بالله فالظالم راح مع المظلوم السيئه تعم كيف مايقولوا...
بس ان شاءالله بعد زواجي حاداوم عليه لان اهل خطيبي والحمدلله ملتزمين واغلب اخوات خطيبي منتقبات وخطيبي مقتنع بالنقاب مليون بالميه والحمدلله والله الستر في الدنيا وفي هذا الزمن احسن من التعرض للفتن الي ملئت زمننا هذا،،
وسبحان الله اخواتي والله حاجه غريبه لما البس النقاب ارتاح نفسيا واحسن اني فعلا مرضيه ربي بس لما روح للجامعه ونصف وجهي مكشوف والله حاجه بتخنقني واحسن اني عامله عار،،
الله المستعان وما بعد الضيق الا الفرج ،،
نصيحتي لكل الاخوات اذا حسيتي بضيق وحسيتي انك مايله للدنيا اكتر وان الشيطان غرك بالمايك اب والموضه وحاجات كتير صدقيني تزيني بالنقاب لان هوا احسن زينه واحسن وارقى ثواب عند الله عز وجل وحتحسي بلذه الايمان والطريق حايكون قدامك لتنجزي الكتير والكتير من الامور الخيره في حياتك للاخره...

اختكم المحبه لكم في الله...

bero333

28-03-2009, 12:59 AM

أخواتي
شمس السما و هبة الجبل
جزاكم الله كل خير و الله يثبتكم و يهديني و يرزقني الأرادة الصادقة و الأخلاص و انب أغبطكن علي النعمة التي أنعم الله بها عليكن
و اتمني ان يرزقني الله اياها ان وكل بنات المسلمين اللهم امين
و في انتظار باقي الأخوات

ريدووو

28-03-2009, 11:04 AM

السلام عليكم ورحمة الله وبركاته
جزاكى الله خيرا أختى bero333 على الفكرة
أنا لى قصة مع النقاب....أنا أرتديه ولله الحمد منذ أكثر من 6 سنوات...
بدأت القصة منذ عام 2001 ......كنا أنا وأمى وعائلتنا كلها كمعظم العائلات فى مصر
نرتدى الحجاب العادى .....حدث أن توفى أبى رحمة الله عليه فى شهر أكتوبر عام 2001 وكانت وفاته بمثابة صفعة على وجوهنا جميعا ....رحمة الله عليه أسأل الله له العفو وأن يجزيه عن كل حرف علمه لنا فى القرآن خير الجزاء....
كانت أول من إستفاق من الصدمة هى أمى الله بارك فى عمرها وقبل أن يمر شهرين على وفاة أبى فاجئتنا بلبس النقاب .....

وبدأت فى أن تدعونى أنا أولا فأنا الإبنة الكبرى وكانت أختى الوحيدة ما زالت طفلة صغيرة فى ذلك الوقت

وكنت متزوجة وقتها منذ 6 سنوات ولم يرزقنى الله بأطفال وقمت بعملية حقن مجهرى قبلها ولم تنجح ....إستمرت أمى بترغيبى فى النقاب أنا وجميع نساء عائلتنا..

وإقترحت الموضوع على زوجى فرفض .........وفى عام 2002 بدأنا التفكير فى إعادة تجربة الحقن المجهرى ولم يكن قد مر عام على وفاة أبى وكنت أعيش حالة من الحزن عليه لا يعلمها إلا الله وحده وكنت دائمة الدعاء ( اللهم أجرنى فى مصيبتى واخلفنى خيرا منها).........

وبدأنا الإستعداد للعملية وإقترحت على أمى أن أنذر طاعة لله إذا نجحت العملية بإذن الله .....فنذرت أن ألبس النقاب إذا رزقنى الله وحملت......
وقلت الأمر لزوجى فصمت ولم يرد بموافقة ولا برفض فاستبشرت خيرا......
وعملنا العملية وظهرت النتيجة بأنى حامل والحمد لله.....

بعد الفرحة بدأت أتلكأ فى لبس النقاب وأسوف الأمر......وأمى تلح على يوميا وتذكرنى بنذرى ولكنى كنت مترددة وخائفة ألا أحافظ عليه وأضطر لأن أخلعه بعد فترة....

وفى نهاية الشهر الثانى من الحمل تقريبا نزل على دم وكان هناك خطر على الحمل فذكرتنى أمى أنى لم أوفى النذر إلى الآن ولعل هذا تذكير لى ....
ومر الأمر على خير وإستقر الحمل وكان أول شئ فعلته بعدها أن إرتديت النقاب ولله الحمد ولم أخلعه إلا الآن ورزقنى الله بعبد الرحمن الله يحفظه يارب...سيكمل عامه السادس بعد شهرين .....

بالنسبة للصعوبات اللى واجهتنى أولا زوجى .....فهو دائما يشعرنى أنه غير راضى وغير مقتنع به ....وأنى كنت محجبة ومتسترة ..... ولكنى كنت أغير دائما الموضوع وأتزين فى البيت وأحاول ألا أخرج كثيرا والحمد لله إنى عايشه مع زوجى فى السعودية والنقاب هنا شئ عادى ومفروض ....ولما بننزل مصر الحمد لله الأجازة بتعدى وجوزى إتعود عليه بالنقاب حتى منذ عامين كان الشيطان الرجيم سيغلبنى وفكرت أن أخلعه لكن زوجى الله يخليه رفض والحمد لله ربى ثبتى ولم أخلعه ولن أخلعه أبدا إن شاء الله.....

وبفضل الله إرتدت خالتى النقاب وزوجة أخى وبنت خالى ونساء كثير من عائلتنا والفضل بعد الله يعود لأمى الله يعطيها الصحة والعافية ويجزيها عنا خير الجزاء....

من الصعوبات أيضا أن فى بلادنا أصبح الكثير من الناس هداهم الله يغضبون الله ويتسترون بالنقاب سواء كان لسرقة أو لزنا والعياذ بالله
حتى أنهم يقول أن هناك رجال يرتدونه لأغراض ما سواء السرقة أو الإختباء أو ..أو......هداهم الله...
فأصبحت النظرة للمنتقبات نظرة شك وريبة وخوف ...........ولكن أسأل الله الثبات وأحتسب الأجر عند الله سبحانه وتعالى ....

أنا أسفة إنى أطلت عليكم ......
إدعوا الله لى أن يحفظ لى إبنى ويرزقنى بأخ أو أخت له عاجلا غير آجل ....

bero333

28-03-2009, 05:16 PM

http://www.lakii.com/vb/smile/32_307.gif (http://www.lakii.com/vb/smiles/index.php)

bero333

30-03-2009, 11:34 AM

نرجو الرفع للفائدة و أيضا ارجو مزيد من الأستجابة و حتسبي الأجر يا أختي

داانيه

30-03-2009, 11:46 PM

بارك الله فيك ,, وغفر الله لك ولوالديك

أشـــرقت

31-03-2009, 03:31 PM

الســلام عليكم ورحمة الله وبركاته

أختنا الحبيبة : bero333

جزاكِ الله خيراً على هذه المبادرة الطيبة والتي أدعو الله أن تكون ثقلاناً في ميزان حسناتك

،،

أخواتي الغاليات

يا من سطرتن أروع الحروف .. جزاكم الله خيراً وثبتكن الله على طاعته وجعل لكم مخرجاً

،،

انتظرونـي بعد قلـيل

أشـــرقت

31-03-2009, 03:47 PM

"،،" أُحـــ حجابي ــــبُ "،،"

،،

كـيف أنزعــــه ..؟! (http://www.anashed.net/audio/samtan/etaby.rm)

http://img341.imageshack.us/img341/121/distributionmy2.gif

بسم الله الرحمن الرحيم
والحمد لله رب العالمين
والصـلاة والسـلام على سيدنا محمد ..
..*..*..*..

لا تملوا مني حبيباتي .. فقصــة نقابي طويلة ولكن سأحكي لكم تفاصيلها محتسبة الأجر في البداية كنت فتـاة بعيدة كل البعد عن الله - تبارك وتعالى - منذ طفولتي لم يأمرني أبي ولا أمي بالصلاة ولكن بداخلي كان هناك ميل إلى المسجد .. كنت أذهب وأجلس مع السيدات وأستمع إلى كلمات الشيوخ .. لم استمع من أبي ولا أمي عن الله ولكن كانت لي أخت كبرى تحافظ على الصـلاة ولكنها لا تأمرني بها ..

ومرت طفولتي وأنا في غفلة لا أسمع عن الله إلا عندما يمرض أبي ونرفع أكف الضراعة أن يشفيه الله .. أصبحت مراهقة في المرحلة الأعدادية وكعادة الفتيات يلبسن الحجاب في شهر رمضان المبارك ومع مغرب آخر يوم في رمضان يخلعنه .. وبعدها إلى المرحلة الثانوية وفي نهايتها لبست الحجاب - طرحة تخفي بعض أجزاء من شعري فقط - إلى أن دخلت الجامعة .. في هذه الفترة اختلفت تماماً لم أعد راضية بما أنا فيه - فتاة تعيش كما تحب تخرج وتسافر ولا أحد يوجهني-

إلى أن جاءت الرسالة الربانية الأولى

كنت في حفل خطبة صديقتي وأثناء عودتنا إلى منزلنا اصطدمت السيارة التي كنت أركبها بسيارة أخرى .. والله ما عارفة منين جت السيارة إل خبطتنا دي .. سبحانك يا رب زي ما يكون حد شالها حطها قصادنا نخبط فيها واختفت في لمح البصر .. السيارة إل كنا راكبينها خربت وبقى كل حد معدي يتسأل : يا ترى الناس إل كانوا راكبينها حصل لهم إيه ..؟! أكيد ماتوا ..

ولكن قدر ربنا سبحانه وتعالى إننا نخرج من السيارة وما فينا شيء .. غير بس بعض الكدمات البسيطة التي لا تتناسب على الإطلاق مع حجم الحادث .. خرجنا من السيارة أنا وصديقتي وإحنا متأكدين إن ربنا كتب لنا عمر جديد وبقينا نبص لحالنا وإحنا في أروع لباس وأحلى زينة ونفكر لو كان ربنا - سبحانه وتعالى - أخذنا على هذه الحالة ..؟!

ربنــا ..؟!

عرفنا وقتها إن لنا رب لازم نعرفه ولازم نقرب منه ونطيعه وإن الحياة مش زي ما أحنا عايشينها بقينا نسمع لكلام الدعاة وأخدنا خطوة كويسة بقينا نلبس العبايات والطرح الطويلة عليها واحدة واحدة بقينا نقطع علاقتنا بزملائنا الشباب في " الجروب " لحد ما بصينا لاقينا نفسنا أنا وصديقتي لحالنا وانضمت لنا أخت ثالثة فضلنا على هذا الحال فترة .. نقرب شوية من ربنا ونتعلم ونطيعه ويحصل لنا فتور نبعد .. استمر الحال معنا هكذا من السنة الثانية حتى بداية السنة الرابعة في الجامعة ..

أشـــرقت

31-03-2009, 04:04 PM

نكمل بإذن الله ..

كانت صديقتي دائماً تشعر بعدم الرضـا عن حالها .. حتى في يوم جاءت إلي ودار بيننا الحوار التالي :

صديقتي : أنا هلبس النقاب

أنا : ......!!

صديقتي : أيوة أنا بعمل حاجات غلط كتير وهو النقاب إل هيخليني أحترم نفسي وأبطل الحاجات الغلط إل بعملها

أنا : بصي يا حبيبتي .. أولاً سواء لبستِ النقاب أو ما لبستيه فلو إنتِ عايزة تعملي الغلط هتعمليه حتى لو لبستِ ألف نقاب .. النقاب ما بيربي حد الواحد هو إل بيربي نفسه وبيعودها على الصح ..

صديقتي : بس أنا حاسه إن النقاب فيه خير ليا

أنا : بصراحة أنا مش هقدر أفيدك .. بس عموماً أنا شايفة إننا كدة مش وحشين لبسنا كويس ومحترم والنقاب ما راح يزود علينا شيء

وقتها صديقتي ما اتكلمت معي خالص في حكاية النقاب .. ولكنها كانت صدمة بالنسبة لي .. بمنتهى الصدق كانت أول مرة تطرق أذني كلمة " النقاب " لكن الظاهر أنها طرقت قلبي كمان .. ما كنت سمعت قبل كدة من الشيوخ عن النقاب .. وفعلاً انتهى الأمر على كدة ..

ولكن مع مرور الأيام بقينا نحس أنا وصديقتي إن الدين مش كدة

مش بس إننا نلبس واسع مش مشكلة أي حاجة تانية

مش بس إننا نصلي ونصوم رمضان

لأ .. الدين أكبر من كدة كتير

وكانت في حياتنا حاجات كتير غلط محتاجة تتصلح وتتعدل

وسبحان ربي العظيم .. كنت مرة رايحة أصلي في مسجد الجامعة فوجدت أخت منتقبة بتسلم عليا والله ما عرفتها طبعاً .. هي كانت معي في لجان الأمتحانات وأنا بعرفها بس من لجان الأمتحانات .. وكان معها صديقاتها المنتقبات

والله بقيت أبكي وأنا مش عارفة ليه ببكي

خاصة إن من اليوم إل صديقتي كلمتني فيه ما اتكلمنا تاني عن النقاب

ولاقيتني بقولها ادعيلي أبقى زيكم

وبقيت تدعولي

ومن وقتها التزمت بصحبة المسجد .. أصلي وأفضل في المسجد طالما ما في محاضرات استمع لكلماتهن الوعظية

وما شاء الله البنات المنتقبات إل عرفتهم وقتها البسمة لا تغادر وجههن .. وبيضحكوا وكل حاجة ولا معقدين ولا شيء .. غير النظرة إل كانت سائدة في الوقت ده عن المنتقبات .. هتيجي تكلمي واحدة فيهم هتقولك : أغربي عن وجهي ثكلتك أمك ..
فعلاً اتعلقت بهن جداً وبقيت أحب ذهابي للجامعة علشان أحضر الدروس وأقعد مع البنات دي .. والفراغ طالما ما في مذاكرة كنت بقضيه على النت وصادفت قدراً موضوع لمجموعة عن الفتيات عن النقاب فبقيت أدخل على المنتدى والموضوع كتير و اسألهم في كل حاجة عن النقاب ..

أشـــرقت

31-03-2009, 04:22 PM

وسبحان الله بقيت أسمع دروس لشيوخ أنا كنت بخاف من مجرد سماع صوتهم من غير ما أعرف هم بيحكوا عن إيه .. وكل ما الوقت يعدي وقلبي يتعلق بالنقاب .. وبجد نفسي ألبسه .. وكل شوية حاجة تحصل تعلقني بالنقاب والمنتقبات ..

لحد ما في يوم اتفقت أنا وصديقتي إننا نزور المقابر ( علشان قسوة قلوبنا وعلشان تعلقنا بالدنيا وأشياء كثيرة ) .. وفعلاً رحنا وكانت فيه مقابر قريبة شوية من الجامعة وفي طريقنا وإحنا رجعينا واحد ( ربنا يهديه ) وقف جابني من فوق لتحت ولاقيته بيقولي : لو حد عاكسك ما تلومي غير نفسك ..

بجد وقتها حزنت جداً وبقيت اسأل نفسي هو أنا عاملة إيه لبسي واسع وما في ميك آب .. إيه الحاجة إل خلته يبص لي كدة ويقولي كدة ..؟!

رجعت بيتنا ولما صحيت من النوم لبست أوسع عباية عندي وأطول طرحة ورحت المكتبة الإسلامية اشتري كتيبات عن النقاب علشان أكون عارفة هتكلم عن إيه قبل ما أطلب من أبي إني ألبس النقاب ..وهناك وجدت شيخ توسمت فيه الصلاح وسألته عن النقاب وعن لبس النقاب وبعض التخوفات وفعلاً قالي كلام ريحني جداً

رجعت بقى قلت خلاص أنا لازم أكلمهم في البيت أبي وأمي وأخواتي عن النقاب .. وفعلاً بدأت كلامي معهم وأنا قلت عايزة ألبس النقاب من هنا وعيونك ما تشوف إلا النور http://forum.amrkhaled.net/images/smilies/madd.gif.. http://forum.amrkhaled.net/images/smilies/engry1.gif

بمنتهى الصدق أنا كنت عارفة أنهم عمرهم ما هيوافقوا والله وكنت متأكدة من كدة وسمعت من أبي أحلى كلام عن النقاب والمنتقبات - الله يهديه يا رب ويهدينا جميعاً سبحان الله له بنتين منتقبات والثالثة في الطريق الله ييسرلها - بس يا ستي بعد بكاء مني طبعاً وكلام قاسي إلى أبعد حد من أبي وأمي وأخواتي قلت ما في فائدة فاستأذنت أبي إني ألبس الملحفة هو ما كان يعرفها فافتكر الملحفة العباية فوافق على أساس إن الفترة الأخيرة كنت بلبس جيبات وتونكات ..

وما كذبت خبر الصبح أول ما حسيت كدة ميعاد فتح المحلات رحت اشتريت الملحفة والجوانتي والشراب وطبعاً .. حبيب قلبي النقاب - قلت هجيبه وأخليه قدامي علشان دائماً يبقى جوايا إن ده إل بسعى له - مش قادرة أقولك إل حصل لي من بعدما لبست الملحفة من أمي حتى أبي لما شافني لابساها رفض يخرج معي في الشارع بها.. http://forum.amrkhaled.net/images/smilies/marsa138.gif .. والله العظيم تعرضت لمضايقات من أهلي ربنا وحده يعلمها ولكن كانت جوايا حاجة بتصبرني شيء بيقولي اثبتي انتِ على الحق ..

بعد أسبوعين وفعلاً والله ما قدرت أخرج من غير النقاب وسألت كذا حد وأجازوا لي إني أخرج به من غير علم أهلي .. وتاني يوم بعدما سألت الشيوخ وصليت استخارة رحت اشتريت نقاب علشان ينفع يتلبس ويتقلع بسهولة - المصري - ولبسته في المحل وكان أول يوم لي أروح به الجامعة - 27/3/2005 - طبعاً كل ده وصديقتي معي في كل خطوة وإل بيحصل لها بيحصل لي ..

وهي كانت بتيجي عندنا البيت تذاكر معي وبتقعد معي فترات طويلة فعرفوا في البيت إنها لبست النقاب من غير علم أهلها .. لحد ما يوم كنت قاعدة معهم وكان معنا زوج أختي - مجبرة أقعد من غير نقاب قصاده - قعدوا يتكلموا عن صديقتي وإنها حد مش كويس علشان تلبس النقاب من غير علم أهلها - الكلام لكِ يا جارة - واستفزوني جداً فبقيت أدافع عنا أحنا الاتنين بصيغة دفاع عنها .. وقتها زوج أختي عصب عليا جداً وقعد يقولي أصل أهلها بيأمروها بالفحشاء والمنكر علشان تعمل كدة من وراهم بكيت ودخلت غرفتي وأخي والله كان متعاطف معي شوية فزوج أختي بقى قالهم أنه هيتصل بشيخ ويسمعهم كلهم إنه غلط إل صديقتي ده عملته طبعاً وغلط تفكيري بالشكل ده علشان ينتصر لكلامه أنا سمعت أنه هيعمل كدة وركبي بقيت تخبط في بعضها لإن مش كل الناس لهم نفس القناعات بفرضية النقاب وقلت خلاااااااااص كده انتهينا ..

وسبحان ربي العظيم أجد الشيخ يقوله البنت دي ربنا يبارك لها هي مصيبة فيما فعلت وأهلها ربنا يهديهم وقعد يقولهم كلام حلو جداً في حق صديقتي وفي حق النقاب - أفحمه - فطبعاً ده رقق قلبهم علينا شوية الحمد لله وطبعاً غير نظرة أهلي لصديقتي من متهمة لحد كويس

المهم .. استمرينا أنا وهي بنلبس النقاب من غير علم أهلنا لحد ما خلصنا الجامعة هي ربنا جعل لها مخرج قبل الامتحانات أتقدم لها واحد واتخطبت فقالت في آخر يوم للامتحانات لأهلها إنها منتقبة وخلاص من وقتها وهي منتقبة - ربنا يثبتها يا رب-

أنا بقى فضلت كدة وربنا وحده يعلم كانت بتعدي عليا شهور والله ما بشوف الشارع علشان ما أخرج من غير النقاب لو معي أهلي وبمنتهى الصدق حبيت جداً قعدة البيت - على غير عادتي كنت منطلقة رحلات ومصايف وخروجات وكله - لحد بقى ما جه أول اختبار ..

- تابع-

أشـــرقت

31-03-2009, 04:31 PM

http://forum.amrkhaled.net/images/smilies/smile.gif

الاختبار يا ستي إن الحمد لله تخرجت من الجامعة بنسبة معقولة قليل إل أخدها في الجامعة ولاقيت في يوم على الصبح كدة بعد ظهور النتيجة بشوية جواب من بنك كبير الجامعة رشحتني إني اشتغل فيه .. يعني المفروض هروح أعمل انترفيو وحاجات كدة طبعاً يا فرحة قلب ماما وقتها ويا تعاستي .. أنا عارفة العمل في البنوك الربوية حرام .. بس البيت مش مقتنع وأظن برضة المسألة دي شرحها يطول .. هعمل إيه ..؟؟ الوقت الموضوع كدة اتلغبط أكتر وكل ما فرصة إني أقولهم إني لابسة النقاب تيجي تحصل حاجة معها لو قلتلهم هيصروا على الرفض .. وبقيت بقى كل تركيزي الفترة دي بيان حكم العمل في البنوك الربوية لأبي وأمي وهما إل مقتنعين به استحالة يتغير http://forum.amrkhaled.net/images/smilies/busted_red.gif

لكن والله وقتها تعبت وما رحت الانترفيو والشغلانة راحت عليا - الحمد لله -

فرجعت بقى بعدها أطلب منهم أروح المسجد تاني مرة يوافقوا ومرة لأ .. لحد ما جه اليوم بقى إل ماما شكت إني لابسة النقاب .. راجعة زي الهانم من صلاة الجمعة وداخلة البيت قلعت النقاب والطرحة في أوضة برا وبتمشى بمنتهى الثقة في الصالة ومنها إلى غرفتي لأجد صوت أمي

صفاااااااااااااااااااااااااء

اتسرعت والله خرجت بسرعة خير لاقيتها يا أختي ماسكة النقاب وبتقولي إيه ده قدام أبي ..؟!
http://forum.amrkhaled.net/images/smilies/madd.gif
طبعاً وشي جاب كل الألوان الطبيعة والصناعية زي أفلام الكارتون ولاقيتني بقولها يا ماما إنتِ مش عارفة إني بلبس باديهات مفتوحة شوية تحت الملحفة لو الطرحة اتحركت شوية ممكن جسمي يبان فبلبس ده تحت الطرحة علشان لو شوية هوا طيروا الطرحة رقبتي ما تبان .. عملت نفسها اقتنعت أو زي ما تقولي خافت عليَّ من ردة فعل أبي لو عرف إنه نقاب وما سألتني تاني .. لحد يوم خرجت رايحة المسجد فلاقيتها بتقولي ما تلبسي النقاب على الباب شكلك وحش

الشجاعة جت مش عارفة منين ..؟! http://forum.amrkhaled.net/images/smilies/icon_cool.gif

لاقيتني بقولها ما هو لو أنتم وافقتم عليه مش هتخلوني أعمل كدة .. بس فعرفت وقتها إني فعلاً لابسة النقاب وما قالت حاجة لأنها لاقيت تغير كبير جداً في أخلاقي وشخصيتي وتصرفاتي معهم في البيت وبقيت تحبني أكتر والله لمعاملتي الطيبة لهم وحرصي على رضاها وقراري في البيت وحاجات كتير كانت بتضايقهم مني اتغيرت بفضل الله .. كمان ما لاقيت فيه تشدد وإنتم كلكم هتدخلوا النار وحاجات من إل بتحصل بل بالعكس أنا فعلاً بدعي لهم من قلبي وكانت تصحى من النوم تلاقيني ساجدة ببكي وبدعي لأبي إن ربنا يهديه ويوافق على النقاب ..

ومن وقتها ما حصلت لي مضايقات حد حد بقى يعرف وكل واحد يعرف تكون ظروفه مناسبة أختي الكبيرة وزوجها عرفوا إن لبست النقاب يوم ما رحت زورتهم علشان كانوا مسافرين للحج وأخي عرف يومها برضه وأبي بعدهم بفترة طويلة جداً يمكن ما كان مسبب لهم مشكلة لإني معظم الوقت في البيت ما كنت بخرج إلا لضرورة .. وبعدها ربنا عوضني من الشغل في البنك ووالله من يتق الله يجعل له مخرجاً ويرزقه من حيث لايحتسب لاقيت رزق ربنا بعته لي من مصدر ولا كنت أتخيله وأكتر من لو كنت اشتغلت في البنك .. والله ربنا ما سابني في موضوع الرزق ده خالص الحمد لله ومعوضني الحمد لله بأفضل من إل سبته ..

الموضوع ده يمكن حكيته لكم في دقائق ولكن أنا استمريت على الوضع ده من نهاية شهر 3 لسنة 2005 حتى نهاية سنة 2006 أكتر من سنة ونصف تقريباً .. ولكن الفضل لله أولاً وأخيراً لولا تثبيته لي ما كنت اتحملت وكمان كنت بتذكر حكايات أخوات مع النقاب أكتر مني ومضايقات وابتلاءات لما كنت بفتكرها كنت بقول أنا في نعمة والله

يمكن كلماتي تنفع حد فيكم .. بس بجد النقاب نعمة كبيرة جداً من ربنا وفعلاً ما في حد يقدر قيمة النقاب إلا المنتقبات أو الحد إل بيسع له .. وقتها لما تلبسي النقاب وتنزلي به الشارع لأول مرة هتعرفي الفرق وهل فعلاً كان حجابك حجاب قبل النقاب ولا حاجة تانية .. أقسم لكم بالله أنا أوقات كنت بحس لما بشوف الملحفة بتاعتي متعلقة على الشماعة كنت بحس حالي عايزة أقوم احضنها واحساس ولا مرة نسيته بحس إن الملحفة بتحضني والله بالظبط زي لما تكون أم خايفة على ابنها وتحضنه أوي عايزة تدخله جواها علشان تحميه والله حسيت مع الملحفة بكدة ..

اللهم استرنا كما تحب أن ترانا وارزقنا الحجاب الذي يرضيك عنا

- لا تنسوني من صالح دعائكم -

أحبكم في الله

:)

أقحوانة

31-03-2009, 07:08 PM

بسم الله الرحمن الرحيم
قصـــــــــــــــــــــــــــــتـي
كنت ارغب في لبس النقاب وانا في فترة الجامعة لكنني لم انفد
السبب اخي كان معارض وكان يبصق في وجه المنقبات واهلي لا يحبون ذلك
بعد ما انهيت الجامعة اشتركت في دورة الحكام المبتدئة واخواتي في دار الكتاب والسنة كلهم منقبات زادت لدي الرغبة لان الذكري تنفع المؤمنين
فبدا اطرح الموضوع في البيت مرة اخري اخي المعارض سافر علي امريكا فاستغليت الفرصة ففوجئت بابي المعارض فمادا افعل قلت بدي اضعهم تحت الامر الواقع
فلبست النقاب وخرجت لابي وقلت له شو رايك حلو
فماذا تتوقعوا
بصق في وجهي
فلم اتراجع وضعته في الدولاب وانا ابكي واخدت بالدعاء ليل نهار لدرجة كنت اخجل امشي في الشارع وكان دعائي لا اعرف هل هو صحيح ام لا (اللهم اني دعوت قومي ليلا ونهارا فلم يزدهم دعائي الا تبارا )دعاء سيدنا نوح علي السلام
ليل نهار وفي قيام الليل كذاك
والمفاجأة ************************************************** ******************
في يوم العيد الاضحي سلمت عبي ابي وقبلت يده وقلت ما بدي تعطيني عيدية اليوم (نقود)
قال شو بدك قلت بدي البس النقاب ففرحت كثيييييييرا واخذت اكبر وكل البيت سالني شو في قلتلهم حكايتي مع النقاب انه ابي رضي يلبسني اياه وبعدها اختي لبسته وزوجه اخي لبسته
وهداني الله لكن الغريب ليش الكل بيقلي ليش البستيه المفرووووووض بعد الزواج علشان الناس تشوفك
وما اندمت عليه وبحبه كتيييير وبعتز فيه
وانشاء الله يهدي الكل

ام حبوبة

31-03-2009, 07:44 PM

السلام عليكم اخواتى الحبيبات واللة انى احبكن ونساء المسلمين جميعا فى اللة فانا ارتدى النقاب منذ13 عاماوكنت وقتها فى الاجازة السابقة لسنة تانية فى كلية التربية جامعة المنصورة مع معارضة شديدة من اهلى جميعا فى ذلك الوقت وقدقلت لهم انىساعتبر نفسى لبست النقاب منذ الان ولن اخرج الا بة وجلست ايام فى البيت حتى خرجت وانا ارتدية وصدموا بذلك وانى لاحتسب مالقيتة ابتغاء مرضاة اللة فقد كنت من الاوليات فى بلدتى فى لبسة ولم يكن منتشر كما الان وقد كان اخوتى واهلى يتحرجون من الذهاب معى وانا ارتدية وكان الاطفال من اهل قريتى يسيرون ورائى ليسبونى ويتهمونى بالارهاب ويذفونى من اول طريق القرية الى بيت اسرتى واناصابرة وللة الحمد وذهبت فى اول ايام الكلية لاجد نفسى واخواتى المنتقبات ممنوعات من الدخول وظللن هكذا حتىرفعن قضية امام المحاكم ضد الجامعة وكان الترم الاول قد شارف على النتهاءمع تعنت الجامعة وللة الحمد كسبنا القضية بعد عناء واهلى لا يدرون بشى خوفا منهم ان يجبرونى على خلعة او الجلوس فى البيت غير الكثير من المضايقات هنا وهناك وقد عوضنى اللة خيرا بخطبتى ثم زواجى وانا الان ام لاربعة ابناء وللة الحمد والمنة

محبة طيبة

31-03-2009, 08:09 PM

السلام عليكن حبيباتي اولا ...

هذه من اوائل مشاركاتي في منتداكم االجميل .. ربنا يحفظكن جميعا ويبارك فيكن ..

أنا لبسته بفضل من الله وحده ..
وقصتي كالتالي ..

كنت فتاة غير ملتزمة.. لا اطبق كثيرا من الاوامر الشرعية التي أوجبها الله علي ..
كنت اخرج حاسرة الراس وبلباس غير شرعي .. وحينها كنت قد كبرت و وجب علي الخمار ..
وامي -ربي يحفظها ويخليها ويطيل في عمرها - كانت تقول لي : لا تتحجبي لساتك صغيرة ..
ولكن لا ادري كيف اصررت على الحجاب وقلت لها : لا انا لست صغيرة ..

ولبسته .. ومع هذا كنت بعد لم التزم ..
هذا في سن 12 .. ولما صرت 13 يعني بعد سنة تقريبا .. صرت التزم بالصلاة وبالاذكار .. واحسست بعدها بان النقاب حق .. ولبسته رغم معارضة اهلي الشديدة.. فانا الوحيدة في عائلتي منقبة .. واتجهت لطلب العلم والحمد لله .. وبعدها بسنة اكرمني الله بلبس عباءة الراس .. والآن انا ادرس في كلية الشريعة قسم الفقه واصوله .. واسال الله ان يوفقني لما يحب ويرضى ..

احلى شيء في النقاب انك تشعرين انك تقلدين امهات المؤمنين زوجات النبي الكريم صلى الله عليه وعلى آله وأزواجه وذرياته الطيبين الطاهرين .. فكن رضي الله عنهن يسدلن على رؤسهن الخمار ..

الحمد لله الذي شرفنا بهذا الشرف ..

وبارك الله في اختي الطيبة صاحبة الموضوع .. والله يثبتنا جميعا ونموت على الاسلام ..
دمتم بود ..

أمـ أسامه

31-03-2009, 08:57 PM

السلام عليكم ورحمة الله وبركاته

اخواتي الحبيبات ......لكم مني سلام من قلب يحيكم من قبل ان يراكم

حبيبات والله اني لما قرات ما كتبتن قلبي فرح به وعيناي تملاها الفرحه لمثل

مواقفكن القويه ......

اسال الله لكن الثبات ....

حكايتي مع النقاب ..كنت من قبل اكثر من ست سنوات اقول عنه انه فضل

وانا اعيش في دولة كافرة لست مضطرة للبسها لان لباسي محتشم لن ينظر الي

احد ....هنا يبحث عن المتبرجات ....

وكان حولي صديقات بارك الله فيهن ...يدفعنني للخير ويذكرنني دائما بالاخرة ...

ونتحاور دائما ونتجادل ...

الا ان القلب وقته لم يحن ان يقبل ...

الى ان تكلمت مع صديقة لي منقبة وكانت اخر كلماتها ...ان تجادلي انت وشيطان لنرى من يغلب ...

هذه الكمات اخذت دائما تطن في بالي

واخت اخرى كانت صغيرة ومنقبه ...

سالتها هل هو صعب هنا ان تواجهي الناس بالنقاب ونظرتهم السيئه تواجهك ..

فما كان منها بارك الله فيها الا ان قالت ..." هم يتباهون بالكفر والمجون ومعصية الله

...وانا لا اتباهى بطاعة الله ..."

هذه الكلمات هي دفعتني ان اتخذ القرار على الرغم من اني اعلم ان زوجي رافض

لها ليس للنقاب ولكن لاننا نعيش في دولة الكفر ويخاف ان تواجهني مشاكل وهو

عصبي لا يقبل علي اي كلمة ....

وفعلا يوم ذهابي الى الدرس مع الاخوات منذ ثلاث سنوات اتخذت القرار ولبست

النقاب وبدون اي مجال اعطيه لزوجي سلمت عليه وانا مرتدية للنقاب وما كان منه

الا ان صدم ...وقال اني لبست النقاب لاعانده ...

ولكني بصراحه قلت له بل انا اريد ذلك ..

وخرجت ولم اعطي اي فرصه بالنقاش لشيء مقتنعة به واسال الله ان يثبتني

عليه......

نعم اواجه كثير من المشاكل مع البشر الكافر هنا ولكني ارى كثير من الاحترام من

قبل المسلمين ...وكانه تعويض لي من الله .... حتى اعلم ان الخير موجود ولكن

في قلب كفر ...

اتناقش كثيرا ....

وارى من تنظر لي نظرة الارهابيه وادعوا الله ان يزيد خوفهم من المسلمين ....

والله اني بلباسي هذا شعور يملئني واعتز به اعتزازا

والاية الكريمة " لن ترضى عنك اليهود ولا النصارى "

احس بها اكثر من اي وقت

ومازال زوجي يؤنبني لكنه اعترف بالامر الواقع ..ابني الكبير لا يقبل ان يمشي

معي ...اسال الله ان يهديه ...خوفا من نظرات اصدقائه ...

لكن الحمد لله على نعمة النقاب هي ستر لنا والله ...

ولا يهمني من يقبل او لا يقبل

ونصيحتي للاخوات الراغبات في النقاب ...

كن قويات ولا تابهن لمن يرفض .....والثبات في الراي كما رايتن من تجارب الاخوات

هو الاساس وان صدقتي مع الله سيصدقك ويعينك....

ادعو لنا بالهدايه والثبات وادعوا لابنائي ان يصلحهم بالدنيا والاخرة

ولجميع ابناء المسلمين ....

bero333

01-04-2009, 02:40 AM

ما شاء الله عليكم و الله قصصكن لمست قلبي من الداخل و أحس أني أوشك علي ان اشتري النقاب و ارتديه
ياااااااااااااه لم أكن اتخيل ان تكون هناك مثل تلك المواقف القوية و المعاناة لطاعة الله
و لكني جربتها و لكن لم تكن مثلكم ابدا
كلامكن شجعني ان احكي قصتي مع الحجاب العادي
أعرف انه ليس شيئا بجانب حجابكن
لكن بالنسبة لي كان خطوة جريئة و صعبة جدا

bero333

01-04-2009, 03:04 AM

قصتي مع الحجاب

انا بنت وحيدة ليس لي أخوات بنات او شباب وليس لي غير أمي الحبيبة أطال الله في عمرها
نشأت فوجدتها تقربني الي الله و تضع رضا الله نصب عيوني و تجعلني أفكر فيه كثيرا
و للعلم و المفاجأة
أمي غير محجبة حتي الان
ادعوا لها معي ان يرزقها الله الحجاب
انا نشأت أحب الله و أراعيه في كل تصرفاتي و لبسي ماعدا الحجاب لم أكن أعرفه لأن أمي غير محجبة
المهم
دخلت الجامعة و في أول يوم قالت لي أمي " انتي دلوقتي كبرتي و رايحة الكلية و انا مش هابقي شايفاكي و لا بابا كمان و لكن ربنا شايفك دايما لو عايزة تغضبيه انتي حرة منك ليه"
المهم انا من الفتيات اللاتي أنعم الله عليهم بنعمة الجمال و القبول أيضا فمن يراني و يتحدث معي يحبني و الحمد لله
للعلم الماكياج ممنوع - عمل الحواجب و الوجه ممنوع تماما - اطلاق الشعر (شعري طويل جدا و ناعم) ممنوع
الذهاب للكوافير ممنوع.

نبدأ من بداية الرسالات الربانية

الرسالة الأولي :

في رمضان في العام التاني للدراسة غفوت بعد قيام الليل و رأيت في منامي اني أجلس في مسجد و أصلي و أنا عارية الرأس ثم أتتني سيدة في لباس أبيض و أحضرت لي حجاب أبيض و قالت لي "البسيه"
استيقظت و انا أفكر فلن يكن الموضوع في بالي خالص
أخبرت أمي فقالت تهيؤات و قالت لي علي سيبل الهزار اسأليها انتي مين؟
و سبحان الله نمت و أتت لي مرة أخري و سألتها من أنتي؟
قالت لي انا زينب
و استيقظت و أخبرت أمي قالت لي يا سلام انتي شيخة عشان ستنا زينب تيجي تلبسك الحجاب؟ ده عشان انتي مرتبطة بيهم اوي و بتفكري فيهم كتير
المهم لم أجادل أمي و لكن لفت الموضوع نظري للحجاب
و كانت وجهة نظري قبل ذلك ان الشباب لن يتركوا البنات الأخريات اللاتي يلبسن الملابس المثيرة و الماكياج الصارخ و الحواجب المنموصة و ينظرون لي برغم جمالي فقد كنت أظهر كأني مازلت طالبة في الثانوية بديل الحصان

وانا ماشية في الشارع أخذت أراقب نظرات الشباب لي و ما الذي يجعلهم ينظرون
و اذا بشاب ياتي علي دراجة من خلفي و يلتفت ليري و جهي ففهمت في هذه اللحظة ان شعري هو الذي لفت نظره فأراد ان يري صاحبة الشعر الطويل
فأدركت ان شعري هو مركز الفتنة فعلا
و مرضت مرضا شديدا كدت أموت منه و رأيت في المنام نفس السيدة التي أخبرتني انها زينب
و كنت في الحلم أركب أوتوبيسا مليء بالسيدات اللاتي يلبسن ملابس سوداء
و فجأة ظهرت هي في الكرسي خلفي و أعطتني نفس الأيشارب و قالت البسيه و انزلي
البسيه عشان تروقي
لما حكيت لماما استغربت و قالت باين الموضوع جد
و عدي الموضوع
و في السنة الثالثة في الجامعة
دخل علينا الدكتور و معه شاب أجنبي
و أخبرنا ان اسمه عبد الرحمن و انه أمريكي و سوف يتحدث معنا و لنا أن نسأله ما نشاء عن سبب اسلامه و عن حياته و ذلك لممارسة اللغة الانجليزية التي كنت أدرسها
و قامت الفتيات و الفتيان بسؤاله عن كل شيء
ثم سألته فتاة عما أعجبه في مصر و عن رأيه فيها
فوجئت برد عجيب
قال "انا مستغرب جدا ليه البنات هنا مش لابسين الحجاب؟ مش الحجاب فرض؟ البنات هنا زي أمريكا مع ان الموضوع هنا سهل جدا لأن الناس كلها تقريبا مسلمين يعني مفيش مضايقات للمحجبات"
نزلت كلماته علي كالصاعقة و أحسست وقتها اني عارية و بكيت و أخذت القرار و لكني كنت خائفة من أمي و من جرح مشاعرها فكيف تكون البنت محجبة و الام لا
لم يكن في بيتنا اي ايشارب غير ايشارب لجدتي رحمها الله فلبسته لمدة أسبوعين دون ان تعرف أمي اني تحجبت
و كنت أخترع الأعذار منها ان شعري مبللول و انه مش حلو وكده
المهم سالتني أمي في النهاية
قولي لي انتي ليه لابسة الايشارب؟
قلت لها بصراحة انا عايزة اتحجب
قالت لي متأكدة و الا هتقلعيه تاني؟
قلت لها لا متأكدة و انا أنتظر الثورة
و لكن الحمد لله وجدتها فرحت فرحا شديدا و عانقتني بقوة و أعطتني النقود لشراء الحجاب
والحمد لله ارتديته من وقتها و حتي الان وانا الان متزوجة و لدي ابن
و لكن امي مازالت غير محجبة ادعوا لها بالهداية و القوة
فهي تعتقد انها سوف تختنق اذا ارتدته لأصابتها بضيق النفس
و دي كانت قصة حجابي
انا طولت عليكم اوي
ادعوا لي انا كمان بالنقاب
و ادعوا لي ربنا يهديني و يثبتني

سوسوفوفو

01-04-2009, 02:42 PM

قصة نقابي كانت ميسرة من الله
من ثمانية سنوات لبسته وقبلها بستة شهور كنت يوميا حرب مع نفسي عشان اتخذ قرار في لبس النقاب وفي نفس هذا الوقت سافرت لبلد عربي فلبستة وطلعت الشارع وانا سعيدة والحمد لله شاهدت في وجوه الناس الاحترام لي و التشجيع
مع العلم لم استشير احد في قراري ولا زوجي والجميع تفاجىء والقليل قال لي سوف تعيشي بعزلة عن الناس لم اهتم وقلت لهم ادعوا لي بالثبات فقط وثبت بفضل الله وبعد ثلاث سنوات قررت انزل اعمل في صيدالية زوجي وخوفوني الناس مع اني لم استشيرهم وفعلا نزلت والله وجدت احلى ترحيب وتشجيع من الزبائن وعلقاتي مع الناس اكثر من ممتازة
اخواتي كوني صادقة بالنية واتركي الباقي على مالك قلوب الناس 00 احبكم في الله 00

bero333

03-04-2009, 02:06 PM

للرفع

ام يونس مستغانم

04-04-2009, 04:16 PM

السلام عليكم ورحمة الله
قصتك يا بيرو 333 جد مؤثرة
في حين & لا طاعة لمخلوق في معصية الخالق &
و لكن بالأخير تقبلت الوالدة فكرتك و فرحت بها
نسأل الله الهداية لها و لنا و لجميع المسلمين
لي عودة بإذن الرحمن

عصفورايه

05-04-2009, 04:09 AM

بسم الله الرحمن الرحيم:السلام عليكم ورحمة الله وبركاته
بدايه اشكرك يا اختى بيرو على موضوعك الجميل والله انا كنت بفكر اعمله لكن انتى سبقتينى ربنا يجعله فى ميزان حسناتك امين ويجعله فاتحه خير عليكى وتقررى لبس النقاب فى اسرع وقت ممكن لان التفكير بيخلى الشيطان يلاقى فرصه يدخل منها على دماغك ويغريكى بكل السبل اللى ممكن تحسى حتى انها صح وتقولى الشيطان مش ممكن يفكر فالصح لكن حبيبتى هو متربص لنا احنا النساء خاصه لانه شايف ان الغلب كله من تحت روسنا ،انا هحكى حكايتى مع النقاب وانتى هتفهمينى ويا رب كل البنات اللى يقروا موضوعى يدعولى بالثبات والهدايه
انا كنت قبل ما اتجوز بنت بقى مقولكيش لبس ايه ومكياج ايه وعاجبه نفسى اوى خاصة انى كنت بعجب كل الناس حلوه وشيك بقى وبمشى على اخر موضه بس كنت محجبه الحجاب اللى هو اى كلام يعنى طرحه من فوق بس الوان الطيف فيها طبعا وجيبات ضيقه بقى وجواكت وبديهات قصيره المهم مكنتش اعرف عن النقاب غير ان الوحشين بس اللى بيلبسوه علشان يستخبوا وراه،وبعد ما اتجوزت برضه استمريت بنفس اللبس رغم ان جوزى بارك الله فيه كان مش عاجبه الوضع بس هيعمل ايه ؟ماشى جنب الحيط لانه مره لمح بس على انى البس عبايات وعينك متشوف الاالنور هبيت فيه زى وابور الجاز "ايه انت مش اتجوزتنى كده وعجبتك كده انا ملبسش عبايات وامشى زى العبيطه وايه العبايات دى وشغل الناس البلدى دى مستحيل البس عبايه اناااااااااااا البس عبايه"ومن يوميها منطقش ،المهم عدت فتره كده وحسيت انى لازم ارضيه علشان ربنا يرضى عنى لانه مضايقنيش تانى وحسسنى بالذنب ،فخرجنا مع بعض وقلتله اشتريلى عبايه علشان انا حاسه انى تخنت ومش حلو معايا لبس الكجول"علشان برضه محسسوش انى يعنى نخيت"كان هيطير من الفرحه واشترالى عبايتين كانت منهم واحده جينز علشان النظام برضه ودى زوقى طبعا
شويه وراجعالكم يا حبايبى ...

عصفورايه

05-04-2009, 04:40 AM

وبعد شهر من شرا العبايات اللى كانوا وش السعد عليه ،بدأت اسمع قناة الناس والرحمه وكان الشيخ محمد حسين يعقوب كلامه ليه أثر السحر عليه بس برضه فضلت متردده لانى مكنتش اعرف ان زوجات الرسول صلى الله عليه وسلم امهات المؤمنين كانوا منقبات وسألت جوزى هما كانوا منقبات قالى معرفش بس الشيخ قال النقاب فرض فى زمن الفتنه واحنا زى ما انتى شايفه فى زمن كل الفتن،مقتنعتش بكلام جوزى رغم انى كنت حاسه انه نفسه البس النقاب بس تارك الامر لله،مفيش يومين وجه شيخ على قناه الناس او الرحمه مش فاكره اتكلم عن حديث الافك وكان بيرد على واحده سألته عن النقاب :ففى حديث الافك ما يدل على ان السيده عائشه كانت منقبه
سبحان الله حسيت يومها ان الرد ده ليه انا وانه رساله من الله سبحانه وتعالى
وكأن ربنا سبحانه وتعالى بيقولى انا جوه دماغك وحاسس بيكى
بعدها بكام يوم بعت اشتريت نقاب واحده جابتهولى بنوته لسه
ولبسته وخرجت وريتهولها عليه وجوزى مكانش قاعد ونبهت عليها متجيبش سيره لحد خالص
اول ما خرجت عليها قالت بسم الله ما شاء الله
بس برضه الشيطان مش نايم دا مركز فابتدى بقى شغله:هتلبسى نقاب ازاى وتدفنى نفسك فلبس اسود وتقابليش قرايبك والناس تقول
معقده وكئيبه وكلام بقى كتيييييييييييييير
المهم جاتنى تانى البنوته واسمها هناء وخليتها اشترت لى واحد تانى لان الاول مكانش اسود ،وجابتهولى وجت ولبسته زى المره اللى فاتت
لقيتها بتقولى عارفه يا مدام :انا بفكر انى البس النقاب زيك تخيلى الراجل اللى اشتريت منه النقاب مكانش عاوز ياخد منى فلوس فاكرنى انا اللى عاوزاه ولما قلت له مش ليه قالى ليه دا جميل
اتوكلى على الله واعملى زى اللى انتى اشتريتيهولها
بصراحه احرجت من نفسى بقى البنوته دى حبت النقاب علشانى وانا لسه متردده وحسيت انها الرساله التانيه من ربنا سبحانه وتعالى وكان القرار
يومها كان عندى ميعاد علشان اعمل اشعة صبغه
جوزى كان مستنى تحت العماره على ما انزل
نزلتله بالنقاب ،وكانت المفاجأه اللى اسعدتنى واسعدته جدا
اول ما شافنى قال بسم الله ما شاء الله واخدنى من ايدى وكان فرحاااااااااااااان
المهم علشان انا طولت عليكم اوى انا لابسه النقاب من 11/5/2008واتمنى انى افضل لابساه لاخر يوم فعمرى
طبعا واجهت كلام ملهوش لازمه من اقرب الناس واولهم كانت خالتى اللى جاتنى فالمركز يوم اشعة الصبغه واول ما شا فتنى قالتلى ايه اللى عملتيه فنفسك ده
سكت مرديتش عليها وضحكت ،لقيتها احرجت وقالتلى اصل انا مقدرش البس النقاب ده مشوفش كويس،قولتلها معلش انتى ست كبيره وربنا هيجازيكى على نيتك وانتى مش متبرجه برضه حبيت اخفف عنها احساسها بالحرج منى
ومرت الايام
ومحدش من اهلى سمع لسه لانى متجوزه فالقاهره واهلى فالصعيد
خالتى مقالتش لحد
لغاية ما ابنها الصغير سافر البلد وحكى هناك
واشتغلت التليفونات على دماغى
اتنقبتى انتى اتجننتى النقاب ده غلط ومش فرض انتى متعرفيش ان المنقبات سمعتهم وحشه
مكنتش برد غير بكام كلمه والله انا لابساه ابتغاء مرضاة الله وصوابعكم مش زى بعضها

كان النقض شديد ومحطم للروح المعنويه وخصوصا لما جه اهلى واحد ورا التانى وشافونى بالنقاب ومنهم واحد مأذون هدانا الله وهداه،
قالى دا انا لو مراتى لبست النقاب اطلقها ،وكانوا لما يسألوا جوزى انت السبب ؟يقول انا مليش دعوه دى حاجه بينها وبين ربناويصدرنى انا لكن ولله الحمد اقنعتهم كلهم بالابتسامه والكلمه الحلوه وهما كانوا فاكرين انى هبقى مكشره وارفض اكلمهم لكن وجدوا العكس انا بقابلهم وبقعد معاهم بنقابى ومفيش اى مشكله
اهم حاجه بقى حبيت اختم بيها لانها السبب فى تحملى لكل الكلام المحطم من اهلى واصحابى هداهم الله:انى اول ما لبست النقاب ونويت انى اخرج بيه رفعت ايدى لله سبحانه وتعالى وقلت له يا رب انا لبسته ابتغاء مرضاتك وحبك فارزقنى السعاده بيه ارزقنى السعاده بيه ارزقنى السعاده بيه
والان انا سعيده بيه والحمد لله رب العالمين

معلش ملحوظه كان لازم اقولها:من يوم دخول النقاب حياتى وانا مواظبه على صلاة الفجر وقيام الليل والاستغفار ،لانه فعلا كالصديق الصالح الذى يعينك على فعل الخير فلا تتردى اختى وتقولى غدا او بعد غد فإن الحياه قصيره جدا والنهايه قريبه واكيد انك تريدى لقاء ربك سبحانه وتعالى وانتى فى ابهى صورك وهى الصوره التى فرضها عليكى سبحانه ليصونك ويجعلك ذات قيمه امام النا س
فالشىء القيم الغالى يغطى ختى لا يصيبه الاذى

Dalila

06-04-2009, 02:03 PM

السلام عليكم ورحمة الله وبركاته
طوبى لكن واغبطكن كثيرا على هذه النعمة التي أنعم الله عليكن بها
التزمت بالحجاب صيف 1991 ولم يكن في الإدارة التي كنت اشتغل بها آنذاك الا بنت وانا- اعوذ بالله من قول انا- لا اقول لكن ماذا عانيت وما وجدت من تصديات واعتراضات وكلام ..لما ارفض اسلم على الزملاء من الرجال يقولون لي اذا ما بغيتي روحي اقعدي في بيتكq) وفي عائلة زوجي ومن زوجي حتى انتهى الأمر بالطلاق لأني خيرت من طرفه اما ان انزع الحجاب او الطلاق ففوضت امري الى الله وكان ما كااااااااااااااانظ الحمد لله كم من نقمة في طيها نعمة.
بعد ذلك، الحمد لله اني كنت سبب اهتداء الكثيرات من النالفتيات و النساء الاتي يشتغلن في المؤسسه اليه.
في وسطي هذا ارتداء الحجاب صعب فبالأحرى النقاب!!!!!!!!!!!!! اعرف كل المعرفة انه فضل احبه كثيرا واغبط كل واحدة تلبسه..لكن الآن اظن انه فات الأوان لأني لم اعد في شبابي وكل همي ان ابنتي الكبرى تلتزم اولا، ربنا يهديها واسالكن الدعاء لها..ثم الصغرى..مجتمعنا هذا صعب جدا اصعب من البلاد الذين يقولون عنها أرض الكفر..وربنا يهدينا وجميع المسلمين والمسلمات لما هو فضل لهم.
أسألكن خالص الدعاء

*دموع الصمت*

06-04-2009, 03:14 PM

ماشاء الله
أسأل الله لكن الثبات
وفقكن الله لمايحبه ويرضاه
اللهم أسترنا فوق الأرض وتحت الأرض ويوم العرض
هنيئا لكن اخواتي الغاليات
أنتي جوهره أختي

bero333

06-04-2009, 08:28 PM

أم يوسف
أشكرك يا حبيتي و ارجومنك تدعيلي و لماما بالهداية
عصفوراية
والله قصتك لمست قلبي و خلتني عايزة أقوم أشتري نقاب دلوقتي ربنا يثبتك و يهديني و يثبتني
دليلة
ربنا معاكي يا أختي و أعرفي ان ثوابك في بلدك التي تقولين عنها انها صعبة يفوق ثوابنا بأضعاف مضاعفة فهنيئا لكي أختي
و هدي الله ابنتك الكبري و كل أولادك

ام حزم

06-04-2009, 10:38 PM

مااااااااااااشاء الله موضوع اكثر من رائع نسال الله ان ينفع به
قصتي مع النقاب
انا ولله الحمد والمنه ارتدي النقاب لي 6 سنوات أسئل الله ان يثبتني ويسترني في الدنيا والاخره
اولا انا كنت في الصف الثاني الاعدادي وكنت اجلس مع قريبتي كانت مخطوبه لانسان في بداية التزامه وهي ايضا في بداية التزمها وكانت تسمع شرايط لشيخ محمد حسين يعقوب وانا كنت اسمعها معها وكنت اصلي معها وكنت في هذا الوقت بشعري وبلبس بنطال وبديهات فكنت جالسه معها ومشغله شريط لشيخ محمد اخذت استمع معها وبعدها بدئة اخاف واخذت قرار بلبس الحجاب اللي هي طرحه صغيره وقلت هلبس تونيكات ومش هلبس بديهات تاني وقلت القرار لماما اخذت تصرخ في وجهي انتي لسه صغيره مفيش كلام من ده قلتلها بس انا هلبسه واخذت ألح عليها كي توافق المهم تاني يوم رحت المدرسه بالطرحه الصغيره وتفاجئت صديقاتي بما فعلت واخذو يشدوها من علي رئسي ويقولون لي شعرك جميل اخرجي به شكلك بشعرك احلي اصدقاء السؤ الله يهديهم المهم ترددت قليلا وبعد كده جلست مع قريبتي وقصصت عليها ما حدث فاخذت تكلمني وشغلت الشريط مره اخري فقلت لا لا انزعه المهم خلصت السنه وانا لبسه الحجاب وبقيت طوال الاجازه جلسه مع قريبتي استمع معها الي الشرائط واصلي معها الي ان دخلت الصف الثالث الاعدادي وبدأت احب فكرة النقاب واني عايزه البسه طبعا كل من حولي يروني صغيره ومينفعش البس النقاب في المدرسه ممنوع لاني لازلت بالاعداديه جاءت نصف السنه وانا كل فتره اطول ملابسي لحد ما بطلت البنطال تمام وبقيت ملابسي عبايت جيب وتونيكات كده واطلت الطرحه حتي انتهيت من الاعداديه فجلست مع ابي وفاتحته بفكرة النقاب وجبتله ايات تدل علي فرضية النقاب قلي خلاص البسيه بس ماما اللي كانت معترضه تماما وكانت هدية نجاحي في الاعداديه النقاب
وبابا اول ما لبست النقاب وورتهوله قلي انتي هتمشي كده في الشارع قلتله نعم قلي طيب انا هعرفك ازي دانا كده مش هعرفك خالص وضحك ودعالي معأن بابا مش ملتزم والله يهديه متهاون ي الصلاه ولكن الحمد لله وافق وللعلم ابي يكره الشيوخ بس الحمد لله وافق من زوجي بأنسان ملتزم وماما هي اللي كانت كره النقاب والملتزمين بس الحمد لله دلوقتي بتحب زوجي الله يهديها ونساء المسلمين
ودلوقتي عندي بنوته عندها 9 شهور بأذن الله ناويه البسها الاسدال في الخروج من سن 3 سنوات علشان تعرف الحجاب والنقاب من سن 10 سنوات بأذن الله
اخذت هذه الفكره من صديقتي هي تفعل هذا مع بناتها وماشاء الله بناتها الان وحده في سن الثامنه والاخري في سن السادسه من غير ما ممتهم تتكلم عندما يكونو نزلين يشترو شيئ من انفسهم يلبسون الاسدال وهم سعداء واختهم الصغري سنه ونصف عندما تعرف ان اختها نازله تدخل تجيب لها الاسدال وتقدمه لها لانها ماشاء الله عرفت الشارع المفروض نلبس ده ماشاء الله عليهم وربنا يبارك فيهم وينفع بهم

guida

07-04-2009, 12:10 AM

جزاك الله خيرا

bero333

08-04-2009, 02:23 AM

يا بنات باركولي
انا لبست النقاب النهاردة
ادعولي بالثبات

ام حزم

08-04-2009, 03:08 AM

ماااااااااااااشاء الله يا بيرو الله يثبتك يارب
ولا تقفي عند النقاب فقط بل ادعو نفسي واياكي الي تعليم الدين والدعوه اليه اللهم ارزقنا ذالك يارب انك علي كل شيئ قدير

bero333

08-04-2009, 12:36 PM

ماااااااااااااشاء الله يا بيرو الله يثبتك يارب
ولا تقفي عند النقاب فقط بل ادعو نفسي واياكي الي تعليم الدين والدعوه اليه اللهم ارزقنا ذالك يارب انك علي كل شيئ قدير

أم حزم ربنا يخليكي يا رب انتي فرحتيني بردك عليا
و ان شاء الله أمشي في الطرق الصح
ادعيلي

bero333

08-04-2009, 01:03 PM

يا بنات أنا بقي هأحكيلكم تفاصيل تفكيري و لبسي للنقاب
شوفوا بقي
انا بعد حوالي سنة و نص من زواجي تعرف زوجي بأصدقاء جدد و اتعرفت انا علي زوجاتهم
هما كانوا اثنين و كانوا منتقبات وانا بالحجاب العادي في الأول قلت دول هيبقوا بقي نكد و مش هيضحكوا
زي الفكرة اللي أغلب الناس أخداها عن المنتقبات
المهم لقيتهم زي العسل و طبيعيين ههههههههههه يعني بيتلموا و يضحكوا و يحكوا كده
و ابتدينا نخرج مع بعض مع أزواجنا طبعا
و لقيت نفسي بأغير منهم (غيرة محمودة) ازاي؟
لقيتني بأقول لنفسي
اشمعني أزواجهم شايفيني و زوجي مش شايفهم يا بختهم و ابتديت أحس اني مكسوفة انهم يشوفوني
و أحس ان ده مش من حقهم بس كل ده و النقاب مش في بالي اوي
بس ربك لما يريد
الشيطان قعد يقو لي هما ماشاء الله عليهم بس انتي برده مش وحشة انتي لابسة الحجاب و لبسك مش وحش
و مش بتحطي ماكياج كتير ده يا دوب روج و كحل خلاص بقي انتي شاطرة غيرك مش لابس حجاب خالص او
لابسينه و مش ملتزمين
المهم سكت الموضوع في عقلي بس في قلبي كنت بأحس ان فيه حاجة غلط و بأحس بالغيرة
ربنا بعت لي رسالة تانية
كان عندنا واحد من أصدقاء زوجي العزاب في البيت
معزوم علي الغدا و انا كنت لابسة الاسدال و من غير ماكياج و هو كان رايح يخطب و ماحصلش نصيب
لقيته بيقول لزوجي انا عايز اتجوز واحدة حلوة زي أم مؤمن
استغربت جدا و كأن ربنا بيقولي شفتي؟ يعني لا ماكياج و لا لبس بيقرق و طبعا هو ما شافش مني غير وجهي
قلبي وجعني اوي و بقيت أحسد كل واحدة منتقبة علي النعمة اللي هي فيها
المهم مؤخرا لقيت نفسي بدأت الاحظ اوي نظرات الناس في الشغل و في الشارع
مع اني و الله لبسي عادي و محترم و انا بطبيعتي مش بأحب الماكياج
المهم لقيت نفسي بتحدثني اني فعلا لازم البس النقاب
عشان أقرب من ربنا أكتر و عشان أحس اني غالية و مش حاجة مكشوفة لكل الناس تتفرج عليها و تقول رأيها
و بدأت مرحلة الجهاد مع نفسي و مع الشيطان
فبدأ يقولي انتي جميلة بتستخبي ليه؟ حد طايل ان الناس تبص له من غير ما يعمل حاجة تلفت نظرهم؟
و بعدين انتي كده هتحبسي نفسك
وكان ردي عشان انا جميلة لازم أكون غالية و مش كل الناس تتفرج عليا و كمان عيون الناس دي كأنها سكاكين بتمزقني
و انا ايه اللي هيحبسني؟ انا مش بأخرج اساس غير مرتين في الأسبوع لماما و شغلي و بأكون في العربية مع زوجي ولو مواصلات ايه المانع؟
يقولي مش هتقدري تروحي البحر
قلت له الله يخرب بيتك وهو انا يعني كنت بألبس مايوه؟؟
يقولي طيب في شغلك مش هينفع تبقي مدرسة و لابسة نقاب
قلت له انا هأشوف لو قدرت هأشتغل و تبقي نعمة من عند ربنا و لو ما قدرتش هأسيب الشغل
قالي ده شغلك اللي انتي بتحبيه و لو سبتيه تموتي
قلت له لا ربنا أحسن ومن ترك شيئا لله عوضه الله خيرا منه
و خدوا من ده كتير بقي
و منها طيب علي دخول رمضان ابقي البسيه او علي الأقل استني للشتا ده اتي هتتسلقس في الصيف
المهم قعد يجاهد فيا حوالي سنة مش يوم والا اتنين
لحد ما عملت الموضوع ده عشان أقوي نفسي و أشجعها و الحمد لله حصل
وقررت اني ألبسه و فضلت صاحية طول الليل لأن الشيطان قال ايه لما أكثف جهودي شوية
ههههههههههههههههههه
الحمد لله ربنا ساعدني و جعل قصصكم دافع قوي يقويني
لأني لما قريت المصاعب اللي مريتم بيها قلت لنفسي
شوفي الناس بتقابل ايه؟
و انتي ربنا ميسرهالك ومفيش حد عندك هيعترض
ده انتي يبقي معندكيش دم بقي لو ما عملتيهوش
توكلت علي الله و رحت اشتريته و لبسته و كنت فرحانة اوي و انا نازلة بيه لأول مرة و كمان ماما فرحت بيا جدا
تخيلوا؟
ومؤمن كمان
الحمد لله
و لما رحت الشغل لقيتهم فرحوا بيا جدا و الطلبة و الطالبنات بتوعي فرحوا اوي و قالوا هنكمل معاكي
سبحان الله
و كده هأشتغل و ألبس النقاب
بس عارفين يا بنات الأحساس رائع فعلا حسيت ان الأصل في الفطرة الستر
يعني انا مش متخيلة دلوقتي اني ممكن حد يشوف وشي تاني
بغض النظر عن كونه فرض او فضل
الأصل في احساس المرأة انها تحب الستر
و والله اني حسيت بأنوثتي أكثر من ساعة ما لبسته و حسيت بقيربي من ربنا أكتر
و بعدين انا كنت متعودة لما أروح الشغل أقعد قي المواصلات أذكر الله و طبعا ما كنتش بأقدر أحرك شفايفي
لأن الناس بتستغرب سبحان الله لو كنت بأغني كان بقي عادي
المهم دلوقتي بأذكر ربنا في كل وقت
يااااااااااااااااااااه
انا طولت عليكم اوي
ادعولي بالثبات و الهداية أكثر
و لأبني بالصلاح
و لزوجي بالهداية
ياللا السلام عليكم