طريقة جديده لجعل الشعر أكثر لمعان بعد الأستحمام

[اخلاص]

عزيزاتي عضوات و زائرات هذا المنتدى ... منوه منكن عقب ما تسبح ما تسشور شعرها .. طبعاً هذا الشي وايد يضايج خاصة إذا كنا مستعيليين و ما عندنا وقت .. غنزين .. أنا عنديه طريقة بس لازم تسوينها في الليل قبل ما ترقدين :

أول شيء سبحي شعرش عادي ....

بعدين نشفيه شوي بالفوطة ... و لا تخلين الفوطة على شعرش مدة ..

بعدين مشطيه شوي لين ما يستوي سيدة ..

بعدين إذا عندش أي كريم .. صانسيلك و لا غيره ... تحطين شوي في إيدش و تفركينها و تمشينها على شعرش المبتل... ( أنا عن نفسي أستخدم كريم صانسيلك الأحمر بالحناء للشعر العادي لأنه ريحته حلوة و انا متعودة عليه من زمان ) ...

المهم .. بعد ما تفركين شعرش .. مشطيه زين بعدين أربطيه بالطريقة إلي تبينها ....

بعدنا ما خلصنا .... بعدين إذا عندش أي ربطة أو أي خلقة أربطي راسش فيها .. و رصيها زين .. و نامي هالشكل ...

يوم بتقومين الصبح .. كل إلي عليش إنش تبطلين الرباط .. و تمشطين الشعر بدون ما تبطلين شعرش ... و بس ...

أتمنى أنه هالطريقة تعجبكم و تجربونها و صدقوني محد بيتخلا عنها ......
:)

[aroma]

مشكوووره يا اخلاص يا نووور الامارات
بس ممكن تقولين لي
هو يخلي الشعر ملزق ببعضه ولا لاء

[فراشه]

مشكووووووره تسلمين .

[عطور2004]

تسلمين

[مزنة شوق]

يعطيك العافية

[- نواعس دامعة -]

اختي اخلاص

تسسسلمي ياعسل ... وان شاء الله نجربها خاصة انها تناسب الشتاء اكثر :D

مع كل الحب

[دلوعة أبوها]

مشكورة عزيزتي اخلاص على المعلومة

ولك تحياتي..............

[شروق]

مشكورة عزيزتي على الطريقة..
انا اسويها.. وفعلا مزبوطة.. بس انا اربط شعري كله..
اجيب مطاط الشعر( انا اسميه البكلة القماش ) واربط وحدة من اول شعري مثل ذيل الحصان..
بعدين اربط الثانية تحتها.. والي بعدها.. الين البس شعري بهالبكل القماش..
ومن فوق اربطه بايشارب..
واناااااااام وفي الصباح.. لما افتحه.. يطلع شي..

[روابي نجد]

تسلمين على ها الطريقه حلوه مررررره الله يعطيك العافيه

[اخلاص]

aroma يعني يكون املزق بعدين يصير عادي الشعر